中大@私影

話咁快又一個星期, 又係影相既日子~呢次去既係中大, 連我自己都未去過呢....影既題目係moody, 希望冇考起我吧!?

第一個影相既地方, 係一條橋既橋邊~


我覺得係中大最靚既地方~就係佢既教堂~


睇黎好多石路, 要小心d行先得><


叫攝影師raysand幫我影幾張先~


輕鬆地影相啦~原來擺呢個pose影相係有橋妙=.="


終於食飯~好肚餓啊!! 中大既飯堂, 其實係中大既hall度~


我叫既XO醬叉燒炒烏冬~都幾好味既, 不過有d肥=口="


同影師raysand影相, 感情似兩父女(!?)多d...xd


食完飯之後換衫再影, 呢次係我愛既紫色, 估唔到著稷影相係咁靚! 不過我擺呢個pose就...


都係正經咁影返張啦!! 呢度太陽光好正, 也係毎個影師想要既光線, 所以佢地會希望好天!


如果配合角度, 同埋太陽光既方向, 張相出黎既效果就係咁, 尤其係頭髮可更光亮!!


開始接近夜晚, 也冇咩燈光....呢個係火車站外既一個休息地方, 影到我都累了....其實呢個只係pose><


都可以咁開心及輕鬆!? pose比以為成熟少少啦><


呢張相既pose係跟我所見既影會其中一個model擺既, 做左幾年model真係唔同d, 我都要比心機><

影完相返屋企食飯啦!! 呢個星期既第二次返屋企食飯, 我呢個女子....為左影相及食飯咁少陪家人><

同joe去食飯!?

lunch食左碗車仔麵都幾好食, 連埋飲品都係25元, 勁抵^^


終於放工啦~也係同你食飯既時候^^....約左係紅磡等, 但我今日一早放工, 惟有係商場內等你~

最後你都黎到, 之後一齊去左大家樂打邊爐, 我都係食返星期一果個窩~同你一樣打邊爐, 大家一齊互夾比對方食, 之後仲飲左香荢珍珠奶茶, 點知係唔好飲><""...最後同你行到去黃埔新天地及海旁><


太耐冇黎過啦~見到街道都幾靚^^


街道旁既聖誕樹~而且仲有好多><


商場門外既公仔, 呢個係左手邊既男仔~


商場門外既公仔, 呢個係右手邊既女仔~


黃埔船外全個景~見到都幾靚喎, 過去睇下先....XD


係黃埔船外既燈飾, 都幾靚架!!


黃埔船外既公仔左邊及右邊~


黃埔船外裝飾頂上既logo, 掛住好多波波, 都幾靚架!!

可惜靚既地方唔太多, 只限於船既附近, 我同joe去海旁傾計, 其實大家都冇咩傾計, 只係佢攬住我及鍚我多!? 之後佢送我答巴士, 都好夜先返到屋企呢...

變態佬真多=.="

最近msn度有兩個變態佬, 起初我以為佢係影師咪同佢傾計, 點知傾傾下唔對路, 佢話like我d相外, 仲話做我男友!? 唔係掛, 我睇冇必要囉....就算冇都唔會搵你地兩位><

第一位問我鍾唔鍾意有錢人, 又問我鍾意咩類型男仔, like男仔幾高, 及like唔like靚仔, 又話自己唔係高, 只有170cm, 仲send埋張相比我. 但最離譜係問我影唔影nude, 呢d野交比我個ex條女啦, 佢咁like呢d, 我就唔like啦!!

點知第二位仲衰, 竟然話自己sex好強!? 真係當我係咩啊? 我更加唔要啦, 我話搵我影相好開心, 但呢d野我唔需要, 佢就冇同我傾計...

唉...以為有人搵我影相, 點知同我講埋呢d野, 果然係變態佬, 超核突=口="

影結婚相

呢日終於請左假, 本來好開心, 點知....琴晚先知道化妝師搵唔到婚紗, 又或者係比1000元租婚紗, 實在太貴啦, 最後都影唔到, 好可惜呢><""

不過借唔到都冇辦法, 一於照影相啦, 呢次係荔枝角公園, 我一去到已經見到靚仔影師jacky影緊個17歲既妹妹仔, 佢話想影到自己係日本feel, 大家黎睇下啦=.="


黑色頭髮, 著住粉紅衫果個model啦....有影師jacky及化妝師zoe...

個女仔其實一d都唔靚, 擺pose就...都好過我呢位初哥既, 影到咁上下大家去食飯, 之後佢就再影相, 而zoe就幫我化妝


化緊妝啦~不過zoe幫我化得麻麻地, 我同影師一致認為, 我寧願自己化...


哈哈~自己好緊張個妝呢~雖然唔係太好, 但都要影相啦><


隨意影下相做熱身先~pose比以前更加熟啦. 咁當然冇其他model咁pro啦><


呢張有少少似日本妹既feel~我都幾like^^


我同化妝師都影左幾多合照架, 但似乎唔係太靚....

之後我去換伴娘衫影相, 間中jacky幫zoe影相, 至於果個o靚妹仔, 我換完衫之後就走左囉, 不過算啦, 佢唔係度仲好, 我就係唔想佢係度影相..xd


真係好like呢張既feel, 同埋整體感覺, 非常正!! 估唔到被風吹起既裙增加氣氛^^


呢張也係我比較like既一張, 估唔到自己都有咁可愛既一面~


自己既近鏡啊~竟然係完全ok!? 收貨!!


呢個細路仔阻住jacky及zoe影相, 我惟有同佢玩下紙飛機啦, 佢去毎個地方都拎住兩隻紙飛機, 我問佢可唔可以影相時, 佢即刻擺pose比我影...佢只有四歲, 好可愛啊><


影完相之後我地去食野, 果陣已經係六點, 都唔知係tea定dinner=.=...呢個就係靚仔影師, 即係星期二同我食飯果位~

最後影相大家累啦, 辛苦哂~估唔到你即日已經執好相比我, 而且仲好靚, 多謝你!! 後來我先知道你先執我既相, 原來我仲快過果個妹妹仔有相, 而且仲比佢靚, 唔信!? 大家可以睇下


妹妹仔果d只係打字上去...而且仲冇黑邊既~而我果d相, 大家請留意以上有黑邊既相, 所有名都係打係相下底, 跟本係兩個唔同level, 應該話佢比較偏心..xd

和影師食飯again

今晚約左個影c去食飯, 其實之前係msn度同佢傾開攝影既主題, 但佢想再傾詳細d, 於是咪約左今日食飯

後來大家約好左見面, 發覺佢幾靚仔呢~係黑色短髮, 左邊耳仔帶住耳環, 可惜既係佢已經有個拍左五年拖既女友呢, 自己都係冇行架啦><


去左一間幾靚既樓上cafe食飯, 而且waiter及廚師都係鬼佬黎架><


menu好靚啊~不過d野食都幾貴下, 落單時你仲要講英文=口="


雖然唔鐘意飲紅湯, 不過算啦, 鬼叫冇得選擇....


叫左個檸檬汁芝士焗煙三文魚飯~其實都幾好味, 不過太多芝士, 太漏啦><

傾好左個主題, 係講述一個OL係起身, 返工及放工既故事, 地點分別係時鐘酒店房, 地鐵站及中環, 最後大家約好呢個星期六晚去影中環部分, 都係影夜店或酒吧, 見佢iphone比我睇既相佢影得好靚, 加上曾經影過出名既model, 我都幾期待呢~~

而且途中也提及有個化妝師想影婚紗相, 佢問我有冇興趣, 咁當然有啦, 但果日係呢個星期四, 惟有星期四請假去影啦!! 因為公司度我有三日annual leave, 我又唔知點用好, 一於就用黎影相啦^^

睇相及食飯!?

呢日約左一個叫raysand既影c食飯, 其實唔係同佢傾影相既事, 而係關於睇相...!? 原來呢個影c佢睇相都幾準架, 果然利害!! 不過都係食飽飽~


你叫既鐵板餐~個酥皮湯係我至愛><


我叫既個人火窩, 仲要係肥牛, 同埋唔使我出錢既...xd


哈哈~好多正野食!! 加埋個豬骨湯底, 超正><

食完野之後就幫我睇手相, 以下係手相既結果:
感情線: 雜亂, like 胡思亂想, 而且情緒化, 一生受感情所累
生命線: 斷開, 而且有三角, 會有血光之災, 可能係要做大手術之類
婚姻線: 應該係28-30歲到結婚
事業線: 年紀細就出黎工作, 可惜受感情拖累, 否則會好成功
貴人: 係睇手指長度, 似乎我唔多夠, 要努力先得!!


睇完手相睇面相: 眼睛: 眼睛常常濕潤, 好似漓左眼藥水, 係核花眼既象徵, 會好有人緣, 同樣也會吸引異性, 常陷入三角戀... 感情好易失敗..
耳朵: 係屋企人關係, 但似乎唔太好...
nose: 睇晚年運, 尤其係nose既肉, 睇黎我晚年都唔錯喎~
口: 上唇及下唇, if 上下都簿代表個人同人吵架都要win, 只有佢講冇人講, 而我就一半半啦, 而且話我心地善良...

似乎我既人生都幾多災多難, 希望唔好全部中哂啦, 但某部分又講得幾岩既, 其實只要我保持冷靜, 唔好太易投入另一段感情內, 仔細觀察一下對方就得啦!! 咁當然自己也要對自己有自信及唔好心軟啦!! 估唔到都準七成, 果然恐怖><

石澳@私影

又約左阿joe影相呢, 呢次係第二次影, 希望可以影到第一次咁靚~

去到石澳後, 好心既司機同我地講會有堆沙比賽!? 咁咪冇得影泳衣!? 好在仲有一個後灘, 不過就好dirty, 但都唔緊要啦, 總比冇既好....咁我地開始影相先, 好凍呢><


其實有部分沙灘都幾靚既(冇比污染部分), 而且仲有兩個靚仔鬼佬...xd


好大膽既一次, 影左三點式泳衣!? 不過都係見同joe熟先會影><


都係收起少少性感, 著返件衫先...><


呢張個feeling個人都幾like, 始終都係like cool系...xd

影影下開始覺得凍, 而且全個人都震哂....係呢個時候joe竟然一直攬住我!? 而且仲拎佢件褸比我披住, 仲話見我凍成咁覺得心痛, 結果呢我地兩個坐在沙灘的破船旁攬住, 突然之間覺得好溫暖, 仲有d sweet既感覺, 佢仲不停地啜我><""...估唔到我仲可以有愛情呢種感覺, 原來係咁溫暖及sweet, fantasy及anthony永遠都比唔到呢種感覺我啦!! 之後開始覺得開心起黎, 可以繼續去影相~~


可以再次影返展露笑容既相, 都係要多謝joe啦~~睇下玩水玩得幾開心^^


仲開開心心咁玩水槍, 我唔覺得凍咩!?

之後黎左兩批影師幫人影結婚相, 自己唔知會唔會有咁既一日呢?? 我見部分影師及附近餐廳客人都望住我, 可能我著得sexy吧!? 太陽開始落山, 我既泳衣照已經完啦, 到果陣我先發現我對拖鞋比海水沖走左!? 加上joe對鞋又唔見左, 大家真係同是天涯淪落人啦, 結果係一齊去買返對拖鞋=.="


之後去其他屋度影下相, 呢個係下午影既, 所以仲係日頭, 有好多好靚既屋仔啊><


呢間屋真係幾靚, 門口掛左個牌唔好影相, 但最後都影左...xd


我最愛既紫色~其實係間餐廳黎架, 可惜我同joe冇去食到><

d相出黎都幾好啊, 而且我開始笑啦, pose比之前冇咁硬, 同埋開始自然啦!! 唔通呢個係愛情既力量!?><