同表姐行街

二表姐係呢個星期四返英國, 佢想返英國前買少少衫, 因為英國d野太貴啦><...所以搵左我呢個表妹同佢去旺角掃平及靚衫, 可以行街啦^^

估唔到平日都咁多人行街, 都幾迫下, 先去左旺角中心, 但似乎都冇咩收獲, 於是去左花園街,見到好多平及靚衫, 可惜既係....因為影相用太多錢買衫及答車, 整到我都好窮呢, 全部衫只係得個[睇]字, 全部冇得買, 真係人生一大悲劇!!! 最後只好比意見表姐襯衫及買衫, 鍾意襯衫既我又冇咩所謂既~未必得到件物件就會開心, 可以做到自己like既事(襯衫)都同樣開心^^

行左幾個鐘終於食飯啦~好肚餓啊!! 我同表姐都只係叫左個少少spicy既米線食, 點知都已經好spicy><""....不過我哋兩個真係冇用, 睇下隔離個男人, 哇!! 佢個碗係超spicy, 成個湯係紅色, 仲要話唔夠, 仲想再加, 果然係食得spicy, 真係敬佩!! 最後去到地鐵站先記得黎個合照~首先睇下表姐買左幾多野先....xd


表姐黑色個大袋全部都係佢既"戰利品"!! 唔好睇佢細細袋, 已經有一對boot同幾件衫!!


我哋兩個黎個自拍先~估唔到我既自拍技術都ok, 不過我冇化妝實在太恐怖><

呢次合照後, 唔知幾時會再見二表姐, 好在記得合照, 惟一有點遺憾既係冇同細表姐行街及影合照, 希望下次見面既時間唔會太耐吧?

清水灣@私影

呢日簡直可以用變態及極忙去形容, 因為呢日一共要去三個地方, 早上要同屋企人去鑽石山擺好爺爺既骨灰位及去一個叫"愛．無聲"既短劇interview; 下午要去到清水灣影相, 真係人都顛!!


見到d人排哂隊, 以為去輪米之類, sorry, 呢個係等靈位登記, 足足等左成兩個鐘!! 最後當然去唔切interview, 好在可以改時間到夜晚in~

做好安葬靈位儀式之後大家去食飯, 食完飯後我要即時去到將軍澳地鐵站, 好在都冇遲到, 而且仲早到左半個鐘!? 好在影師都好早到, 可以早d去影相^^


影師先試唔同角度影我, 睇下邊個角度係影得最靚, 始終都係呢個右邊側臉~


果然又係一個靚沙灘, 但太多石灘, 我竟然冇拎拖鞋, 好在danny借拖鞋比我, 唔好意思><


突然覺得自己好利害, 竟然可以越過咁多石頭, 行到死左><


終於開始拍攝~首先要坐係石上睇書先~


始終自己都係影cool或唔開心係好d, 呢次既主題係唔開心~


自己呢日內幾like既一張相, 好有唔開心既feel之餘, 也似model既pose~


換上影師為我準備既一條牛仔連身裙~其實都幾靚架, 可以sexy or not, 咁當然係佢面前唔會太sexy啦!!


另一張幾有個性既相, 彩色波波覺得會有少少色彩, 唔會太沉色....


換上最後一套衫, 也係幾sexy下既白色豹紋~同樣都係要影唔開心既feel, 沙上寫字似乎係例牌動作~


自從同joe影沙灘爬樹之後, 自己有舖爬樹隱, 而且覺得爬到樹好滿足, 好有成功感, 連相中都睇出呢份自信~


好like自己有自信個樣, 人始終有自信係靚d既, 現實之中我冇咩自信, 但相中就可表現呢種感覺, 所以我先like影相~


尤其係呢個pose及表情真係好正!! 呢張係呢輯相既第二至愛~

後來發現呢輯相係我相簿都幾多人睇, 一日已經有成八十幾人睇, 而且也有影師驚嘆我一個月影相已經有咁既成績, 又比人欣賞呢~~


影左成六個鐘都仲未夠, 我都已經好餓啦, 都係食飽飽先~呢份係你既牛排~


我叫既腸仔, 雞排及炸蝦, 唔使剝殼既蝦我至like~本來我可以慢慢食, 點知我仲要interview, 唔可以享受美食....

好趕時間由將軍澳地鐵站去到美孚, 要九點去到, 真係辛苦死我=.="....最後終於見到約我既導演tom及佢組員ken, interview原來好簡單, 就係自我介紹及做喜怒哀樂四個表情, 但似乎好難呢....最後都做到既, 大家傾下計之後就各自返屋企, 真係太累了...

hotel@私影

第一次跟攝影師係hotel影相, raysand都只係同我影過一次相, 自己同佢一對一係酒店影相都唔係太放心, 於是搵左joe出黎, 多謝你黎陪我, 要你咁悶唔好意思><

果間酒店叫聖地牙哥, 都幾靚架, 因為香港舉辦東亞運, 所以要成四百幾元(平時只係三百幾), 因joe塞車, 所以我同raysand先到酒店



真係幾靚既一間酒店, 如果三百幾元都幾抵!! 甚至個人可以坐上張化妝台度....


呢次影日本可愛少女home feel為主, 雖然我唔可愛....其實本身都幾like呢套衫, 可能係粉紅色吧!? 仲出動埋我兩隻鬆弛熊仔><


仲出動埋你比我隻熊公仔~好軟綿綿, 而且影相出黎個效果好靚!!


坐上化妝台, 影出鏡內既自己, 好似有兩個自己, 好得意啊^^


坐在牆角上影既相, 可以影得我對腳瘦及長d...xd

影到中途要換上一套更性感既睡衣, 條裙又短又少少低胸, 要係其他人面前sexy及比人影唔係好習慣, 我驚你會介意啊><


幾like呢張近鏡既自己, 突然覺得自己似返個女仔=3="


全部相中至愛呢張~覺得呢張少女得黎有點含蓄, 不過有d sexy....


覺得自己有d姣呢...可能係呢件衫係深粉紅既關係吧!?

呢輯相都幾滿意, 好多張相都好靚, 聽講呢輯相係佢相簿度都幾多人睇, 多謝raysand係pose, 影相位置上既教導!!!

影完相之後我地三個去澳洲牛奶公司食快餐, 唔知係咪太耐冇食過, 加上joe又係我身邊, 覺得超級好味^^


要特別叫先會轉既牛肉通粉~如果唔叫轉既話只會係叉燒意粉, 咁當然呢個好食d啦!! 可惜既係我影漏左件多士及滑滑炒蛋><

raysand返屋企執相, 只有我同joe, 原定想係之前間酒店度影相, 但實在太貴, 最後去左九龍塘既酒店影, 我地只係影相, 唔好誤會=.="


bf既special版, 即係只有bf先可影既相, 係聖誕女郎, 加上佢帶既彩色波波及閃燈, 突然覺得自己好似聖誕樹...xd, 不過呢個題材都幾新鮮

影夠相返屋企啦~~呢日影左好多相, 雖然好累, 但好開心, 多謝raysand, 更加多謝我bf同我周圍走及睇我影相, 一定會悶親你吧!?

英國黎的表姐表哥

今晚約左三位英國黎既親戚食飯, 分別係兩個表姐及一個表哥, 其中一位表姐會係聽日離開香港, 另一位表哥會係星期日離開, 係佢地離開前, 大家先聚埋一齊食飯啦~

約左爸爸係商場內等, 但等好耐都見唔到佢, 原來係巴士站等媽及妹, 齊人後我地一家四口先去拎位吧! 最後各親戚都黎到, 大家先影相吧^^


從英國定居香港既大表姐, 佢老公及兩個女, 白色衫既係我表哥~


從英國黎既二表姐, 下個星期一約左同佢shopping呢~在旁既係佢老公及一個女, 另一個細路女係大表姐個女~


左面起: 舅父, 英國既細表姐及佢老公, 二表姐及大表姐老公~


左起: 我妹, 我, 大表姐, 婆婆, 表姐老公及女~好耐冇見婆婆啦! 佢都好關心我, 問我有冇拍拖, 我答佢有, 而且個bf比個ex更鍚及珍惜我, 婆婆都鬆口氣啦^^

咁多人食飯, 我當然唔夠飽, 但都冇辦法. 本來經過麥當當, 我又想食蝦堡啦, 都係節制下啦!! 又係蝦堡=.="......都係唔好咁大食啦!! 因住仲肥連相都影唔到呢...

雜記

最近父母比較忙, 返工放lunch時要出街買飯或叫外賣, 唔知係咪我食焗飯食上隱, 毎次出街食飯都只會叫一個飯, 就係...芝士焗龍利柳飯, 可能係覺得豬排成日食, 覺得好悶; 自己又唔食海鮮, 又怕d飯太多肉, 總之就係用[麻鬼煩]黎形容我!! 呢個係我今日叫既焗飯~


呢個焗飯相信係我食過咁多間, 至難食果個, 其實佢都唔係焗, 只係淋左汁上面, 而且仲係淡既, 睇黎我都冇啖好食, 食左一半就扔左....

之後阿head以為老闆娘生日, 買左個黑森林蛋糕返黎, 原來老闆娘係下個星期先生日, 不過唔緊要啦, 又可以食多樣野, 真開心, 不過我就真係好飽, 咁肥點影相啊??><

1881@私影

又可以見到joe啦~~呢次我地除左食飯外, 也會去影相, 呢次既目的地係1881, 而我也要打扮成聖誕女郎比佢影=.="


未影聖誕女郎之前, 我地周圍行下, 見到有好多miffy, 雖然我地都唔係好like...


雖然唔like miffy, 但個展覽都幾有意思, 係幫助血cancer既病者

實在太多人啦, 等到十一點幾先開始影相, 不過唔緊要啦, 可以同joe過二人世界^^....最後係文化中心換左件聖誕裙出黎, 都有幾多人望住我, 我都好緊張及唔好意思呢...


好靚既1881啊~我都係第一次去, 尤其係後面既建築物更靚...xd


香港其中一名時裝設計師會係度開旗艦店, 有d期待呢><


以1881為主題既聖誕樹~而且七彩繽紛, 好靚啊!!


開始影時先做下熱身, 係店舖外影相, 好like影夜店時反射到自己外表及燈光既感覺~


歐陸風情既樓梯, 不過旁邊有兩條電梯好似格格不入=.="


在旁邊的聖誕樹影返張先...xd


上樓梯後可以近距離望住幢建築物, 覺得真係好宏偉><


沿住建築物仲有電梯一直上到餐廳, 呢個係餐廳附近既擺設~


呢層實在太多波波啦, 可以影唔同既波波, 覺得好得意^^...呢張個pose比較似model吧!?


呢張係餐廳外既欄杆影, 我比較like呢張相既感覺~


餐廳門前有支大炮, 好似好好玩咁...xd


始終自己都係細路女, 要走去玩下及影相先得既~

影相影到十二點幾, 第二日仲要返工, 好唔捨得同joe分開><....返到屋企係時候訓覺, 已經成點幾啦!? 快d訓先...xd

再去買衫

星期一似乎買唔夠呢, 今日要再去搵下衫買, 而家仲欠三套衫, 包括要多套home feel 可愛裝, 同埋兩套黑色cool既衫, 因為係影唔開心....

係荃灣行左好耐都搵唔到, 只好返屋企, 點知..突然比我搵到套粉紅色既睡衣!? 呢次咪襯哂個主題囉!! 不過有d sexy呢, 問過阿joe意見, 佢都覺得ok, 加上佢又在場. 總之以後有sexy相會先問你, 咁就冇問題啦^^


都幾姣下既粉紅, if 你唔在場我定唔會著!! 附近既係lace頭飾~


同場加影既係呢個係公司lunch食既白汁焗龍利柳, 真係焗得好好味, 連埋熱飲都只係30元, 真係抵到爛!!

自己果然九唔答八, 認真冇計...xd