同拍片既各位食飯

今晚得到拍片既幾名組員, 分別係導演tom, 攝影師william, helen及ken請我呢位所謂既女主角食飯. 約左七點係美孚等, 本來佢地邀請埋我bf joejoe去食飯, 但joejoe似乎唔多鐘意聚會, 況且佢都未見過d組員, 唔去都冇咩問題既, 咁我地星期日先見啦><

我都好準時到左集合地點美孚地鐵站等, tom, helen, ken都分別黎到, 而ken仲先去酒樓搵位食飯. 大家等左好耐仲未見william, 打電話比佢又唔聽, 只好先去酒樓再等佢吧!!


終於到左啦, 係一間叫做稻坊既酒樓, 後來入席先知佢都係稻香集團, 如果大家都有去打邊爐, 都知佢毎碟送叫, 仲要勁貴. 所以我地都係叫小菜...


william仲未黎, 先叫送啦!! 呢個係梅菜扣肉, 原來肥肉都咁好味~


其中一碟套餐送. 係排骨加炸蜜瓜奶, 個蜜瓜奶係我至愛喔~~!!


荢絲石斑吧!? 唔記得左名啦, 個送清清地, 尤其係石斑都幾好味~


花膠什菜煲~呢個好好食, 有我至愛既各種菇, 菜及花膠><

食完飯後仲未見william, 我唔可以拎返我套片既vcd及poster, 因所有野都係william度, 佢係負責包裝及拎去印刷, 又冇得見大作了, 惟有下次再見面時拎啦, 不過唔知幾時囉=.="

同joejoe 食鍾記車仔麵~

好在琴晚退左燒, 唔係真係同唔到joejoe去食車仔麵啦!! 咁岩琴日食左pizza及雞, 所以冇煮飯~lunch又要自己搞店啦....今日lunch都係食特價車仔麵, 21元三送一麵連湯咁抵, 一於叫呢個食下啦^^


其實毎次都係叫個組合, 費事煩啦~分別有芝士丸, 豬大腸, 冬菇及米線~可惜唔記得加底.....都係好好味!!

等左好耐終於到同joejoe拍拖既時間, 佢仲未黎到, 我就係漁人碼頭外走廊跑下keep fit, 自己真係冇用呢, 跑幾跑就氣來氣喘, 點keep啊=3="


走廊既其中一部分, 我仲有一半仲未跑!!!!


走廊既另一部分, 同頭先果張都似呢....跑跑下終於冇氣, 唔跑了, 去左漁人碼頭...這算係什麼藝力=.="


富甲半山既店舖招租其中一個景, 果然係架勢呢!!



店舖招租既另一邊, 真係好靚, 如果我屋企都有咁靚就好^^

等到joejoe黎啦, 我地手拖手一齊行去黃埔新天地, 往鐘記車仔麵進發!! 見到大商場都開始布置新年及情人節啦, 有d都幾靚~嗯, 初一真係個浪漫及特別既節日, 希望呢日可以同joejoe一齊過><

商場外既布置之一, 可愛既蝴蝶翼, 中間仲有心心, 係比翼雙飛嗎!!??


另一個意思更明顯啦, 係個大心心呢~~等如我見到joejoe個心><


我叫佢做吉之島船架!! 門前都有裝飾, 快d去睇下先~


中國既新年加上西方情人節既裝飾, 好有趣既組合, 估唔到兩者都幾夾~



另一邊仲有個好靚既波波~見到工作人員及指示牌, 原來仲未完成....唔知完成係點呢?? 好期待啊!!!


同joejeoe終於到左新天地啦~快d入去食野先!!


去到正門啦~快d入去先~我覺得個正門都幾靚就影左張^^


到左鐘記車仔麵啦!! 等我影下佢個門口先~


車仔麵店外既牆壁, 睇落去都幾靚咁喎~


搵到位後要到門外counter 點菜, 發覺毎樣野食個樣都ok吸引, 而且又太多款, 於是咪同joejoe拎住張紙去點, 點知整車仔麵個阿叔竟然好冇禮貌叫我同joejoe選擇快d, 後面好多人. 搞錯啊, 可以咁樣話顧客既咩, 真係冒名火起!!



最後叫左八個送, 兩個麵, 一碟油菜加兩杯飲品, 二人套餐份量岩岩好^^


我地叫既七味送係呢度, 另外兩隻雞翼分開上, 不過個阿叔似乎比錯左雞翼囉....



我叫既米線, 又係食米線啦~~碗邊仲有[鐘記車仔麵]五個字~


你叫既河粉呢~估唔到你都食得幾健康...XD

食完呢餐之後, 覺得好鬼難食呢!!! 我既米線冇咬感, 煎蛋又乾, 其他送又麻麻....我哋又食左餐難食既dinner, 加上頭先阿叔差到極既服務態度, 以後唔使幫襯呢間野

之後去上次同joejoe食烏冬果間店舖影相先, 鬼叫上次我部相機冇電咩, 一於去補影返!!


上次間烏冬店舖既正門~似乎唔係太多人去食呢...


影個招牌時, 終於記得呢間店舖叫咩名, 係叫讚岐烏冬!!


再去正門前d影相, 見個經理係度呢~快d影完相走先....xd

我地行左一陣吉之島, 之後去麵包店買左兩件蛋糕麵包, 再到梯間慢慢享受, 而且仲一齊傾計, so sweet sweet 呢><

差d發燒食肥雞及pizza

今日係公司唔知做咩成日都頭痛, 但我又冇藥食, 惟有一直撐住, 後來覺得越來越唔妥, 個頭幾熱下, 於是叫清潔阿姐摸下我個頭, 佢話我發燒, 個額頭仲好熱!? 聽到發燒之後都呆左, 唔怪之得我成日覺得忽冷忽熱咁啦, 於是佢比左粒退燒藥我, 我就伏係枱度休息....

多謝阿姐粒退燒藥^^

本來想返屋企, 但我一定要買星期六同calvin lor影相既衫, 唔可以就咁返屋企, 於是我答車去葵芳, 點知我妹打電話比我, 話阿媽唔煮飯, 叫我去一間快餐店買pizza及炸雞返去食!? 吓!? 我仲發燒喎, 食唔食得雞架??

不過最後都買左雞及pizza返去食, 一於食左先至算啦, 病左仲唔知死, 果然係個壞壞既病人黎呢....XD


自己一個人拎住大大袋既食物去我父母間公司...XD


大大件既pizza, 果批邊仲爙左, 好脆好好味....XD


本來有六件炸雞, 食食下先記得要影相, 只係剩下兩件.....都好過冇啦!!


我阿媽好鍾意種花, 公司部分就係佢既小花園, 竟然比我見到鐵樹開花, 而且仲好香^^


呢個就係鐵樹花啦~都幾靚啦^^(算啦, 對於好like花既我, 毎種花都靚=.=")


我都唔知佢叫咩花, 不過好靚啊!! 花既形狀好cute^^


花花既close up呢~唔知咩花既佢都幾靚^^

好難得返到公司, 當然要幫下父母手啦. 即使食多次退燒藥之後都可以再繼續工作, 直到十一點幾, 全家一齊答小巴返屋企~~之後就....發現自己已經退左燒, 但已經累到訓左囉~

多謝golfer比心機執相^^

經過golfer用好多時間不停地執我d相後, 短短呢幾日已經執左好多張相, 而且毎張都好靚, 多謝哂你^^有太多相啦, post唔哂咁多, 只好post我至like果幾張落去先~

呢輯相一共有兩輯, 第一輯主要以青馬大橋及沙灘做背景, 影一個開開心心既style~~


青馬大橋既全景加埋傻傻地既我企係石灘上=.="


好like呢張相我坐既pose, 其實去到影果陣又冇咩點諗, 都係是但擺個啦!!


我毎次見到樹都會爬上去影相, 我果然係隻百厭既monkey女呢><


唔知我係咪驚係樹度跌落黎呢?? 成日扶住樹枝....


沙灘上有隻黃色既小船, 同我件衫既顏色幾襯呢~呢個似偷懶樣多d...xd


連我自己都唔相信自己可以笑得咁燦爛, 加上件衫都覺得幾陽光喎~


係黃色小船邊見到個細路水泡, 於是拎左黎影相, 比人見到水泡既公仔呢><


我影相途中先知道個水泡有公仔, 即刻擰轉另一面影相先~

唔知大家記唔記得我星期日影相既故事呢? 唔記得唔緊要, 再略略講一次先, 本來想去馬灣公園既頂部白枝及七色牆度影, 點知真係太多人, 加上又有人結婚, 於是只好換衫去舊村度影, 本來好開心, 因我未去過, 點知有好多屋都已經有鐵絲網封左, 由開心變到唔開心, 真係可以呢輯唔開心既相啦><


有別於剛才既陽光少女, 呢次係cool及唔開心為主~呢張好惡, 好似殺手咁, 唔怪之得連golfer都想幫我影輯殺手~


真係好like呢張, 岩哂我既style, 充滿唔開心既感覺呢~背景可加強呢種感覺><


我比較like後面既背景, 好靚啊!! 我個pose就差d啦=.="


呢個就係我同golfer搵到既靚靚背景, 我地遇上大浪時狼狽果個地方~我like呢張相因為我之前影既都係好cool, 突然有張開心笑既感覺, 覺得好突出, 而且又笑得自然, 雖然樣衰d..


長裙相之中最精華既一張~個背景超級靚啊!! 同我也夾得好, 正!!

其實golfer攝影技術真係一流, 只係我化妝唔太好, 有少少肥, pose有d生硬及面部表情唔夠....仲有好多缺點, 但golfer都努力同我執, 多謝你, 希望我地之後有機會合作^^


執相step果然唔馬虎, 而且仲好pro, 仲show埋佢同我對話既msn~

fashion design again~

呢日終於到啦, 係我等左幾個月既poly fashion design既大日子, 由我讀fashion illustration既短期course開始, 已經三個月了, 好掛住呢科!!

今日終於開始報名, 但只可係網上報名, 最基本應該係先申請一個account吧, 係填寫資料後, 係毎個星期四再去自己既account check 結果, 就可知道自己申請是否成功, 幾時可以interview之類, 雖然咁快知道結果係好, 但毎科申請都要200元呢, 我唔知讀邊樣....因時裝設計都有分幾類: 純時裝設計, 時裝採購, 時裝過程等等, 不過我呢當然想選擇純時裝設計啦, 但係香港真係好難發展; 時裝採購才可係香港立足呢~不過又要讀返少少會計, 勁悶既科黎呢=.=

要網上登記報名呢 : https://www28.polyu.edu.hk/aswadm/applIndex.do

course既選擇: http://www28.polyu.edu.hk/aseprospectus/jsp/prog_detail.jsp?prog_id=5969&org_id=5983&scheme_id=200912&websiteId=1&schemeId=200912&langId=1

自從十一月開始私影後, 也冇再畫, 唔知有冇生疏, 我差d連個標準既九頭身人體比例都唔識畫, 好在最後都畫到~~趁全公司只有我一個人, 就獻下醜畫下:


呢個係我要畫既model啦, 好like佢裙, 好有層次感^^


最初畫既稿呢~畫完身體比例後, 大致上畫返衣服, 頭髮先~


擦去左骨架之後再仔細畫衫, 外表及頭髮既毎一部分, 終於畫好啦~

可惜我冇拎顏色筆返公司, 唔係可以上埋色....而家只好再等自己得閒先去畫啦, 我果然係個懶人呢~