赤柱@私影 with joe hung及frankie

雖然今日公司請左假去影相, 但簡直可以用勁忙碌黎形容, 因我今日除左要周圍去及好趕外, 我都冇得食野=3="

十二點要先去到時代廣場搵化妝師kim, 但我遲到左十分鐘, 要佢去city super買住野等我, 真係唔好意思呢><



時代廣場都換左新年look, 我就係附近等阿kim><

之後kim就帶左我去化妝, 一入到去竟然係beauty tech!? 哇~一間勁貴既化妝學校呢, 原來佢係miss黎, 專教人化妝, 今次有幸成為佢既model比佢化妝影相, 勁開心啊!!



呢個就係beauty tech既其中一間房啦, 真係好靚啊>口<



化妝師阿kim既化妝箱及化妝用品啊, 果然係好pro呢!!



自己比阿kim化妝, 等我都影下自己個樣先, 同時也多謝kim提點我皮膚及化妝要改善既地方><



遮下膏都有成五盒咁勁!? 綠色係用黎遮我既皮膚極差部分, 黃色係黑眼圈~



用黎化妝既foundation, 遮下膏及base....全部撈埋哂都唔知邊樣打邊樣...xd



唔同顏色既煙脂盒~應該已經亂到唔知係眼影定係煙脂=口="



終於都化好妝啦~唔該自己唔好張開個口得個洞啦, 好鬼岸居=.="



化完妝後同阿kim既合照, 呢個時刻先知佢冇化妝, 不過佢個樣又幾OK喎~

本來仲想同kim傾耐d, 點知原來已經化左成個幾鐘, 要趕住同joe hung及另一位影師frankie啦!! 咩話?? 要去到柴灣咁遠? 有好多個站要答呢...好在joe hung都好好人, 預先打電話問我食咩三文治及要咩飲品, 比我答小巴時食, 真係太好啦!! 我既早餐 + lunch, 做model果然辛苦呢, 影相只係食得一餐, 唔怪之得d model可以咁瘦啦=.="



落左小巴之後要跟住兩位影師行去影相啦, 見到佢地拉住個行季箱周圍走, 呢d咪pro囉><



途中經過既一間餐廳, 之後我哋都會去返呢度影相...XD



呢間餐廳既正門, 當中有條樓梯, 我影相果陣個老闆仲同我say hi...xd



藍色餐廳隔離仲有呢間酒吧, 我也比較like呢間呢!! 覺得佢好型!!



終於黎到我地既影相地點啦~大家估下係邊度??



就係呢度啦~係海洋博物館...XD



等我都坐係個牌隔離影下相先, 又真係影得似模似樣啊, 擺去fotop先~



呢條好似無盡頭既走廊好靚啊, 也係我地開始影相既地方...xd



見到好特別既石柱呢~寫上中文字, 估唔到也係我地去影相既地方^^




始終都係影返自己既老本行, cool style~連埋石柱都幾襯呢!!




之後再上去海防博物館既二樓, 有好多餐廳呢~而且仲好靚!!



另一邊既餐廳, 我地係前面只係影左幾張, 就比個侍應趕走=.="




間餐廳有好大隻黑色牛牛啊!! 好cute, 我扮下傻瓜影下相先...xd



二樓餐廳既全層呢~也有唔少人係度影相, 鬼叫呢度咁靚咩!!

時間過得真係快, 好快個天就黑哂, 其實只係夜晚五點鐘!? 而且仲落住毛毛細雨, 令到本來都幾凍既天氣更加凍呢...影左唔係好多相就要換另一件衫去影, 時間好緊迫呢, 快d先!!



之後去到呢個地方影相, 究竟係個咩地方黎? 其實係只有八間屋, 同埋門前有三棵老樹比人影下相咁囉..



呢度就係果八間屋啦, 我地係門口影左相就算...xd

天色越來越黑, 我地只好選擇有燈光既惟一地點, 就係商店街之類再影相, 但影得唔太多就走了, 好後悔唔一早黎影呢...原來赤柱真係好多靚地方, 但距離我屋企太遠呢, 唔知幾時先可以再黎. 最後大家各自回家, 今日影相model之旅已經完結, 好累及好餓呢, 快d返屋企食飯及休息一下先=.="

嚇鬼死我again=.="

今日一早返到公司, 阿head突然同我講, 佢知道我聽日要請假, 話我做咩懶懶行冇左件事, 話老闆娘唔批假既話就冇得請!? 唔係掛? 化妝師及攝影師已經約好哂, 真係冇得影咪死, 我個心好驚好驚, 驚第一次影相留比個影師壞印象, 同埋覺得個心好唔安樂, 希望真係可以請到假

知道老闆及老闆娘去日本後, 連忙打佢地手提, 但老闆娘電話去左留言, 老闆電話又冇人聽, 都幾驚下架, 於是send埋sms比佢地, 希望佢地見到啦><

最後好在老闆有聽電話, 但批假始終要同老闆娘講, 但又搵唔到佢, 於是我同阿head傾下, 好在佢都比我放假, 同埋知道毎次請假要一個星期前請定啦, 以後都會記住架啦!!而且而家既假係一早比定我先, 因我未做夠一年, 唔可以有十日假, 同時也希望老闆娘可比我扣大假啦, 唔係就會扣人工了><

圓方@私影 with him him

因joejoe同朋友踏單車, 我就去左影相, 今日冇得見joejoe, 不過唔緊要啦, 佢都要見下自己朋友先得, 唔係成日要見我麻!!

今日好失敗地記錯左時間, 本來約好左十二點影相, 我記錯左一點, 結果我遲左差唔多成個鐘先去到, 要你等我咁耐唔好意思呢><......而且仲見你拎住成個行季箱黎, 更加覺得唔好意思. 而佢本身都好慘, 佢呢個月影相有五個model放左佢飛機, 佢見我早上熄左電話(因我個電話要拎起舊電黎差, 所以熄左機), 佢以為我又係放佢飛機既其中一名, 我先唔會呢, 既然我應承你, 我一定會黎到^^

之後就上到圓方既一個平台上, 見到好靚既桃花布置, 真係好靚呢~


遠望一片桃花海真係好靚啊, 而且仲見到一個有翼既粉紅色心型^^





全部都係桃花黎, 雖然係假, 但係都好靚啊!!




係廣場既正中間有個心心啊~周圍仲有好多金色既休比特^^



坐係個心心下面影相先~我隻腳果然好粗好肥啊><



雖然我有左joejoe呢個好男友, 但我都要同休比特影下相既...xd




廣場外既花園, 似乎係水池及草比較多, 其實我身上著既果對鞋係him him既, 也係呢度換鞋影相><

影相途中我竟然胃痛!? 我連早餐都未食就即刻趕過黎, 本來以為自己可支撐得住, 但最後都唔得啦, 仲越來越痛, 最後去左美心度買包包, 之後去到一個用花圍成既拱橋食野><


遠望已經睇到呢個拱橋, 而且又有位坐, 快d去食野先~

食完野之後, him him忽然遞本簿比我, 話寫咩紀念冊之類, 其實係寫底毎部分影相既感想. 起初我都比佢嚇到呆左, 呢個時候竟然叫我寫野?? 但既然佢要求, 我又做得到既都冇所謂, 不過真係好奇怪咁....之後我哋係呢個拱門內影相



椅子後既桃花及綠葉, 設計簡單, 望落去又靚又舒服, 都吸引唔少人去影相~



全張椅子上都掛住呢個燈, 覺得幾合情調^^



坐係椅子度影相先, 不過要小心走光, 尤其呢度好多男既地產經紀!!



him him拎左d衫比我睇, 見到全部衫都係公仔, 我唔應該咁冇禮貌同佢講話唔鍾意公仔衫既, 而家影相都唔知我著snoopy, 只要pose及表情好咪得, 我都幾滿意呢張^^



借左him him既行李箱做道具影相~覺得呢張既我都幾活潑, 好似真係去旅行咁^^



經him him既建議後, 佢話想係商場影相, 見到好靚及金壁輝煌既轉木馬呢, 勁靚!!



坐係木馬前面影返張先, 至緊要唔好影到對腳咁肥><



企係度影返張相先, 果然企係度冇咁肥, 而且身材仲懶係fit=.="



him him突然拎個丰揮春比我影相, 咁我就提早同大家拜年先啦, 雖然我唔靚=.="



影相到最後完結, him him要我寫返本紀念冊記底所有既野, 包括有個總結, 指明要寫[to him him]=口="



去toliet換衫時經過見到好靚既擺設, 係中國新年及西方情人節既cross over~



全個櫃都係虎既擺設, 話哂都係老虎年~


去到另一邊有個全中國特式既擺設, 最吸引我去睇既係件旗袍~



有隻好威猛既老虎呢!! 可能我唔太like 虎, 覺得核突吧!?

換好衫之後就同him him分開, 之後去葵芳睇下有冇星期二影相既衫, 點知一係就太貴, 一係就冇岩心水, 加上好耐冇著高跟鞋既我開始覺得腳痛, 最後都被迫返屋企

而joejoe呢, 十點幾先打電話比我話佢返緊屋企, 最後等佢成晚都冇係msn度online, 惟有聽日係公司同佢傾啦><

獅子會@私影 with danny tsang

咁大個女都未去過獅子會, 呢次影師danny tsang建議去果度, 而且我見到佢同人影既相, 風景都幾靚, 於是我哋今日去呢度影相^^

我都比預定時間早十分鐘到達, 周圍行左一陣, 之後就見到danny, 我哋就一齊答小巴去西貢既獅子會, 呢個其實係一個比人種菜既farm及教育徑, 但距離地鐵站好遠呢....途中傾計先知道佢係懲教處阿sir, 係差人黎呢, 而且仲係西貢住過唔同既宿舍, 一定好高級吧? 又係影左十幾年人像既影師, 又係阿sir, 勁啊!!



終於到左獅子會啦~就係我哋影相既地方^^



獅子會既門口, 有入面既mao呢, 咁就唔怕盪失路啦^^



路旁周圍都係樹林, 可惜今日天氣唔好, 唔係影相一定會好靚, 冇辦法啦, 我咁黑仔...



到處都係farm黎, 而且仲有唔同種類既菜呢~



好大棵既生菜啊~~仲大過果個人既頭, 真誇張=口="



仲有其他種類既菜呢~毎樣都好新鮮及健康生長啊><

換了少少衫及鞋之後就開始影相, 點知影影下相咁痕既, 我不斷抓, 哇!!! 點知見到我兩隻腳都有好多蚊爛, 毎隻腳有成二十幾處, 我果然係惹蚊呢, 點會咁架!!?? 周圍路人見我隻腳都感嘆, 點解我隻腳可以比蚊咬得咁恐怖??? 好在影師認識左一個叫阿波既人, 佢係farm內教人耕種, 佢帶左我去佢既工作室比蚊怕水我嘖及白花油我茶, 仲話下次黎有咩事就可搵佢, 多謝哂你^^



比蚊咬到咁恐怖, 都係第一次呢, 真係要影底佢先><



茶完蚊怕水終於冇事啦, 繼續再去影相~~呢次既背景係呢棵靚樹!!



有紅葉及枯葉, 有d仲係綠葉, 紅黃綠都有, 仲唔去影?



各model一定影既地方~一座滿布蔓藤既綠色物體(!?), danny話一同model講係度集合, 佢地一定知係邊~



是鬼但擺左個pose, 果然好差呢...都唔知自己做緊咩=.="



之後去爬下呢棵機先, 原來其中有位o靚模rainbow都爬過....



呢埋石都幾靚, 可惜都係呢樣野: 冇陽光!! 影出黎效果麻麻地呢....

同danny差唔多影完相, 我哋都傾左陣計, 都係講danny之前既影相經驗, 佢去過好多唔同既地方影, 大陸都有好多地方好靚, 而且唔太貴, 三百幾元可以玩兩日, 最衰我唔記得左叫咩名係唔知係邊, 唔係一定會同joejoe或其他朋友好玩

離開了獅子會, 我哋返彩虹地鐵站食下午茶(雖然果陣係五點幾, 但都仲有下午茶), 竟然仲有至愛既燒雞睥!!仲係danny請我食, 佢仲幫我拎埋, 覺得唔好意思呢!! 佢都係個幾好傾既人, 而且最後仲話比我知點答巴士出去紅磡搵joejoe, 都係好人一個, 希望之後再搵佢合作!

坐巴士果然好快去到紅磡, 同joejoe傾電話, 原來佢同媽媽買送, 本來我唔想打擾佢, 但最後都決定大家見面!! 我去到紅磡後再行路去joejoe屋企附近吧!? 我都唔知啦, 因我從來都唔知joejoe住邊, 只知佢住土瓜環, 不過唔緊要啦~

途中經過星期五塌樓既現場附近, 呢次可清楚見到倒塌了大廈既樣子, 而且仲見到好多人影相, 一個悲慘既地方竟成為了毎人一定拍照既地方!?


塌樓現場附近仲未解封, 好多警察係現場啊><



好近距離見到塌樓現場, 見到呢個情況都有少少驚, 何況係目睹當時情況及受難者...

之後終於見到joejoe, 要去到翔龍灣果邊, 見到對方之後去左停車場既斷橋內談心, 以為冇人啦, 點知突然有個女人及和尚黎到呢度, 唔知佢地做咩啦, 只知個女人用普通話問我借打火機, 我估佢地做法事吧!? 最後我哋只好離開各自回家...