同nokiaa呢位朋友已經係三個月前卜好左呢, 終於到左大家一齊合作影相既日子, 一直同佢傾, 都未知佢係咩人及咩樣, 今日可見下啦!! 睇黎佢個樣都唔似四十幾, 係後生d就真, 唔記得同你影合照><
終於到左我一直想去既南生圍啦!! 只要過對面河就到^^
未過河之前既景色, 全部都係小河及舊屋呢~
只要坐對面既船就到啦~
就係要坐呢隻船啦, 係個阿婆撐船架, 毎位盛惠五元, 雖然五分鐘時間都冇, 但坐係船上感覺幾得意~
過到對面岸啦~見到一望無際既草地, 感覺好舒服呢~
仲有路兩旁長滿榭木, 充滿大自然既感覺呢, 不過有少少毛毛雨既關係, 周圍有點濕咁...
途中經過呢條橋, 有咁靚既景色, 唔怪之得係毎個model及遊客必影既地點啦, 不過排隊等影相要耐少少呢~
影左出黎就係咁既樣~都係影風景多, 個人就係橋頭影~
經過頭先條靚橋再行約五分鐘, 就見到呢個石級, 周圍既景色都幾靚架, 也係nokiaa發覺我比人偷拍既其中一個地方~
其中一張既近鏡, 最後nokiaa都冇執到呢...就擺係我個blog度啦!!
我既另一張近照呢~我估....都ok吧!? 不過我比較like上面果張^^
呢間廢屋係最多人影既地方, 也係我影得最多相既!!
係下層破屋內影既相, 見到入面都係已破壞既傢私已經知道啦~
上到屋既上層, 係一間綠色既屋, 但估唔到影出黎既相又幾好睇~
上層既天台, 可望到全個南生圍架, 也係影相一定影既地方~
連呢條樓梯都好多人影架, 仲見到有兩個同我一樣著lace衫既女仔影, 不過佢地d pose就...同我以前最初影一樣要影師教....
我都幾like呢張既pose架, 好少有背面既相, 而且睇落去仲好似好瘦咁...XD
屋後都可以影架, 又可以影返我擅長既cool style~
屋外仲有一舊斜斜地既石, 加埋後面既樹景超正, 不過影時影, 小心走光呢~
影影下不知不覺已經五點, 似乎仲有地方未影呢....我哋快d影埋果個地方先. 其實本來唔使太趕, 但因為婆婆生日要去食pizza hut, 所以咪要趕住七點前走囉~唔好講咁多, 快d去埋最後既地區先~
就係呢個地方啦~可望到周圍都係木橋, 景色都唔錯架!!
係橋中間有坐破既亭子~連地板都係爛, 唔小心呢...哈哈...可能會跌落去都唔定, 但膽粗粗既我仲敢坐係亭邊影相...XD
連破橋都幾好影架, 不過都係要小心D, 唔好大力踏啊!!
我比較like呢張多d, 如果果把唔係遮, 而係劍都應該幾正^^
條橋就係咁既樣~佢真係斷開左一部分架!! 聽nokiaa講以前呢條橋係連埋, 真係唔知點解變左咁?
影完相之後要去西九龍中心既pizza hut度囉, 同nokiaa傾計好開心, 佢也分享左佢之前影相既經歷及photoshop既知識比我, 真係多謝佢呢!! 可惜joejoe唔黎得, 唔係可以一齊分享呢個開心經歷, 唔緊要啦, 仲有下個月去廢堡影相呢~好期待啊!!
welcome to my world...
My model life since Nov 09~
My sweet life w/ bf joejoe since Dec 09^^
都希望joejoe星期六可同我及nokiaa去南生圍, 點知佢老闆要佢星期六加班, 咁冇辦法啦, 只日好今日再見下><
我要買定裝飾品準備星期六日既私影, 最後買左一條假花, 一頂草帽及一條花既橡皮圈, 不過都唔係太貴....之後趕住去九龍灣搵joejoe啦, 哇!! 原來已經六點五十分啦, 我仲約左joejoe七點鐘, 但已經遲到啦, 最後遲到左十分鐘, 好在joejoe冇嬲, 多謝你>3<
最後決定去左一間叫尺丸製麵所既日式料理餐廳食飯, 間餐廳真係好抵, 毎樣食物都唔過五十元, 勁抵食, 真係好多人排隊呢, 我同joejoe都等左成半個鐘=.="
我哋係餐廳外排隊啦, 真係勁多人呢, 排完後面仲有勁多人, 係咪真係咁好味啊?
係出面排隊冇野做, 惟有影下餐廳內啦, 仲話坐卡位都幾正, 點知我哋真係坐到卡位^^
終於比我哋等到個位啦~周圍影下先, 好似回轉壽司吧咁, 不過係冇壽司魚生既~
快d叫左野食先~首先係我既蕃茄牛肉烏冬, 都幾好味, 我愛蕃茄><
joejoe都係叫蕃茄, 係蕃茄照燒雞排烏冬, 我地交換左送黎食呢><
之後仲叫左D小食, 呢個係章魚小丸子, 不過扁扁地既, 味道就麻麻啦=.="
冬菇天婦羅呢~不過D味道太淡啦, 連我like食冬菇既人都覺得麻麻地.....
另外仲叫了茄子天婦羅, 都係好淡冇味道><
但整體黎講都幾抵食既, 叫左咁多野只係一百二十幾元, 好似仲有好野食都未叫咁, 下次有機會再黎九龍灣一定再黎返呢間><
呢個blog我估用唔係太耐就要換過新, 唔係佢唔好用, 而係因為我擺相既空間已經用左87%!? 連我都估唔到呢, 邊度得黎咁多相啊?? 最後得出幾個相多既原因: (果然係無聊=.=")
1) 可能係私影啦, 影風景及自己都已經有好多
2) 同joejoe周圍去私影及拍拖, 毎次都有影相
3) 同中學及IVE舊朋友既聚會
4) 最後一個我都唔想講, 也係冇咩可能既係同以前果隻死人F既相
頭果三件事係開心, 絕對冇問題!! 最後一個point呢..就真係想當冇發生過, 但始終都係事實, 唔可以抺殺既, 之後開心咪得囉^^
呢三個月真係開心好多, 估唔到一個私影改變左我既人生, 有個好好bf, 一班影師朋友及一輯靚相, 可能自己為興趣, 覺得開心好多掛!! 好過咩motestation, dc fever果班o靚模, 都唔知爭咩, 個個鬥靚樣及衫, 佢地都係靠影會搵食咪咁, 自己就唔想好似佢地咁啦, 都係為興趣既好玩d^^
星期一買左份禮物比joejoe, 但因joejoe要開ot, 所以改左今日先可比佢呢, 希望joejoe都鐘意呢份禮物啦, 唔知佢會唔會覺得比較[女人]d呢??
又要joejoe陪我去買影相衫, 悶親joejoe, 對唔住><
之後同joejoe去新世紀中心食飯, 原來joejoe一早已經肚餓, 早知陪你食飯先~你又驚會打擾我興致, 至緊要就係你個肚ma, 下次肚餓要話我知啦!! 到最後我哋見到有間日本餐廳有個套餐幾底, 三十元有一杯飲品, 一個拉麵及一個咖哩飯, 於是我哋就叫左呢個餐啦, 點知...
個樣都好似幾好味嗎?? 個麵都ok既, 但個飯就...只有一舊薯仔及汁, 係唔好味既><
個麵都算唔錯, 而且都幾彈牙, 就影佢個close up啦~
食完飯之後就周圍行下, 之後就返屋企. 而nokiaa一早搵左joejoe星期六去南生圍一齊影相, 但joejoe公司似乎好多野做咁, 唔知佢黎唔黎得呢?? 要睇佢星期四或星期五既答覆啦><
拖左大半個世紀, 咁當然係誇張啦...其實只係隔左成個月, 終於願意交報名費及報poly u既fashion design啦!! 聽講好難先入到去讀, 首先係睇A level及會考既成績, 之後睇有冇讀過相關既course, 之後就全程英文interview, 可以話相當複雜呢!! 我報名真係睇下自己有冇機會in, 不過就算有機會in都好, 都冇portfolio, 呢次真係死得啦....不過唔緊要, 試左總比冇試既好, 一錯過左呢個機會, 就要等下年啦!!
網上報名好煩呢...最後填錯左相關course果度. 其實我係09年6月至8月(失業)果段時間曾經讀過短期既時裝繪圖, 唔係點會識畫呢. 話說呢一部分係要讀左一年以上既證書等先可以填, 咁佢就一早講明啦, 害到我要特登為張證書影相=.="
呢張就係證書, 雖然只係短期course, 但張cert個樣已經好pro><
唔知會唔會收我呢?? 報完名之後有d緊張呢....都係慢慢等消息吧!!
呢日放左工之後, 突然忽發奇想, 就係買份禮物比joejoe. 其實上星期六想比份禮物佢, 但因為時間太趕, 結果冇買到比佢, 所以呢次要補買返, 買左d咩比佢, 就係....同我一樣既毛毛拖鞋比佢啦, 希望佢鍾意啦^^
就係呢對啦~有兩個心心呢^^...個店員應該知我買情侶鞋, 問我只買一對夠唔夠, 咁當然夠啦, 我都有一對啦!!
粉紅色就係我既, 諗住天氣凍d, 我地會去渡假屋, 可以一齊著住佢啦, 真係由腳warm到入心呢~so sweet!!
期待聽日可送比joejoe, 聽日快d來臨啦!!
呢兩三個月唔係同joejoe拍拖,就去左私影,冷落左好多朋友呢...好對唔住啊,我應承你地一得閒就會出黎聚舊,大家玩個樂而忘返既^^...以下對朋友既一返說話,排名不分先後,希望我冇漏到啦, 真係漏左既話就...留言比我,又或者見到我就打我啦...XD
文迪:最近為了工作及屋企,忽略了自己既夢想而唔開心,唔使唔開心架,我哋fb內有成班IVE同學及你既朋友支持你,你始終都係風頭躉, 個個都like你,我都好d羨慕呢~希望可以同你及菜菜一齊shopping啦,見到你地大出血好,我冇咁多錢消費><
菜菜:太耐冇見你啦~不過知你又要返工,又要湊b辛苦啦,見你個blog話過年同阿b及係外家咁開心就好,希望你份工快d過probation,之後加人工,同埋可實現你同你老公既大計^^
阿ling: 多謝你去台灣買比我既手信,但我都冇咩可回比你,話請你食飯又唔制,惟有之後先算啦...哈哈..算係咩理由=.="...同埋也多謝你幫我安排同winnie食飯,雖然唔係太耐,但都好開心..XD
Winnie: 好耐都冇見,同阿ling係IVE同學, 毎次見到佢都好開心, 我覺得佢先係陽光少女呢!! 佢拎飯盒去買飯食果然夠環保呢!!
liz: 覺得佢可以讀到master好叻呢, 因為佢太叻, 又高又靚呢, 好難搵到襯得佢既男人,不過我相信一定會搵到呢個人既^^
寶妮: 減肥之後見到成果啦, 真係瘦左好多, 如果識埋打扮, 都可以變索女啦..xd
嘉華: 讀緊個degree呢,加油努力呢!! 比我好好多啦, 而家我都仲未有degree, 真係失敗呢, 其實係自己怕辛苦掛, 加上仲未知讀邊科...
酸梅: 同bf好似好開心咁?? 只係liz影畢業相先見過佢, 實在太難約啦, 不過唔緊要啦, 陪bf ma, 我完全明白^^
veron: 都係同bf好好既一位, 而且仲去左好多旅行咁, 太羨慕啦!! 仲有多謝你去上海買比我既手信啊^^
eva: 冇見佢咁耐覺得佢靚左呢~見我地果日仲著件新衫, 都ok架, 唔錯!!
蕉: 比veron及eva叫左做媽媽, 都係你太照顧佢地o者, 不過有時比佢地玩, 都幾好笑既~
stacey: fb內其中一名朋友, 出身於教書世家既佢似乎冇咩發展自由呢, 加油啊!! 未來係由自己創造出黎架~
Jenny: 也係我其中一位fb朋友, 毎次開唔開心都會留言比我, 唔開心時會鼓勵我, 開心也會鄧我開心. 我只知佢位係澳門呢, 似乎冇咩機會見咁, 惟有係fb內保持聯絡^^
我既好朋友呢應該冇漏吧!? 咁當然唔計而家既影師朋友, 哈哈~又或者咁講, 同佢地最耐都係認識左三個月到, 都係識耐d先打佢地啦, 其實都有幾多下, 包括golfer, nokiaa, calvin lor...
至於男友呢, 好多時都會打佢, 而且有d神秘野, 都係留返佢個blog度打算啦^^