又話keep ft!? + 同姑姐行街

今日都係冇帶飯, 所以都係叫外賣. 而我毎次叫外賣都會和男同事一齊叫同一間食, 只要我選擇好食物, 咁佢就會幫我叫, 而呢次佢竟然食炸雞!? oh no!! 我都唔想食架, 但佢話事都冇計啦, 始終男人唔介意肥唔肥, 唔好似女仔咁成日叫keep fit, 惟有食一次吧!?



我最後叫左一杯香芋珍珠奶茶及炸雞, 睇黎好似得好少=.="



唔好睇少袋炸雞, 入面都幾多架, 我仲食唔哂添=.="



好搞笑既包裝啊~毎次見到個包裝我都會覺得好笑=.="

放左工之後還野比vincy, 多謝佢借我陰影粉及眼影咁耐, 我仲欠你一餐飯, 下次請吧!! 之後再去搵姑姐行街, 我都冇錢買囉, 只係買送比liz做畢業禮物既玩具花, 希望佢鍾意啦><



好在有買到花, 唔係liz冇花拎既話就冇咁好睇~



呢隻公仔就係琴日同嘉華去買, 希望liz都like呢兩份禮物啦><


同姑姐行旺中及花園街, 真係好耐冇一齊行街呢, 最後姑姐買左兩件衫, 都幾靚既. 睇黎今年真係好興藍色及紫色....我就一件都冇買啦, 我真係窮到死=3="...食左碗幾平既車仔麵後, 就返屋企, 途中有個女人叫賣士多啤梨, 見佢咁平姑姐都買左兩盒~



同姑姐行完街之後買既十元所謂韓國士多啤梨, 不過好酸既, 好難食=.="

公司新年布置 + 同嘉華食飯^^

阿head突然要我幫手, 原來就黎到新年, 佢係叫我幫手布置公司個門口, 仲叫我整靚d. 哈哈~講真我都未試過貼揮春, 都唔知好唔好睇架, 盡量啦....



個門口係我布置架?? ok嗎?? 其實都係阿head大致上叫我點整~



公司大門後面既布置, 由阿head親自布置架...xd



我公司一共有兩道門, 除左頭先第一道大門外, 仲有呢道門, 釘住左個銅錢係門頂, 麻煩同事阿ben啦><



公司天花板上既掛飾~係老虎黎架, 下年係虎年麻!!



差d留左兩道門之間既走廊仲有個掛飾><



呢個係老闆娘房間既掛飾, 係條錦鋰黎呢, so cute!!!

放左工之後仲有節目呢, 就係同嘉華買隻畢業公仔, 我呢個時候先知道邊隻叫[大鼻鋼牙], 我果然係太out呢, 又或者係我冇童真吧? 最後搵唔到liz想要果隻[大鼻鋼牙]及阿輝既畢業公仔, 變左係鬆弛熊, 希望佢鍾意啦><

本來酸梅都會黎join我地, 但因為佢要同男友去拎眼鏡, 唔可以過黎啦, 我哋兩個都識做既, 唔會打擾佢地, 最後我同嘉華去女人街其中一間日本餐廳食飯, 睇落都幾抵食既, 我地決定入去食dinner, 已經餓到暈@@



我同嘉華加左八元要一杯飲品及兩隻餃子, 食落去都ok既^^



嘉華叫左個咖哩豬排飯, 都好似幾好食喎, 而且又多...XD



我叫既咖哩雞排烏冬, 份量雖然少左d, 不過都好啦, 我keep fit啊!!

其實係同嘉華會合之前見到好多好cute既玩具花買, 本來想同嘉華去睇下d花, 因我覺得五個人送隻公仔太寒酸啦, 所以想送多一束花, 點知間店舖關左門, 惟有聽日再睇啦...

去食豪d啦!!!

話說我加左二百元人工, 當然要慶祝一下, 於是決定請joejoe食返一餐, 不過要先去黃大仙還神, 因我係上年求左支簽, 雖然只係準左一半, 但都要還既, 於是joejoe就同我去. 點知黃大仙已經關門, 只好係出面拜幾拜就算, 我估應該得吧!?

之後去搵食依飽個肚, 行左好多間都搵唔到野食, 一係就太貴, 一係就食物唔岩食, 行左好耐終於發現左一間, 係元氣壽司啊!!

食既都係特價壽司多, 九元一件都ok啦~而且仲有我至愛既油甘魚及他他牛, 不過壽司既款式唔太多, 而且又貴, 叫左唔係太多=.="



因為太多人冇卡位, 惟有係回轉壽司枱食啦><



好多款唔同既壽司係面前轉下轉下, 好得意啊~~



我同joejoe都係愛好三文魚之人!? 一於拎左碟三文魚食左先...xd



我哋第一round叫既壽司, 一共有三款, 幫佢地影左個close up先~



除左三文魚之外, 第二就like油甘魚, 一共叫左兩次, 第一次好好味, 第二次就腥到死=.="




麻麻地好味既吞拿魚呢.....



哇~好好味既他他牛!! 始終都係like食生野, 太正啊!!



第一round唔夠就食第二round, 好落去好似幾好味呢><



食左咁多碟呢個最正, 係灸燒三文魚, 仲有美味既salad醬, 勁正!!



呢個係咩三文魚三味, 都要二十元碟, 都ok好食既!! joejoe食多件啦^^



食左兩個round都未夠飽!? 而且睇睇張單, 我哋都食左十碟野到, 要一百二十元, 都ok既...




最後果然唔夠飽, 於是去麥當當叫返個餐及小食補數. 我都係第一次食介末魚柳包及薯角, 兩樣都麻麻地好味=.="

又要星期六先可見面呢.....有d唔捨得啊><

赤柱@私影 with joe hung及frankie

雖然今日公司請左假去影相, 但簡直可以用勁忙碌黎形容, 因我今日除左要周圍去及好趕外, 我都冇得食野=3="

十二點要先去到時代廣場搵化妝師kim, 但我遲到左十分鐘, 要佢去city super買住野等我, 真係唔好意思呢><



時代廣場都換左新年look, 我就係附近等阿kim><

之後kim就帶左我去化妝, 一入到去竟然係beauty tech!? 哇~一間勁貴既化妝學校呢, 原來佢係miss黎, 專教人化妝, 今次有幸成為佢既model比佢化妝影相, 勁開心啊!!



呢個就係beauty tech既其中一間房啦, 真係好靚啊>口<



化妝師阿kim既化妝箱及化妝用品啊, 果然係好pro呢!!



自己比阿kim化妝, 等我都影下自己個樣先, 同時也多謝kim提點我皮膚及化妝要改善既地方><



遮下膏都有成五盒咁勁!? 綠色係用黎遮我既皮膚極差部分, 黃色係黑眼圈~



用黎化妝既foundation, 遮下膏及base....全部撈埋哂都唔知邊樣打邊樣...xd



唔同顏色既煙脂盒~應該已經亂到唔知係眼影定係煙脂=口="



終於都化好妝啦~唔該自己唔好張開個口得個洞啦, 好鬼岸居=.="



化完妝後同阿kim既合照, 呢個時刻先知佢冇化妝, 不過佢個樣又幾OK喎~

本來仲想同kim傾耐d, 點知原來已經化左成個幾鐘, 要趕住同joe hung及另一位影師frankie啦!! 咩話?? 要去到柴灣咁遠? 有好多個站要答呢...好在joe hung都好好人, 預先打電話問我食咩三文治及要咩飲品, 比我答小巴時食, 真係太好啦!! 我既早餐 + lunch, 做model果然辛苦呢, 影相只係食得一餐, 唔怪之得d model可以咁瘦啦=.="



落左小巴之後要跟住兩位影師行去影相啦, 見到佢地拉住個行季箱周圍走, 呢d咪pro囉><



途中經過既一間餐廳, 之後我哋都會去返呢度影相...XD



呢間餐廳既正門, 當中有條樓梯, 我影相果陣個老闆仲同我say hi...xd



藍色餐廳隔離仲有呢間酒吧, 我也比較like呢間呢!! 覺得佢好型!!



終於黎到我地既影相地點啦~大家估下係邊度??



就係呢度啦~係海洋博物館...XD



等我都坐係個牌隔離影下相先, 又真係影得似模似樣啊, 擺去fotop先~



呢條好似無盡頭既走廊好靚啊, 也係我地開始影相既地方...xd



見到好特別既石柱呢~寫上中文字, 估唔到也係我地去影相既地方^^




始終都係影返自己既老本行, cool style~連埋石柱都幾襯呢!!




之後再上去海防博物館既二樓, 有好多餐廳呢~而且仲好靚!!



另一邊既餐廳, 我地係前面只係影左幾張, 就比個侍應趕走=.="




間餐廳有好大隻黑色牛牛啊!! 好cute, 我扮下傻瓜影下相先...xd



二樓餐廳既全層呢~也有唔少人係度影相, 鬼叫呢度咁靚咩!!

時間過得真係快, 好快個天就黑哂, 其實只係夜晚五點鐘!? 而且仲落住毛毛細雨, 令到本來都幾凍既天氣更加凍呢...影左唔係好多相就要換另一件衫去影, 時間好緊迫呢, 快d先!!



之後去到呢個地方影相, 究竟係個咩地方黎? 其實係只有八間屋, 同埋門前有三棵老樹比人影下相咁囉..



呢度就係果八間屋啦, 我地係門口影左相就算...xd

天色越來越黑, 我地只好選擇有燈光既惟一地點, 就係商店街之類再影相, 但影得唔太多就走了, 好後悔唔一早黎影呢...原來赤柱真係好多靚地方, 但距離我屋企太遠呢, 唔知幾時先可以再黎. 最後大家各自回家, 今日影相model之旅已經完結, 好累及好餓呢, 快d返屋企食飯及休息一下先=.="