同joejoe去行山!?

自從同joejoe一齊之後, 我既生活比以前正常好多, 而且仲健康起黎!? 呢日約左joejoe做一件我平時都唔會做既事, 就係去城門水塘行山!?

我哋去城門水塘之前都好肚餓, 周圍行去搵野食, 唔係太多人, 就係食物唔岩胃口, 最後只好搵間上海餐廳食野啦, 果度既食物好平, 不過味道就..都算ok既, 我哋仲叫左好多食物...


我哋叫左好多食物呢....真係食得好飽><


你叫既五香牛肉麵~d牛肉好好味啊!!


我叫既上海雲吞麵~未免太過清淡吧!?

終於食飽飽, 我哋答小巴去城門水塘啦....今日究竟係咩日子黎?? 真係勁多人=.="...我哋排左好耐隊先可以上車呢><


終於到左城門水塘啦~對上一次黎已經係兩年前=.="


出發啦, 開始親親大自然之旅~~!! 首先要行呢條幾囉命既樓梯=.="


附近既樹, 好好多種唔同顏色好靚啊!!!



當然唔少得城門水塘既景色!! 也係呢個地方最靚既景點!!



仲有好大部分既路仲未行!? 已經累到死左, 成日都要休息=3="



另一部分既觀光點, 見到附近有兩班人玩緊cosplay及影相!!



有兩個女仔扮忍者, 但我冇影到, 反而比呢兩位吸引住, 仲偷偷地影相...XD



joejoe帶我去另一個隱蔽既地方, 首先要行過呢條路先得, 仲有泥路, d泥好軟好核突=.="



真係另一片天地呢!! 可以好近距離見到城門水塘, 應該係城門水塘的底部!!



全部樹都係千年古木咁, 而且仲幾棟樹痴住一齊生!?



好粗既樹幹!! 但摸落去係軟軟的, 好淋!!!



岸旁到處都係樹林, 而且部分仲比人斬過, d樹真係可憐><



好愛既樹林景, 大家覺得係咪有d熟呢?? joejoe見過有人係度拍戲, 好似古裝片內既景呢~



呢個地方原來唔算隱蔽嗎?? 仲見到有人釣魚, 個阿伯見我影相係咁望住我,好驚啊!!



好靚既小石灘, 加上在旁既樹林簡直係人間仙鏡~



小石灘既流水, 聽joejoe講如果落水既話會有魚啄, 會覺得好痕,我都驚到唔敢落水=口="

我叫果個地方仙境, 因為真係好靚, 未經破壞既人間天堂, 我同joejoe係果度坐左一陣, 傾下計. 可惜開始落毛毛雨, 我哋要回程啦!! 之後再經原路去答小巴, 見到一棵好靚既花~



本來我哋之前經過呢棵樹, 但有人影緊相咪冇影, 估唔到我哋回程時冇人影, 只有我哋二人




我影花呢類咁細緻既野真係唔得, 但又覺得佢地好靚, 麻煩joejoe啦><


不愧係joejoe啊!! 影得比我靚好多倍~


終於答車回荃灣食飯啦~有點唔捨得呢個靚地方, 除左部分既牛牛及牛屎比較核突外...去到荃灣搵間餐廳食飯, 最後去左大快活食晚飯, 雖然好好服務, 唔使自己出去拎飯, 點知D野勁難食, 真係未食過咁難食既野=.="



你叫既日本家庭料理, 有關東煮, 點知全部食物都係凍哂, 天婦羅都唔脆既!? 而且D飯仲生生地...



我叫既蛋包飯及脆皮腸, 你仲比左少少關東煮我食~但個飯入面係凍哂, D腸太過多肉...

終於食完唔好食既一餐, 你一早同屋企人飲茶及同我行山已經好累, 你早d返屋企休息, 而我就買左個芒果布甸比你, 同埋我妹妹毎人一個焦糖燉蛋返屋企齊齊食^^



妹妹及我分別沖完涼後, 大家一齊食個燉蛋囉~我就覺得味道岩岩好, 不過就硬左d=.="

點解今日食既野全部都唔係太好食既???? 有d傷心呢....希望之後會食返d好味既野食啦!!

新的開始!? 和joejoe渡假^^

終於到左2010年, 先祝大家新既一年新年快樂, 仲有毎日都開開心心及幸福, 有伴侶及老公就繼續sweet sweet, 未有伴侶就希望搵到如意郎君, 當然至緊要係身體健康^^

先要多謝以下三個單位...XD

1) 多謝fb內成三十位朋友既postcard, 毎張都好靚~~可以我冇時間send返比佢地, 只可send返句[happy new year]比佢地及朋友, 一共50幾個, 真係send到手軟><

2) 各位舊朋友既祝福, 你地既心意已經收到, 多謝哂

3) 當然冇忘記我既屋企人及親屬啦~希望大家仍然可以開開心心^^

講返正題啦~呢日又係同joejoe周圍去, 呢次去大嶼山既塘福, 其實即係第一次既拍攝地方, 因果度既風景及渡假屋都好靚, 果陣已經想同joejoe黎一次, 呢次真係夢想成真~好在渡假屋唔係好貴, 都只係二百元, 就可以住成日, 認真抵玩!!


其實我哋下午入營, 點知夜晚先記得影返相, 係渡假屋既屋外~


渡假屋內既客廳~旁邊仲有個廚房可以煮野食~


呢個就係小型廚房~~本來有個爐, 但比我哋拎左去打邊爐!!


客廳出面仲有個露台呢~~可以望到景物, 雖然d景唔太靚...


從露台影入屋內既景, 第一個見到既係廚房~


客廳既後面就係睡房啦~仲有我哋兩個人既袋係梳化度=.="


連床都有埋, 而且仲幾好訓既....xd


仲有鎖匙添!! 好似係我哋屋企一樣......XD


同bf簡單既一餐, 唔係, 係兩餐啦!! 呢個係lunch, 夜晚都係打邊爐, 不過食肥牛及菜only, 但都好好味, 只要有你身邊一齊食就好^^

食完lunch後大家一齊睇電視及傾計, 食完dinner就到附近行下, 點知都係冇咩睇....全部都係已經關門既店舖=.="


呢個地方惟一一間餐廳, 只係開到五點幾, 所以之後一定要自己帶野食入去食><

最衰唔可以一齊過夜呢...不過唔緊要, 今日已經係一個開心及特別既日子, 可以同bf一齊過, 去邊度都好啦!! 最後我送佢去答巴士, 而我都返屋企休息下先~~

和bf齊齊倒數

終於到左2009年既最後一天, 我同joejoe放工之後先去買打邊爐既食物呢~因為聽日我會同佢去渡假屋, 先去紅磡附近既街市買菜及去買凍肉, 感覺好似夫妻呢...XD

第一次放工去街市, 見到好多菜都開始爛啦...只有一間既生菜及塘O比較新鮮, 兩斤菜都只係14元, 勁抵!! 突然覺得自己好師奶=3="

之後去凍肉店舖買其他打邊爐野, 包括必有既肥牛, 芝心丸, 少少貢丸, 牛丸及墨魚丸, 同埋一包腸, 一些紙碗及木快子...買左好多野, 有d重呢~~不過覺得好開心, 尤其係大家一齊去選擇食物果刻, 而且仲知道對方既口味....XD

買完食物之後就去食晚飯, 見到有間酒樓既任食打邊爐都幾抵, 只係88元位, 不過要等到九點之後先係呢個價錢, 距離仲有一個鐘, 於是去到附近既漁人碼頭及威尼斯廣場休息下先, 我地去左威尼斯廣場覺得真係太凍啦, 但廣場既燈飾真係幾靚既~


毎個牆上有唔同既燈飾~~呢個係好可愛既小海豚呢^^


仲有個唔知可唔可愛既聖誕老人=.="


雖然已經過左xmas....不過今年既聖誕真係最開心既一年^^


呢個也係我比所有睇過我呢個blog既人心聲, 祝大家新年快樂^^


全個威尼斯廣場夜景, 全部都係唔同既燈飾~真係靚到暈@@


終於夠鐘邊爐啦, 我哋兩個都好肚餓, 但仲要等多一陣先食~


終於有得食啦~開餐!! 呢間酒樓好多野食, 而且仲有菇打邊爐, 我同joejoe可以食多d素^^

打完邊爐之後我哋仲有節目, 就係偷偷地去舊機場倒數迎接2010年, 比較特別呢!! 果度唔係太吵雜, 冇一般人既歡呼聲, 冇煙花, 周圍也冇人, 只有我哋默默見證住2010年既黎臨, 覺得好special及sweet^^

kumi的熊仔世界

星期日果日同joejoe雖然有唔開心既經歷, 但原來仲有一段小插曲, 就係我拍戲期間, joejoe去左德福, 可能係散心吧!? 佢記得我幾鍾意d熊仔, 於是影左相比我, 多謝你啊, joejoe>3<~~~~影得比我更加靚呢...算啦, 我註定都係個影相白痴...


印尼的熊仔呢~完全唔覺係隔住玻璃黎影, 呢d咪高手囉...xd


瑞典既熊仔吧!? 我都唔記得啦><


係咩國家既熊仔呢?? 又唔記得? 算啦, 我都係睇佢地件衫多=.="


日本既熊仔呢~套和服好靚啊!! 我成日都想真正著住佢黎影相^^


韓國既熊仔呢~都幾cute既, 我like男仔個頭飾多d囉...xd


來自中國既熊仔呢, 果然夠哂金光閃閃><


熊仔係度跳舞啊~就好似我同joejoe....XD


熊仔既靚靚舞台~真係有間咁靚既屋就好啦><


轉呀轉, 我地既幸福摩天輪, 唔係, 係熊仔既先岩><


犘天輪下既熊仔, 坐住架車車...xd


熊仔演奏廳~好多熊仔啊><


車長熊仔啊!! 個樣好英明神武呢><

你送比我太多相啦, 多到呢度post唔哂, 就post住呢幾張先啦~全部都好靚啊!! 你唔開心都仲掛住我, 其實我拍戲果陣都掛住你, 仲想即刻走黎搵你, 我哋又心靈相通嗎??

不過唔知我係咪特別快既選擇性失憶呢?? 竟然唔太記得raysand令我我哋差d分手件事, 不過都會哂取教訓, 只係記得平安夜及xmas一齊去玩既片段, 可能係開心先會記得吧!? 點都好啦, 希望我哋之後永遠都可係一齊^^