補祝winnie生日快樂 + 攝影功課完成了!

補祝winnie生日快樂 :

今日返學原本以為miss會幫我溫習, 準備數學考試, 點知miss病左冇返. 又係由個廢阿sir教. 我見佢教左等如冇教, 而且明天又要交功課, 我在堂上做起功課黎. 直至mandy返黎, 佢話有張生日咭比winnie, 要我出去飯堂度簽名. 我簽完名之後, 我扮有野同蕃薯藤講, 叫左佢出去簽名, 我和佢就黎返入課室時, 佢在後面攬一攬我條腰, 我都黎唔切反應, 但覺得好開心^^

我哋返到課室後, 再搵susuki...其他人簽名, 毎個人都畫哂公仔, 寫哂自己對winnie的祝賀說話, 好有心機, 而且仲可感覺到友情之可放學時, 佢哋把張生日咭放在免費報紙內, 之後再比winnie.

winnie話份報紙好大陣廁所味!!??我哋都大笑左一陣, winnie講話d人去廁所時都鍾意拿埋入去睇, 我哋當然唔會啦, 佢之後摸到報紙有d硬野, 先發覺係生日咭...我哋之後就一齊影相, 我要問返波特及蕃薯藤拿返d相先得!

另外, 我都要恭喜mandy可以搵齊人一齊去幫佢做個聲音測試之類, 原本佢只欠五個人先至齊人, 但呢班熱心助人的同學仔的支持下, 有好多同學仔都應承去幫佢, mandy終於齊人啦! 而且我哋成班同學仔可以去到一齊等測試及食埋飯, 真係勁開心. 雖然蕃薯藤佢在八點幾先放工, 唔可以黎做測試, 但佢黎食飯都好, 我一定會叫埋佢^^

完成攝影功課 :

今晚放學再返去趕工, 其實琴日負責想故事內容, 要就返毎一幅相去設計對白, 而且仲要有故事性, 真係勁辛苦...而且在故事之中也透露自己對愛情的睇法. 我既相信有真正的愛情, 但我覺得而家男性只為性愛不願真心愛對方之心情....今日我在公司印返d內容出黎, 再用牛油紙貼上面. 以及製造埋個封面, 全份功課都叫完成哂, 比大家睇下先~

份功課個封面~只係多左條繩...其實我本來想用絲帶, 於是去花園街搵, 但而家佢賣埋d過年物品, 最後搵唔到, 惟有用繩是但整左個蝴蝶結算....

第一幕 : 白色裙妹妹Erika問家姐Eri是否認識個叫edward(故事中冇出場)的男仔, 家姐Eri問佢點解會這樣問來展開故事...

第二幕 :二姐妹開始講同時都愛上Edward的原因, 妹妹Erika係真心愛上佢, 姐姐Eri因為個男仔有錢及有型而鐘意佢

第三幕 :由妹妹否定姐姐不是真愛, 而開始下一幕講真愛...

第四幕 : 由妹妹講出真愛的意義, 大約都係互相學會包容, 體諒...呢類野啦...

第五幕 : 由姐姐否定真愛, 認為世界一切只存在住利益, 毎人只為利益而生活. 真愛跟本冇價值!

第六幕 : 說明真愛係不能計算, 以及即使二者最終不可一齊, 但只要有開心回憶便可

第7幕 : eri 再次否定, 如果那人唔係真命天子, 點解仲要花時間在佢身上; 而且回憶係唔開心, 點解仲要放在心上

第八幕 : 由Erika 講出二人真心在埋一齊, 即使最終係咪一齊都唔緊要, 最緊要係個過程

第九幕 : 二姐妹開始帶出而家男人只係因為sex, 唔知愛情真正之含意

第十幕 : 二者講出男性雖多數為sex, 妹妹erika 解釋男人只係一直搵唔到一個令自己真心喜歡的女仔先會這樣做. 之後由Eri 講出自己曾向Edward表白, 但被佢拒絕之故事

第十一幕 : Eri 指自己又美又美麗, 而且一直冇比男人拒絕過, 除左Edward 之外

第十二幕 : 指出Edward 係佢男友, 而家同緊佢一齊, 同埋多謝家姐同佢講真心話和祝家姐可搵到自己真愛..

攝影功課進行中...

距離交功課之時仲有二日, 好在蕃薯藤幫我合成相, 令我有返d信心工作啦! 呢份功課自己真係好比心機做, 首先當然要黎個draft先, 我連相都影埋架!

呢個係封面的草圖, 設計基本一樣. 只係所用字體不同, 以及多左d黑色繩囉! 至於個[&], 本來好想整埋落去, 但最後因為太難而冇整...

呢張比較模糊d....呢個係入面內容之草圖, 又係呢句, 設計上和最後作品相差不太多, 只係託底張紙唔係用珍珠銀或日式花紙, 但因為呢二隻紙不合我黑白之主題, 所以最後冇用到. 不過講開買紙, 我買紙竟然用左一個鍾, 仲要只在中南入面, 真係痴哂線!!而且買紙時, 都費盡心思, 一定要買黑白, 其他顏色唔要, 到最後買左二張黑硬咭紙, 二張奏紋紙, 瓦通紙黑白各一及牛油紙, 都買左成百元.唉~如果有得選擇, 我寧願自己買一本完整, 好過呢本又貴, 自己又要辛苦先!!

返到屋企開始動工, 首先係介好塊底片先. 我先介黑色咭紙, 再介奏紋紙, 之後再貼埋一齊. 後來用相拚下, 點知發覺唔襯, 於是我再用白瓦通紙再拼上去, 點知發覺勁襯囉! 我總共要介十二張, 都用左我好多時間, 結果要成二點幾先訓, 而比我遲訓的蕃薯藤比我仲早訓, 唔係掛?

好!!明天再努力先~~!!我都早d訓覺啦....

祝veron生日快樂, 有趣開心的一日

首先在呢度要祝veron生日快樂先~對唔唔住呀!我唔可以即刻送到份禮比你, 惟有先講住黎緊呢年和男友sweet及早日搵到好工, 快d離開間變態公司! 除此之外, 最近同佢傾計多, 知道佢公司個鴨男及佢公司個變態上同公左手, 佢上司要求攤牌, 但鴨男死都唔制, 個女上同哭到飛起添! 個鴨男仲要在度笑. 算啦, 個上司都係無謂為呢d人哭啦! 結果鴨男被放逐. 都唔知呢個係咪好消息....

一早蕃薯藤在msn度hi我, 佢話比份功課我睇, 用winzip 儲存左比我, 但我公司冇, 唔知點安裝(正一蠢材!?), 於是佢即刻打電話比我, 最後當然整到個winzip, 好開心! 之後都一直同佢用sms傾計. 後來佢又打電話比我, 我都有d驚嚇, 因為在我返工好少在十五分鐘打二次電話比我, 佢話我知波特要影公仔, 想黎佢屋企影, 搵佢做顧問, 而且仲話幫我執功課d相, 問埋我去唔去. 好多謝佢好尊重我, 點都問我意見, 最後當然應承佢啦, 又可見多佢一面及睇下自己份功課可唔可以比佢整美d去交.

我先約蕃薯藤在深水步等, 一齊坐巴士去佢屋企. 本來平時遲慣到的佢, 呢次要等返我呢, 其實我遲到的原因係行街耐左, 哈哈~問佢死未!? 我哋等左好耐先上車, 佢又掛住打機(怒) 於是我講笑同佢講, 我話你個博頭都唔好挨, 但最後呢...都係挨左, 於是佢又話我唔好挨又挨我!我挨住佢, 睇佢打機都覺得開心. 跟住佢問我有冇食野, 我答佢冇, 加上見到波特先生一早已經去到約定地點, 於是同佢講不用食野, 估唔到佢第一個反應話唔得, 仲要堅持叫我在要食野, 同埋打電話問波特食左野未, 最後我哋三個買完野食一齊去佢屋企....

最後大家都開始工作啦, 波特拿佢至愛的bb戰士出黎影相, 仲作左個故仔. 個故仔大約講個爸爸比壞人打敗, 佢果三個仔仔得到其他人比的weapon去報復之類. 由於我弟以前都好鍾意玩, 我又陪佢玩, 於是和波特傾起. 之後蕃薯藤話我男仔頭! 唉呀! 比你見到我至差的一面, 唔制>_<

比大家睇下波特先生之相片先~

唉呀~!!爸爸比個壞人頭頭殺左啦.....

影得好朦添, 自己d技術真係太差....仔仔圍住死左爸爸而哭掛!?

呢個係仔仔回憶片段, 講返爸爸d威水史....!!!??

本來我都想影埋落去, 點知蕃薯藤叫我比我功課d相佢睇下, 同埋教我點去用ps執相, 佢一見到就幫我玩合成相, 但佢整得實在太快, 我跟本睇唔到佢d步驟, 點學呀? 最後有四張合成出左黎, 自己都覺得好美, 大家睇下~

多謝蕃薯藤盡力幫我完成呢個願望, 其實我個idea就係這樣, 營造一對姐妹一齊傾計的感覺. 除左多謝之外都唔知講咩啦! 我個人比較鍾意最頭果二幅多d. 連蕃薯媽媽?都走黎睇!

做到十一點幾, 我哋先各自離去, 蕃薯藤堅持話送我去坐車, 可能因為tuen mun多色魔掛!?佢唔放心我自己返去,最後我都坐小巴返屋企, 好累~

蕃薯藤的攝影功課

哈哈~大家可能唔知邊個係蕃薯藤, 其實佢咪係fantasy阿f先生. 呢個名同學仔幫佢改, 我覺得個名幾過隱, 佢又唔介意, 久而久之就這樣叫佢啦! 最多得閒佢咪叫我傻瓜, 是但啦, 都係一個稱呼, 都唔介意吧!我以後打blog會用蕃薯藤呢個名啦^^

上星期日咪話我要做份攝影功課, 佢都在星期日和佢個model朋友, 波特先生, 佢個懂攝影的朋友及佢媽媽一行五人去影相, 你就好啦, 做功課又好玩, 份功課又美~今日有幸同佢msn, 佢仲比左d相我睇添, 我都睇到呆左, 專業果然係專業, 比d大家睇下先 :

佢個model朋友真係好美女, 果然係天生麗質呢~唔怪之得f先生一定要搵佢做model, 而且佢呢位朋友好忙, 成日都有job做, 都願意幫佢手, 真難得! 我都希望可認識佢呢類美人呢~~我個人覺得佢好少少似徐子琪, 呢d先叫做美女麻! 弊啦, 蕃薯藤成日接觸呢類美女, 我都有d擔心呢~其實我有樣野都覺得奇怪, 點解我這樣普通, 佢都算型及多美女朋友, 都會鍾意我呢? 難道真係情人眼裡出西施?

有一張相好好笑, 由波特先生客串做比平果公主的人, 真係值得比大家睇睇: 波特先生, 我都好想做你呢個角色, 勁正囉! 又唔使見樣, 又好笑, 呢d角色邊度搵呀? 但蕃薯藤佢似唔比我做, 佢講左句, 怪物呢類角色由佢及波特先生做算....言下之意即係唔比我做嗎? 我唔制呀, 我都要學蔡蔡, 你唔比我做就扭甩你個頭, 哈哈~

後來佢都做功課, 我邊睇相, 邊做功課, 做到累了要休息. 我唔阻你啦, 加油!你要做全班至美果份呀~!!

和mandy去約會

都係我自己抵死, 自己整唔見左部份數學筆記, 好在mandy在星期六特登拿返學比我. 我驚mandy冇得溫書, 所以我仲在果日約佢, 星期一比返筆記佢.

慳錢的我當然拿返去公司影印啦, 唔使錢麻! 不過放工時, 老闆仲未走, 我惟有在個位度扮等姑姐, 自己竟然真係訓左...真係核突死!直至老闆行到我附近同我姑姐傾計時我先比佢嘈清醒=_="" 鬼咩, 毎晚都夜訓, 咪又係為左做攝影功課及和其他好友msn, 成點幾先訓, 早上7點幾起身, 唔眼訓就有鬼!

直至老闆走左, 我自己先去影印筆記, 之後mandy打電話黎, 我去到body shop 度接佢返公司先, 由於之前壞人叫mandy幫佢影印野, 但又唔知佢影咩, 所以我哋要等壞人電話. 期間我比以前d相mandy睇, 仲比佢睇我以前鍾意的蕭生, mandy話佢個樣都ok, 但計我話佢只係麻麻地....後來壞人打電話黎, 話不用我哋幫佢影印, 我哋終於可以走啦, 去陪mandy買藍芽

我同佢去到電腦中心買藍芽, 由於佢太喜愛藍色, 我見到藍色物品如插咭嘈, 藍芽...指比佢睇, 引佢買多d藍色!!!(好黑心呀~自己=_=""")佢當然冇比我引誘, 真係買左藍芽走啦, 我哋跟住去食野, 好肚餓!!

我哋主要搵日本餐廳食飯, 最後都係去返我至愛的龜井食鐵板燒, 我本來想叫三文魚烏冬, 不過只係lunch先有...勁無奈....最後叫左牛肉烏冬, 海鮮燒餅及三文魚sushi. 三樣都幾好食, mandy就覺飽, 我仲未覺呀, 自己好心唔好太大食啦!??我哋食完飯之後行左一陣街, 一邊傾下計, 行到大約十點幾, 我哋各自回家囉!

回家途中, fantasy send左d短訊比我, 問我食完飯未, d野好唔好食之類. 我哋用sms傾左一陣計後, 我話比佢知會在屋企msn度上網, 因為我要做攝影功課...當我返到屋企想做功課時, 先發覺自己冇帶到儲存在sd 咭度d相, 點做呀!?最後我同mandy, fantasy及berry傾計, 又傾到成點先訓...

拍攝攝影功課, 好冷呢~

在呢度首先多謝我妹幫我先, 全部的功課相片由佢黎操刀, 真係唔知點多謝你好, 自己不太識講野!

介紹下呢份攝影功課先, 由於呢份功課的相要有故事性, 所以在構思個故事時都好辛苦, 又要顧埋d相點樣和個故事配合, 最後比我想到一主題, 題目叫[黑與白], 係講述一對性格完全不同性格的姐妹, 愛上同一個男人之故事. 黑色衫果個係家姐, 為人冷漠及有點邪惡之類; 妹妹係白色衫, 代表溫柔, 善良及開心. 至於拍攝地點係我屋企樓下, 會所等等, 總之係屋企附近啦!

在12點幾, 我和我妹妹開始進行拍攝工作, 好在呢日天氣比較和緩, 可以話係風和日麗, 因為我穿住二件吊帶衫去影相, 唔係我便冷死左...講返呢度先, 我哋先在我屋企樓下大堂影左先, 途中都有人上上落落, 出出入入, 見到我穿成這樣影相, 一定望住哂啦! 在呢一刻勁想返d返屋企囉! 不過好在都有好好人的看更伯伯幫手搬開物品, 我哋又拿住d花周圍去影相, 真係多得我唔少啦~~而家比d相大家睇下先^^

呢個係屋企樓下大堂影, 其實我一直覺得果度好美, 而家終於有機會比我影到, 勁開心囉~不過我都係鍾意以下呢二張:

之後去左會所度影相, 但有d地方燈光太暗, 影出黎唔太好睇, 我妹又冇用到腳架影相, 結果影出黎麻麻地...

呢條樓梯在會所內, 我覺得影相都唔錯, 於是影左幾張...

跟住我哋去左會所其中一張梳化影相, 一人坐一邊, 自己都覺得結果ok, 都你哋自己睇下先~

在暖烘烘的室內影完之後, 再去左室外影, 出面冷到飛起, 如果因為這樣而病左真係唔抵呢, 唔好講住, 出左去影先...


最後終於拍攝完成, 可以返屋企休息下, 在張床度訓下覺. 其實呢一批相整體我都覺得滿意及一定會執囉! 希望之後曬出黎個效果會好d...同時也心想住, 如果真係比f先生影, 唔知會影成點呢? 本來佢話同我影, 點知佢自己都要影功課, 所以先只有我和妹影相, 不過我妹願意幫我影已經好好, 多謝哂!

突如其來的告白 + 做左半班同學之model>_<

今日話說係交CS功課我日子, 全班同學仔都好努力趕工, 準備在四點之前在全班同學面前演講. 全班總共四組. 我果組安排在第二組演講, 真係好緊張呢~

終於到我哋組演講啦, 我哋好在全組有winnie, 佢代表我哋講哂我哋點解會選擇呢個mtv, 組員工作分怖等等, 其中波特先生仲問我哋鍾意邊張畫, 其實我有好多幅都鍾意, 但我都唔可以直接講出, 咪只話我鍾意易上色果二張囉! miss之後比我哋的評語係 :
(1) 圖畫冇任何連貫性, 如果冇睇過mv, 跟本唔知個圖想表示什麼
(2)應該畫的片段卻沒有畫到

(3) 不應該用粉紅色紙做描述, 遮蓋主體畫

但唔係所有評論都係差, 但miss仲話我哋成組做得幾好, 可能係d畫及上色夠好, 以及整齊掛?又或者係因為winnie果d乾花及個[love]字, 其實我都幾鍾意

之後到fantasy果組演講, 佢負責做主持, 估唔到佢突然講左句[首先要多謝kumi教我上色..]我當時都嚇呆左, 而我呆只係因為我唔想比人知我上色技巧, 令人以為我識少少, 扮代表就唔好啦, 所以我先至即刻令轉頭, 叫佢唔好講. 後來我同mandy傾計, 先知道原來係f先生在成班同學仔面前對我表白, 佢明知呢班同學仔鍾意玩, 但都仍然公開多謝我, 證明我響佢心目中的地位好重要. 可惜我始終係戀愛遲鈍, 未能即時感受到, 自己都係好愚笨! 唔係我一定林死啦....對唔住呀, 其實你心內一直緊我, 但我成日都覺得不足, 但我只要一直愛你, 在你身邊支持你已經足夠

上完cs堂, 我即刻去洗臉準備化妝. 洗完臉之後, fantasy即刻幫我化妝, 而且仲好有心機, 多謝哂你!化完妝之後, 我哋二組 : 我, mandy, berry, 壞人及阿光. 及另一組 : fantasy, 波特, 阿聯, 阿銘及阿龍一齊去影樓到影相. 當中佢哋影左唔少相, 比d大家睇下先~

呢二張可以話我比較鍾意, 起碼個pose比較自然d, 尤其係底下呢張相, 簡直係自己至愛!

其實自己都唔太鍾意某d近照, 可能覺得自己唔太美掛!? 不過我個人呢比較鍾意第三個張, 呢張比較自然及美d吧!?

呢次都係我第一次做model, 原來佢哋成日要化濃妝及長期對住燈光, 好鬼辛苦架!我對住燈光二個鐘, 真係好d頂唔順!尤其對住大燈, 影完相之後見到d人頭係一個個黃色波波, 真係痴線! 仲要考慮埋擺咩pose, 又話同一個pose好耐好悶, 成日要搵道具影相, 都咪話唔煩. 而且我以上d相比fantasy傳開哂比其他同學仔睇. model呢d優差, 睇黎下次都係咪預我, 咪除左fantasy私自影我之外囉, 因為我希望可成為佢最後一個女友model吧...哈哈...