本來想聽日正日先慶祝中國情人節, 但又驚太多人會好迫, 於是提早左一日慶祝!! 二月果然係情人月, 特別多情人既節日呢~可以同joejoe過, 覺得好開心, 多謝你^^
原本約joejoe十點半係葵芳地鐵站等, 但因為我琴晚玩得太夜返屋企太累, 所以改左十一點先集合, 可以訓耐少少, 好在大家都係準時之人, 都冇遲到, 快d去百佳買左野食先啦!!
去百佳之前見到好多鬆弛熊啊, 好可愛呢~~
哈哈~搵個冇人既地方影下我係supermarket度推車個樣先, 好搞笑...xd
joejoe推車個樣好得意啊!! 唔知點解會有呢種感覺呢, 哈哈!!
最後都買左幾多野食呢, 又壽司, 一個雙拚既二十元飯, 墨魚丸及燒餅等等....最後都係冇整蛋糕, 變左整布甸呢><
同joejoe去完百佳買完食物後, 見到商場內有d好靚既布置去睇下先, 全部都係貓既裝飾!?
全部都係招財貓黎, 全部都肥肥地, 好cute啊!!
好大隻招財貓啊~~我都想有多d錢啊, 比我中六合彩就最好^^
全部玻璃窗擺滿哂貓既物品, 可惜有我至唔like既hello kitty=.="
主台上樓梯旁既招財貓, 自然成為好多人影相既對象^^
呢個就係主台, 尤其太多人係果度影相, 我唔可以影哂全個....有點可惜呢...
冇得影主台都唔緊要, 我見到呢個日本式既姻緣貓貓仲靚仲可愛, 好似我同joejoe咁...XD
呢隻男貓貓就係joejoe, 唔知真正既joejoe著起呢件衫係咪咁型呢??><
呢個係我黎吧(if 隻男仔係joejoe), 自己真係好想著下和服呢~
本來仲想影多d, 但見joejoe拎咁重野, 加上我相機又冇電, 都係影住咁多先, 都係有d可惜呢...希望有機會再黎影...
之後我哋答地鐵去我哋既目的地塘福啦, 去到塘福時, 見到平時去開果間渡假屋關左門既?? 見到隔離開左門, 於是就問下, 原來佢地今日島上有節目, 所以關左門, 不過好在都比我哋租房, 而且仲有得選擇, 太好呢!! 冇得租既話真係唔知點算好.....
終於到左先食飯啦, 墨魚丸就麻麻地好食啦, 個飯就ok, 仲同joejoe share黎食, 之後就開始整士多啤梨布甸呢~joejoe又影我相啦, 哇~~
唉呀, 比你影我洗緊士多啤梨個樣添!? 勁樣衰囉=.="
摘完士多啤梨之後, 開始整緊個布甸料都比你影埋, 希望整得好味啦....雖然中途o者哩粉仲未凍時擺左d蛋入去, 整到有d蛋花...
整好之後拎去雪, 點知成個鐘都唔變硬既? 好在擺係冰格內, 終於硬了, 咁就有得食啦!! 似乎個心都唔太硬, 又可能太多水而淡左d><
未食之前既布甸樣~都好似ok既, 起碼個樣比人感覺係食得既先...XD
我同joejoe毎人一碗, 好在joejoe都話好味, 太好了^^
之後joejoe叫我先入toliet, 原來佢偷偷地熄燈, 整左呢個燭光心心比我, so sweet, 多謝你^^
本來都好開心, 點知我哋好遲先出門口答巴士返屋企, 果陣已經十點幾!? 死啦, 我冇車答點算呢?? 於是我開始急起黎, 因我屋企果架小巴既尾班車係十二點, 驚冇得答要係渡假屋訓...好在最後都有架巴士, 但我竟然發脾氣, 仲話joejoe冇睇時間, 嚇到joejoe都唔知點算好, 而且仲令到佢唔開心....不過佢都好好人安慰我, 話如果返唔到屋企會陪我一齊訓, 答唔到尾班車既話就同我一齊答車去旺角, 再比我答通宵車, 佢對我太好啦, 多返忍讓我, 好多謝佢, 同時也好對唔住佢, 因為自己既任性令你唔開心, 下次我唔會啦><
比joejoe見到我黑暗, 發小姐脾氣既一面, 死啦!! 唔知佢會唔會怕左我及冇咁鍾意我呢?? 仲要比佢有個壞印象><
welcome to my world...
My model life since Nov 09~
My sweet life w/ bf joejoe since Dec 09^^
星期三同veron傾計, 見咁耐冇見就去cafe, 呢次既目的地係旺角既樓上雅座. 我準時放工之後搵埋阿蕉, 因佢係五點半已經放工既, 好在佢都係旺角, 同佢會合之後先去cafe度先, 雖然有book到位, 但阿蕉著高跟鞋行到腳痛, 而我又累, 所以就去坐底先~
一早去到cafe冇咩人, 雖然地方都幾細, 但好靚! 等我周圍影下相先~呢個係整體既相!
cafe內既一部分座位, 椅子都幾好坐, 幾舒服架!!
最正既近window位, 可惜全部位已經劃分好哂, 同呢個位冇緣啦><
近window位既燈仔, 好細盞, 不過就好靚呢!!
即使係牆上既擺設也可見到店主既心思呢!! 呢幅畫真係幾靚, 又同周圍既環境好夾
連[包場優惠]個牌都咁靚, 即使連公仔都畫得好靚啊!! d字又咁靚~
連個晚餐牌都咁靚, 呢間cafe既裝飾全部都唔錯, 簡直係一流!!
我既特濃choco!!杯上既花整得幾靚, 面上有層泡沫, 之後先會飲到熱choco, 都幾好飲!
eva都叫左呢個choco, 只係面上既花有少少唔同, 毎杯都幾獨一冇二, 幾正!!
連個餐湯都唔錯, 仲有塊蒜容包食下. 不過呢個湯只限跟餐加八元, 由於我果個唔係餐, 所以就冇啦><
阿蕉叫既其中一個set dinner, 係焗吞拿魚螺絲粉, 買相都唔錯^^
eva叫既拿破崙什肉意粉, 真係唔明咩都叫拿破崙=口="....係蕃茄汁配意粉
veron叫既茶, 唔知咩野茶啦!! 都好似幾ok咁~
呢間cafe最出名既水牛城雞翼, 真係好好味, 雞翼唔係炸, 夠哂健康!!
我叫既燒汁什菌天使麵, 個汁好味, d菇仲好味, 全個麵都冇肉, 簡直岩哂我^^
食完飯之後玩既其中一個game, 好似叫猜猜畫畫, 係兩個人一組, 一個畫, 一個估, 越快估到果組可扔骰仔行, 最快到終點既就win!!
game內既骰仔, 黃色及綠色既棋子及一個漏斗, 係計算估既時間, 我哋當然冇用啦, 個game太難玩!! 另外仲有一粒藍色既骰仔, 係決定用咩方法黎畫, 分別有掉轉手, 一筆畫及合上眼睛畫><
game內既各款卡, 分唔同既種類比人估, 仲有比較抽象既難宇及全類><
玩完呢隻game之後大家既作品, 首先係eva既, 仲要畫左兩張咁多???
玩完呢隻game之後大家既作品, 呢次係veron既~
玩完呢隻game之後大家既作品, 呢次係我既~
另一個game係數字呢~要拚唔同顏色但相同既數字, 或者係相同顏色既連續數字~
大家都苦惱緊呢....究竟點排d數字呢??? 請勿打擾我哋四位呢!!
如果拚唔到既話就抽數字牌啦~唔....越來越多數字牌呢!!
雖然係難玩, 但大家都幾開心呢, 尤其係拚到果一刻!!
拚左咁多組數字, 終於玩完啦!! 真係諗到頭都大埋><
最後eva win左, 恭喜哂!! 大家都比個叻叻佢啦....XD
最後係veron去完上海旅行買返黎既手信, 毎人有兩盒, 多謝veron^^
想為joejoe整下食物~因為咁所以去買生果, 暫定整士多啤梨蛋糕先, 不過首先要去搵士多啤梨先, 唔係點整蛋糕呢?? 於是去左屋企樓下既三間supermarket: 惠康, 百佳及華潤睇下先, 順便黎個夜晚散步, 感覺也唔錯呢^^
好靚既地方呢~呢個就係碧堤半島!!
終於到左碧堤半島既商場門口啦~快d上樓梯先....XD
上左電梯後, 終於到左華潤萬家啦, 但最後都係冇士多啤梨買><....終於到附近既惠康睇下有冇先~ 
惠康就比較遠少少, 要過左陳記燒鵝果邊, 好在皇天不負有心人, 終於比我搵到士多啤梨!!
靚靚既士多啤梨一盒!! 我見佢都幾紅, 仲要話係韓國士多啤梨咪買囉!! 雖然盒面有隻兔仔, 但我唔係因為兔仔而買架...XD
唔只係紅色, 而且仲好大粒咁, 整蛋糕一流呢!!
因為我冇拎環保購物袋, 加上已經買到士多啤梨, 所以我冇去百佳, 不過都影埋佢啦!!
最後影埋屋企附近既Gardan先. 我既夜晚散步之旅完結, 可惜仲煩緊買唔買到蛋糕料, 因聽日會同朋友仔食飯呢!!
早上: 有veron約蕉, eva及我四人去樓上cafe食顛拿, 最後菜菜都係唔黎得, 有d好可惜呢~唔緊要, 來日方長, 最多下次早d約佢再黎過呢~
呢次去既cafe都係網上搵, 我同veron分別搵左一間, veron果間係食日本及西方野, 而我果間就係網上標明既意大利菜啦下, 都唔知係咪啦, 叫做[樓上雅座], 應該都ok吧? veron及eva都like我呢間, 最後就決定去啦!!
棲上雅座: http://www.openrice.com/restaurant/sr2.htm?shopid=32087
****************************************************************************************
中午: 其中一位影師朋友danny搵我, 佢之前去越南度出完job返香港啦, 想搵我平日影相, 可惜我未做夠一年唔可以呢....而且佢搬屋, 會係三四月唔得閒, 咁預定五月再影啦, 果陣應該係夏天黎啦, 睇黎我要keep fit, 以至fit狀態去影相先~
上次佢幫我影相, 我覺得至靚既就係呢張, 唔知呢次會唔會再進步呢??
好有自信既眼神, 連我自己都估唔到, 隨住影相既次數多及比較熟練, 唔知會唔會再有呢種感覺呢??
傾左冇耐電話就收線啦, 因為只有lunch time先可以傾, 況且我也唔想比公司d人知我model呢, 都係低掉d好~
***************************************************************************************
晚上: 見到joejoe既blog, 點解會set 左pw呢?? 原來佢親人d相都擺埋落去, 可以見到我自己及佢親人既相啦!! 加上我同佢既blog中, 佢打了[老公joejoe及老婆bb], 見到好sweet及開心呢, 佢鬼馬啦, 偷偷地改左個版面都唔知....XD
希望之後有更多既回憶及相加插係呢個blog度啦^^
首先要多謝阿ling去台灣度買手信比我, 佢竟然仲記得我及對我好, 好感動呢!! 而且我也應承佢會去IVE拎返份手信, 我一定會去既, 但問題係我唔想再見到佢啦, 費時勾起傷心既回憶及見到佢會嬲啦!! 加上咁耐都冇返去, 覺得好似好奇怪咁, 好在阿ling係返學之前先食飯, 最後佢幫我約埋其他女仔, 雖然只有winnie黎得, 不過唔緊要啦, 最多下次再約^^
雖然呢次只係短暫聚會, 食完野之後佢地要返學, 不過唔緊要, 大家見面真係雞啄唔斷, 有好多野想傾, 大家邊食邊傾^^
阿ling介紹既飯, 係司華力腸什菌燒汁飯, 果然冇介紹錯呢, 個汁好好味, 而且仲好夠飽!!
個碗仔好可愛呢~係隻獅子黎!! 加上毎買一碗就有印花, 見阿ling咁鍾意食就比佢啦!!
而且仲同阿ling叫左杯珍珠奶茶, 佢要大珍珠, 我要小珍珠, 而且仲係儲印花, 唔知要黎做咩呢? 同樣我d印花都比左阿ling啦~~不過個奶茶就淡左少少, 算啦, 只係十元杯><
好在唔使返IVE, 唔係見到佢都唔知點算, 加上和berry及susuki見面既時間又少, 最後都冇返到去啦, 仲可以睇老紀....XD
呢份就係阿ling買比我既手信, 加埋鳳梨穌, 簡直係my 飛佛....XD
好在最後都記得影返張合照啊!! winnie話要搵個暗既地方影, 好開心既三人, 不過我唔會擺上fb, 最多只係email返比佢地><
今日毎個人都要返工呢!! 終於見到老闆, 見到阿head及ben都同佢講恭喜發財, 我都要smart一d, 同老闆講返先~估唔到仲收到男同事ben比我既利是呢, 而且仲係五十元, 真係要多謝及恭喜佢先><
封利是好cute啊!! 不過更加估唔到ben咁豪, 仲可以收到佢既利是, 勁開心!!
放工之後準備比joejoe既禮物啦, 我先用袋入住曲奇, 之後先擺入盒內, 點知一擺入盒就衰左啦....因為我大力壓果個盒, 估唔到其中一塊碎左, 好失敗呢><
登登!! 送比joejoe既盒及紙袋呢!! 我估男仔要紅色比粉紅既好吧?? (擺曲奇前)
擺曲奇後既心心盒呢~個樣懶靚咁=.="
哈哈~影個close up先知道其中一塊曲奇碎左, 穿幫啦=口="
終於見到joejoe啦, 行左好耐先決定到食邊間, 最後選擇左食四川菜, 呢個魚都幾特別, 佢係成窩上架, 毎人仲有碗白飯, joejoe竟然一碗飯都唔夠, 要再叫多碗, 我真係細食左嗎??
我地係紅磡新天地及jusco行左陣, 而且仲互相交換禮物呢~joejoe送比我果份係咩?? 就係一隻杯!! 其實我之前係公司打破左隻杯, 搵左好耐都冇岩心水, 好在joejoe一直幫我搵杯杯, 而且仲買埋比我, 抵鍚啊, joejoe>3<
好靚既杯杯呢!! joejoe話我like食菇就買比我, 加上有我至like既兔仔, 同埋有個心心呢, 表示我同joejoe嗎?? 拎住心心汽球果隻兔仔好似joejoe, 我就係另一隻望住佢^^