時之傷痕

唔知開心定唔開心

2007年10月10日星期三意見 (2)

毎個人近排都好忙, 連msn都少左, 惟有努力工作吧! 點知Edwin突然hi我, 我都以為自己睇錯左, 點知真係佢. 佢話公司個msn壞左成日星期, 所以冇得上網, 當中講起在大家冇在msn傾計時都會毎日掛住對方, edwin仲問我夜晚會唔會寂寞添!?死啦~~~開始超出普通友誼犯圍, 好危險的關係?

講真果句, 其實我見到佢上網我好開心, 於是同左蔡蔡講, 佢話我因為一個人而情緒好大波動, 話我鍾意左佢. 唔係掛? 佢已經有gf, 如果自己仲[鐘]個頭埋去又好似唔係太好, 但蔡蔡講左句 : [感情冇分錯或對]. 冇錯, 我都覺得呢句好正確, 但自己內心始終有少少不太好. 感情呢d野都係由個天去決定...自己又唔可以做d咩野....

跟住蔡蔡講佢好似同個bf鬧左交, 唔想同佢講野.....因為個bf 好似咩事都唔願意同佢分享, 成日因為小事而吵架. 呢件事我就這樣想, 二人拍拖不只係拖手仔, kiss...這樣簡單, 而係二個不同世界的人互相學習相處, 體諒大家不同的性格, 生活習慣等等, 真係唔係易事, 因為很多想法, 觀點不同, 所以也會成日吵架, 但都唔好因為呢d事而放棄一段美好情緣, 令自己留下壞的回憶. 這樣就真係唔值得, 所以希望佢快d同bf好返!!

仲有一件壞消息, 就係今日要返學, 冇得聽蔡蔡傾心事之外, 仲有英文堂個miss 今日先至講要在網上做功課, 全部都係選擇題, 要在10月12日交, 但我一返屋企即刻做功課, 呢個問題不大. 至大問題係有我在第五堂有我至討厭的英文會話, 仲要作為評核成績表最後分數的45%, 仲有partner為random, 在下一堂知. 唔好啦掛? 我一定會緊張死, 而家惟有見步行步....

奇怪的msn新人?

2007年10月9日星期二意見 (3)

在呢個朝早, 無端端有個女仔在msn度add左我, 佢叫natalie, 直至下午佢先至hi我, 我哋只係講左好普通的問題, 例如住在邊度, 鍾意去邊度行街...原來大家都係同道中人, 都係喜歡行大家都會去的地方, 如旺角, 銅鑼灣等等. 講講下先至講自己個名及年齡, 個女仔好後生, 只係二十歲, 我都好想返去呢個年齡呢~~

跟住個女仔問左我一個私人問題, 我m到時會唔會好痛? 跟住就比左一個男仔的blog 網址和佢自己電話號碼我之後就拿拿聲offline? 究竟咩事呀?完全唔知完全發生咩事, 點解而家d人奇奇怪怪? 其實有幾點自己覺得奇怪~

第一點係個女仔似乎好似唔係真心認識對方, 一開始又冇自我介紹, 直至我提出自我介紹時先講佢個名, 跟住傾左冇幾句就比個電話號碼人就offline.跟據以往紀錄, 一般人在最初認識對方都會先介紹自己一下, 又或者問可唔可以做朋友之類....我把電話號碼寫在紙上, 跟住在公司留msg時用左果張紙比姑姐, 而我姑姐試過打去二三次都冇人聽, 仲要有call台問邊位搵機主,呢樣先至離奇, 真係完全唔知發生咩事?

第二點係佢個名果句野都幾恐怖, 就係[一個男仔名 + 欠本人二萬元正!]我問佢咩事, 佢都完全冇答我, 令我有d害怕添. 可能係呢句野太過恐怖!

最後的係時間問題, natalie 出現的時間係在我delete左edwin及在打完星期一果篇blog之後, 我曾經想過會唔會只係巧合, 但時間夾得太準, 難免令人懷疑....

不過無論佢係隨意add, 或者係咪同edwin有關, 我都冇所謂啦! 反正我哋跟本唔係好友, 而且又冇任何關係, 何必想得太多而自尋煩惱? 要放底的始終要放底.....佢都唔鍾意你, 唔好[鐘]個頭埋去!同埋呢件事真係好古怪, 都係唔好再理佢好d....

總之都係太恐怖啦, 都係封鎖再加delete先(>_<)

再見.....加上對佢感覺

2007年10月8日星期一意見 (3)

今日Edwin 佢冇在msn上網一個星期了, 本來已經開始忘記佢, 而且我仲未見佢覆我e-mail而緊緊於懷. 係真係鍾意佢又好, 又或者係真正好朋友都好, 佢都而家都對我冷淡, 係時候要放棄...

其實佢係我第一個的男性好朋友, 我極之信任佢, 無論係日常生活, 或者自己的私事全都告訴佢, 其實我都唔知點解, 同佢一齊有種好熟悉同開心的感覺, 甚至有時仲同佢講sex, 大家都完全唔介意. 可惜我覺得佢總係好似成日有事瞞住我, 其實我只知得佢好少野, 甚至到最後都從未見過佢一張相, 未聽過佢把聲, 令我一直懷疑佢究竟有冇當我係真正朋友. 雖然佢口口聲聲當我係朋友, 但咩都唔話我知, 我哋仲算係好友嗎?

除此之外, 我覺得佢係個睇外表同身材的人, 佢成日同我講自己鍾意睇和認識美女, 令我會聯想到佢其實一開始只因為我可能有少少美而認識我. 由之前的熱情直至到而家冷淡, 可能係因為佢已經搵到第二個目標, 見到仲未把我得到手而唔再理我. 就算係咩原因唔理我都好, 起碼同我講聲, 唔好突然對我冷淡, 這會令我好難受!

既然開心的時間已經完結, 我再留佢在自己msn表上也冇用, 於是我今日鼓起勇氣, 把佢的名字在msn表上刪除. 在呢件事發生之後, 我不再相信任何一個男仔, 也冇打算同佢哋做好友! 對於今日又有另一個男仔在msn上hi我, 我只好不斷去串佢, 令佢知難而退, 但佢個死款似串極都唔走, 唉~!又係一個msn賤男, 至鬼憎!!!我估可能要真係我個真命天子先會可改變我的想法, 但對於感情路上坎坷的自己似乎冇可能....

又係呢句 :如果個男仔真係對你好, 又或者係真心喜歡你的, 即使佢在個女仔msn表上已被刪除, 佢一定會想盡辦法去搵個女仔, 同佢道歉, 好好珍惜佢. 呢d情節在小說, 漫畫睇得多, 真實情況又點會有? 明知冇呢個可能, 倒不如放棄仲好!

再見了, 我的好友Edwin.....

恭喜哂~!!Eva

2007年10月7日星期日意見 (5)

今日雖然唔係eva畢業典禮正日, 但佢之前已經請我哋成班朋友出席, 我哋當然會去~~但我在後來先知原來elaine, fanny, stella和管運雨都去, 鬼叫呢次係eva盛事, 一定會比面, 同埋可以見返阿蕉和veron都好開心~

今次我約左蔡蔡先在九龍塘KTR月台等, 可惜我因為屋企架村巴而令我遲左少少, 我哋只好趕快衝去poly和eva佢哋會面, 見到veron時仲高興到握住佢隻手, 蔡蔡講笑話當佢冇到, 放心, 我哋唔會唔理你~~所有人差唔多到齊之後,我哋一齊去影相!

其實呢一刻未黎齊人, 不如就我哋五個人連主角eva影返張先~~

呢張相隻sony貓加埋eva全個look好得意呀~!!不過點解我好似肚痛的樣子?

Elaine 係尾二黎到, 仲欠管運雨, 我哋先影相先~~

呢張係全部相之中最難影的一張, 因為要就到頂畢業帽飛上空中的時間, 影左好多次先至影到..

最後管運雨都黎左, 影左好多相, 但我選擇左d美相比大家睇下, 唔係有排post(真係好懶), 哈哈~~

最後因為蔡蔡同佢阿爸慶祝今日生日, 我又要走去mk拿少少野, 最後同唔到eva佢哋食飯, 先講句sorry先, 同埋祝蔡蔡爸生日快樂先~~

仲有仲有最重要的一句 : Eva, 恭喜哂你畢業先, 你穿起畢業衫好好睇, 好美女(>_<)

繁忙星期六

2007年10月6日星期六意見 (3)

今日返學前, 之前在街度做問卷個Johnny 又打電話比我, 問我聽日去唔去唱K, 其實同佢跟本唔熟, 加上edwin無端端冷落我呢件事, 跟本唔想去相信男仔, 所以婉轉拒絕. 之後佢問我係咪同成日係咪男仔去街, 又問有冇bf養...我問佢點解, 佢只講左一句話我係美女, 唔係我自大, 其實[美女]呢個字我成日聽男仔讚我, 但這又點? 我同男仔多數都係一d好差的回憶, 感情路上坎坷, 而且始終冇bf, 如果真係美又如何? 所以我真係好討厭人哋話我美和男仔~~!!!

之後又係上CS和攝影堂, 又講CS先, 今次我哋開始要做正式的功課, 唔再係堂上習作. 呢次功課的主題係4-6人一組做迷你遊戲, 有幾個條件, 首先隻遊戲要用咭紙及隨意轉動號碼的方式, 仲有草圖不可少, 仲要搵人去用相機拍攝製作過程. 睇黎大家都好努力呢~!!加油!

呢堂大家一齊整遊戲用的膠盒, 睇黎大家好努力介緊盒. 而我同而家圖中呢位女同學winnie 早已經商量左遊戲初步構思, 至於係整咩? 呢度先賣個關子先, 第時做完全隻game先至會post上黎, 大家總之有得睇, ok?

但個盒最後唔可以全部完成, 就要上攝影堂, 今次堂課為小組習作, 大約四至六人一組合力完成. 呢次係全組搵二件相同物件, 用唔同光圈及距離攝影, 呢件功課好快完成. 而且阿sir話前二次堂課唔使present, 勁開心. 我放學時同mandy講早已約左candy今晚8:45在mk見面, 買定聽日去eva畢業典禮的衣服, 而mandy也答應同我一齊去mk. 但因為mandy漏左八達通在課室而要折返, 好在各位好心的同學仔走出學校比返mandy, 結果比原定時間遲左到mk.

我哋去到mk買衫, 我和蔡蔡見到一條黑色短褲只售$30, 勁抵!!於是我同佢毎人買一條, 仲決定聽日一齊穿咩衫..條褲在屋企試穿過, 非常合身~~

最後在花園街搵左一間店舖食車仔麵, 唔知我係咪太餓, 竟叫左碗$24車仔麵, 真係誇張!食完野之後便各自回家.

佢真係阿sir黎嗎?

2007年10月5日星期五意見 (3)

今日如常上maths堂, 由於調左班房, 加上IVE呢間學校冇通知學生去邊個新班房, 所以我就要去校務處問下, 問完之後就收到mandy電話, 我哋約在校務處外等後, 就一齊入新班房上堂

今日教得好個miss冇返, 隔離班個阿sir代miss上堂, 聽mandy講呢個阿sir真係教得[好好], 問左佢同一條問題三次先會答人, 仲要係唔同答案, 今日我哋終於領教下佢的[利害] :首先佢成日假設毎個人都識計所有數, 佢自己輕輕帶過毎一頁就算, 有同學問佢問題先會詳細講; 仲有一樣最重要的事, 就係佢好易被人challenage 到佢, 先舉個例先 :

呢條數講點同線之間的關係, 數字1, -1 係代表點同線有關係, 0代表二者完全冇關係, 但在右邊最角落頭個[2]字真係唔知點解, 我哋就去問阿sir, 點知個阿sir想左一陣, 都係唔知答案, 仲要話係印錯? 唔係掛!!?就係因為同學唔認識問題答案先至問你, 點知你都唔認識, 我哋要個老師黎做咩? 解答學生之問題係老師基本, 但佢都唔可以做到, 真係有點兒那個吧? 好在佢只係代課, 否則我數學分數就真係[凍過水]-唔補考都唔得. 希望個老師快d返黎~~~

唔知好嬲定好笑

2007年10月4日星期四意見 (2)

今日放工之後趕去美容院做facial, 點知我去到mk地鐵站時, 美容院通知我改左時間, 由7:00改左去7:30, 本來想行花園街, 但驚最後趕頭趕命去坐車, 於是決定返荃灣的商場行下, 起碼比較易就返時間去美容院, 因為間野在荃灣

女人就係這樣, 有得行街, 即使係冇得買野, 都好鬼死開心, 但我去到一間鞋舖睇boot時, 有個死人師奶, 唔知佢係咪唔抵得妹妹仔穿boot比她美, 定妒忌女仔打扮得比佢美定點, 佢大大聲聲話d女仔大熱天事穿boot, 唔怕生野咩....一d極之難聽的說話, 其實我當時真係好得嬲, 想話返件八婆, 但係見到果間野boot比旺角平, 為左自己利益, 費鬼事同個八婆鬧交而破壞自己形象就唔好啦, 最後我只係呿佢一聲就算. 真係激鬼死我, 總之以後唔好比我見到呢件八婆!!!

終於夠鐘去美容院做facial, 都係離唔開潔面, 倒膜(即係做mask)及全身按摩, 但今次多左一樣野, 就係美容師用一支電捧, 支捧係紅色的, 目的係電死哂製造豆豆d細菌. 支捧在我塊面度look下look下好得意, 感覺似舊滑膠. 不過當支捧感覺到皮膚底下有細菌就會有少少痛~~最後做完facial, d美容師又例行會向我sell野, 但我呢次用返學要用好多錢為理由而拒絕左佢哋, 好開心呀~!起碼可以慳返一筆先!

做完facial 之後, 排隊準備坐村巴時, 有個年約30幾到的女人同我講, 話我好遲先至返屋企? 吓!?其實我完全唔認識個女人, 點解又會講呢句野? 不過我哋都在車上狂講美容的事, 當中我問佢在邊度有得買個蒸面機, 佢只答左我在旺角唔知邊度買, 總之係買國產貨, 但之後又講部機有易壞. 這咪即係冇講過野?

返到屋企之後都拿拿聲沖涼, 準備訓教. 仲有在上星期話post在美容院買d護膚品的相, 而家終於記得啦, 總之post左出黎先 :

呢支係潔面gel, 我本人都覺得幾好用, 洗完臉之後都幾清爽, 唔錯!