定左幫mandy做測試時間

話說上星期mandy被佢而家工作的學校要求要搵十五個人做一個聲音語言測試, 好在佢朋友及同學仔都會幫佢手, 實在太好了! 而我被mandy邀請做第一個測試的人^^約實日期為聽日及後日, 和下星期五, 三日時間相同, 時間為6:45就要去到港大牙醫院. 原本mandy叫我6:30去到, 但我又唔可以早放工, 而且之前又未去過, 所以先至預定時間係6:45.

不過仲有一個對於我黎講應該係壞消息, 就係呢三日測試只有我一個人!!??原本以為可以和同學仔一齊做測試, 可以開心d, 但冇所謂啦, 只有我和mandy都可以講下自己心事, 其實真係唔錯! 況且聽mandy講一個測試都要做好耐, 費時同學仔要等太耐, 或者真係逐個同學做會好d呢~

有點兒期待明天的測試, 加油~!!

致各位好友....

近排公司少左野做, 我得閒d同好朋友在msn傾計, 聽到好多朋友之感情故事. 想用呢個blog分享下佢哋個故事, 對佢哋的事表示自己睇法...希望大家唔好介意啦, 如果真係介意我都可以即刻刪除...

某好友話佢最近在msn度認識左一名男仔, 佢在同我朋友傾計時已經失戀, 我朋友一直支持及鼓勵佢, 但個男仔太自我保護啦, 總係想到自己, 如對選擇伴侶時要求太高, 包括高學歷, 外表美麗, 身材好, 仲有一樣致命缺點 -個女仔唔可以肥. 而我朋友係鍾意佢, 但一聽到佢最後一個選伴侶條件, 佢即刻唔開心, 因佢本身有點肥, 佢都算為左佢而減, 但個男仔一d體恤佢的心情都冇, 成日想見到個樣美身材正的女仔.

個男仔有冇為個女仔設想架? 講起就嬲啦!!!!!首先我想指出的係, 我已經睇過個男仔張相, 老實講, 佢一d都唔型仔, 而且又唔高及唔大隻, 又冇錢, 只得個學歷高. 我真係唔知道佢憑咩要求太多呢? 某d男仔比佢條件更好, 都不敢有太多要求, 驚自己難以搵到另一半. 又或者換個角度睇, 樣美身材正的女仔點會鍾意佢, 雖然香港女多男少, 但佢不用委屈自己鍾意佢掛? 而且香港冇, 其他地方都有男仔比佢選擇, 可能未到選擇佢啦! 不過愛情呢d野好難講, 或者會有人鍾意佢, 只在乎佢會不會太去選擇.

我覺得應該放手吧....既然你都可預知到你和佢跟本冇可能, 又或者一齊總會傷心難過多, 雖然我知放手難, 但長痛不如短痛, 不如試下放開自己, 重新搵過適合自己的男友. 希望可見到你第時都可開心地向我哋呢班好友介紹自己個男友比我哋認識!

第二個case都係我好友, 話說佢最近比個男仔表白之後, 同左佢一齊, 但個男仔似乎唔係太主動, 唔知係佢性格怕羞, 定係剛開始段戀情唔太慣, 個男仔唔會主動約我個朋友, 多數都係我朋友做主動. 點解會這樣架? 呢d野唔係多數男友約女友多咩, 而家竟然掉返轉囉...其實我和蕃薯都係, 有時係我約佢. 女仔下下都做主動似乎不太好吧? 定係而家d男仔太忙及冇心思, 連氹女友的時間都冇, 或者唔放心思落去!?

好啦, 女仔做左主動啦, 你哋男仔又點樣呢? 佢哋有時都會似漠不關心, 真係可以話冇左feedback, 呢下真係頂哂隱, 有心機去理佢咩!? 真係自討沒趣!唉~!!男仔啊, 唔該你哋醒目d, 顧下女友感受吧! 感情係雙方付出, 你自己都唔去做返自己男友角色, 仲有邊個可以呀?

講開你之前返工日日見佢, 而家冇得見而日日掛住, 講真果句, 其實我都日日想見到蕃薯, 但我知呢個係好難, 惟有見到大家時先會珍惜同埋會更加開心!
最後一位認識好耐中學好朋友, 佢因公司線路問題冇上網, 近排大家好忙, 少左打電話比大家. 我毎天都有留意你個blog, 見到佢之前和男友發生左好多唔開心之事, 雖然我唔知咩事佢嬲左自己男友, 跟住去男友屋企樓下搵佢, 第一次佢男友可能唔知佢在樓下等, 冇黎; 第二次去終於黎左, 仲掛住睇波??女友重要d定睇波重要d? 不過最後都算啦, 見佢追來攬住我朋友就算啦, 唔係我實擰甩佢男友個頭!!!

你哋二個要多d溝通一下吧, 唔好次次都吵架! 有什麼問題大家坦白講, 唔好收在個心度, 或者男仔比較難講真心話, 都可以用其他相關的話題同佢講, 慢慢引導佢講出心底話, 應該話個男仔不知不覺都會講d心底話出黎....我和蕃薯都係用呢隻方法去了解大家, 不過而家仲係了解中....總好過吵架而互相了解, 或多或少害雙方感情..

可能我講果d係廢話, 大家都識啦, 使鬼我講咩! 但我真心希望各位拍拖的朋友就和男友過住愉快的生活, 少d吵架, 多d珍惜及了解對方拍拖的朋友仔唔好放棄, 用平常心去對待自己感情, 同相信上天應該唔會刻簿你哋, 一定會比個好男仔你哋, 只係那名真命天子仲未出現^^

數學考試 + 預祝tracy生日快樂!

經過琴日半日補習後, 都仲發覺自己唔係太認識, 於是今日把心一橫, sorry, 用錯左字, 係決定請一日假溫書! 但我早上的動作竟然係...把自己鍾意聽的歌放在psp度, 因為我溫書的方法都幾騎呢, 就係要邊聽歌, 邊溫書, 我先會及格架! 連我都唔知點解會這樣, 可能我自己都係騎呢掛!?

溫習期間, 蕃薯藤又同我sms, 之後仲打電話黎, 話佢自己都請左半日假溫書. 吓!? 佢老闆又會比佢請假? 佢唔係好忙嗎? 不過算啦, 可見佢多d咪好! 最後我哋約左大家三點半在IVE等.....最後, 唉~!!佢又遲到啦, 不過我都會原諒佢(即係平時唔原諒嗎=_="), 因為佢計數機冇電, 咪要去買電, 見係因為考試便放過你!

之後佢話自己未食飯, 去左canteen食飯, 原本以為我哋可以二人世界, 點知蕃薯藤搵位時, 比佢見到阿光和壞人, 不過算啦, 大家一齊食野及溫書都唔錯吧!? 我和蕃薯叫左一碗香腸午餐肉麵, 佢仲要加多件公司三文治. 我以為佢好大食, 點知佢話預埋我食, 可惜我太飽食唔落, 加上佢個樣勁肚餓, 咪全部比佢食哂...

後來有好多同學仔如波特, 駿, 青衣人, 銘, berry, winnie, 花輪...都黎到, 原來大把人請假溫書, sorry, 唔應該叫溫書, 因為花輪掛住影美女, 果個女仔又的確幾美, 都幾似日本妹, 但其他男仔似乎興趣不大, 因呢班友掛住研究相機, 在度胡亂影下野, 真係啊....我一於少理, 自己都訓下教先!

終於到左考試時間, 我哋開始要去試場, 跟住蕃薯佢自己一個走到隱密位, 靜靜叫我過黎, 我估你哋都知係咩啦, 佢原來想考試先前kiss我. 但我怕羞, 同埋驚比其他同學仔見到, 最後以有lift為理由走左...不過仲有下文, 唔講住

去到試場我已經唔識驚, 只想好快完成試題. 由於我哋成班遲左入去, 入去冇耐便開始考試, 我一見到d試題.吓!? 好多都同miss之前比我哋份mock題目一樣, 勁正! 我一直做呀做, 份試卷共考二個鐘, 我竟然只做左個幾鐘已經完成!??再睇下周圍d人, 佢哋好多人仲做緊, 我仲驚自己會唔會做錯, 於是我再次覆返份試卷, 覆左二十分鐘, 發覺自己真係識做好多!!?難道係愛情的力量......????唔好亂講啦, 由於我坐在蕃薯後面, 可以望住佢個背隻, 已經好開心啦~(正一變態, 夠la!!!)

考完之後和預祝tracy生日, 我哋成班十五人一齊去左紅樹林餐廳食飯. 我當然叫左最平的晚餐 -洋蔥豬排薯菜, 個賣相都幾好, 而且仲幾好味^^之後我哋見難得好多人一齊食飯, 仲影左相添!不過呢~波特比我張合照整唔到落黎個blog度....嗚嗚...仲有講返句, tracy生日快樂先~~

食完飯後, 大家各散東西, 我和蕃薯一齊返屋企, sorry, 講錯左, 係指坐同一架小巴!!我哋終於可以二人世界啦, 上左車冇耐, 佢講左句[今日真係辛苦哂] 之後即刻kiss啦. 雖然唔係考試前kiss, 但而家補返都算! 落左車之後, 我同佢一齊等車, 佢又攬住我啦, 直至有巴士黎, 佢先至離開, 勁唔捨得囉!

去蕃薯藤屋企溫書....鮮為人知秘密?

話說琴晚深夜我即刻開msn, 把d相比mandy及berry打blog, 最後終於比哂相, 之後波特hi我, 問我去唔去蕃薯藤屋企溫書. 我一聽到蕃薯藤呢個名, 仲唔即刻應承咩, 真係....其後蕃薯藤都比短訐問我去唔去, 今次波特問我先啦, 你太遲啦!

原本蕃薯想約我早d去到佢屋企附近, 爭取二人之相處機會. 可惜我自己掛住打blog而遲到. 仲直接上去蕃薯屋企. 佢擔心我唔知點黎, 傻瓜! 我黎過幾次仲唔識去咩!? 我哋一開始冇耐便開始溫書, 一直溫到八點幾, 大家先睇美國超模, 同埋多謝蕃薯媽之糖水, 雖然係我唔鍾意我綠豆及花生, 但個糖水都幾好食^^尤其係蕃薯媽知道我和波特唔鍾意花生而整開花生, 唔該哂! 之後我哋一齊去食飯, 先發覺我冇得睇[茶煲阿四], 不過我和媽媽係標準電視迷, 實有錄到, 放心~

最後蕃薯又送我返屋企, 講開怕熱及冷的問題, 我咪老實同佢講我好怕熱, 我在夏天會穿吊帶衫及短裙, 佢已經狼叫啦, 好驚呀, 我即刻退後.....後來佢講左件事我知, 佢話自己上年度和朋友去海攤, 當中有三分二係女仔, 仲要有九成係模特兒, 甚至有人穿t-back.佢哋叫蕃薯幫佢哋影相, 但蕃薯因為怕羞而另轉頭, 唔敢望佢哋, 最後以天氣差為理由而冇影到....估唔到佢真係這樣純情? 真係完全同佢外表剛好相反, 我都忍唔住笑佢, 哈哈~但多謝佢老實同我講真心話, 定係佢想睇我穿得性感d比佢睇呢?

交攝影功課...及四美女聚餐!?

今日終於都交攝影功課, 我因列印個介紹果頁而要返公司印, 順便睇下功課可不可以再執下, 希望呢份功課可以最佳狀態交比阿sir. 當我修改功課途中, 那時和蔡蔡傾緊電話, 內容大致話佢唔可以在原定的一月十之後上網及問我髮型意見, 我同佢佢左冇耐, 蕃薯藤突然打電話問我在邊, 原來佢已經去IVE度搵阿駿佢哋, 於是我都趕住做埋少少功課, 坐地鐵去搵佢哋. 不過先去delifrance買野食先....

最後我買左個好抵食的下午茶餐做我的lunch, 好鬼肚餓呢~真係好鬼正呀!仲要毎樣我都好愛食, 成個餐只係三十九元, 勁抵~!

食完之後睇下同學仔功課情況先, 我見到好多同學多數已經完成, 而且我仲手痕痕影底左幾位同學功課封面, 大家作品都唔錯吧!

蕃薯藤作品~~佢份功課最貴最美, 不用多講啦!

阿ling 作品~~以笑為主的題目, 當中有個細佬女影相, 好得意^^

阿光作品~~佢d相好似係亂影, 我唔記得左佢影d咩??

winnie 作品~~以影子為主題, 我覺得都幾美~!!

berry作品~~以生日熊仔為主, d相都幾好^^

我都想影其他同學仔的作品, 但佢哋有d人仲未完成, 在上堂之前盡量完成. 我見到佢哋好忙碌, 自己又幫唔到佢哋手, 突然覺得自己好冇用. 好在最後我都可幫到mandy及berry手都好開心.

終於到左大家present時間, 見到大家作品的題材, 相片及表遲手法好多都唔錯. 到我present時, 我先多謝二個人, 第一個係我阿妹, 冇佢幫我影相, 我跟本唔會有呢一份功課; 第二係蕃薯藤, 如果冇佢幫我合成相, 我跟本冇d美相, 但我唔可以講明佢幫我手, 惟有改為多謝佢教我用photoshop!其後我哋逐個人演講完, 都仲未見到mandy黎, 我也鄧佢緊張...好在最後佢都趕切演講^^

點知演講完後, 阿sir要求我哋毎位學生輪流睇大家作品, 之後再以投票形式選出最受歡迎作品. 當然以蕃薯藤大熱勝出, 之後係tracy那一份以自己及一個朋友, 由相識到分手, 及朋友有病及不能和好為故事的功課可感動人心, 仲和蕃薯藤份功課爭個高低, 其後先到我果份, 不過可入三甲已經好開心呢~~最後阿sir講出令佢最深刻印象的三份功課, 第一份當然又係蕃薯藤啦, 佢真係實至名歸. 比阿sir讚賞係應該; 不過最估唔到的係阿sir話我果份係第二深刻印象? 唔係掛!? 我呢份野都可比阿sir讚? 原來佢欣賞我個概念及表達手法, 真係開心呢, 睇黎我心機都冇白費^^

放左學之後, 二位主持人阿駿及波特唔得閒, 阿駿要去容祖演唱會, 波特約左老友, 最後只有我, mandy, winnie及berry四位美女去食飯, 我哋最後去左和民食飯. 我哋勁好彩囉, 竟然可以自己有一間房, 仲要係除鞋, 勁正! 事不宜遲, 比大家睇睇我哋食飯間房先~

唔該, 大家入房食飯時先除鞋先~~好日式, 勁正!真係有d似屋企感覺呀! 不, 我屋企個鞋櫃冇呢個這樣美 (自揭自己瘡疤添!?)

間房入面, 好在唔似日本人要脆在地上, 唔係會脆死!!!??中間放腳個部分, 如果可以落暖水就好...

之後我哋四個選擇食物, 睇黎好多食物都好正. 本來想食剌身及壽司, 但mandy話黎呢度唔係食刺身, 食熟食多, 於是我集中睇熟食, 我哋最初叫左六樣食物, 仲驚自己唔可以食哂, 但當食物送到黎時, 見到食物原來好細碟, 但都幾好味...

算容牛肉~

芝士局帶子, 加上檸檬汁~

簿燒牛肉pizza~~呢個最正最好味, 皮又脆, d牛肉又好食^^

芝士局千層波菜~

青蔥牛肉卷~難食到暈!!!!

炒海鮮年榚掛? 唔記得左個名...但都幾好食^^

最後我唔夠飽, 加左個泡菜炒飯, 好味到暈~~!!

最後我哋擺左好多騎呢pose, 而定比住d大家睇下先^^認唔認得邊隻腳係我黎呢? 估唔到大家都有對白白美腿...

估唔到我.....拿出黎隻吉的鐵皮燒碟都幾好味, 連winnie都即刻想食^^

大家研究下食咩先啦.....樣樣都好好食, 不過只係扮野!

比較正常的一張大合照, 總之今日真係好開心呢~~有機會大家再去食過^^

補祝winnie生日快樂 + 攝影功課完成了!

補祝winnie生日快樂 :

今日返學原本以為miss會幫我溫習, 準備數學考試, 點知miss病左冇返. 又係由個廢阿sir教. 我見佢教左等如冇教, 而且明天又要交功課, 我在堂上做起功課黎. 直至mandy返黎, 佢話有張生日咭比winnie, 要我出去飯堂度簽名. 我簽完名之後, 我扮有野同蕃薯藤講, 叫左佢出去簽名, 我和佢就黎返入課室時, 佢在後面攬一攬我條腰, 我都黎唔切反應, 但覺得好開心^^

我哋返到課室後, 再搵susuki...其他人簽名, 毎個人都畫哂公仔, 寫哂自己對winnie的祝賀說話, 好有心機, 而且仲可感覺到友情之可放學時, 佢哋把張生日咭放在免費報紙內, 之後再比winnie.

winnie話份報紙好大陣廁所味!!??我哋都大笑左一陣, winnie講話d人去廁所時都鍾意拿埋入去睇, 我哋當然唔會啦, 佢之後摸到報紙有d硬野, 先發覺係生日咭...我哋之後就一齊影相, 我要問返波特及蕃薯藤拿返d相先得!

另外, 我都要恭喜mandy可以搵齊人一齊去幫佢做個聲音測試之類, 原本佢只欠五個人先至齊人, 但呢班熱心助人的同學仔的支持下, 有好多同學仔都應承去幫佢, mandy終於齊人啦! 而且我哋成班同學仔可以去到一齊等測試及食埋飯, 真係勁開心. 雖然蕃薯藤佢在八點幾先放工, 唔可以黎做測試, 但佢黎食飯都好, 我一定會叫埋佢^^

完成攝影功課 :

今晚放學再返去趕工, 其實琴日負責想故事內容, 要就返毎一幅相去設計對白, 而且仲要有故事性, 真係勁辛苦...而且在故事之中也透露自己對愛情的睇法. 我既相信有真正的愛情, 但我覺得而家男性只為性愛不願真心愛對方之心情....今日我在公司印返d內容出黎, 再用牛油紙貼上面. 以及製造埋個封面, 全份功課都叫完成哂, 比大家睇下先~

份功課個封面~只係多左條繩...其實我本來想用絲帶, 於是去花園街搵, 但而家佢賣埋d過年物品, 最後搵唔到, 惟有用繩是但整左個蝴蝶結算....

第一幕 : 白色裙妹妹Erika問家姐Eri是否認識個叫edward(故事中冇出場)的男仔, 家姐Eri問佢點解會這樣問來展開故事...

第二幕 :二姐妹開始講同時都愛上Edward的原因, 妹妹Erika係真心愛上佢, 姐姐Eri因為個男仔有錢及有型而鐘意佢

第三幕 :由妹妹否定姐姐不是真愛, 而開始下一幕講真愛...

第四幕 : 由妹妹講出真愛的意義, 大約都係互相學會包容, 體諒...呢類野啦...

第五幕 : 由姐姐否定真愛, 認為世界一切只存在住利益, 毎人只為利益而生活. 真愛跟本冇價值!

第六幕 : 說明真愛係不能計算, 以及即使二者最終不可一齊, 但只要有開心回憶便可

第7幕 : eri 再次否定, 如果那人唔係真命天子, 點解仲要花時間在佢身上; 而且回憶係唔開心, 點解仲要放在心上

第八幕 : 由Erika 講出二人真心在埋一齊, 即使最終係咪一齊都唔緊要, 最緊要係個過程

第九幕 : 二姐妹開始帶出而家男人只係因為sex, 唔知愛情真正之含意

第十幕 : 二者講出男性雖多數為sex, 妹妹erika 解釋男人只係一直搵唔到一個令自己真心喜歡的女仔先會這樣做. 之後由Eri 講出自己曾向Edward表白, 但被佢拒絕之故事

第十一幕 : Eri 指自己又美又美麗, 而且一直冇比男人拒絕過, 除左Edward 之外

第十二幕 : 指出Edward 係佢男友, 而家同緊佢一齊, 同埋多謝家姐同佢講真心話和祝家姐可搵到自己真愛..

攝影功課進行中...

距離交功課之時仲有二日, 好在蕃薯藤幫我合成相, 令我有返d信心工作啦! 呢份功課自己真係好比心機做, 首先當然要黎個draft先, 我連相都影埋架!

呢個係封面的草圖, 設計基本一樣. 只係所用字體不同, 以及多左d黑色繩囉! 至於個[&], 本來好想整埋落去, 但最後因為太難而冇整...

呢張比較模糊d....呢個係入面內容之草圖, 又係呢句, 設計上和最後作品相差不太多, 只係託底張紙唔係用珍珠銀或日式花紙, 但因為呢二隻紙不合我黑白之主題, 所以最後冇用到. 不過講開買紙, 我買紙竟然用左一個鍾, 仲要只在中南入面, 真係痴哂線!!而且買紙時, 都費盡心思, 一定要買黑白, 其他顏色唔要, 到最後買左二張黑硬咭紙, 二張奏紋紙, 瓦通紙黑白各一及牛油紙, 都買左成百元.唉~如果有得選擇, 我寧願自己買一本完整, 好過呢本又貴, 自己又要辛苦先!!

返到屋企開始動工, 首先係介好塊底片先. 我先介黑色咭紙, 再介奏紋紙, 之後再貼埋一齊. 後來用相拚下, 點知發覺唔襯, 於是我再用白瓦通紙再拼上去, 點知發覺勁襯囉! 我總共要介十二張, 都用左我好多時間, 結果要成二點幾先訓, 而比我遲訓的蕃薯藤比我仲早訓, 唔係掛?

好!!明天再努力先~~!!我都早d訓覺啦....