錦田@私影 with calvin lor

又係去我從來未去過既地方呢~呢次係錦田, 老實講連我都唔知係邊度, 我果然唔係個香港人黎呢=.=".....後來calvin lor話我知, 原來係西鐵既錦上路站落車就得, 先答巴士去西鐵既荃灣西, 之後再答一個站就到~

大家果然係準時之人, 早到左十五分鐘就見到你, 於是我哋係西鐵站約行十五分鐘度就到達我地既目的地 -錦田!!


村外既路牌~似乎要去好多地方呢, 包括水頭村, 水尾村, 樹屋之類啦, d村多到唔記得=.="



要記得呢間叫[蒙養學校]之類既地方啦!! 係巴士必經之地, 也係村既入口~



廁所外既一間舊房子~都幾有特色架, 連我自己都好like^^



廁所屋外再過馬路, 見到一個小花園, 係欄杆附近影左相~



第一站係二帝書院, 呢個係書院既其中一邊, 雖然佢係門口, 但唔係正門黎架!!



個正門係岩岩見到道門既轉角位~呢個先係真正既正門!!



書院外既走廊, 另一邊就係出口, 附近有間小士多~



一入門口見到有個神主位, 唔知可唔可以影相呢?? 仲有破舊既枱及椅子~



到處都係舊舊既枱椅, 而且牆上仲有d格言!? 連我都唔知係咩黎~



以前既學堂呢~有咁多張枱及椅子就知啦, calvin果部係舊相機, 要係度換左菲林先~



古代既班房嗎?? 度門開始爛呢, 要小心d, 唔好咁大力推呢~



在書院門度正式拍攝~估唔到個feel都幾正!! 呢次影相都係以cool及unhappy為主~



之後到書院既另一邊影相, 其實只係對面, 有著差唔多既建築模式~



綠色格仔既window好cute啊! 仲有兩副對聯!!



書院既另一邊唔可以入去啊!! 真係可惜!! 鐵鋼做既門同屋既整體唔襯既=.="



呢部舊相機就係calvin用黎影我, 幾古舊呢~但係好cute啦!! 一陣也成為我影相既道具!!



用相機加上適當既位置, 做一種睹物思人既感覺~我當然思念joejoe啦^^

第一站既二帝書院終於去完, 之後跟calvin去另一個地方, 就係連佢唔知既水頭定水尾村啦!! 途中經過一間士多, 士多門外有個好舊既古井...



估唔到而家呢個年代都仲有古井呢, 我記得我以前碧江間大屋都有個井, 不過都唔及呢個井咁耐. 點解? 你睇睇個打水位就知!



我踏住井上既版, 冒住可能會跌到井內既危險都要影打水位既close up~連calvin都叫我小心d唔好跌落去, 個井勁深架!!



古井附近既大屋~果然係好舊既屋, 不過就有陣菜乾味....



鄧家既公祠, 而家可以開放比其他人參觀, 等我都入去睇下先:p



鄧家既公祠既門口~好心急想睇下入面係咩黎!!



入到大門內仲有一道小門, 比我同calvin用黎影相~



一入到門口就見到呢個大堂, 擺滿拜神既用品及枱呢~



已經開左閃光燈, 但都仍然咁黑, 覺得氣氛有d恐怖呢=.="



宗祠內既其中一間屋~我同影師岩岩入屋時見到有人好有心機打理盆栽^^



屋頂既裝飾都好靚啊!! 連個屋頂都咁有心機雕刻, 古代人好有心機~

去完宗祠後, 再去到宗祠後既一個廢草地. 全部都係徹底催殘既古代建築物, 牆外生滿雜草, 有部分建築物因日久失收, 有隨時倒塌既危險, 只係用木架支撐住待人維修><



全部都係倒塌既建築物及樹呢, 雖然驚隨時會有生命危險, 但也覺得景色好靚~



個門口有個木架支撐住, 連我都唔敢入去! 出面仲有枯樹~



破舊既城牆和新建的房屋做一個強烈既對比~



村內好多呢類走廊, 我都唔知走過幾多條囉=.="



廢屋內既房間, 仲有個荒廢左既花園. calvin話呢d地方實有老鼠, 嚇到我即刻係屋內出黎!!



終於去到尾二站, 也係水頭村最尾既一個地方 -錦田榭屋! 而且仲有個story~



唔好以為佢只係一株大榕樹, 其實榕樹內係包住左間屋仔~



圍繞住屋既樹根, 真係大得幾嚇人, 全間屋全部布滿呢d樹根><



再黎一個樹根既close up!! 睇下d樹根粗到幾誇張!!!



呢個就係樹屋既屋頂黎~全部已經布滿左榕樹既樹身, 又或者係成為榕樹既樹幹><



當然要係樹屋內拍照啦~好襯我個cool style喎...xd



呢個就係影師Calvin lor啦~佢比我影時仲問我拎唔拎住個相機, 就比你拎啦...xd



只要善用樹屋毎一個位, 加上適當及熟練既pose, 都可以係張靚相~



最後一個拍攝地方 -便母橋. 係最初去既二帝書院中既另一邊~



其實只係呢條橋....係條普通既橋黎呢!! 雖然我冇睇個牌, 可能有特別意義呢~

影完相之後去二帝書院旁邊既一間士多, 全條村只有呢間士多, 個麵都係勁抵, 用出前一丁麵加兩個送都只係十三元, 仲唔抵到爛!?

最後同影師一齊去錦上路地鐵站, 之後便各自回家. 我就返我父母公司幫手工作呢, 返到屋企之後都累到即刻訓左><

同拍片既各位食飯

今晚得到拍片既幾名組員, 分別係導演tom, 攝影師william, helen及ken請我呢位所謂既女主角食飯. 約左七點係美孚等, 本來佢地邀請埋我bf joejoe去食飯, 但joejoe似乎唔多鐘意聚會, 況且佢都未見過d組員, 唔去都冇咩問題既, 咁我地星期日先見啦><

我都好準時到左集合地點美孚地鐵站等, tom, helen, ken都分別黎到, 而ken仲先去酒樓搵位食飯. 大家等左好耐仲未見william, 打電話比佢又唔聽, 只好先去酒樓再等佢吧!!


終於到左啦, 係一間叫做稻坊既酒樓, 後來入席先知佢都係稻香集團, 如果大家都有去打邊爐, 都知佢毎碟送叫, 仲要勁貴. 所以我地都係叫小菜...


william仲未黎, 先叫送啦!! 呢個係梅菜扣肉, 原來肥肉都咁好味~


其中一碟套餐送. 係排骨加炸蜜瓜奶, 個蜜瓜奶係我至愛喔~~!!


荢絲石斑吧!? 唔記得左名啦, 個送清清地, 尤其係石斑都幾好味~


花膠什菜煲~呢個好好食, 有我至愛既各種菇, 菜及花膠><

食完飯後仲未見william, 我唔可以拎返我套片既vcd及poster, 因所有野都係william度, 佢係負責包裝及拎去印刷, 又冇得見大作了, 惟有下次再見面時拎啦, 不過唔知幾時囉=.="

同joejoe 食鍾記車仔麵~

好在琴晚退左燒, 唔係真係同唔到joejoe去食車仔麵啦!! 咁岩琴日食左pizza及雞, 所以冇煮飯~lunch又要自己搞店啦....今日lunch都係食特價車仔麵, 21元三送一麵連湯咁抵, 一於叫呢個食下啦^^


其實毎次都係叫個組合, 費事煩啦~分別有芝士丸, 豬大腸, 冬菇及米線~可惜唔記得加底.....都係好好味!!

等左好耐終於到同joejoe拍拖既時間, 佢仲未黎到, 我就係漁人碼頭外走廊跑下keep fit, 自己真係冇用呢, 跑幾跑就氣來氣喘, 點keep啊=3="


走廊既其中一部分, 我仲有一半仲未跑!!!!


走廊既另一部分, 同頭先果張都似呢....跑跑下終於冇氣, 唔跑了, 去左漁人碼頭...這算係什麼藝力=.="


富甲半山既店舖招租其中一個景, 果然係架勢呢!!



店舖招租既另一邊, 真係好靚, 如果我屋企都有咁靚就好^^

等到joejoe黎啦, 我地手拖手一齊行去黃埔新天地, 往鐘記車仔麵進發!! 見到大商場都開始布置新年及情人節啦, 有d都幾靚~嗯, 初一真係個浪漫及特別既節日, 希望呢日可以同joejoe一齊過><

商場外既布置之一, 可愛既蝴蝶翼, 中間仲有心心, 係比翼雙飛嗎!!??


另一個意思更明顯啦, 係個大心心呢~~等如我見到joejoe個心><


我叫佢做吉之島船架!! 門前都有裝飾, 快d去睇下先~


中國既新年加上西方情人節既裝飾, 好有趣既組合, 估唔到兩者都幾夾~



另一邊仲有個好靚既波波~見到工作人員及指示牌, 原來仲未完成....唔知完成係點呢?? 好期待啊!!!


同joejeoe終於到左新天地啦~快d入去食野先!!


去到正門啦~快d入去先~我覺得個正門都幾靚就影左張^^


到左鐘記車仔麵啦!! 等我影下佢個門口先~


車仔麵店外既牆壁, 睇落去都幾靚咁喎~


搵到位後要到門外counter 點菜, 發覺毎樣野食個樣都ok吸引, 而且又太多款, 於是咪同joejoe拎住張紙去點, 點知整車仔麵個阿叔竟然好冇禮貌叫我同joejoe選擇快d, 後面好多人. 搞錯啊, 可以咁樣話顧客既咩, 真係冒名火起!!



最後叫左八個送, 兩個麵, 一碟油菜加兩杯飲品, 二人套餐份量岩岩好^^


我地叫既七味送係呢度, 另外兩隻雞翼分開上, 不過個阿叔似乎比錯左雞翼囉....



我叫既米線, 又係食米線啦~~碗邊仲有[鐘記車仔麵]五個字~


你叫既河粉呢~估唔到你都食得幾健康...XD

食完呢餐之後, 覺得好鬼難食呢!!! 我既米線冇咬感, 煎蛋又乾, 其他送又麻麻....我哋又食左餐難食既dinner, 加上頭先阿叔差到極既服務態度, 以後唔使幫襯呢間野

之後去上次同joejoe食烏冬果間店舖影相先, 鬼叫上次我部相機冇電咩, 一於去補影返!!


上次間烏冬店舖既正門~似乎唔係太多人去食呢...


影個招牌時, 終於記得呢間店舖叫咩名, 係叫讚岐烏冬!!


再去正門前d影相, 見個經理係度呢~快d影完相走先....xd

我地行左一陣吉之島, 之後去麵包店買左兩件蛋糕麵包, 再到梯間慢慢享受, 而且仲一齊傾計, so sweet sweet 呢><

差d發燒食肥雞及pizza

今日係公司唔知做咩成日都頭痛, 但我又冇藥食, 惟有一直撐住, 後來覺得越來越唔妥, 個頭幾熱下, 於是叫清潔阿姐摸下我個頭, 佢話我發燒, 個額頭仲好熱!? 聽到發燒之後都呆左, 唔怪之得我成日覺得忽冷忽熱咁啦, 於是佢比左粒退燒藥我, 我就伏係枱度休息....

多謝阿姐粒退燒藥^^

本來想返屋企, 但我一定要買星期六同calvin lor影相既衫, 唔可以就咁返屋企, 於是我答車去葵芳, 點知我妹打電話比我, 話阿媽唔煮飯, 叫我去一間快餐店買pizza及炸雞返去食!? 吓!? 我仲發燒喎, 食唔食得雞架??

不過最後都買左雞及pizza返去食, 一於食左先至算啦, 病左仲唔知死, 果然係個壞壞既病人黎呢....XD


自己一個人拎住大大袋既食物去我父母間公司...XD


大大件既pizza, 果批邊仲爙左, 好脆好好味....XD


本來有六件炸雞, 食食下先記得要影相, 只係剩下兩件.....都好過冇啦!!


我阿媽好鍾意種花, 公司部分就係佢既小花園, 竟然比我見到鐵樹開花, 而且仲好香^^


呢個就係鐵樹花啦~都幾靚啦^^(算啦, 對於好like花既我, 毎種花都靚=.=")


我都唔知佢叫咩花, 不過好靚啊!! 花既形狀好cute^^


花花既close up呢~唔知咩花既佢都幾靚^^

好難得返到公司, 當然要幫下父母手啦. 即使食多次退燒藥之後都可以再繼續工作, 直到十一點幾, 全家一齊答小巴返屋企~~之後就....發現自己已經退左燒, 但已經累到訓左囉~