真正的開心, sweetXMAS!! + 誤會(上)

又到聖誕, 又到聖誕~~祝大家聖誕快樂先!! 至緊要身體健康, 先可以同朋友, 情人及屋企人周圍去玩麻!! 各位同屋企人繼續一家和睦, 同情人或老公繼續sweet, 未有情人希望搵到個如意郎君或gf, 同朋友就友誼永固啦, 講到好似拜年咁=.="

我哋約好左點半集合, 最後大家都係太餓, 大家都仲未食野, 都係去海富中心間麥當當食左野先, 因為比較近麻!!見到海富中心有個幾靚既聖誕擺設, 大家先去影相^^


首先係我影返一張先啦~好like佢既彩色波~


joejoe都影返張先....xd


海富中心既全個xmas 擺設view, 好難先影到架!! 好辛苦先等到冇咩人影=.="

食完早餐之後就一齊答巴士去海洋公園, 好耐都冇去海洋公園既我問左一個問題[請問張票係包車錢嗎?], 估唔到自己真係咁白痴都有=.="



終於到左海洋公園既門口啦~本來都想影相, 但實在太多人啦><


集古村附近既餐廳, 布置到已經唔係集合村啦><


教人玩魔術既地方, 不過我都係冇咩興趣=3="


d公仔太貴啦, 都係joejoe拎相射, 我就抱住佢影相算~


一隻都唔夠, 仲要拎兩隻黎影, 我果然係貪心呢~


同joejoe既合照呢~我個人好like呢張, 大家都好開心, 可惜後面太多人排隊, 唔可以影太耐呢...我想要返張直身既><

唔知點解突然變得膽小左, 以前玩既過山車, 甚至係最簡單既越鑛飛車, 自己都已經唔勇敢玩, 又或者係毎個機動遊戲都太多人排隊吧!? 結果我哋兩人都係周圍行下, 去d唔係太多人既地方行就算, 我地去左海洋館睇魚^^


好大粒海星啊!! 都幾cute喎~~仲要係一排排


可愛既黃色小魚~好辛苦先可捕捉佢既姿態><


小魔鬼魚~都係佢長長既尾巴最易認!!


咀咀長長既長吻魚~個咀真係好長, 好cute><


見到魔鬼魚游泳既姿態, 真係好靚, 覺得佢游得好輕鬆及自由~


呢條就係壽星公嗎??? 真係好大條啊~~


巨型既海turtle~~~而且仲有好大既殼><


小型既鯊魚, 不過有[請勿拍打玻璃]呢六個字又真係肉酸左d=.="


大家估下係咩黎?? 就係魔鬼魚既底部, 仲好清楚見到佢個口~唔知佢係咪見到人識擺pose呢? 佢自己係玻璃附近比我哋任影~

去海洋公園果然要睇魚呢~但周圍都好多聖誕布置, 有D都幾得意架!!


在機動遊戲附近樓梯旁既薑餅人~


係魔幻列車外既布置, 彩色繽紛既聖誕襪啊!!


一共有五隻聖誕襪~呢個係另一邊!!


同你既合照呢~我都幾like呢張^^


纜車實在太多人排隊, 我哋最後試下坐呢架車啦啦, 我見佢冇人排隊麻!!


魔幻列車站外既邪惡海馬, 都整得幾靚既!!

我哋終於上左車, 見佢門口有玻璃窗, 於是企近窗邊, 睇下有咩睇, 點知原來只係天花板上面有螢光幕show海底世界比我地睇, 真係完全失望呢, 唔怪之得冇人排隊啦=.="


去到公園既另一邊, 一出門口見到好靚既聖誕樹及汽球, 好靚啊~~


走到附近聖誕樹影返張相先~背後仲有好靚既音譜^^
\

走到附近既聖誕樹參觀, 見到原來係個舞台黎~


途中經過既可愛小士兵及七彩波波~


我哋既最後一站~聖誕老人奇幻屋^^


聖誕老人屋外, 都已經好多人排隊啦~


聖誕老人屋外既雪人仔~都幾可愛喎!!


終於可以入屋~一入去係一個用鏡做既迷宮, 差d撞左去玻璃度!! 而且我係行第一, d人仲跟住我行=.="


穿過左迷宮, 之後見到煙霧離漫, 好難先睇到路>< 終於見到好多精靈既房間, 仲有人扮精靈, 點知我個相機竟然冇電!? 唔可以同精靈合照, 也唔可以再影聖誕屋!! 同埋門前途既鹿車都影唔到, 好激氣啊!!><

都唔知好唔好彩, 行完海洋公園先冇電, 但又唔可以影底同joejoe食既聖誕大餐!! 最衰都係自己啦, 相機冇差電><

之後去左旺角, 我係大班訂聖誕蛋糕, 但竟然記左係東海堂!? 仲要拎埋張單出黎, 真係勁魚!! 最後終於拎到蛋糕, 於是坐車去九龍塘買d sushi, 紙杯紙碟及飲品到附近酒店食我地既聖誕大餐^^....最衰係個相機冇電, 冇得影底蛋糕個樣呢><



本來全日係好開心, 但唔知點解一定會有人從中作梗, 就好似raysand咁, 佢明知我聖誕同joe一齊過, 佢係聖誕果日就話joe既是非, 但我因為要同joejoe過xmas, 及懷疑佢講既野, 所以我冇直接問joe

raysand: since last night i had seen on net a photographer named Joe his mobile start with 9755xxxx the models told to others on net he is a bad guy lei ( when taking the photos

我只係答左佢個moblie的確係start with 呢幾個字, 於是佢又講...

raysand: but last night the model show the msn and the mobile number of Joe, before Joe use the fotop wor, why he now not use that lei, the model show the fotop link of JOe

於是我問佢有冇實質證據, 佢話冇, 唔記得save底條link, 佢就係想我問joe點解唔用fotop, 話當傾閒計咁問佢點解唔用就得, 我都冇理會佢, 因我覺得佢唔可信; 係玩完返黎果晚, 佢就即刻問我有冇問joe關於fotop呢件事....

raysand: i have seen joe's fotop

raysand: the new show on net by the models and also discuss by the models before

raysand: not one model but some other models also

raysand:i forget to save lei but i found the name of the photographer also name Joe with his mobile number and msn show on net also so i just ask u to check the mobile number of joe jar

raysand: inside a model only she said good words for a Joe

raysand:so the models suspect that she if the gf of joe lor

raysand: so she say good words for ah joe when he was critical by other models

雖然佢講到似曾曾, 但又冇證據, 於是我冇問到, 佢又話我唔面對事實, 又問我願唔願意相信佢

raysand: one of the girl on msn i will take photos with her on tommorow

raysand: her fotop a album was took by JOE

raysand: she told me JOE just said to her " HE LOVE HER " 2 days ago ah

raysand: it seem JOE will say LOVE to all the models for the photos that he had took wor

raysand: yes she had cofirm with me the mobile number of JOE and he is a tall and thin look

raysand: i think will not be wrong wor

我竟然信左果隻raysand, 誤會joejoe竟然一腳踏幾船, 於是我係msn度留左offline msg, 話我地唔好見面, 甚至係fb內話自己係single, 其實我都唔想同loejoe分手, 呢晚我心情開始down, 唔知到最後我哋既結居係點呢???

開心平安夜>3<

終於到左呢日, 可以見到joejoe, 好開心呢!! 今日公司請左病假, 以為可以係屋企休息下啦, 點知我發覺有好多衫未洗, 又要幫父母公司工作, 之後又約左姑姐及姪仔去睇燈飾, 最後先係見joejoe呢...我既行程真係密=.="

首先去我父母公司, 都係一直幫手之類, 同埋終於可以食到炸雞及pizza!!!! 之前要去影相冇得食, 呢次終於有機會食下啦!!


好多炸雞呢~不過好在唔spicy, 都幾好味既~


真係個幾好食既pizza, 比炸雞仲好味!! 估唔到呢兩樣都幾抵, 只係百四元!!

食完野之後出發到九龍灣睇聖誕布置, 對於一歲既姪仔, 應該好新鮮吧!? 因佢父母成日都唔得閒, 唔可以同佢周圍去玩, 惟有我呢個姑媽及姑婆同佢去玩及影相, 留個好回憶比佢啦!! 希望睇返d相, 都知道自己有去慶祝xmas!!


同細路仔影相真係好累...尤其係唔願意行路既姪仔, 結果要抱住佢一齊影相...


姪仔發牛豆, 都唔知佢望左去邊, 總之就係唔望相機=.="


等冇咩化妝既我都同姪仔影相先~呢張姑姐影得幾靚喎!! 同埋姪仔終於望鏡頭啦!!


個人幾鍾意既一張相, 一張表情自然, 冇做作及天真既相, 只有細路仔身上才可找到...


傻傻地望住鏡頭影相....姑姐唔願上鏡, 我都盡量避開唔影佢..XD


去到商場既另一邊有位靚女姐姐唱聖誕歌!!


仲有另一個活潑既靚女整汽球, 雖然成日整爆波, 但仍然對住大家笑, 呢種精神值得學習!!


問姪仔要sword定flower, 男仔當然要sword啦!!但姪仔似乎吊轉左黎拎, 不過冇所謂啦^^


係個高橋既外國人黎呢~我都好想影靚d, 但成日有人同佢影, 一係就有好多人阻住, 結果都影到其中一個人隻手=3="


姑姐及姪仔離開後, 我仲要等joejoe, 係德福行左一陣, 先發覺我哋原來行漏左一個地方=.="

打左好多次電話比joejoe都搵唔到佢, 好在最後佢都打電話比我, 我仲以為你唔黎或有咩事, 嚇死我啦!! 最後你都趕住黎, 我地可以見面啦^^

估唔到你咁鬼馬, 係個寧靜既地方比份聖誕禮物我, 兩份禮物都好靚啊, 抵錫><


六支心型既"i love you"花, 好靚呢!! 等我留返d choco同你一齊食先~


你送比我既choco及cookies, 本來我都想送比你, 點知冇買到, 想同你有同一款既杯呢>< 我哋係德福, megabox等等地方行下, 順便睇下有咩野食, 行左好耐都搵唔到野食呢....最後去左工廠區附近既富臨打邊爐, 不過九點先有特價呢....都仲未夠鐘, 我哋只好再去megabox行行先黎食啦~


係megabox內見到有人唱聖誕歌, 我同joejoe走到最前地方聽歌, 尤其係幸福摩天輪, 挨住joejoe聽覺得好sweet呢^^


女主角既落力演出, 雖然歌唔係太多, 但唱得好好聽, 佢個樣都好醉哂, 始終都係做自己like3既事^^


歌姬條裙都幾靚呢~if 我都可以著到佢咁比人影就好, 後面長髮個男人個小提琴係黑色, 超型的說!!


終於到左九點啦~可以再去返之前搵到既呢間富臨, 都只係88元位, 包哂食物, 飲品, 湯底, 都咪話唔抵!!


富臨既門口, 我覺得幾靚咪影底佢!!


唔知係咪我哋兩個太餓呢?? 竟然叫到全枱都係, 不過好在我地都係like食素既人, 至多只有肥牛, 腸仔及魚肉. 其餘都係菜~


呢碟係送既, 不過我就唔知咩黎, 我只係食粉絲多=.="


至正既肥牛呢~不過奇怪既係我竟然唔係點食, 只係食菜, 冬姑及魚多!?


好好味既脆肉鯇, 冬天打邊爐既必然選之一~

食得好飽啊!! 大家都唔捨得返屋企, 不過唔緊要啦, 聽日仲可以見面, 而且會仲開心, 好想快D到聽日呢!!

hloiday mood

聽日就可見joejoe, 同佢周圍去玩啦~返工已經冇哂工作既心情, 個心一早飛左去未來呢幾日同佢及朋友既行程, 好在呢幾日公司冇咩忙, 只係hea既多, if 係工作既話一早就炒左我...xd


今日食既車仔麵餐~全部送都係我既至愛, 包括豬大腸, 腸仔及芝心丸~

睇黎我既聖誕行程都幾豐富, 尤其係第一次同bf一連過三日聖誕, 好期待啊!! 我以前都未試過同bf過咁耐, 呢次xmas可以毎日都見, 好開心呢~~

仲有一班朋友, 佢地又係太耐冇見, 而且仲係打邊爐, 好想快d到呢日!!

影師golfer

點解我會特別提起佢呢?? 因為佢係一個好pro既影師, 而且仲完全冇架子, 唔學得出名少少既黑色教豬, maru等等持住自己影相叻就串, 連搵佢影相都擺架子, 都幾憎佢地的說!!

呢個影師叫gofter, 呢個係佢相簿條link: http://www.fotop.net/golfer

起初我認識佢時, 佢真係認真睇我相簿, 覺得我攏pose都ok, 有條件成為model, 但如果我真係成為model, joejoe一定會唔like呢....佢仲以為我好細個, 只係讀中五, 哈哈, 我都想呢, 睇黎一要返去十年前啦...xd

佢見我相簿用法文, 突然同我講左呢句 : est-ce que c'est que vous parlez francais? Beaucope de description dans votre fotop, on ecrions en francais

第一句意思係問我識唔識用法文? 因為見到我fotop內既desription都係用法文....突然覺得自己好叻, 雖然只係識得解後面果句, 因我全部都係自學, 都係查網上字典, 可能係我比較like 語言吧!? 咁當然唔及golfer啦, 佢真係法國住過, 而且仲有一段戀情...

話說佢後生時認識一個法國女仔, 後來當個女仔迫佢結婚, 話golfer唔娶佢, 佢就會嫁比個ex既法國男仔, 最後golfer唔願意, 個法國仔又願意, 最後咪嫁左比個法國仔...佢一直都好想搵個女主角, 影返輯係法國既愛情故事, 不過睇黎要有好多錢先得囉....

佢仲同我去影相, 多謝你比機會我發揮~而且仲安排埋行程, 呢d咪叫pro囉!! 同埋多謝佢請我食飯及tea...xd

1 接船, 食 lunch
2 短裙 t-shirt (或厚的衫, 如果冷). 影四周\影點. ie colourful walls, gaxebo, 上公園頂拍 的白色木條 pattern,, 會站, 坐, 訓....
3. 純潔白裙.......先在新碼頭, 海邊影.....可能會濕下腳
4 白裙 去舊碼頭 踢下水; 背光嬉水
5 白裙 黃昏, 玩壓光
6 本團結束, golfer 請 kumi 食下午茶

果然好利害呢....我真係睇到o哂咀...果然係個好pro及親切既影師, 同佢傾計好開心呢~希望會同佢合作愉快及影多d靚相^^