多謝靜靜餐晚飯^^

今日放工之後終於可以見到靜靜, 以及佢會為我煮餐飯, 我卻只係[兩蔬蕉], 唔好意思先! 我惟有帶個人去食飯=_="

放工之後本來想坐小巴黎你度, 因為佢價錢平d, 可惜當時係放工時間, 最後都係坐返地鐵, 在石硤尾落車, 再走上那充滿中學回憶之斜路, 邊行邊想住大家之事, 如果可以回到過去, 究竟好唔好呢? 如果回到過去, mandy, 蕃薯藤及全班IVE同學仔或者會在我腦海消失, 生存在各自的時空, 係咪而家其實好d呢? sweet的愛情, 同學及好友之關心, 一切感覺難以忘記...

終於去到靜屋企, 我竟然忘記佢住幾多樓及門戶號碼, 惟有打電話去確認...幾經辛苦終於黎到, 見佢準備緊晚飯材料, 我邊睇住佢煮飯, 又講起佢過去之回憶, 既傷感, 不過都有部分好笑...佢和階級男之事, 都係順其自然...

最後佢終於煮好, 比大家睇下先~

豬肉煮豆腐~~ 個人認為係最好食果樣, 尤其係豆腐^^

白炒白菜~~本來靜話想買娃娃菜, 買唔到, 不過咩菜我都食, 放心^^

豬肉釀豆卜~~味道淡左少少, 但都好好味!

香怱蒸小石斑 ~~雖然少肉, 但好滑..

靜媽親自打的魚肉釀燈籠椒 ~~好好味呀!!

見到靜屋企有我至愛之花其中一類, 蝴蝶花. 等我影底佢先!

靜拿佢朋友在澳門買比佢的肉鬆鳳凰卷及買左士多啤梨我及一陣黎的蔡蔡食, 真係唔話得. 點解我話蔡蔡一陣黎呢? 因為佢份工放九點麻, 好耐都冇見過佢, 而且佢之前又打電話比我, 問我剪咩髮型, 所以好想見到佢! 最後佢終於黎左, 見到個髮型改變唔多, 不過知佢剪左髮囉! 都幾好睇呀^^但係你要食返多d野啦, 真係瘦左好多!

我哋都係傾埋大家之感情生活, 睇黎我和蔡蔡都幾好, 仲有蔡一定受佢男友影響啦, 問我psp有什麼遊戲玩, 其實我都冇咩玩, 因為掛住見朋友及拍拖麻!

至於靜呢~佢在蔡未黎之前比左二件衫我睇, 一件深粉紅, 一件黑色, 問我穿邊件去見階級好, 本人就覺得黑色好睇, 唔知佢最後點認為呢? 仲有階級男在泰國買比佢果三本簿??雖然靜鍾意寫作, 但冇理由送埋呢d野比女仔??仲有果支難聞都飛起的香水, 在杜拜買. 其實靜係咪真正鍾意呢?佢冇講到...

在臨走之前睇左電視, 話牛拍葉點樣由黑轉白, 原來落左哥士的...之類化學物料, 在過程之中牛柏葉會起泡, 總之係漂白佢. 過程好得核突, 好在自己唔多食佢, 唔係一定嚇死....

最後都係自己行返去地鐵站坐車回家, 又同蕃薯sms, 佢話自己屋企好凍, 仲問我凍唔凍添! 我自己唔怕凍, 冇咩所謂, 你要小心d啦~期待明天我哋又見~

好友聚集之時, 打機之日 + 突如其來之蕃薯

今日約左veron,eva,蕉及管運雨食晚飯. 我一早到左集合地點等大家時,蕃薯藤在sms度話佢想在我食完飯之後見到我,但我唔知食到幾多點,我唔想佢特登黎旺角搵我哂車錢,不過我其實好開心,因佢竟然主動在夜晚出黎搵我.而且我有早走之打算,於是我一向各位好友說明,唔好意思呢~

由於蕉冇我blog網址, 所以佢聽到我有男友時鄧我開心,而且仲問佢做咩職業等等,又問我近況,多謝你關心及鄧我開心^^不過由於佢卜左在九代果間日本料理食,所以佢先行去果度,我只好在原處等eva,veron及管運雨.eva及veron黎到時,我比左星期六在城門水塘影的相比佢哋二個睇,齊人之後便去九代!途中管運雨問我,可不可以比個blog的網址佢,我覺得我和佢根本唔太熟,而且blog係自己私人野,最後我都冇比到佢,sorry!

終於去到九代,見到阿蕉已經坐定定等我哋,我哋開始叫食物.其實我哋都叫左幾多食物,但唔知大家係咪太肚餓呢?好少食物可以比我影到相,只係剩下二位[幸運食物]比我影到,分別係:

什錦壽司, 可惜冇三文魚及海膽...

鰻魚及八爪魚壽司, 可惜全部比那位人兄食哂, 都係因為我哋四個掛住打機之過....我哋打咩機? 之唔係又係nds囉! 今次我哋四個都帶左自己果部黎^^

我果部(有個啡色公仔)其實係粉紅, 只係我呢位懶惰及輸主人未得閒買返個套比佢, 真係對佢唔住, 好快會買返...

好, 多謝四位幫我拿起部機比我影相, 四部主角都好靚仔靚女(汗). 我今日先知道, 原來我冇下載的遊戲, 只要拔開張R4咭便可玩到, 自己真係大鄉里=_="我哋玩左mario party, mario北京奧運會及cooking mama2. 講下我對毎隻遊戲之感受 :

mario party: 遊戲勁好笑, 又抵死, 我哋仲成日玩到大叫及大笑起黎...真失禮. 連玩得最多的veron有d遊戲都唔知點玩. 令我最難忘的係二人合作駕車, 我和veron一隊, eva和管運雨, 二人一個要另左太盤, 一個另右太盤先至玩到, 我哋二隊玩到雞手鴨腳, 玩左成四分幾鐘, 我哋仲擔心我哋會唔會冇人玩到呢一部分. 好在最後都會倒數, 我和veron鬼祟地在旁邊去到終點^^果陣有一個想法:[玩game從未如此艱難過!!!]

mario 北京奧運會 :我覺得呢隻麻麻地, 而且又load得好慢....我發覺自己原來係射箭高手!!??好多次都中紅心, 和我真正玩弓箭結果有d出入, 可能真正的弓太重了....

cooking mama2 :我成日玩的遊戲, 四人對戰幾抵死, 我都係險勝拿個第一, 估唔到eva都幾勁, veron都唔弱, 不過蕉就要努力d!!

唔知係咪我哋五個玩得太嘈, 定係日本餐廳多人食飯, 我哋要轉移陣地, 去到一間spoopy cafe再玩過, 果度d蛋糕好美, 但係好貴, 最後我都係選擇...影底佢算吧!

好在呢度唔使限住毎人一定要消費, 即係我一元都冇用過. 我哋玩機時, 蕃薯藤佢send短訊及打電話比我, 佢話自己在上水出黎, 我問佢點解, 佢都支吾以對, 佢話總之一定會搵我. 我好開心及感動呀~~!!你竟然為左我而在好遠地方黎, 你係咪因為掛住我而黎呢? 好耐冇人對我這樣好...多謝你^^

最後我和veron佢哋分別後, 蕃薯都到左mk, 佢話費時在銀中等, 叫我沿住條路和佢相遇, 最後都見到佢, 好開心! 就好似我哋忙忙人海之中相遇一樣, 真係有緣! 我哋先去旺中隔離商場行陣, 途中佢成日用日文話我哋係日本人, 黎香港旅行, 叫我講埋日文, 夠了! 蕃薯先生><我係唔會講架!! 我哋之後去左機舖玩太鼓第十代, 應該係最新果代吧, 起初我唔敢玩, 只係睇住佢玩, 所以先可以影底佢一張相^^ 佢玩太鼓都好型~!!!好啦, 講返呢度先, 見佢玩得好開心, 我後來先至去玩, 原來只係五元, 便可以二個人玩, 勁抵. 至於第八及九代都係一及二元. 蕃薯, 我哋不如得閒黎訓練下, 而且我哋之間又多樣共同興趣...sorry, 好似打機不嬲都係我哋共同興趣之一, 仲有睇時裝雜誌, 行街及化妝, 只係攝影唔係囉!

我哋玩完之後再坐車返屋企, 原來已經十二點!!!!!!!快d返屋企先, 唔係會比媽媽鬧....在車上我哋都係互相挨住對方訓教, 我知你鐘意我頂帽個白色波波啦, 唔好再用佢黎託住你隻耳仔呀, 唔該!

最後返去只係比媽媽話左幾句, 不過唔緊要啦, 可以單獨見面已經好開心^^

城門水塘影相之旅^^

首先我要多謝二位, 好在佢哋比相我, 我先打到呢篇blog, 就係蕃薯藤及阿駿!你哋d相影得好好, 我估自己一定冇呢個好水準.

可能你哋會問, 我都有個相機啦, 點解要人哋比返d相我, 其實講起黎真係好長篇, 我要由開頭講起...

我今日約左蕃薯, 阿駿, 聯, 波特及蕃薯個朋友一行六人去影相, 我哋都好準時到達, 除左蕃薯個朋友之外, 我哋等左佢好耐, 甚至毎個人都去哂toliet, 佢都未到. 最後佢終於到左, 我哋坐小巴去水塘. 去到水塘時, 我本來想即刻影低風景, 因為我係第一次黎!點知我一影相, 全部畫面白哂!!?好鬼核突呀! 跟住我即刻求各位攝影高手幫手, 佢哋影出黎都係白色, 勁無奈....我全程冇得影相(難得的風和日麗及美景!!), 好悲哀(哭), 但最後都跟住佢哋一齊走, 當下自己去郊遊囉!

呢度係門口, 也係我開始知自己部機影外景有事之時...

一齊研究我個相機點解影出黎所有野都係白色. 蕃薯估個快門唔夠快, 或者感光器壞左掛? 真係唔知道, 成為不解之謎..???

大家開始出發, let's go~~!!點解我哋二個又企埋一齊!? 得我一個女仔, 一睇都知我係邊個!

我哋一直沿住山路行, 見到好多樹及草呢d自然景物, 真係好美! 而且空氣真係好清新, 放假我可以黎呢d地方都好^^不過如果有埋相機就好啦...

城門水塘全景, 個日真係海天一色, 令我難忘的其中一個景^^

之後我哋一直再行, 去到另一個好美的景點, 果度有連續三棵橱楓樹, 而且滿地楓葉. 在冬天的一刻, 原來樹林可以好美...我上網睇得多啦, 估唔到可以真實見到..

楓樹全景. 根據阿駿講, 佢d樹葉係楓樹, 但應該唔係純正楓樹. 但係都好美, 係我最喜愛之樹^^

楓樹中距離之照, 真係迷死人囉>_<

好like蕃薯藤呢張用長鏡近距離影的楓樹葉, 尤其係第二果張^^

楓樹剪影, 大家感覺如何呢?

之後波特先生突發奇想, 想我坐在枯葉上影幾張相, 我又見自己冇相機影相, 我就同佢玩下啦^^總比冇野做仲好...

其中二張坐在枯葉上影的相, 估不到枯葉影相出黎個效果幾好. 我只係講d葉, 唔係講我!!

在楓葉之間的近正面照....

枯葉之中的正面遠照. 在呢度想解釋下先, 其實果陣應該有四至五部相機影我, 我都唔知望去邊度, 所以有時見到我對眼唔係望焦點. 在影完呢d相之後, 除左波特幫我改左個[枯葉公主]呢個稱號外(其實我都唔想=_=")外, 我突然想起一個pose, 就係用我身上條絲巾整一些動作, 我拿起條絲巾隨風飄揚, 個結果係點? 大家睇下...

呢個pose係蕃薯個朋友教我架, 唔記得左介紹下佢, 聽講佢係做會計, 只係得閒玩下攝影, 但我見到佢攝影器材都幾pro, 而且呢個pose影出黎真係好過我第一張好多, thx^^

我哋在呢個地方影完相之後, 再轉移陣地影水, 其實我都幾鍾意少少動態的水, 同埋我知道好難影, 所以呢方面交比蕃薯吧啦, 我自己在一旁邊睇佢哋影相, 邊唱住歌算. 我就係趁佢哋影相先至唱, 冇人留意我麻!!類似瀑布之類, 加埋附近枯樹等, 另有一番風味...

小溪流之相, 唔知點解我都係鍾意冬天景物蕭條之氣分, 覺得咩景物都比較美, 甚至連枯樹在陽光之下都好美....

我哋影相睇黎大殃上已經和一後落啦! 我哋起程去搵mandy及berry去唱k, 但去唱k之前, 波特話去買返個相機防潮箱, 於是返出小巴站坐車去深水步先!

本來我都以為阿駿只係影我哋上落車個車站, 點知...請大家留意左下角, 見個個白色帽就係我, 仲有蕃薯藤在我隔離, 連我都唔記得傾緊d咩....算啦, 我哋一行人等左二班車, 第三班車先到我哋上車. 阿駿由於要去今晚中文金曲頒獎禮而同我哋分別啦. 其後我又貪美, 到左荃灣度去toliet及換左條牛仔裙. 當我在toliet出黎時, 蕃薯藤質疑我有冇換衫, 我咪話換左條裙, 佢差點想掀起我條裙黎睇!!??變態架>_<我即刻打佢囉!!

我哋去完花園街同波特及蕃薯朋友買腳架之後, 蕃薯朋友走左, 我哋去左旺角搵左唱k的地方先, 發覺今晚唱k好貴, 在十點前埋單竟然要百二元, 食自助餐仲要加二十元!? 十點之後仲衰, 要成百四元, 又係食自助餐加二十元. 由於太貴的關係, 加上波特話有間餐廳食排餐都只係五十幾元. 最後我哋改變為食飯! 我即刻打電話比mandy, 佢話在九龍塘過黎, 由於間餐廳太隱蔽, 要波特去接佢黎; 而berry因為冇得唱k而唔黎.

其間winnie都有打電話比我, 問我玩得開唔開心, 同埋想要我今日d相, 我一定會比你, 放心~而且我都好肚餓, 我拿拿聲叫左個龍利雞排食, 點知蕃薯又想叫呢個, 原本佢暗示我叫第二個, 但佢又驚我食另一個三文魚唔好食, 又叫我叫返龍利, 玩野咩!?我已經餓到成個[謝]左, 唔好再玩啦...

食物終於都黎到, 果餐廳好鬼得意, 紅白湯一定有, 但排餐的麵包竟然係方包!?而且個排及意粉好得意, 係完完全全分開上, 而且仲好大份...

二塊雞排 + 一件龍利柳, 真係好好食, 雞又滑及鮮嫩; 龍利又軟身!

意粉分開上, 二件食物加埋已經夠抵啦, 真係平, 美, 正!

後來mandy終於黎到, 我有人同我傾計啦!!唔使成日聽住相機, 我哋向佢極力推薦呢個餐比佢食, 整到全枱人都食呢個餐! 我哋食完之後傾左陣計, 講返今日影相d野, 途中影緊十大中文金曲, 我哋可以全班一齊睇, 勁開心, 尤其係e神最後拿哂獎時, 狂唱四大天王, 張國榮, 譚校長之歌曲果度最好睇, 又唱又dance, 勁正! 最後在地下度彈返上黎, 餐廳上各位都大叫, 估唔到有這樣的演出!!!??

食完飯之後我和蕃薯又一齊坐小巴返屋企, 可能今日玩得太累了, 大家互相挨住對方, 手互相緊握住訓覺, 其實果陣我心想, 我自己會不會真係訓左覺, 過左自己屋企個站呢? 唔可以架, 我哋只係在埋一個月, 點可以這樣快去佢屋企過夜>_<唔知係咪真係天意, 架車在中途鄧左一鄧, 我即刻清醒左. 我望住蕃薯藤, 我又要落車...鳴....

好在返去我即刻在msn度上網, 希望可以拿返d相打blog. 又再一次証明我個決定冇錯, 除左得到阿駿及蕃薯藤比相我之外, 仲可以第一次享受十人會議, 連同學仔都話未試過, 真係好開心呢! 大家你一句, 我一句, 都睇唔切係邊個, 其後有d同學仔用手寫板寫字, 勁好笑, 但外觀就.....後來傾到越黎越夜, 同學相繼offline訓教, 我隨後都offline, 蕃薯藤見我off左, 佢也offline訓教.

期待聽日和eva, veron及蕉食飯都開心, 最好個管運雨唔好黎!!!!!勁唔想佢黎!

第二日測試 + 同berry, mandy食飯

在第二日測試之前發生左d小插曲 : 話說我有一條手錬, 其中有個公仔係一個bra, 琴日應該在港大牙醫醫院唔見左. 點知今朝mandy用msn通知我[你個bra在我枱面], 如果一個唔知頭唔知路的人聽到, 實笑死左囉!

講返個測試先, 琴日做的測試基本上唔錯, 都係做返同琴日相同的東西, 由於今日已經不用再講解會個測試之程序, 而且我也好順利完成, 只係用左gigi聲稱的最少時間 -四十五分鐘. 其實仲有一個原因令我做快d, 就係一陣約左berry去食佢朋友在果度工作間日本料理.

做完測試之後, gigi問我琴日和mandy琴晚去左邊度食飯, 佢想介紹在中環某間食越南食物的餐廳比我, 毎碗牛肉麵之類都係三十五元, 仲教埋我點去. 我呢個路痴鬼識去咩, 於是我叫埋gigi同我哋一齊去食, 佢話睇下星期有冇約先至答覆我哋, 因為佢有個朋友就黎走, 唔知邊日會同佢去食飯. 希望唔好係我哋果日啦~期待你比我之答覆^^

我和mandy即刻坐小巴去旺角食飯, 我哋約左佢去瓊華中心十一樓, 去到之後叫到berry, 仲叫左一碟什錦壽司等住我哋, 我仲食左件海膽, 勁正! 之後我哋問berry個朋友cathy有咩好食, 最後叫左一個火鍋及二款食物, 為大家介紹下~

首先當然要介紹呢個日本咖哩火鍋先, 聽cathy話, 呢個係個日本老闆把原本日本風味帶黎香港, 陣陣咖哩香味, 又唔太spicy, 好好味~而且仲有以下配料 :

連埋個火鍋一齊上, 分別有帶子, 尤魚, 雞肉, 以及我唔食的蝦.....不過d食料真係好新鮮^^

呢個係我叫的蛋包飯, 睇日劇見得多啦, 而家終於有得食. 主要食物有蕃茄炒雞飯及煎蛋, 黃色果部分全部都係蛋, 但其實麻麻, 可能係太多茄汁, d蕃茄味好似好假....

好似係豬頸肉簿餅之類, 但唔太好味, 忘記左lu....

除此之外, 我都仲選擇飲品, 我見到有三款飲品好似好好飲, 分別有士多啤梨奶昔, 芒果奶昔及芝麻布甸奶昔, 我明明選左芝麻布甸, 但又被另二隻吸引, 跟住佢哋二個以奶昔話我, 選定左(蕃薯藤)就算, 唔可再選擇其他及三心二意. 到最後我都係選擇返芝麻布甸, 係咪即係意味住我都會選擇返蕃薯藤呢? 放心啦, 我一定會選擇佢^^

都幾好飲呀, 芝麻又香又細滑, 而且仲有布甸的sweet, 二者配合得勁正~

食完飯之後, 我哋又各自回家. 返到屋企之後, 我打電話比阿光, 問佢去唔去聽日影相及去camp, 佢二個都唔去啦, 而且仲笑我聽日影相添, 話我一係掛住蕉在身, 比d猴子走我身旁, 唔好玩啦, 呢個角色都係比你; 另一個叫我扮香蕉, 你哋都明啦, 即係叫我穿哂黃色衫, 我咪笑佢邊有黃色鞋呀, 佢話穿米黃色, 二隻色差好遠啊, 於是佢叫我穿黑色做蕉柄, 呢條友真係激死(講笑果隻), 最後收左佢線!!之後mandy又打電話黎, 問我去唔去唱通宵k, 即係在果度訓教, sorry呀, 唱普通k會去, 通宵未必去啦, 因為我媽佢哋有時見我夜返, 都等我返屋企之後先訓, 唔想佢太擔心我....和mandy傾完電話之後, 蕃薯藤佢send個短訊及打電話比我, 叫我聽日唔好穿高鞋去, 原來佢仲記得我上次影燈飾件事嗎? 你不但好有記性, 而且仲好細心, 抵鍚~~佢仲叫我穿得美d去, 佢又想影我嗎=_="

無論如何, 今晚早d訓覺, 準備及期待聽日城門水塘影相之旅~~!!!

第一天測試日, 勁囉>_<"

今日終於到測試日, 我一早準時放工, 直接去中環地鐵站. 我姑姐也係今日返學, 我就同佢一齊坐地鐵. 佢在金鐘地鐵站轉車, 我又唔知點解在左金鐘站出. 之後打電話比mandy, 佢話在D1出口再坐車, 但我搵黎搵去都冇呢個出門, 於是mandy問我而家係咪在金鐘地鐵站? 係的, 我真係白痴, 最後又要入閘再坐車去中環...

去到中環站, 我在返D1出閘, 我又打電話比mandy, 佢話我知會見到LV座大廈, 跟住過馬路, 直行就見到巴士站. 我起初都跟住佢指示做, 但行左好耐都唔見巴士站, mandy話問可能, 於是我又走返轉頭. 當時我已經混亂起黎, 因我一見到自己遲到會好緊張, 加上自己又唔識路, 腦海一片混亂!!最後原來我起初條唔係正確, 而且仲搵到巴士站, 我坐左104號巴士之後, 我再打電話比mandy, 佢話在[正街]個站落車.

最後到左[正街]個站, 我依照mandy的指示, 行上一條奪命斜路, 終於去到目的地啦, 自己真係辛苦哂..(汗!!??) mandy已經在lift口等我, 之後帶我去搵佢助手gigi. 佢見到我呢個路痴都笑起黎, 冇錯, 我呢次又真係囉左少少....

我哋先做一個聲音screening, 我先會帶住個耳筒先, 及手上拿住個按制, 我一聽到[bi]一聲時, 便按個制一下. 最後個測試算ok掛!? 我仲問佢哋已經完了嗎, 佢哋都點頭, 於是我哋去做第二個測試.
我哋先去返lift口, 再去到另一間測試的房間...

有個地球果張枱就係我會用, 枱上個紅白色物體係量度聲音大細, 即係量度幾多分貝之類. 右手邊張枱係gigi用, 佢用黎量度我究竟可不可以以輕鬆形式說話, 而且又可不用力氣說話講得大聲. 測試開始了, 佢毎一部分測試會再細分幾部分, 多數都係在寧靜環境中講出不同句子, 全部都以[依個係x]為頭, 只係最後個字不相同. 當我讀到個[片]字時, 我成日讀左[影片]個[片], 其實應該係[片糖]個[片], 我讀左幾次先至認識.....而且我唔知點解成日讀得細聲, 原本個犯圍係70-80分貝到, 我只係得個68分貝. 佢成日要提我高返二個分貝...嘻嘻...平時我講野好大聲, 點知做測試時太細聲....!!??

最後終於做完測試, 都唔算太慢啦, 我和mandy去食晚飯囉! 途中我哋影左d相, 後來我先發覺....原來我部相機冇插咭!???唔係掛? 今日做咩事呀, 成日都大頭蝦!? 惟有搵第二日再影相啦...我哋去左一間晚飯好平的餐廳食飯, 食完飯之後邊行邊傾, 最後大家各自回家了!

定左幫mandy做測試時間

話說上星期mandy被佢而家工作的學校要求要搵十五個人做一個聲音語言測試, 好在佢朋友及同學仔都會幫佢手, 實在太好了! 而我被mandy邀請做第一個測試的人^^約實日期為聽日及後日, 和下星期五, 三日時間相同, 時間為6:45就要去到港大牙醫院. 原本mandy叫我6:30去到, 但我又唔可以早放工, 而且之前又未去過, 所以先至預定時間係6:45.

不過仲有一個對於我黎講應該係壞消息, 就係呢三日測試只有我一個人!!??原本以為可以和同學仔一齊做測試, 可以開心d, 但冇所謂啦, 只有我和mandy都可以講下自己心事, 其實真係唔錯! 況且聽mandy講一個測試都要做好耐, 費時同學仔要等太耐, 或者真係逐個同學做會好d呢~

有點兒期待明天的測試, 加油~!!

致各位好友....

近排公司少左野做, 我得閒d同好朋友在msn傾計, 聽到好多朋友之感情故事. 想用呢個blog分享下佢哋個故事, 對佢哋的事表示自己睇法...希望大家唔好介意啦, 如果真係介意我都可以即刻刪除...

某好友話佢最近在msn度認識左一名男仔, 佢在同我朋友傾計時已經失戀, 我朋友一直支持及鼓勵佢, 但個男仔太自我保護啦, 總係想到自己, 如對選擇伴侶時要求太高, 包括高學歷, 外表美麗, 身材好, 仲有一樣致命缺點 -個女仔唔可以肥. 而我朋友係鍾意佢, 但一聽到佢最後一個選伴侶條件, 佢即刻唔開心, 因佢本身有點肥, 佢都算為左佢而減, 但個男仔一d體恤佢的心情都冇, 成日想見到個樣美身材正的女仔.

個男仔有冇為個女仔設想架? 講起就嬲啦!!!!!首先我想指出的係, 我已經睇過個男仔張相, 老實講, 佢一d都唔型仔, 而且又唔高及唔大隻, 又冇錢, 只得個學歷高. 我真係唔知道佢憑咩要求太多呢? 某d男仔比佢條件更好, 都不敢有太多要求, 驚自己難以搵到另一半. 又或者換個角度睇, 樣美身材正的女仔點會鍾意佢, 雖然香港女多男少, 但佢不用委屈自己鍾意佢掛? 而且香港冇, 其他地方都有男仔比佢選擇, 可能未到選擇佢啦! 不過愛情呢d野好難講, 或者會有人鍾意佢, 只在乎佢會不會太去選擇.

我覺得應該放手吧....既然你都可預知到你和佢跟本冇可能, 又或者一齊總會傷心難過多, 雖然我知放手難, 但長痛不如短痛, 不如試下放開自己, 重新搵過適合自己的男友. 希望可見到你第時都可開心地向我哋呢班好友介紹自己個男友比我哋認識!

第二個case都係我好友, 話說佢最近比個男仔表白之後, 同左佢一齊, 但個男仔似乎唔係太主動, 唔知係佢性格怕羞, 定係剛開始段戀情唔太慣, 個男仔唔會主動約我個朋友, 多數都係我朋友做主動. 點解會這樣架? 呢d野唔係多數男友約女友多咩, 而家竟然掉返轉囉...其實我和蕃薯都係, 有時係我約佢. 女仔下下都做主動似乎不太好吧? 定係而家d男仔太忙及冇心思, 連氹女友的時間都冇, 或者唔放心思落去!?

好啦, 女仔做左主動啦, 你哋男仔又點樣呢? 佢哋有時都會似漠不關心, 真係可以話冇左feedback, 呢下真係頂哂隱, 有心機去理佢咩!? 真係自討沒趣!唉~!!男仔啊, 唔該你哋醒目d, 顧下女友感受吧! 感情係雙方付出, 你自己都唔去做返自己男友角色, 仲有邊個可以呀?

講開你之前返工日日見佢, 而家冇得見而日日掛住, 講真果句, 其實我都日日想見到蕃薯, 但我知呢個係好難, 惟有見到大家時先會珍惜同埋會更加開心!
最後一位認識好耐中學好朋友, 佢因公司線路問題冇上網, 近排大家好忙, 少左打電話比大家. 我毎天都有留意你個blog, 見到佢之前和男友發生左好多唔開心之事, 雖然我唔知咩事佢嬲左自己男友, 跟住去男友屋企樓下搵佢, 第一次佢男友可能唔知佢在樓下等, 冇黎; 第二次去終於黎左, 仲掛住睇波??女友重要d定睇波重要d? 不過最後都算啦, 見佢追來攬住我朋友就算啦, 唔係我實擰甩佢男友個頭!!!

你哋二個要多d溝通一下吧, 唔好次次都吵架! 有什麼問題大家坦白講, 唔好收在個心度, 或者男仔比較難講真心話, 都可以用其他相關的話題同佢講, 慢慢引導佢講出心底話, 應該話個男仔不知不覺都會講d心底話出黎....我和蕃薯都係用呢隻方法去了解大家, 不過而家仲係了解中....總好過吵架而互相了解, 或多或少害雙方感情..

可能我講果d係廢話, 大家都識啦, 使鬼我講咩! 但我真心希望各位拍拖的朋友就和男友過住愉快的生活, 少d吵架, 多d珍惜及了解對方拍拖的朋友仔唔好放棄, 用平常心去對待自己感情, 同相信上天應該唔會刻簿你哋, 一定會比個好男仔你哋, 只係那名真命天子仲未出現^^