同joejoe 山頂的浪漫之旅

我都唔知係咪香港人黎既, 竟然未去過山頂, 好在有joejoe同我去, 多謝joejoe同我展開我既第一次山頂加浪漫之旅~

由於joejoe要去佢親人屋企, 所以約左佢四點係金鐘地鐵站等, 我哋果然係準時之人, joejoe仲一早到左等埋我呢, 見到佢好開心, 即刻露出笑容了....原來我地大家都唔識路, 問左IFC內既員工就冇問題啦^^



去到坐山頂纜車, 點知出面勁多人排隊!? 唔係掛!!



太多旅客啦!! 要排隊買票, 哇!! 原來來回都要成三十六元架, 咁貴既?? 不過冇坐過就豪一次比佢啦><



買完票之後排隊答車, 途中有個小型纜車博物館, 就影返張相先~



排左好耐隊終於有車啦!! d人都擁到上去, 好迫啊!!!



終於上左纜車啦~~好在有位坐!! 仲可以影沿途一帶既景色....XD



窗外既景色真係好靚, 唔怪之得咁多旅客都爭住黎影相啦...XD



果然係影師joejoe呢!!! 影得好特別, 出面好似開得好快咁^^



終於到左山頂!!! 首先見到個市集, 好多中國特色既野買呢!!!



賣既係一d古董鏡吧!? 都只係二十元, 唔係太貴, 仲幾靚咁既樣~



賣中國鞋既店舖~附近仲有大人及小孩既唐裝, 不過女人街都有好多, 所以冇影到....



終於到左蠟像館!! 有好多好似真既明星咁, 大家都走去影相先~本來想去睇下, 點知要成百幾元一個人, 咁貴架!!



突然唔記得佢係邊位....不過佢好型仔, 見好多人都搵佢影相><



在售票處旁仲有楊紫瓊, 佢件衫真係好靚啊!! 不過都係呢句, 太貴所以冇入去睇><



仲有一個迪士尼既售票處~果度都整得幾靚咁, 先高抄影底先~




自己影得咁暗都有!? 都幾多人影相咁, 鬼叫呢度咁靚咩??



售票處外既高飛狗, 個樣傻傻地, 都整得幾可愛咁!!



仲有靚女既米妮呢~~突然諗起我既堂妹, 佢英文名又叫minnie, 但因為四叔離婚, 已經好耐冇見佢....



當然唔少得米妮既bf米奇啦!! 同米妮一齊企在門口守住!!



旁邊仲有隻唐老鴨添!!睇佢個樣幾得戚!!! 不過都幾多人搵佢影相

之後行哂全個商場, 都係食既地方比較多, 有d餐廳會比較平, 有間叫做[香港地]既茶餐廳比較平, 不過好少款食物; 有d真係好貴, 有間日本料理既和牛兩人份定食要成千幾元!? 不過裝修真係唔錯, 仲有部分賣電子玩具既店舖....最上層係答山頂凌宵閣既車, 不過有點貴呢...我同joejoe都冇答...

行完呢個商場之後便到其他地方行行, 期間見到個大廣場, 簡直係可以用[煙霧迷漫]黎形容, 因為真係太大霧, 加上下午返風, 開始凍起黎, 好在我帶多件外套及長褲, 但joejoe咩衫都冇帶, 見到joejoe手都凍埋好心痛呢!!





一出商場已經好大霧, 而且仲一陣寒風吹黎, 簡直凍到入心入肺啊><""


一個叫做山頂明珠既地方, 不過我地都冇入去睇過, 唔知係咩黎....



再行近d仲大霧, 都係第一次見, 覺得好迷幻, 眼前一片朦朧, 但感覺幾得意^^



途中見到既住好D所做既兩架巴士, 都幾得意喎...XD



一架纜車樣既詢問處, 都幾得意咁喎, 而且仲可以入去睇下~



架車一共有兩道門, 係出口及入口嗎?? 不過D人都唔會理, 總之有得出入就得~



車卡內有座位比人坐既~就當係個休息既地方啦, 但太多人影相, 唔可以坐得太耐....



見大家都係度影相, 一於同joejoe影返張合照先~



有個叫做太平山既地方, 究竟係咩黎呢?? 等我同joejoe去睇下先~



個窗口又幾靚咁喎, 再走近d睇下, 不過岩岩有個人拖住隻大狗出黎, 嚇死我啦!!



原來係間cafe黎既, 使唔使咁靚啊?? 不過睇佢個樣多數都好貴的說....



廣場附近既地方都行完啦, 我哋向前面既商場進發!! 距離唔係太遠, 但已經睇唔清楚, 果然係出名大霧呢!!



終於到左一個叫山頂廣場既商場, 快d入去睇下先, 順便避下風!!



上左電梯, 行左冇耐見到一個賣靚畫既地方, 不過盛惠最少二萬元.....果然係有錢人玩意...



有冇錢我都唔會買既, 但影相無妨, 門口呢張關於戰爭既畫都幾靚~!



另一幅關係戰爭既畫, 全幅用了藍色表示冰冷既感覺, so good!!



呢張以大自然為主題既畫全綠, 感覺好舒服!! 可能自己都係like大自然吧?



至愛相信係呢張畫吧!? 小女孩表情柔和, 色調也配合得好好, 整體望落去好colorful, 但又覺得舒服~



畫店的隔離有間好可愛既店舖, 擺左呢兩條特別既恐龍, 都幾可愛咁喎...XD



係底下商場見上面兩隻恐龍, 再上多一層可以見埋其他恐龍, 超正啊!!!!>O<



好靚既煮飯仔啊!! 估唔到而家d玩具都咁靚, 整到我都好想要返大套><



之後去商場既最頂層, 也係山頂部分, 可以見到山下既景色啦!! 不過全部都係霧!! 呢個係天台既一個擺設~



見到周圍都係霧, 除左樹之外根本睇唔到山下既景色...

我地坐左一陣傾下計, 但真係太凍啦, joejoe只有一件衫, 到最後都係離開. 全個山頂都叫行完吧!? 咁就答返纜車返金鐘. 本來見到有地方答巴士及的士, 而且比纜車平好多, 又唔使排隊, 但我哋買左套票冇理由唔答吧!? 於是冒住寒冷係外邊等纜車....本來想去旺角食飯, 但見joejoe咁凍, 最後決定返到金鐘先至食飯吧!!

去到金鐘啦, 全程都握住joejoe隻手, 見佢暖返d都好^^....去了海富中心食飯, 我地既食物選擇恐懼症又黎啦!! 最後唔好諗咁多, 一於去super sandwiches度食~



間餐廳雖然好細, 但裝修真係好靚~同joejoe簡左個近玻璃窗既位坐^^



我同joejoe叫左兩份套餐, 呢件choco蛋糕係送既, 食唔哂就比我打包, 真係勁好味, 好香choco味啊!!><



我同joejoe叫左個相同既餐, 呢個係煙三文魚螺肉扁意粉, 都幾好味既, 唔錯啦!!



我同joejoe份餐都到齊啦!! 仲要連埋飲品及件蛋糕, 仲欠一個湯!! 26號牌係我地等食物既號碼, 會有專人拎野食比我地^^



全部野食到齊啦!! 仲擺到全張枱都係, 真係好誇張呢!! 我哋真係可以食得哂嗎??><



飲個餐湯啦, 也係最好飲果樣!! joejoe真係勁啊, 個餐湯可以食哂全個酥皮, 剩下簿簿既皮!?



我就普通方法咁飲, 就係整爛個酥皮, 把酥皮整落d湯度飲, 個湯仲熱, 加埋林林既酥皮, 簡直係人間極品!!



真係太多野食啦, 本來想慢慢食, 點知已經關門, 只係八點幾, 咁早架!!? 惟有打包d野返屋企食啦!!



店舖外都有幾張椅子大家坐下既, 我同joejoe都坐陣先, 都幾好坐喎, 椅子好軟好舒服^^



我份外賣仲係個位度~坐左冇幾耐間店舖終於關門, 連出面呢度都唔可以坐人啦!! 唔可以同joejoe坐耐d><

見joejoe凍凍地, 我又病病地, 只好早d返屋企, 同joejoe去到巴士站同佢等巴士. 下個星期唔知幾時先可以再見呢, 咁快就要離開.....希望下個星期我好返哂, 同joejoe見多d啦><

鹽田仔 @ 私影 with dainel lo

終於到左私影時間啦!! 好似好耐冇影過咁, 其實都唔係好耐o者, 只係隔左一個星期到, 但已經好想去影, 所以即使病也要去影相先!!

大頭蝦既我唔記得左入daniel 個電話, 所以到左都唔可以打比佢, 惟有係我地既集合地點: 何里活中心地鐵站外等佢, 但又等唔到, 於是去左巴士站, 最後又返去地鐵站外, 好在終於見到佢, 太好啦!!

我地一齊答巴士去到西貢碼頭, 原來呢度係同liz佢地去camp時去過既地方, 只係上次我地去坐旅遊巴, 今次係相反方向去碼頭, 見到有好多小販叫賣~



真係幾熱鬧架~~又多顧客, 又多小販叫賣, 超正!!



去鹽田仔都幾遠架, 我地要再坐呢類船去影相先得!! 好似好得意咁^^



終於上到船啦!! 呢個係船內~坐船都幾貴架, 毎人成七十五元來回, 多謝daniel請我坐^^



先叫daniel幫我影張相先~我呢次影相轉左新look, 係長直髮!!



再黎個全身照先~遠身都好d, 冇咁肥ma!!



隻船雖然開得好慢, 但都見到水花四淺, 而且仲有好大陣汽油味=.="



坐左約二十分鐘到船, 終於到左鹽田仔啦!! 前面係鹽田仔碼頭~



答車連船兩個幾鐘, 終於到左啦!! 但原來係村內影相一定要親自早一日黎登記!? 仲唔可以網上登記, 有冇搞錯啊!!



我地只好去村外影相, 原來村外係座山黎, 呢次真係要行山啦, 好鬼多蚊啊><



仲要行樓梯, 呢個山真係多樓梯, 成日行到我氣來氣喘=口="



途中比我地見到呢棵有紅葉既樹~呢個季節仲可以見到, 好難得啊!!




可能我地唔係太識路, 黎到呢個堤壩已經係最後一站, 咁岩見到一個女仔影婚紗相=.="




可以見到附近島嶼, 加上接近黃昏既景色, 好靚啊!! 如果可以同joejoe黎就好^^



我哋隻船到左啦!! 最後因為趕船及影相, 唔記得左影底個碼頭及村前破屋><



我同daniel坐船返西貢時, 船司機話要去呢個島上接人坐船, 估唔到呢個島都有人去既?? 聽講係個泳灘之類??




好啦, 又帶返大家去西貢呢個唔知咩咩公園啦, 係近既toliet換衫, 之後見到呢個紙船, 勁cute!!



換完衫之後去左一間cafe度食野, 呢間cafe都幾靚, 而且仲近海邊, 但價錢似乎貴左d....



餐廳既另一邊, 係近海果邊~大家都似乎好enjoy咁^^



餐廳內既枱及椅子, 估唔到又幾鬼好坐, 加上可以望到海邊及碼頭, 簡直一流!!



餐廳既另一角, 你睇有個女人幾enjoy, 又睇書, 又飲咖啡, 一流!! <--喂! 你又知人地一定飲咖啡=.="



病左真麻煩, 又唔食得雞, 惟有食住煎炸野先, 因為四個特價套餐中, 有兩個有雞, 一份係西多士, 比daniel叫左, 只好簡呢個啦!! 春卷都幾好食的說~



其實全份都幾好食既, 不過38元加一真係貴左d, 多謝daniel請我食呢餐!! 同影師影相都幾好, 除左靚相外, 又可以食返餐^^ (kumi shing!!! 邊度得黎咁貪心架!! 唔要得=.=")

美女機械師

黎緊既復活節假期即將會影唔同既主題, 一個係同nokiaa構思中既魔鬼, 加上少少幻想成分既魔法, 自己都好期待, 可比大家暫時睇睇個效果先~



呢個係其中一個效果, 都應該幾好玩既^^



另一個效果係加上一對黑翼, 應該都係幾好玩^^

仲有第二個theme, 就係同三位影師一齊諗個主題影相, 其中有位影師建議影呢輯, 而家都幾like呢輯相, 冇一般model著靚衫及扮架妹影, 而且仲好特別, 好有味道, 同大家分享下~



呢輯相真係好型, 襯哂我男仔頭及好cool既性格^^



呢個女仔真係好型, 而且真係好靚, 唔知我有機會影既話會唔會影到好似佢咁靚女呢??

好期待復活節既相, 覺得好似好多野玩, 可影唔同既style, 好好玩啊!! 可以不停嘗試都唔錯啊!! 總比影會好玩好多^^