新的開始!? 和joejoe渡假^^

終於到左2010年, 先祝大家新既一年新年快樂, 仲有毎日都開開心心及幸福, 有伴侶及老公就繼續sweet sweet, 未有伴侶就希望搵到如意郎君, 當然至緊要係身體健康^^

先要多謝以下三個單位...XD

1) 多謝fb內成三十位朋友既postcard, 毎張都好靚~~可以我冇時間send返比佢地, 只可send返句[happy new year]比佢地及朋友, 一共50幾個, 真係send到手軟><

2) 各位舊朋友既祝福, 你地既心意已經收到, 多謝哂

3) 當然冇忘記我既屋企人及親屬啦~希望大家仍然可以開開心心^^

講返正題啦~呢日又係同joejoe周圍去, 呢次去大嶼山既塘福, 其實即係第一次既拍攝地方, 因果度既風景及渡假屋都好靚, 果陣已經想同joejoe黎一次, 呢次真係夢想成真~好在渡假屋唔係好貴, 都只係二百元, 就可以住成日, 認真抵玩!!


其實我哋下午入營, 點知夜晚先記得影返相, 係渡假屋既屋外~


渡假屋內既客廳~旁邊仲有個廚房可以煮野食~


呢個就係小型廚房~~本來有個爐, 但比我哋拎左去打邊爐!!


客廳出面仲有個露台呢~~可以望到景物, 雖然d景唔太靚...


從露台影入屋內既景, 第一個見到既係廚房~


客廳既後面就係睡房啦~仲有我哋兩個人既袋係梳化度=.="


連床都有埋, 而且仲幾好訓既....xd


仲有鎖匙添!! 好似係我哋屋企一樣......XD


同bf簡單既一餐, 唔係, 係兩餐啦!! 呢個係lunch, 夜晚都係打邊爐, 不過食肥牛及菜only, 但都好好味, 只要有你身邊一齊食就好^^

食完lunch後大家一齊睇電視及傾計, 食完dinner就到附近行下, 點知都係冇咩睇....全部都係已經關門既店舖=.="


呢個地方惟一一間餐廳, 只係開到五點幾, 所以之後一定要自己帶野食入去食><

最衰唔可以一齊過夜呢...不過唔緊要, 今日已經係一個開心及特別既日子, 可以同bf一齊過, 去邊度都好啦!! 最後我送佢去答巴士, 而我都返屋企休息下先~~

和bf齊齊倒數

終於到左2009年既最後一天, 我同joejoe放工之後先去買打邊爐既食物呢~因為聽日我會同佢去渡假屋, 先去紅磡附近既街市買菜及去買凍肉, 感覺好似夫妻呢...XD

第一次放工去街市, 見到好多菜都開始爛啦...只有一間既生菜及塘O比較新鮮, 兩斤菜都只係14元, 勁抵!! 突然覺得自己好師奶=3="

之後去凍肉店舖買其他打邊爐野, 包括必有既肥牛, 芝心丸, 少少貢丸, 牛丸及墨魚丸, 同埋一包腸, 一些紙碗及木快子...買左好多野, 有d重呢~~不過覺得好開心, 尤其係大家一齊去選擇食物果刻, 而且仲知道對方既口味....XD

買完食物之後就去食晚飯, 見到有間酒樓既任食打邊爐都幾抵, 只係88元位, 不過要等到九點之後先係呢個價錢, 距離仲有一個鐘, 於是去到附近既漁人碼頭及威尼斯廣場休息下先, 我地去左威尼斯廣場覺得真係太凍啦, 但廣場既燈飾真係幾靚既~


毎個牆上有唔同既燈飾~~呢個係好可愛既小海豚呢^^


仲有個唔知可唔可愛既聖誕老人=.="


雖然已經過左xmas....不過今年既聖誕真係最開心既一年^^


呢個也係我比所有睇過我呢個blog既人心聲, 祝大家新年快樂^^


全個威尼斯廣場夜景, 全部都係唔同既燈飾~真係靚到暈@@


終於夠鐘邊爐啦, 我哋兩個都好肚餓, 但仲要等多一陣先食~


終於有得食啦~開餐!! 呢間酒樓好多野食, 而且仲有菇打邊爐, 我同joejoe可以食多d素^^

打完邊爐之後我哋仲有節目, 就係偷偷地去舊機場倒數迎接2010年, 比較特別呢!! 果度唔係太吵雜, 冇一般人既歡呼聲, 冇煙花, 周圍也冇人, 只有我哋默默見證住2010年既黎臨, 覺得好special及sweet^^

kumi的熊仔世界

星期日果日同joejoe雖然有唔開心既經歷, 但原來仲有一段小插曲, 就係我拍戲期間, joejoe去左德福, 可能係散心吧!? 佢記得我幾鍾意d熊仔, 於是影左相比我, 多謝你啊, joejoe>3<~~~~影得比我更加靚呢...算啦, 我註定都係個影相白痴...


印尼的熊仔呢~完全唔覺係隔住玻璃黎影, 呢d咪高手囉...xd


瑞典既熊仔吧!? 我都唔記得啦><


係咩國家既熊仔呢?? 又唔記得? 算啦, 我都係睇佢地件衫多=.="


日本既熊仔呢~套和服好靚啊!! 我成日都想真正著住佢黎影相^^


韓國既熊仔呢~都幾cute既, 我like男仔個頭飾多d囉...xd


來自中國既熊仔呢, 果然夠哂金光閃閃><


熊仔係度跳舞啊~就好似我同joejoe....XD


熊仔既靚靚舞台~真係有間咁靚既屋就好啦><


轉呀轉, 我地既幸福摩天輪, 唔係, 係熊仔既先岩><


犘天輪下既熊仔, 坐住架車車...xd


熊仔演奏廳~好多熊仔啊><


車長熊仔啊!! 個樣好英明神武呢><

你送比我太多相啦, 多到呢度post唔哂, 就post住呢幾張先啦~全部都好靚啊!! 你唔開心都仲掛住我, 其實我拍戲果陣都掛住你, 仲想即刻走黎搵你, 我哋又心靈相通嗎??

不過唔知我係咪特別快既選擇性失憶呢?? 竟然唔太記得raysand令我我哋差d分手件事, 不過都會哂取教訓, 只係記得平安夜及xmas一齊去玩既片段, 可能係開心先會記得吧!? 點都好啦, 希望我哋之後永遠都可係一齊^^

同屋企人睇燈飾? 定係熄燈??

今日放工, 媽突然打電話比我, 話好夜先會買飯比我及妹食, 我問佢地去邊, 原來爸架車岩岩去完維修, 想駕下架車, 因架車好耐都冇郁過就去下唔同地方, 呢次係同姪仔一齊去尖沙咀睇下燈飾~

估唔到我一早去到尖沙咀, 佢地仲搵緊位拍車, 我只好去附近行下, 又去返1881呢~上次有部分係封左既, 我終於去返果度影相啦....XD


就係呢座塔啦~勁靚的說!!

最後父母終於黎到, 去左海港城集合!! 又係去好多小天使既地方啦, 不過呢次已經冇之前咁靚啦, 可能係過左聖誕掛!? 呢次唔係睇燈飾, 而係熄燈啦=.="


呢次我唔要比人影, 而係要去影人, 可惜姪仔叫極都唔望鏡頭, 有d激氣!!


呢張算ok吧!? 太多人太難影, 總之一定要影到父母及姪仔, 但都要拎天花板既背景既~


haha~影埋花及阿爸, 仲有姪仔, 唔知係咪懂畫畫, 構圖會比較好d呢?? 因我份攝影功課唔係技巧取勝, 而係idea及構圖~


呢張我係有開閃光燈, 點知佢冇著燈, 呢次仲唔係熄燈!?

影相途中姪仔又唔願意行, 而且又冇咩燈飾睇, 我哋最後只係行下海旁及星光大道就算, 本來姪仔唔願意行, 點知佢見到星光大道地上既彩色燈, 佢係要踏住D燈, 佢先願意行!! 而且仲跑得好快!! 行行下大家累了, 於是就從新世界中心返回海港城, 因爸架車拍左係附近. 燈飾已經睇及影得多, 想影另類既, 點知竟然比我發現到新世界中心附近有個煤氣既展覽!?


起初我就係見到呢隻雞我先過去~做得都幾真架!!


連沖涼都有!? 其實呢個展覽其中一個目的係叫人慳煤氣!!花灑仔D水做得好得意


仲有電腦仔及mouse, 不過冇之前果兩個咁cute~


上面既蔬菜好得意啊!! 不過都係肥雞正d...xd


再行過d原來有一個用CD做既xmas tree~又幾靚喎, bling bling xmas!!


仲有一個用腳踏車整光後面xmas tree既小遊戲, 我有d後悔, 點解我唔去玩下呢???


你睇佢地玩得幾開心, 越來越後悔冇玩><

終於離開啦, 最後爸駕車去尖東一帶睇燈飾, 最開心既應該係姪仔啦, 係佢第一年既xmas睇燈飾, 如果佢願意行, 唔好要人抱及識望住鏡頭擺pose就好啦, 等佢大個d先啦~

終於收到相板

12月20日, 係淺水灣影既相板終於出黎啦~其實相板係model用黎見工搵job時用既相, 當然d相一定有執過, 總之整得靚靚咁比人睇啦

點解我要整相辦? 係因為之後有兩份晚裝既job要接, 果兩件晚裝都有少少sexy, 而另一位影師覺得我既相未算係最sexy, 所以係20日呢日補返. 本來係想比joejoe影, 但時間太趕, 而且又約左呢位影師, 所以拜託佢幫我影~今日終於收到哂相板啦!!


好like呢張街道上既我, 覺得自己好突出呢^^


背後既黃色波令醜樣既我更突出=.="


個影師話我比較襯斯文既pose, 唔知大家覺得呢??


其實最初果d相係比我練習表情, 而家開始影相啦~首先係豹紋外套, 入面有著衫既, 只係遮住左o者!


之後係sexy少少, 只有背心加短裙, 仲要係19度著, 凍死我啦!!


好鬼sexy啊!! 呢次真係最大犧牲, 希望joejoe唔好唔開心啦>< 呢張相本來睇落去似冇咩問題, 但細心d睇原來我走光><....joejoe見到好嬲及唔開心, 於是我即刻叫影師幫我cut左下半部分><


呢個動作其實係影師教我, 佢話會令人覺得cute d, 我都唔知係唔係啦.....


懶可愛既整起一隻手指, 希望唔好令大家反胃啦=.="


我都覺得幾可愛既pose, 但似乎唔太岩我....

我即刻把呢輯相post上去fotop及fb, 點知有位叫kinson既影師搵我影相, 我起初講話唔可以著得咁sexy, 同埋佢album有d sexy相, 我話唔想太sexy, 於是佢發顛咁話我咁多要求, 要我自己決定影相既衫, 地點, 時間及日期, 我都盡量幫佢安排, 我話去數碼港影, 點知佢又話自己唔係咩龍友阿伯, 唔會叫d model行行企企影相, 佢想搵個白色背景既地方影相, 我都費時估, 一於唔再理佢=.="

後來我問左其中一位影師朋友叫nokiaa, 又係個好叻既影師黎, 呢個係佢相簿: http://www.fotop.net/nokiaa/nokiaa01, 以下就係nokiaa對kinson既comment:
因為佢覺得妳靚女囉！同埋見妳相簿有性感相嘛！對依d咸蟲影師是相當吸引的！就好似妳吸引到raysand 同simonwhc一樣！(raysand, 係之前搵我影相, 但離間我同joejoe果位, 另一位叫我影sexy相, 估唔到遇哂兩個賤影師!!)

吓!? 咩我係靚女咩!? 呢個就不得而知啦, 總之都係小心d, 唔好胡亂posr sexy相去fotop, 如nokiaa話d相留返比我同joejoe兩個人睇好了^^