今日都係去私影, joejoe唔好意思呢, 竟然陪唔到你....講返個影師先, 呢個也係第一次合作, 佢叫wilson, 之前受朋友影響影左好多cosplayer, 後來佢想影返多d時裝, 我也有幸成為佢model之一, 多謝佢比機會我先^^
本來約左去梅樹坑公園影相, 可惜天不造美, 全日都落起雨來, 而且仲好凍, 只有十幾度. 我臨去到目的地時, wilson先改變地方, 最後去左屬於室內(!?)既科學園影相. 我記得之前見過有人係果度影相, 呢次終於到我啦, 唔知我又會影成點呢??
呢度就係科學園啦~全部都係玻璃窗, 好似都幾靚咁既~
室內仲有好多植物, 加上毎座建築物既玻璃窗, 望落去都幾舒服^^
wilson要整佢部相機, 佢帶我黎其中一間餐廳, 而我就周圍影下相及叫食物~
餐廳外既樹木, 仲有間OK係樹旁, 加上全部都係玻璃做, 唔使開燈都好光!!
餐廳附近既入口, 而家咁凍一開門就有陣風吹入黎, 好凍啊><
我連午飯都未食呢~呢個燒鵝米正啊, 唔客氣啦!!
食完野之後開始影相, 首先係做下熱身, 去餐廳樓上既一條行人天橋影相先~原定呢日好熱, 所以買哂春裝, 點知就出事了, 一除衫影相就...凍死><
似乎pose仲有d硬呢, 要wilson成日提, 加油啊!!
行過天橋前見到有些擺設真係好靚啊!!
之後去到另一間cafe, 睇落去好普通, 影相都一流喎!! 我好似等緊人個傻樣, 不過都係暫時至like呢張^^
原來我飲野個樣咁cute都有!? 我以為自己好核突, 好在都唔係想像中咁差~
呢個個pose及表情都唔錯啊, 好自然...xd
cafe外仲有個露天茶座, 平時好多人架, 今日就冇人, 超正, 點影都得!!
話說頂帽原本係帶住, 但因為落雨唔可以影開心既春天景, 於是我忽然寧機一觸, 諗到用黎做道具, 比人一種思念既感覺~
另一種感覺呢, 同樣都係要望住頂帽~
由於天雨及寒冷既關係, 呢個已經係我哋呢次私影既最後一個地方, 就係呢個巨蛋!!
等我呢個傻妹去扮下大陸自由行影下相先, 好核突=.="
呢日真係落雨架, 要邊行住邊影相, 好凍呢><
影呢張相就嬲啦, 其實途中都有人好奇我係度私影, 估唔到有幾個男仔話我係o靚模, 都覺得幾難聽架, 我邊忽o靚啊, shit!! 不過算啦, 我成日比街外d人及影師以為我20, 突然好似時光倒流....
全輯相既最後一張, 串埋都係一個故事黎架, 至於個故事係咩?? 我諗要等到五月先知道呢..因個影師要執相~
最後同場加影既係~我私影之後, 我妹係老闆娘間cafe度拎返屋企既蛋糕, 至於好唔好味呢..都ok既, 係藍莓焗芝士蛋糕及芒果cream蛋糕~
welcome to my world...
My model life since Nov 09~
My sweet life w/ bf joejoe since Dec 09^^
同nokiaa呢位朋友已經係三個月前卜好左呢, 終於到左大家一齊合作影相既日子, 一直同佢傾, 都未知佢係咩人及咩樣, 今日可見下啦!! 睇黎佢個樣都唔似四十幾, 係後生d就真, 唔記得同你影合照><
終於到左我一直想去既南生圍啦!! 只要過對面河就到^^
未過河之前既景色, 全部都係小河及舊屋呢~
只要坐對面既船就到啦~
就係要坐呢隻船啦, 係個阿婆撐船架, 毎位盛惠五元, 雖然五分鐘時間都冇, 但坐係船上感覺幾得意~
過到對面岸啦~見到一望無際既草地, 感覺好舒服呢~
仲有路兩旁長滿榭木, 充滿大自然既感覺呢, 不過有少少毛毛雨既關係, 周圍有點濕咁...
途中經過呢條橋, 有咁靚既景色, 唔怪之得係毎個model及遊客必影既地點啦, 不過排隊等影相要耐少少呢~
影左出黎就係咁既樣~都係影風景多, 個人就係橋頭影~
經過頭先條靚橋再行約五分鐘, 就見到呢個石級, 周圍既景色都幾靚架, 也係nokiaa發覺我比人偷拍既其中一個地方~
其中一張既近鏡, 最後nokiaa都冇執到呢...就擺係我個blog度啦!!
我既另一張近照呢~我估....都ok吧!? 不過我比較like上面果張^^
呢間廢屋係最多人影既地方, 也係我影得最多相既!!
係下層破屋內影既相, 見到入面都係已破壞既傢私已經知道啦~
上到屋既上層, 係一間綠色既屋, 但估唔到影出黎既相又幾好睇~
上層既天台, 可望到全個南生圍架, 也係影相一定影既地方~
連呢條樓梯都好多人影架, 仲見到有兩個同我一樣著lace衫既女仔影, 不過佢地d pose就...同我以前最初影一樣要影師教....
我都幾like呢張既pose架, 好少有背面既相, 而且睇落去仲好似好瘦咁...XD
屋後都可以影架, 又可以影返我擅長既cool style~
屋外仲有一舊斜斜地既石, 加埋後面既樹景超正, 不過影時影, 小心走光呢~
影影下不知不覺已經五點, 似乎仲有地方未影呢....我哋快d影埋果個地方先. 其實本來唔使太趕, 但因為婆婆生日要去食pizza hut, 所以咪要趕住七點前走囉~唔好講咁多, 快d去埋最後既地區先~
就係呢個地方啦~可望到周圍都係木橋, 景色都唔錯架!!
係橋中間有坐破既亭子~連地板都係爛, 唔小心呢...哈哈...可能會跌落去都唔定, 但膽粗粗既我仲敢坐係亭邊影相...XD
連破橋都幾好影架, 不過都係要小心D, 唔好大力踏啊!!
我比較like呢張多d, 如果果把唔係遮, 而係劍都應該幾正^^
條橋就係咁既樣~佢真係斷開左一部分架!! 聽nokiaa講以前呢條橋係連埋, 真係唔知點解變左咁?
影完相之後要去西九龍中心既pizza hut度囉, 同nokiaa傾計好開心, 佢也分享左佢之前影相既經歷及photoshop既知識比我, 真係多謝佢呢!! 可惜joejoe唔黎得, 唔係可以一齊分享呢個開心經歷, 唔緊要啦, 仲有下個月去廢堡影相呢~好期待啊!!
都希望joejoe星期六可同我及nokiaa去南生圍, 點知佢老闆要佢星期六加班, 咁冇辦法啦, 只日好今日再見下><
我要買定裝飾品準備星期六日既私影, 最後買左一條假花, 一頂草帽及一條花既橡皮圈, 不過都唔係太貴....之後趕住去九龍灣搵joejoe啦, 哇!! 原來已經六點五十分啦, 我仲約左joejoe七點鐘, 但已經遲到啦, 最後遲到左十分鐘, 好在joejoe冇嬲, 多謝你>3<
最後決定去左一間叫尺丸製麵所既日式料理餐廳食飯, 間餐廳真係好抵, 毎樣食物都唔過五十元, 勁抵食, 真係好多人排隊呢, 我同joejoe都等左成半個鐘=.="
我哋係餐廳外排隊啦, 真係勁多人呢, 排完後面仲有勁多人, 係咪真係咁好味啊?
係出面排隊冇野做, 惟有影下餐廳內啦, 仲話坐卡位都幾正, 點知我哋真係坐到卡位^^
終於比我哋等到個位啦~周圍影下先, 好似回轉壽司吧咁, 不過係冇壽司魚生既~
快d叫左野食先~首先係我既蕃茄牛肉烏冬, 都幾好味, 我愛蕃茄><
joejoe都係叫蕃茄, 係蕃茄照燒雞排烏冬, 我地交換左送黎食呢><
之後仲叫左D小食, 呢個係章魚小丸子, 不過扁扁地既, 味道就麻麻啦=.="
冬菇天婦羅呢~不過D味道太淡啦, 連我like食冬菇既人都覺得麻麻地.....
另外仲叫了茄子天婦羅, 都係好淡冇味道><
但整體黎講都幾抵食既, 叫左咁多野只係一百二十幾元, 好似仲有好野食都未叫咁, 下次有機會再黎九龍灣一定再黎返呢間><
呢個blog我估用唔係太耐就要換過新, 唔係佢唔好用, 而係因為我擺相既空間已經用左87%!? 連我都估唔到呢, 邊度得黎咁多相啊?? 最後得出幾個相多既原因: (果然係無聊=.=")
1) 可能係私影啦, 影風景及自己都已經有好多
2) 同joejoe周圍去私影及拍拖, 毎次都有影相
3) 同中學及IVE舊朋友既聚會
4) 最後一個我都唔想講, 也係冇咩可能既係同以前果隻死人F既相
頭果三件事係開心, 絕對冇問題!! 最後一個point呢..就真係想當冇發生過, 但始終都係事實, 唔可以抺殺既, 之後開心咪得囉^^
呢三個月真係開心好多, 估唔到一個私影改變左我既人生, 有個好好bf, 一班影師朋友及一輯靚相, 可能自己為興趣, 覺得開心好多掛!! 好過咩motestation, dc fever果班o靚模, 都唔知爭咩, 個個鬥靚樣及衫, 佢地都係靠影會搵食咪咁, 自己就唔想好似佢地咁啦, 都係為興趣既好玩d^^
星期一買左份禮物比joejoe, 但因joejoe要開ot, 所以改左今日先可比佢呢, 希望joejoe都鐘意呢份禮物啦, 唔知佢會唔會覺得比較[女人]d呢??
又要joejoe陪我去買影相衫, 悶親joejoe, 對唔住><
之後同joejoe去新世紀中心食飯, 原來joejoe一早已經肚餓, 早知陪你食飯先~你又驚會打擾我興致, 至緊要就係你個肚ma, 下次肚餓要話我知啦!! 到最後我哋見到有間日本餐廳有個套餐幾底, 三十元有一杯飲品, 一個拉麵及一個咖哩飯, 於是我哋就叫左呢個餐啦, 點知...
個樣都好似幾好味嗎?? 個麵都ok既, 但個飯就...只有一舊薯仔及汁, 係唔好味既><
個麵都算唔錯, 而且都幾彈牙, 就影佢個close up啦~
食完飯之後就周圍行下, 之後就返屋企. 而nokiaa一早搵左joejoe星期六去南生圍一齊影相, 但joejoe公司似乎好多野做咁, 唔知佢黎唔黎得呢?? 要睇佢星期四或星期五既答覆啦><
拖左大半個世紀, 咁當然係誇張啦...其實只係隔左成個月, 終於願意交報名費及報poly u既fashion design啦!! 聽講好難先入到去讀, 首先係睇A level及會考既成績, 之後睇有冇讀過相關既course, 之後就全程英文interview, 可以話相當複雜呢!! 我報名真係睇下自己有冇機會in, 不過就算有機會in都好, 都冇portfolio, 呢次真係死得啦....不過唔緊要, 試左總比冇試既好, 一錯過左呢個機會, 就要等下年啦!!
網上報名好煩呢...最後填錯左相關course果度. 其實我係09年6月至8月(失業)果段時間曾經讀過短期既時裝繪圖, 唔係點會識畫呢. 話說呢一部分係要讀左一年以上既證書等先可以填, 咁佢就一早講明啦, 害到我要特登為張證書影相=.="
呢張就係證書, 雖然只係短期course, 但張cert個樣已經好pro><
唔知會唔會收我呢?? 報完名之後有d緊張呢....都係慢慢等消息吧!!
呢日放左工之後, 突然忽發奇想, 就係買份禮物比joejoe. 其實上星期六想比份禮物佢, 但因為時間太趕, 結果冇買到比佢, 所以呢次要補買返, 買左d咩比佢, 就係....同我一樣既毛毛拖鞋比佢啦, 希望佢鍾意啦^^
就係呢對啦~有兩個心心呢^^...個店員應該知我買情侶鞋, 問我只買一對夠唔夠, 咁當然夠啦, 我都有一對啦!!
粉紅色就係我既, 諗住天氣凍d, 我地會去渡假屋, 可以一齊著住佢啦, 真係由腳warm到入心呢~so sweet!!
期待聽日可送比joejoe, 聽日快d來臨啦!!