hloiday mood

聽日就可見joejoe, 同佢周圍去玩啦~返工已經冇哂工作既心情, 個心一早飛左去未來呢幾日同佢及朋友既行程, 好在呢幾日公司冇咩忙, 只係hea既多, if 係工作既話一早就炒左我...xd


今日食既車仔麵餐~全部送都係我既至愛, 包括豬大腸, 腸仔及芝心丸~

睇黎我既聖誕行程都幾豐富, 尤其係第一次同bf一連過三日聖誕, 好期待啊!! 我以前都未試過同bf過咁耐, 呢次xmas可以毎日都見, 好開心呢~~

仲有一班朋友, 佢地又係太耐冇見, 而且仲係打邊爐, 好想快d到呢日!!

影師golfer

點解我會特別提起佢呢?? 因為佢係一個好pro既影師, 而且仲完全冇架子, 唔學得出名少少既黑色教豬, maru等等持住自己影相叻就串, 連搵佢影相都擺架子, 都幾憎佢地的說!!

呢個影師叫gofter, 呢個係佢相簿條link: http://www.fotop.net/golfer

起初我認識佢時, 佢真係認真睇我相簿, 覺得我攏pose都ok, 有條件成為model, 但如果我真係成為model, joejoe一定會唔like呢....佢仲以為我好細個, 只係讀中五, 哈哈, 我都想呢, 睇黎一要返去十年前啦...xd

佢見我相簿用法文, 突然同我講左呢句 : est-ce que c'est que vous parlez francais? Beaucope de description dans votre fotop, on ecrions en francais

第一句意思係問我識唔識用法文? 因為見到我fotop內既desription都係用法文....突然覺得自己好叻, 雖然只係識得解後面果句, 因我全部都係自學, 都係查網上字典, 可能係我比較like 語言吧!? 咁當然唔及golfer啦, 佢真係法國住過, 而且仲有一段戀情...

話說佢後生時認識一個法國女仔, 後來當個女仔迫佢結婚, 話golfer唔娶佢, 佢就會嫁比個ex既法國男仔, 最後golfer唔願意, 個法國仔又願意, 最後咪嫁左比個法國仔...佢一直都好想搵個女主角, 影返輯係法國既愛情故事, 不過睇黎要有好多錢先得囉....

佢仲同我去影相, 多謝你比機會我發揮~而且仲安排埋行程, 呢d咪叫pro囉!! 同埋多謝佢請我食飯及tea...xd

1 接船, 食 lunch
2 短裙 t-shirt (或厚的衫, 如果冷). 影四周\影點. ie colourful walls, gaxebo, 上公園頂拍 的白色木條 pattern,, 會站, 坐, 訓....
3. 純潔白裙.......先在新碼頭, 海邊影.....可能會濕下腳
4 白裙 去舊碼頭 踢下水; 背光嬉水
5 白裙 黃昏, 玩壓光
6 本團結束, golfer 請 kumi 食下午茶

果然好利害呢....我真係睇到o哂咀...果然係個好pro及親切既影師, 同佢傾計好開心呢~希望會同佢合作愉快及影多d靚相^^

忽略的事及物

終於可以係屋企休息下, 原來屋企已經有聖誕布置, 平時只會怱忙返屋企及去攝影既我係完全冇留意, 原來屋企既大堂裝飾真係好靚~


屋企會所中既兩隻鹿仔, 好可愛囉!!


臨近xmas先有既xmas 樹, 都算唔錯架啦!! 今年真係見好多聖誕樹^^


天花板上既星星, 即係我自己!? 因我係姓成ma, 英文咪shing囉...xd...我記得妹妹及菜菜都like呢個圖案, 唔係like我, 唔好意思=.="

而且仲見到joejoe係佢相簿內打blog!? 我都係第一次見到男仔打blog, 而且仲咁有心機打, 多謝你啊!! 佢講左對於我既睇法, 我地相識既日子, 估唔到影泳衣相果日就開始我地既戀情, 仲記得佢話見我凍到震, 覺得好心痛, 仲攬住我既情景, 我永遠都唔會忘記, 唔知佢當時凍唔凍呢??? 同埋我地一齊唔見左對鞋要去買對新!! 12月8日就係我哋相戀紀念日, 估唔到你仲記得^^

同埋佢對我影sexy相既睇法, 我都知上次太sexy, 你好唔開心, 所以之後有影師搵我影sexy相, 全部都比我推哂, 全部留返比你影!! 其實我都唔想比其他人影, 覺得好似好奇怪, 除左你之外啦, 自從我哋拍拖後都少影相, 多數都係去玩多, 不過冇所謂啦, 至緊要有對方身邊咪得囉!!

我只係掛住影相, 包括sexy相, 冇顧你感受, 係你打blog令我知道你諗法, 我好開心你對我坦白, 以後會多d照顧你感受>3<

希望之後, 唔係, 永遠都可以同你一齊, 周圍去玩, 食飯及見面^^....係你令我感覺到真正的愛情sweet及意義, 同你一齊真係好開心~

拍片 + 淺水灣@私影

今日早上六點幾起身, 咪又係要一早拍片, 好在琴晚都算早訓, 今朝先有精神繼續拍....其中有一幕真係大挑戰, 係男主角錫我個額頭一啖!? 有d緊張呢...最後都只係NG左幾次就可完成, 其實主要原因係個男主角表情生硬, 我唔係靚女都唔好意思, 你將就下當我係你個gf拍啦..


男主角就係著牛仔褲果位, 佢既表現太唔自然, 要加油啊!! 由導演及影師親自教佢啦~


拍到十一點幾終於走得啦, 之後去搵個攝影師. 去到東涌站地鐵站時, 見到有好多介紹古代婚禮既攤位, 我好奇咁走左去睇...XD


古代人送禮的食品其中一部分~


真係有好多野食喎~仲要有我食既平果及林柿~


過大禮用既用品~不過果支蒸餾水就...本來想拎開佢, 但又唔知係邊個既=.="


新人坐既紅驕, 不過我就唔想坐....我咁肥一定責死人=.="


掛係門外既迎親燈籠~都幾可愛喎~

我仲掛住睇!? 快d去搵個影師啦!! 我仲搞錯左集合地點, 人地話銅鑼灣, 我就去左中環, 真係九唔答八, 好在最後都搵返個影師, 佢先同我係某商場既外面影幾張相做熱身先~


係一個以幾米為主題既展覽場, 不過我唔記得左個商場叫咩名....好想再影多D, 但冇時間..


只係試影左幾張~呢次影相集中我最弱既facial expression, 盡量努力啦!!



其實我好like人海之中呢張相, 不過表情都係太生硬><

熱身完後再去我地拍攝既場地淺水灣, 但因表情都仲未熟, 所以先換件衫係附近公園影一陣相~


個影師話我斯文岩我多d, 我就唔知係咪啦=.='"

熱身過後要換衫影相, 好在呢日有少少陽光, 都唔係太凍, 比想像中仲要暖呢...不過今次要挑戰自己既極限, 就係要影比之前sexy既相, 我都知joe一定唔會開心, 我都盡量唔好太sexy, 係都留返比佢影><


呢張係比較搞笑既一張~後面有個天氣版打住19度, 但都仲著成咁既樣, 仲要整個v宇=3="


少少sexy既pose, 因呢次以開心既笑容為主, 毎張都要keep住笑><


比較sexy既pose呢!! 真係挑戰自己極限><


我個人比較like呢張, 始終都係收埋sexy好d, 而且個pose都幾型....XD


影到咁上下開始肚餓, 因我全日都冇食野, 個影師都好好人請我食碗餐蛋麵, 但果碗麵實在太淡啦, 而且仲要20元, 其實都幾難食, 不過冇辦法, 唔可以係人地面前講架麻, 佢仲要冇得食, 只係等我食....食完之後再影相啦!!


好少有既泳衣照, 唔習慣係人面前咁sexy, 而且仲要比途人望住...梗係啦, 成16度著到咁影相, 一定唔會有第二次><

影到七點幾終於影完啦, 呢兩日真係好辛苦, 都係快d返屋企休息吧!! 好眼訓啦, 有d咩聽日係msn度再講啦, 訓先>w<

大嶼山@拍片

九點鐘已經要去到荔景地鐵站等, 比平時返工仲要早起身, 仲要未食早餐, 真係慘囉...結果都係太眼訓, 等等下訓著左, 差d搵唔到導演tom及佢既組員ken...目的地係東涌站, 去到仲要等多幾位組員啊...


終於到左東涌站~好似好辛苦先黎到=.="


呢度就係東會城, 我地先去麥當當食個早餐先!! 之後再出發去大嶼山!!


去麥當當途中經過條電梯, 仰頭望到天花板既一大隻聖誕襪~


見到個可口可樂義賣公仔機好cute啊! 係個白色心心黎, 一罐可樂及一個公仔, 盛惠20元~



食完早餐之後大家答巴士出發到今次既目的地~塘福!! 一落車見到好靚既渡假屋, 可惜我地今晚唔係住呢間...


今次場戲既拍攝地點係沙灘, 而家我地一班組員行緊去啦~


終於到左沙灘啦!!呢個係石灘部分, 我都唔知點解一係就唔去沙灘, 一係一個月去成四五次=.="


其實呢個沙灘都幾靚既, 真係叫做水清沙幼, 感覺上係個冇咩人既地方, 我地係度開始拍片, 但拍攝途中竟然比保安人員阻止, 我地只好回到渡假屋...


由導演tom負責租屋事宜, 我地幾個組員係門外等~


唔好睇少呢間士多, 其實呢度係有得租埋渡假屋!! 一大一細房都只係七百元, 都幾抵架!!



唔好以為去到渡假屋可以休息!! 仍然都要拍戲, 不過係拍男主角阿jay部分, 辛苦哂佢~


拍呢一幕係講個男主角係屋企搵工, 而家要布置到好似佢屋企咁樣~


由於戲中既男主角係個運動健將, 拎過好多獎, 所以都要搵下d道具布置下先~所有相架, 獎杯, 獎牌等等都係佢地自己帶黎, 利害!!

拍攝時部錄影機冇電, 我哋所有人都餓啦, 於是到附近餐廳食野, 果陣都已經三點幾, 真係食下午茶, 正當我地打算晚上都黎食飯時, 老闆娘同我地講只係開到五點!!? 住離島d人真係咁得閒既咩? 咁我地夜晚果餐點算....都最後去士多買返d即食麵及罐頭, 夜晚係屋內煮黎食啦....

食完野之後, 佢地要補返少少沙灘度既shot, 即係早上果個沙灘, 不過我哋呢次唔會光明正大去, 而係偷偷地從山上既小路落去, 希望唔會再比保安人員趕走啦!!


行去沙灘途中有個荒廢既球場, 其中三個百厭星左起: 阿don, 肥仔郁文及男主角阿jay仲係度影相, 因住跟唔切導演佢地=.="

佢地影左相咁耐, 導演見佢地冇黎梗係搵人去搵佢地, 大家先至開始返沙灘拍攝, 我只係拍左好少鏡頭, 只係take左三次就可以休息, 辛苦阿jay要繼續演啦~阿don及肥仔見悶, 於是搵埋我同佢地合照


仔細睇下阿don都幾似女仔, 可能而家興呢類男仔吧!? 至於肥仔呢...佢就成日玩我, 成日都叫我做佢女友, 又問我[靚女, 信緣嗎??]我第一句話我唔信, 請佢食左檸檬...xd


毎一場及毎個take都會有板記底, 係拍攝前都會叫人遞板給拍攝人員知道拍邊場, 稱之為[拍板], 除左比拍攝人員知道拍咩外, 也方便場記做記錄><


原來腳架仲有另一個用途, 就係掛我個袋...xd

結果都係比保安人員趕走, 又要返到渡假屋內, 因我冇拎長褲訓覺, 所以只好著住條短裙周圍走, 結果比肥仔佢地望住我隻腳, 覺得我太sexy引佢地犯罪...最後只好係床上用被蓋住, 加上自己太累, 最後都訓左覺zzzz

訓醒之後又開始拍有我既戲, 之後佢地就煮麵食, 毎人一碗米粉, 一碗即食麵, 再加少少午餐肉及豆鼓陵魚. 食飽飽之後竟然冇得沖涼, 最好臭臭地訓左覺=.="

就黎爆炸!?

星期六日既行程簡直係太豐富, 而且係忙到暈, 首先係去大嶼山拍一套叫做[愛．無聲]既短劇, 故事係講一個本來好開朗既少女因患了咽癌而係沙灘度靜養, 可以話係等死既, 也因為呢個癌症而講唔到野. 一個開朗及失業既男主角因在沙灘上跑步而見到女主角, 對佢一見鍾情, 於是同佢係沙灘玩及同佢拍拖, 可惜既係女主角最後都病發生亡....

我一開始見到個戲本已經比個故事吸引, 星期日面試既就係呢套劇, 其實星期一導演tom打電話比我, 話各組員都覺得我唔適合做女主角, 我都冇所謂啦, 點知今晚先打比我, 話個攝影師見到我既錄影好like我, 要我一定做主角, 於是我只好應承了...突然覺得好忙, 要即刻準備七套衫, 同埋影底毎套衫比佢睇><

另一方面我又要應付星期日影師既服裝, 呢次影sexy為主, 因之後有另一位影師話介紹兩個晚裝既job比我, 佢睇過我相簿, 話我d相唔夠sexy, 惟有星期日再去補影!

呢一刻我遇到兩個難題:
1) 我要拎哂星期六日拍戲及影相既衫, 一共十幾套, 拍戲果度仲要我拎埋其他屋企擺設, 結果我要拎一大袋, 仲要去到咁鬼遠, 呢次我真係想死!!

2) 星期六日都只有十幾度, 要著咁少衫周圍拍片及影相, 我冇病都真係偷笑

唉...都唔知星期六日點算!? 希望呢兩個惡夢快d過, 去迎接我既開心xmas及朋友既聚會. 而家只可祈禱, 希望我唔好病啦=3="

老闆娘生日前既一餐飯 + 阿凡違

今日終於可以帶媽媽煮既飯啦~其實近排因父母間公司好多工作做, 要好夜先返屋企, 佢地冇煮飯, 所以咪冇得帶飯返公司. 但琴晚好好彩佢地有煮飯, 終於可以帶啦!! 點知~~阿head同我講話老闆娘聽日生日, 今日先同佢預早慶祝, 但男同事請左假, 冇辦法, 都要慶祝架, 正日生日當然留返比佢及佢老公一齊過啦~~

最後叫左一間日本料理既外賣, 叫左一個刺身, 同埋三個飯, 毎人一個. 雖然刺身唔太多, 但好過冇啦~


咁正既一個刺身, 我都想一個人食哂, 但sorry, 係三個人一齊食, 我都冇得食三文魚=3="



我都係怕太肥, 所以唔敢食太多肉, 都係叫左什菌紋豆腐~

終於放工啦, 由於6:30要去到尖沙咀imax睇阿凡違, 所以早左十五分鐘放工呢, 本來想再早d走, 但個男同事又冇返, 冇人睇住間公司, 所以呢個時間放工已經係最早. 可憐既我見到有小巴, 點知我岩岩上車時竟然冇位, 於是只好再等><


以為距離戲院好遠, 點知一落車冇幾遠就到, 呢個xmas樹咁特別, 就知道自己冇去錯地方~


終於到左啦~可能係個商場新開, 加上電梯太複雜, 我搵左好耐先見到戲院...

好在岩岩好去到戲院, 點知竟然比我見到我個ex!? 真係行咩衰運啊? 佢望住我, 我就望下佢咁啦, 但一句說話都冇講, 也冇say hi, 我擦過佢身邊就走, 我都希望自己只係認錯人, 佢平時返工都返十至八點架, 點有可能見到佢, 只係自己睇錯!!

搵到契哥啦~佢好好人咁買左好多野食, 終於可以入戲院睇戲, 好緊張!! 我都係第一次睇3d立體影院, 要帶住眼鏡睇好得意啊^^


好like個女主角, 覺得佢好型好打得~

段片雖然睇左兩個幾鐘, 但真係好好睇!! 無論故事及特效都好鬼正!! 比我再睇多次都制!!加上3d效果, 好似置身其中, 真係分唔清楚真實及虛幻....但真係好難買票, 聽講要上網預約, 同埋25日xmas已經full哂. 最衰一定要上網訂先睇到, 唔係我都想睇多次><

avatar 既trailer: http://www.youtube.com/watch?v=5PSNL1qE6VY

睇到唔捨得走, 真係太好睇啦!! 之後我地去旺角食飯, 由於上次你又請我食, 今次又請我睇戲, 我就請契哥食返餐啦, 最後去左一間餐廳內食飯~


我叫左個餐湯, 係龍蝦仔cream湯~


我叫既地獄雞排鵝肝意粉~我見佢叫地獄咁型咪叫下, 個雞排就好好味, 但鵝肝就....其實我之前仲未食過, 而家學人走去試, 點知太難食啦, 可能我唔like 脂肪, 真係受唔到!!


總之學你要個法式炒飯啦~不愧係識食之人!!


臨走時先記得影返間餐廳, 覺得佢門口都幾靚咪影下. 途中太多路人啦, 等左好耐先冇人, 即刻影完相走啦~

今日睇戲及食飯都幾開心, 希望之後都有機會再一齊去玩啦^^....諗起聽日又要返工都有d失望呢...唉...