再發現自己既相!?

今日再去sake既網頁度, 又見到自己既相啦, 但呢次冇上次咁靚, 唔知攝影師阿kin幾時比到相我呢?? 好期待當中既黑白相及我扮醉酒既相^^


哈哈~我覺得有d似艷照呢, 不過整體都ok吧!?...xd


我本身好like呢張相既feel, 覺得好寂寞咁, 十分襯我而家既情況><


呢張相都幾挑逗喎(笑)!? 用黎引男人一流, 更加係講笑^^

第一次私影^^

估唔到我竟然可以做私影model!? 今日係第一次私影, 連自己都緊張起黎, 清早仲急急化妝, 要媽媽及姑姐都幫我手, 唔好意思及多謝你地^^


哈哈~自己第一次化影相妝, 睇黎都唔錯喎, 仲有多謝姑姐幫我影相^^

約左十點係九龍公園等, 差d遲到啦, 點知個攝影師kin同我講: [要10:30先到]!!??吓!? 唔係掛, 咁我咪要等多半個鐘!? 到左十點半, 佢又話十一點先到, 悶死我啦!! 惟有到附近行行, 點知我d假捷毛甩鬼左!? 又要去買支膠水, 仲唔記得左拎膠水, 要返卓越拎返, 真魚皮=.="


黎到左九龍公園, 不過仲要等攝影師啊, 快d黎啊><


呆呆地望住一尊像...好悶啊=.="


好靚既小瀑布, 不過我冇心情睇啦, 攝影師快d黎啊!!


最後終於黎到, 原來佢住tuen mun(又係tm!?), 佢話tm 公路撞左車, 所以遲左, 不過唔緊要啦, 果度成日都撞車架啦!!

起初我影相太緊張啦, 所以攝影師阿kin叫我邊聽歌邊影相, 間中又同我傾計, 原來佢而家讀緊我以前HKU space既account high dip, 而且只係讀左四科, 咁要加油啦^^

仲有原來佢之前係讀fashion design , 而且佢仲自己設計過衫, 又有自己既sake店舖, 真係好叻啊, 原來而家d男人咁叻架咩? 定只係我井底之蛙咩都唔知呢?? 佢教左我好多時裝設計既知識, 又教我點諗idea, 同埋點樣入行, 咁真係要返大陸嗎?? 不過有呢個機會我一定唔會放過, 雖然而家無啦啦做左model, 但我知道時裝先係我既夢想, 其實我兩樣都想做, 對於唔會再有拖拍既我都唔過分吧!?



去完公園影相啦, 見到門外咁多人影相既? 原來係已經有xmas裝飾啦^^


不過d公仔就...哈哈...見仁見智啦...


雖然公仔就...但個金豎琴好靚~


我及那位攝影師叫既兩個湯及餐包~


我叫既雞排薯菜都竟然食唔哂, 好可惜呢><


之後攝影師kin話會有人送酒去佢店舖, 於是我跟埋去, 順便見下間店舖~呢d sake係佢店舖其中一項product


店舖內既酒櫃~有好多sake啊, 也係我要為呢間店舖影相既product>< 點會咁架!? 影影下相冇電都有!? 真係可惜啦, 整到我之後都影唔到相, 好激氣!! 最後只好比阿kin影啦....我本來想影返d自己既靚相及kin另一間係白田購物中心既店舖架麻, 冇得影添!! 惟有第二日再影啦><


第一次私影, 好緊張呢~~結果pose都唔係太自然...


去到tst既清酒店舖內開始輕鬆少少, pose也不太生硬=.="


我比較like呢張啊, 好襯我個人既性格, 覺得好正啊><


最最最like呢張, 估唔到可以影得咁鬼靚!? 都唔相信呢個就係自己....=口="


自己既近鏡!? 都唔覺得似自己喎...見唔慣自己化妝個樣嗎??

哈哈~估唔到自己個上左間sake店舖既blog!???!! 我咁既樣都得, 簡直係難以置信=口=""...個blog既網址係....仲有我要澄清一樣野, 我唔係美少女啊><""
http://premium-sake.blogspot.com/

雜記~

今日唔係發生太多事, 太過平靜啦, 只係琴晚父母冇煮飯, 落左街街買野食^^


行左咁耐終於搵到食啦, 係蕃茄焗豬排(我自己)及凍choco, 仲買左郣仔榚...xd


個飯都OK既...豬排就硬左D, 但個汁真係超正!!


好耐都冇食過既郣仔榚, 仲要係白色架!! 不過點解咁多豆既? 我唔要豆架=.="


放工之後去左ive拎返張cert, 本來唔想入班房及比人知道我黎左, 點知答車撞到berry, 佢話有睇到我個blog呢, 真開心~

拎完cert之後berry叫我入課室, 但已經冇再起鬨啦...可能係因為fantasy件事啦, 我相信全班都知道, 或者覺得我係痴線而怕左我....所以話戀愛後遺症幾大, 我呢世都唔會拍拖, 結果我只係靜悄悄坐係berry旁邊, 直至fantasy返黎, 我先決定離開. 其實我最近都有同佢傾計, 多數都係傾我成為model既問題, 佢都好支持及鼓勵我, 我以為同佢真係可以再做返朋友, 但一見到佢, 我唔知點解覺得唔開心, 同埋難以呼吸, 於是我決定走了....

我女友係007~

今日同姑姐約好左去睇[我大女友係007], 我覺得男主角都幾靚仔啊!! 多謝清潔阿姐送比我既戲票!!

首先同vincy約好, 佢願意借化妝品比我, 而且仲親自拎黎, 多謝你借比我既眼影, 眼線筆及陰影粉, 簡直係一百萬個多謝, 我會努力學好化妝, 影多d靚相比你睇^^


張poster既做型簡直一流, 男女主角都咁靚仔靚女^^


姜志渙真係好靚仔啊, 好型!! 同佢戲中既角色完全唔同, 戲中佢好搞笑好cute=.="


女主角著婚紗做臥底捉人時真係好靚及好型, 我覺得全套戲反而係頭最好睇^^


我同姑姐既兩張戲票...


我哋呢次去既戲院, 係旺角既金禾, 係新世紀入面架!


我哋即將會去既七號戲院~要搭好耐電梯先到呢...


到左七號戲院啦~死啦, 影到我自己添=.="

套戲估唔到真係幾好睇, 又幾好笑, 多謝阿姐送比我及姑姐睇左場好戲, 睇黎我都要識做, 起碼請返人食飯吧!?

試做型

話說呢個星期六要去做清酒既試影, 攝影師阿kin話想我影幾個做型, 之後email比佢. 本來係星期一做, 但時間太趕冇咩準備, 自己又要去染翇, 結果只有今日先可以影相, 希望佢唔好介意啦><



我化妝 + 染髮個樣呢~其實係剪左斜陰及剪短左少少, 個髮型師幫我染深色左, 唔制啊!! 至於個妝呢, 其實我真係有化, 可能唔夠濃吧!?


首先多謝我媽媽幫我影, 佢即使唔識用相機, 佢都願意幫我影, 鍚哂媽咪>3<...講返個look先, 呢次係想襯個高貴look, 外套及chain袋就係關鍵!


比較可愛既look, 就係用白色帽子, 杏色斗篷仔, 最重要加上波波款, 感覺上會年輕好多~


又可以配上啡色外套. 總之可愛look以白色, 啡色及杏色為主~


其實可愛活潑look呢, 我都諗左好耐, 最後決定用波波leg warmer, 及整兩條邊子增加可腹及活潑既效果, 咁當然第時都要跳跳下先得啦^^....原來leg warmer加上白短boot既效果都唔錯^^


換上高貴及成熟少少既女仔look先~呢套也係我like既一套, 尤其係頭上那頂黑色紅rose既細帽, 真係好正! 但攝影師叫我唔好著boot, 改著絲襪及高根鞋, 個妝再濃d, 咁就係我星期六個look啦^^


最後一個look啦, 配上毛毛及冷既外套, 毛毛物品呢個冬天絕對唔可以少!!

睇黎我都要好好學化妝, 一於化行佢, 星期六靚靚咁去影相囉~~~唔知攝影師阿kin滿唔滿意呢??><

可以影首飾模 (下)

今日仲要開工繼續影相呢....要比心機先得啦^^

不過個相機冇電, 於是我惟有做住其他野先~就係...要把一些用膠袋入住既首飾模入返去個透明盒仔度, 都幾好玩既 <--玩既咩, 工作黎架=.="


我張枱都幾亂下=.=".....所用既label紙, 盒仔, 當然仲有最重要既模啦~


所用既透明盒子~估唔到都要成6元個咁貴, 原價仲要係7.5元, 真係貴囉><


有成大包既模要入袋呢.....要慢慢用label寫底款號及配石><


所有模既近鏡啊~其實係胡亂倒係枱上=.="


比較特別及有意義既其中一個款~有個大心包住細心, 好似個男人緊抱住個心愛既女人一樣><


今次都係心型款多, 呢隻介指都幾like, d核突字咪我寫架囉=.="

其實都仲未影完, 因為實在太多啦, 不過可以hea住做, 又唔急既, 都係上網及msn休息一下先啦, 不過都仲未過probation, 我真係相當大膽啦...XD

可以影首飾模 (上)

係公司內有樣新野做, 而且都幾好玩下, 就係影首飾既模啦~總比做會計工作既好好多. 其實呢個job係一早要做, 可惜之前整壞左個相機, 而家個相機終於冇事啦><


即刻開始影模先~首先影既係耳環類, 雙十字款好cute啊^^


之後再影吊咀~都係雙十字架款, 我本身冇咩宗教信仰, 但唔知點解like十字架既飾物啦~


大十字架內有個小十字架呢~~


好靚既一個花花介指模~十字架都唔係我至愛, 至愛始終都係花花呢...


呢個係咩黎?? 呵呵~就係我唔小心整爛左既小十字架模, 好辛苦先可以用膠水痴返, 有d部分做得太幼, 太易爛啦><


仲有好多仲未影嗎?? 睇黎聽日仲要繼續呢....不過唔緊要啦, 影呢d實在太好玩, 毎個模都細細件, 好得意啊^^