呢四個月同joejoe周圍去, 都唔知去咩地方好, 於是上網搵, 見到香港景點介紹中有個叫海心亭既地方, 又好似幾靚咁, 而joejoe也答應同我去睇一次, 於是大家約好二點見面, 可惜唔可以見大耐, 因joejoe要同舊同事睇陳奕信演唱會, 而我又要同calvin lor影相, 各有各節目, 但都想見下面既><
joejoe知我唔識去, 要特登答巴士join返我, 唔好意思呢!! 大家一齊坐巴士去, 好在唔係坐好耐, 終於到左海心亭啦....
第一眼見到個門口, 已經心知不妙, 心內[吓]的一聲, 睇黎都唔係咁多野睇=.="
我又唔記得左呢舊叫咩石, 係我心目中都同普通石冇咩分別....XD
舊石既close up呢!! 聽講joejoe曾經爬過呢舊石, 好勁啊><
吓!? 呢個就係海心亭!? 唔係掛....仲以為好有情調, 點知附近都係高樓大廈及碼頭....
行下又近d, 雖然的確唔靚, 不過都睇下個亭有d咩野先~
原來只有四張椅子及一副對聯....最後只係同joejoe坐係其中一張椅子度傾計就算
傾左冇耐就去食野呢, 我哋夜晚有活動, 又唔知幾時先可以食野, 惟有一早食左先. 加上距離各自活動既時間又耐, 於是周圍去搵下午茶食, 本來想去平既茶餐廳, 又覺得唔可以坐太耐; 最後決定左去飲下午茶, 又要joejoe去多次飲茶><
最後決定去飲茶既茶樓名及佢既LOOK, 都算ok架!!
間茶樓好似唔錯咁, 而且仲幾靚, 唔算太多人, 都唔係特別嘈既~
茶樓既另一角, 呢間茶樓都好似幾大咁喎, 而且裝修都幾好添!!
好肚餓啊~快d開茶先, 先開兩個位, 再加壺水仙先~
我哋兩個比較窮呢...只係叫左少少特價點心, 以上三款都只係9.8, 勁抵食!!
碟蝦腸真係超好味啊!! 仲想黎多一碟~~~但仲有其他點心, 唔可以叫咁多=.="
我因怕感冒再起, 都係食叉燒算, 叫左個米線, 又估唔到都幾食喎!!
joejoe既燒鵝河粉~joejoe 真係鍾意食河粉呢!! 加上燒鵝又好味, 早知叫呢個啦....
最後個點心拚盆都黎埋啦!! d野食就麻麻地啦, 不過見佢16元咁大碟, 又可以食到咁多款, 都冇咩所謂既^^
本來想係茶樓坐多一陣, 點知職員要準備擺酒既野, 有人結婚都冇計啦, 惟有走人啦....之後同joejoe到附近既家私店睇家私, 睇睇下果然真係想有二人既安樂轎窩呢><
我同joejoe都好like既水晶吊燈, 但特價左都要萬二元!!?? 果然夠貴呢!!
梳化既形狀都幾靚呢!! 而且仲坐得幾舒服, 全屋都係黑或紫, 會太陰沉嗎??
越睇越覺得開心呢, 加上D梳化又好坐, 真係唔捨得走, 可惜已經五點幾, 要開始起行答車了!! 好在joejoe都一直陪我答巴士及地鐵, 要你特登答咁多程車, 你都冇介意, 抵鍚>3<
之後去到中環同calvin lor會合, 最後換上套黑色衫及粉紅絲襪, 本來想影外景, 不過實在太凍啦, 只係IFC 既空中花園果邊影相, 不過也係全個IFC之中只有果度可以影. 仲越影越凍, d風吹亂我頭髮, 成個顛婆咁啦><
原來個花園上有好多呢類燈飾, 都幾靚架!! 可惜太凍呢, 唔係可以睇耐D><
本來個pose都冇問題架><""....但d風吹到我成個顛婆咁, 簡直係浪費!!
之後去左中環街市, 估唔到街市門外充滿各種畫及公仔, 真係好靚啊!! calvin果然冇介紹錯
另一幅畫呢~~隻貓拎住支rose咁得意, 一於同佢影下相先~
haha~等我都拎埋一份先!! 我都唔似拎住支花既, 掛住睇住隻貓男><
仲有另一張畫呢!! 現實環境之中帶有點抽象既圖案, 令人賞心悅目呢!!
我就至like呢幅, 望落去感覺舒服, 仲有係樹葉去到天花板架!! 大家唔好睇漏啊!!
終於黎到最後一張畫啦, 見到有隻黑色公仔及呢隻貓, 我同呢隻貓也結下良緣...XD
就算近影都唔知呢隻咩黎....算啦, 反正我既想像力唔太好, 又或者自己唔太識野吧!?
我真係大膽啊!! 我背住joejoe收左第二個男人支花, 呢次死得啦!!
不但收左貓先生支花, 而且仲主動獻吻, 最多之後鍚多d joejoe啦><
枱頭望下天花皮板, 都有好可愛既公仔呢!! 仲要寫住中環綠州...xd
天花板既貓貓畫另一邊仲有一張好有意思既畫, 我也比較like呢張, 我like呢隻畫風!!
街市出面有些玻璃, 我同calvin都自拍返一張相先~不過我d自拍技術就..
點解呢度叫做綠州? 你睇後面背景就知啦, 雖然d樹葉係假既....
終於影到最重要既部分, 就係公仔啦!! 第一隻就係扮熊仔既女仔啦!!
等我都同公仔影返張相先, 好like呢張相既pose呢!! 但同個女仔好似唔太夾咁..
之後再影呢隻牛女, 但我後來先發覺冇同佢合照過, 好可惜啊><
係牛女前面仲有隻虎女, 可能佢比較sharp, 所以都幾多人影佢架!!
等我都攬住佢先, 睇下我幾狼死!! 即刻黎個熊抱攬住佢!!
唔好唔記得牆角仲有個少女呢, 雖然佢咩都冇扮, 但仍然咁可愛^^
仲有屬於我生肖既狗狗啊!! 都可愛啊, 仲拎住舊骨頭~
呢次貪心D, 就一次過影哂兩隻啦!! 不過好似麻麻地好睇...
雖然呢個地方好細, 但連埋ifc度影已經影左兩個鐘到, 之後因為太凍唔可以出外影, 我哋各自回家了....好在返到屋企都仲有飯食, 又可以慳返筆, 真係好彩!!
welcome to my world...
My model life since Nov 09~
My sweet life w/ bf joejoe since Dec 09^^
本來同calvin lor去影相, 點知原來係個誤會, 話說我哋二人都以為今日去影相, 點知我睇返msn記錄, 原來係約左聽日, 但點解都以為係今日呢?? 可能係msn度傾好左, 點知改左日期, 但我部電腦hang左冇紀錄吧!? 加上佢又岩岩係大陸返落黎, 只好改左聽晚去中環影相吧!
最後都係約左joejoe去長州玩!! 呢次係第二次去啦~上次我去長州時病左, 要joejoe擔心. 所以今日著返多少少衫, 希望可以開開心心去玩吧!!
我哋約好左一點, 我都仲未食飯, 加上架船兩點十五分先開, 惟有同joejoe係碼頭等啦!! 我都買左碗二十元車仔麵食, 都ok好味啦, 不過包飲品三元真係好抵^^
終於到了長州呢!! 我哋租左間渡假屋休息一陣後, 又再次試下長州既街頭小食及周圍行下, 始終我哋咁遠黎到呢度, 當然要周圍行下散心. 首先去食野先, 上次我病左冇得食, 今次終於可以食返啦, 哈哈~
終於毎人買左串野食啦, 分別係生果凍及薯塔(其實我唔知咩名, 只好咁叫). 之後同joejoe合照先^^
不愧係joejoe呢, 同我影得咁靚, 加上呢兩串食物, 覺得我好大食啊, 哈哈!!!
joejoe拎住兩串食物個樣好可愛啊!! 估唔到佢都可以咁cute><....不過要快d食啦!!
仲食左呢個小缽仔榚~五元兩個超抵食, 都幾軟, 仲要係熱熱地, 好味!!
好可愛既小包山模型~呢間店舖既老闆貼左張紙, 話影完呢個包山要買野, 於是就離遠黎影, 可在可以zoom近去影, 咁就唔使買野啦^^
好大條既大平清照毛巾啊!! 不過我同joejoe應該唔會用吧.....XD
好多呢D可愛既魚魚袋仔呢!! 可能長州盛產海鮮, 魚都係長州既logo之一吧!?
仲有好多鋰魚旗!! 七彩續紛好鬼死靚~覺得好有日本feel呢!!
唔少得長州出名既單車~呢架係裝物件用既!!
載人用既單車, 同載物件好似差唔多!? 下次早d黎長州, 同joejoe一齊踏, 去到長州毎個地方先得!!!
途中見到既可愛魔鬼仔, 紅色呢隻好似我咁邪惡啊....XD
唔知咩野黎!? 不過個胡盧仔都幾趣致, 得我影埋佢先!!
好cute既小獅子公仔, 同樣都好有日本feel, 我覺得要成堆先至cute架!!
代表長州, 也係我毎次去長州都會停底望望既[平安包]啊!! 個cool旬實在太可愛啦, 好想買佢返屋企><
好抵既平安包!!!! 不過雪豆就麻麻地呢...我都係鍾意軟軟地多d><
好多平安包呢!! 仲有好多款物品, 又頸鏈, 鎖匙扣, 磁石及公仔等等, 全部都係平安包, 又係又係得意><
一串串既小包包, 不過細細粒比較硬既!! 但好多粒包包吊係度有幾cute!!!
行左一陣之後又返渡假屋休息, 應該話訓左一陣先岩, 訓覺後再去搵我地既晚餐啦!! 我哋本來想食海鮮, 但又得兩個人驚食唔哂, 而且我又唔食蝦蟹, 只係食魚及貝殼類, 可以簡既真係少之有少, 最後都係去上次間餐廳食粥, 食完粥之後我地有個建議, 就係去食desssert呢!! 終於可以食返, 太好了!!
今次去到呢間叫[大然]既dessert店舖內食野先~都見有幾多人叫外賣及堂食架!!
店舖內既格局呢!! 都係等人走哂我先至影, 始終都唔like有人入鏡><
一見到什果椰汁西米露就叫呢!! 果然係超好味!! 好多生果, 連埋西米露食就一流!!
西米露既close up呢!! 好多椰汁及我至愛既西米, 真係好正!!
joejoe叫既什果奶凍~個奶凍比所有生果遮住左!! joejoe比我試左d, 都幾香奶味喎!!
同joejoe二人既.....糖水合照!! 都係joejoe果碗多生果好多....XD
joejoe呢兩日辛苦啦, 最近呢兩日都要OT, 但我今日放工都打電話比佢, 希望可以見面及佢食飯啦~點知佢今晚竟然唔使OT!? 太好啦~於是我地約好左去旺角食飯!!
唔知係咪成個星期太耐冇見呢?? 我哋都好準時....大家見面都好開心, 於是我哋去女人街附近搵下有冇野食, 見到一間餐廳既外表及價錢都幾吸引咁, 於是走入去食飯^^
間餐廳雖然地方細細, 但格局都ok架, 而且仲幾浪漫feel呢><.
餐廳既另一邊, 仲有joejoe睇菜單!! 至於我就唔好影啦, 我冇化妝, 星期六日先啦...xd
名付其實既祝光晚餐呢~都幾浪漫下, 唔怪之得joejoe要簡呢個位啦><
joejoe個餐既沙律啊~~個樣好似好正咁, 但唔知好唔好味呢??
joejoe既珍珠奶茶及我既茉香珍珠奶茶, 我果杯就淡左少少=.="
我哋兩個人既餐湯及蒜容包~個酥皮餐湯要加多五元, 不過就麻麻地好飲><
整開左個蓋, 餐湯既樣啊~個湯都算唔錯, 不過酥皮太粉啦><
我叫既雙層魚天使麵~係煙三文魚及龍利柳, 煙三文魚好好味, 不過太少啦><
joejoe既魔鬼雞排及意粉, 不過見到肉都驚, 唔敢食太多, 連joejoe都食唔哂!!
最後既dessert tiramisu!! 呢個真係好好味, 好難得既係有酒味, 好多餐廳及麵包舖都冇既!!
食完飯之後去新世紀中心行下先, 就黎復活節, 有好多兔仔既物品, 超正的說~
雖然我唔like Hello Kitty, 但都覺得幾靚既, 所以都係影底佢先~
原來係sanrio賣童裝, 所以先有咁靚既布置, 連店舖內都好靚架!!
我至like既anna sui香水, 咁貴就冇錢買啦, 惟有影底佢當自己擁有!! 連張poster都咁靚^^
haha~想要既香水close up啊!! 真係好靚呢!!
於上年十月到, 阿head比我用公司既名義報珠寶設計及鑽石鑑定兩個course, 而且比出面平成幾百元, 但要等齊人先會開班, 直至到今日先有人打電話通知我, 係四月二十七日有班, 但要係四月一日前報名!? 唔係掛? 邊有人咁遲先通知架!!!! 首先講下個course既資料:
課程: 珠寶設計
日期: 27/4/2010 - 20/5/2010
地點: 九龍塘李惠利
上課時間: 星期二, 四及五, 7:00-9:30
費用: $335
本來資料都冇問題既, 但我都決定唔讀!! 點解? 咪有以下原因囉=.="
1) 報名時間太趕, 加上辦公竟然係最遲五點?? 我點去報名啊? 唔通要我請假去報名咩? 我都未做夠一年, 邊度有咁多假可以請? 好心佢辦公時間到七點都好, 咁我起碼放工都可以去!!
2) 就算時間就到, 都要公司證明文件, 即係證明間公司係從事珠寶業, 要咩商業登記證副本等待證明文件. 阿head又唔係咁like我, 老闆娘又話完我上網, 我仲點好意思叫佢地比我報啊!! 呢d咪叫tining唔岩, 如果早d有既話佢地都比我報名啦!! 而家都唔知點開口, 又費時佢地比面色我睇...
係公司都係悶, 咩都冇得做, 簡直同坐監一樣, 勁無奈....好想搵工, 應該話已經send左cv去apply, 但都冇回音; 琴日既六合彩又唔見我中, 真係勁慘, 惟有係果度做多陣.
本來想同joejoe放工行街街及食飯, 過下二人生活, 點知佢要ot, 仲要八點幾先放工, joejoe真可憐呢!! 我地只好傾電話><
今日同mokiaa, 及三名攝影師定左復活私影主題. 都好似幾有挑戰性咁, 幾好玩, 主題如下:
2/4 :
攝影師: nokiaa
地點: 松林廢堡
主題: 魔鬼及殺手
感想: 做魔鬼都幾好玩, 佢會用photoshop幫我加效果, 其實自己都幾似魔鬼呢!! 只係做返自己吧!? 至於殺手仲未諗到點玩, 不過同3/4果個咪撞左?
3/4:
攝影師: Season, Man 及 Chalice
地點: 廢虛,後港
主題: 銀槍少女
感想: 都係以cool為主題吧!? 好在佢地會準備槍比我, 但服飾果d就要自己諗, 最煩係條白色及淺色絲巾呢!! 都唔知去邊度搵好...嗚...
今早同菜菜msn, 佢問我今日得唔得閒, 原來佢見大家咁耐冇見, 想約我去同佢食晚餐, 求之不得啦!! 本來都好開心及期待今晚見面!!
點知下午時, 我聽緊個客既電話, 點知老闆娘突然同我大聲同我講[你仲上網, 返工時間唔準上網架喎, 只可以係lunch上!!]...我當時呆左囉, 比唔切反應, 我夠知返工時間唔上得網啦, 但係真係冇野做先迫於無奈上網, 況且唔止我一個, 我親眼見到個男同事及阿head都有上啦, 只係佢地個位唔近你, 部電腦背住你先見唔到o者, 我係你間房出面實見啦!! 我地做相同既事, 點解只係鬧我一個!!!??? 實在太唔公平啦, 果陣真係好嬲, 全程黑面, 真係好想離開呢間得閒, 無前途及唔公平既公司!!! 自己惟有吞聱忍氣到放工....
今期六合彩有成6800萬獎金, 放左工之後幫爸及自己去買六合彩, 原來我哋全家人都買哂, 可惜冇個中呢!! 如果中左既話我實炒左個老闆!!
之後同菜菜會合, 係會合前joejoe做我既聽眾聽我講公司既不滿, 多謝你啊^^....最後終於見到菜菜, 之前既唔開心野暫時忘記, 先去搵地方食飯先~菜菜介紹左個好地方去食飯, 一於醫飽左個肚先...XD
就係呢間叫做[維苑]既餐廳, 睇落去裝修就普通, 但D野都幾好食咁, 而且又平^^
維苑餐廳既門口, 望去入面感覺地方好大及好舒服~
門口既餐牌~估唔到價錢都幾平, 四十幾元就有個鐵枝, 焗飯或炒粉麵套餐. 貴極都係唔過百元既牛柳鐵板, 見菜菜話好味, 價錢又吸引就入去吧!!
我同菜菜呢兩個病人終於都破戒, 感冒仲走去食雞及食鐵板燒. 我就因為勁like 龍利柳及鐵板既緣故, 即使係有雞排都走去叫, 好在最後都冇事!!
廿岩岩淋左d汁落去, 仲有好熱既[支支聲]~好香好好味咁喎!!
菜菜叫既什排~睇落去都唔錯, 幾好味咁喎!!
同菜菜食完飯之後周圍行下, 除左買一件20元既小背心外, 仲黎到呢間叫[亞里巴巴]既choco店, 真係幾靚既, 可惜就貴左少少...
可能隔住玻璃唔係影得太清楚....係用choco影既兩盆choco花!!
好多店舖都關了門, 原來已經九點幾啦!? 菜菜都要返去湊bb, 而我返屋企都夜啦, 只好答地鐵返屋企....好在最後都記得同菜菜合照, 不過大家都唔係咁靚女, 都係唔好po係度啦, 都係email比返菜菜算...XD