終於到左私影時間啦!! 好似好耐冇影過咁, 其實都唔係好耐o者, 只係隔左一個星期到, 但已經好想去影, 所以即使病也要去影相先!!
大頭蝦既我唔記得左入daniel 個電話, 所以到左都唔可以打比佢, 惟有係我地既集合地點: 何里活中心地鐵站外等佢, 但又等唔到, 於是去左巴士站, 最後又返去地鐵站外, 好在終於見到佢, 太好啦!!
我地一齊答巴士去到西貢碼頭, 原來呢度係同liz佢地去camp時去過既地方, 只係上次我地去坐旅遊巴, 今次係相反方向去碼頭, 見到有好多小販叫賣~
真係幾熱鬧架~~又多顧客, 又多小販叫賣, 超正!!
去鹽田仔都幾遠架, 我地要再坐呢類船去影相先得!! 好似好得意咁^^
終於上到船啦!! 呢個係船內~坐船都幾貴架, 毎人成七十五元來回, 多謝daniel請我坐^^
先叫daniel幫我影張相先~我呢次影相轉左新look, 係長直髮!!
再黎個全身照先~遠身都好d, 冇咁肥ma!!
隻船雖然開得好慢, 但都見到水花四淺, 而且仲有好大陣汽油味=.="
坐左約二十分鐘到船, 終於到左鹽田仔啦!! 前面係鹽田仔碼頭~
答車連船兩個幾鐘, 終於到左啦!! 但原來係村內影相一定要親自早一日黎登記!? 仲唔可以網上登記, 有冇搞錯啊!!
我地只好去村外影相, 原來村外係座山黎, 呢次真係要行山啦, 好鬼多蚊啊><
仲要行樓梯, 呢個山真係多樓梯, 成日行到我氣來氣喘=口="
途中比我地見到呢棵有紅葉既樹~呢個季節仲可以見到, 好難得啊!!
可能我地唔係太識路, 黎到呢個堤壩已經係最後一站, 咁岩見到一個女仔影婚紗相=.="
可以見到附近島嶼, 加上接近黃昏既景色, 好靚啊!! 如果可以同joejoe黎就好^^
我哋隻船到左啦!! 最後因為趕船及影相, 唔記得左影底個碼頭及村前破屋><
我同daniel坐船返西貢時, 船司機話要去呢個島上接人坐船, 估唔到呢個島都有人去既?? 聽講係個泳灘之類??
好啦, 又帶返大家去西貢呢個唔知咩咩公園啦, 係近既toliet換衫, 之後見到呢個紙船, 勁cute!!
換完衫之後去左一間cafe度食野, 呢間cafe都幾靚, 而且仲近海邊, 但價錢似乎貴左d....
餐廳既另一邊, 係近海果邊~大家都似乎好enjoy咁^^
餐廳內既枱及椅子, 估唔到又幾鬼好坐, 加上可以望到海邊及碼頭, 簡直一流!!
餐廳既另一角, 你睇有個女人幾enjoy, 又睇書, 又飲咖啡, 一流!! <--喂! 你又知人地一定飲咖啡=.="
病左真麻煩, 又唔食得雞, 惟有食住煎炸野先, 因為四個特價套餐中, 有兩個有雞, 一份係西多士, 比daniel叫左, 只好簡呢個啦!! 春卷都幾好食的說~
其實全份都幾好食既, 不過38元加一真係貴左d, 多謝daniel請我食呢餐!! 同影師影相都幾好, 除左靚相外, 又可以食返餐^^ (kumi shing!!! 邊度得黎咁貪心架!! 唔要得=.=")
welcome to my world...
My model life since Nov 09~
My sweet life w/ bf joejoe since Dec 09^^
黎緊既復活節假期即將會影唔同既主題, 一個係同nokiaa構思中既魔鬼, 加上少少幻想成分既魔法, 自己都好期待, 可比大家暫時睇睇個效果先~
呢個係其中一個效果, 都應該幾好玩既^^
另一個效果係加上一對黑翼, 應該都係幾好玩^^
仲有第二個theme, 就係同三位影師一齊諗個主題影相, 其中有位影師建議影呢輯, 而家都幾like呢輯相, 冇一般model著靚衫及扮架妹影, 而且仲好特別, 好有味道, 同大家分享下~
呢輯相真係好型, 襯哂我男仔頭及好cool既性格^^
呢個女仔真係好型, 而且真係好靚, 唔知我有機會影既話會唔會影到好似佢咁靚女呢??
好期待復活節既相, 覺得好似好多野玩, 可影唔同既style, 好好玩啊!! 可以不停嘗試都唔錯啊!! 總比影會好玩好多^^
其實好討厭病, 因為要比醫生破費及食埋苦到死既藥外, 仲要戒口, 咩都唔食得, 包括我至like既雞翼及炸野食, choco又唔食得, 飲choco奶又惹痰, 對於鍾意食野既我都幾痛苦, 但食藥真係太苦, 所以放工見冇咩野做, 便走左去商場夾糖食, 真係好耐冇試過><
影得好鬼樣衰!! 夾糖都夾左14元, 但好似好少咁, 不過唔緊要, 全部都係我至like既糖. 包括紅扁帶, 桃味酸心心, 奶樽糖及磨姑糖^^
全包糖有埋個夾仔夾, 好cute呢!! 雖然佢係少, 但夠我食三日呢!!^^
可能病人要成日食藥, 同埋個口好苦, 咩都唔食得咁慘, 覺得唔可以對自己咁差吧!? 所以就頑皮地去買一次糖食啦^^
已經病左三日呢....食左樂信都仲未好返, 而且仲好似病得勁左咁, 本來只係喉嚨痛, 而家仲咳及流nose水, 最後決定放工之後去睇醫生
但睇醫生都波折重重, 本來想係公司附近睇醫生, 點知真係好貴, 其中有一間更至少200元!? 我都未睇過咁貴既醫生. 之後打算返舊屋企附近睇開果間, 於是走去答小巴, 點知又勁多人排除, 後面個女人講電話仲要勁大聲, 於是我就打算返屋企唔睇, 點知仲多人排隊, 最後點?? 咪走返去答小巴去舊屋企附近睇醫生, 覺得自己哂左咁多時間, 最後都係呢個決定, 覺得自己有d岸居=口="
好在沿途都有joejoe同我傾電話先冇咁悶^^
終於可以睇醫生, 但要快d去睇啦, 唔係過左八點就關門(我去到已經七點半). 都知道自己係感冒架啦, 又要食藥啦....仲要係果隻最難食既咳藥水=.="...我都古惑地拎定聽日既醫生紙, 唔知聽日會唔會請假, 點都拎左先~
返到屋企即刻食藥先~七彩繽紛既藥丸及咳藥水, 嗌哂help都似=.="....食完藥快d訓先得!!
終於到左姪仔生日呢!! 先祝佢生日快樂, 同埋希望佢會乖d, 快d學識講更多野, 以及最重要既身體健康~及唔好再令我父母頭痛啦, 就送對鞋仔及比錢佢買野啦^^
我妹妹勁啦, 先去pizza hut買pizza先, 好耐冇食過啦!! 但佢要去拎野去老闆娘間餐廳, 父母, 細佬及弟婦先到屋企, 所以全部人等埋佢先食. 妹返黎屋企之後, 仲講咁多做咩, 開餐先~
其中一件唔spicy既至尊批, pizza當然要啖啖肉先正! 雖然我平時少食肉.....
呢件都係至尊, 不過係spicy既, 正當我想影相時, 我爸已經急不及待拎左一件=口="
呢個白汁意粉似乎唔太好味呢.....可能係凍左先唔好味吧!?
呢個磨菇卷都幾好食, 唔錯啊!! 可惜毎人只可食一件, 想食多d都冇....
最好味既唔係pizza, 反而係呢個葡國雞飯, 又香又好味呢!!
食完pizza之後休息下先食蛋糕, 而家影下壽星仔個樣先~果個史迪仔圍巾好cute啊!!
姪仔岸居居個樣好cute, 真係唔知佢望咩望到呆左=口="
終於到左生日蛋糕環節!! 由媽媽親自寫上姪仔個名, 仲要加埋[2歲], 生日快樂^^
點上爉觸先~毎支就代表一歲啦!!
咁好味既蛋糕呢~姪仔快d切啦, 姑媽有得食啦!! (呢個姑媽真為食=.=")
屋企毎人一件的確好!! 但多左一件出黎?? 原來我媽媽唔食choco, 最後一件我要埋先!!
後來媽媽仲整好味湯丸, 但我食左兩件蛋糕開始飽囉....最後只係食左三粒湯丸, 不過唔緊要啦, 仲有大把機會食!! 至緊要大家及姪仔開心就得啦^^
琴日去完長州之後果然病左, 都係自己抵死, 冇聽joejoe話拎多件衫著, 加上自己喉嚨痛仲食麥樂雞, 今日都仲未好返, 除左喉嚨痛外, 仲流埋nose水, 今次真係死得!! 焗返身汗真係以為自己好返, 點知病得仲勁既.....anyway, 我都堅持唔會睇醫生, 又冇得claim錢, 又唔可以請病假(因未做夠一年), 唔可以咁蝕架ma, 惟有頂硬上啦!!
終於捱到放工, 見到媽媽同姪仔玩咩呢?? 原來係識字卡啊, 好耐都冇見過啦!!
妤多款既卡卡~呢個係動物既, 不過姪仔連一樣都未識讀呢....唔緊要啦, 過埋聽日就兩歲仔, 希望佢識啦!!
最可愛係呢套既卡, 有哂屋企既毎個人, 公仔都好可愛, 好多名姪仔都識叫, 抵鍚>3<
聽日就係姪仔生日呢, 唔知會點同佢慶祝呢?? 時間過得真快, 咁就兩年啦!! 但自己都仲未結婚, 唔好講有咩bb....但係我覺得都係唔生會比較好呢~
二十七年黎從未真正慶祝過情人節, 唔好講白色情人節啦, 自從認識到joejoe之後, 佢帶給我歡樂及無比既幸福, 可以感受到真正既戀愛, 多謝你^^
大頭蝦既我因為之前從未慶祝過呢日, 所以我約左影師影相, 但joejoe佢唔開心, 於是就改期, 而今日我哋慶祝既地方係長州, 我仲未去過呢, 覺得好期待!!
我哋去中環碼頭搭船呢~不過個碼頭好大陸feel=口="
坐左一個鐘頭船之後, 終於黎到長州啦, 真係辛苦哂一直同我黎既joejoe呢!! 見到有好多個地方咁, 有排行呢...
落船後見到好多漁船, 加上望住個海, 風景都幾靚, 有海風都覺得好舒服!!
長州附近都幾多廟宇, 呢個係其中一間叫玉虛宮!? 咁似古代小說名既=.="
之後joejoe為我預約左渡假屋, 比我哋行得累時休息一下~
後來先知我哋既渡假屋係...東堤小築!? 唔怪之得咁平啦, 不過唔係過夜都ok既....
間房間真係幾細, 但對於兩個人黎講已經足夠, 我都希望可同joejoe有間自己既屋呢~
屋內既小椅子及枱~不過張枱好明顯係方枱吧!?
係屋內開始覺得喉嚨有d痛, 死啦, 唔知係咪搭船去長州時有d痛, 但我地一去到麥當當仲食麥樂雞加重病情既緣故呢??
雖然係病左, 但又唔想係間房度, 終於周圍行下...點知比我地見到好大粒魚蛋, 成個ping pung咁大個, 好勁><
附近仲有一串串既生果及薯片, 可以自己病左冇得食, 只好望住人地食及影相><
見到一間好靚既餐廳~如果我可以同joejoe去食就好啦!!
餐廳都幾大下, 我要分兩邊影, 呢個係右手邊既側門~
餐廳既另一邊~間餐廳邊度得黎咁多門口架!!!???
見到大家都影下, 等我地都去影下先~幫我地影相個女仔都幾pro, 係唔同角度影唔同相~
就連打直影都有!? 咁有心機影我地, 多謝哂^^
呢間都唔知係屋定店舖?? 我估應該係屋黎吧, 又整得幾靚喎~
有間叫棉花百貨既小店舖都幾得意, 但冇咩時間行唔可以入去睇, 有d可惜...
呢間手工藝既店舖又好似唔錯咁~好辛苦先等到冇人可以影相><
咁快到左食飯時間~joejoe見我病都就我去食粥, 多謝你!! 呢個係我叫既皮蛋碎牛粥, 勁多皮蛋及碎牛, 係一碗好夠料及好味既粥~
joejoe叫既菜乾粥?? 成日都唔記得個bf食咩野都有><
豬潤腸粉~皮又滑, 豬潤又軟, 真係好好味!! 我同joejoe好快就食哂!!
呢個炸兩都幾好食, 內脆外滑, 可惜joejoe太飽及我又病左, 唔係一定會食哂佢!!
我哋最後答九點半既船離開, 希望可再黎呢個令人覺得輕鬆及悠閒既地方. 但我下次一定會帶夠衫, 唔會比自己再病!! 最後返到屋企惟有食樂信, 再焗返身汗訓覺><