跟vincy學化妝~

首先要多謝vincy係fb內邀請我, 教我學化妝, 我先有呢個機會學野, 多謝你^^

希望佢唔會介意我呢個凌亂既屋企啦!! 大家先坐底傾下計, 比我既劣作人睇下先, 之後再開始化妝啦~睇黎我既化妝品都唔係好夠, 又冇陰影粉及陰影筆, 都係要儲錢買啦><


vincy個化妝袋啊~果然好pro咁既樣, 好過我只係得幾件化妝品, 數都數得出=.="


我化妝個死人樣, 其實係照住個鏡黎化....不過個樣真係嚇死人囉=.="


只係化左個粉底及臉部打陰影, 認真核突死囉!!


終於畫左條眉啦~叫做順眼左少少><


畫左內眼線~也係其中一項難畫既部分, 不過可能太遠, 未必影到啦><


畫左上下眼線, 加上痴左假眼捷毛, 已經開始靚左啦><


最難畫既下眼線vincy都可以畫到, 恭喜你啊^^


塗埋唇彩~終於完成啦, 首先係影下相先啦...可惜手臂太粗, 陰又遮住眼睛><


於是試下撥開d陰黎影相啦~又好似靚d喎!!


於是抄下kipi其中一個pose, 當然冇佢咁靚啦, 但都算ok既><


分左界之後影既相, 果然比留陰既好!? 可能係d陰遮住對眼而覺得核突吧!?


隨便影既一張相, 同樣都係手臂太粗, 呢次唔keep fit都唔得><


當然要同我呢位好友加化妝師小姐影相啦~多謝你抽時間教我啊><

時間夾得岩岩好, 我爸爸釣左大魚返屋企, 我地要出街食飯...問題係我著住條黑色高貴裙,點可以著住去大排檔食飯呢!!?? 於是我急住換返件似樣既衫啦...條魚好好味啊~勁正!!!

突然做了私影model!?

呢排我果然有d無聊, 自己以玩玩下既心態post相到一個出名既龍友網站DC fever 做私影model....其實我見個網都好似好嚴密, 話咩要等佢內部approve先可以, 我都覺得冇咩可能, 覺得就算做唔到model都唔緊要啦~

點知約幾個鐘頭後, 突然有個sms, 通知我[登記成為fever model之申請已被接納, 請按照email的指示完成程序!?]唔係掛!? 我呢個樣都可以做model!? 雖然私影唔係太高要求, 不過照計冇可能架...睇返個email, 點知係真架!?

只係24個閱覽, 就已經有一個留言及add左三個攝影師, 分別叫做Garry, King 及Kin!? 佢地都問我有冇做過model!? 我先知道 --> 大獲啦! 我只係玩下, 點知變成真!?

其中一名叫kin仲問我做model收唔收錢, 佢話自己係sell wine既, 係尖沙咀及深水步有兩間分店, 叫我星期日去佢深水步既酒舖內傾細節!?係咪真架? 照計冇理由架, 我答佢未做過model, 邊會有呢d機會先至得, 都係星期日先算啦!!

另外兩名攝影師呢...似乎都係得個傾字, 關於影相問題, 咩都冇傾過, 可能係自己太老及冇經驗啦, 不過唔緊要, 反正我都係想睇下自己既市場價值, 冇心要做model既, 咪當認識兩位朋友囉^^

最開心既兩件事^^

我都希望係自己係中左六合彩, 咩都唔使做, 咁就固然開心啦~不過有樣野比呢樣更開心, 就係我今朝醒來, 我突然忘記了同佢既野!!??

話說個故事係咁既, 我琴晚個頭都仲有d痛痛地, 於是食左星期一晚醫生開比我既藥就訓左, 到左第二朝, 我發覺個腦一片空白既!? 後來係車上先發覺原來我冇哂關於果個人既野!? 實在太好啦~之前我都唔知恨佢定原諒佢好, 似乎上天已經比左個答案我, 就係...要我永遠忘記呢個人? 呢樣簡直比中六合彩還好, 因失戀呢d野唔係話忘記就可以忘記到, 但我竟然可以忘記哂, 仲唔叫好彩嗎??

起初我都唔係太信我真係可以完全忘記, 點知我一諗起佢, 個頭又再次痛起來, 係車上痛到返公司, 最後又食左令人眼訓既藥, 真係難頂, 諗起佢果然唔方好野=.="

至於第二樣開心野呢, 當然係關於時裝啦~~我期待WFM既spring/ summer 2010 的倫敦, 米蘭及香港時裝展被本出左啦!! 仲有我至like既vivienne westwood, 好正啊><



一見到佢出左即刻買, 但我竟然發覺冇現錢, 於是咪去銀行拎, 買完之後就要排長龍搭車返屋企=.="



始終都係vivienne westwood最好, 不過連件西裝褸都要五千幾元=.="...都係睇雜誌好了..

又有新idea去畫sketch, 太開心~不過我睇呢本野都睇好耐, 就好似食排骨咁, 連佢d排骨都食得唔好哂....XD

終於拎到理大既證書啦^^

其實fashion design 證書好似拎左好耐, 只係我一直唔記得post上黎比大家睇睇, 終於完成左course, 好開心呢~不過冇登到成績出黎有點可惜呢><


不愧係大學, 連個信封都唔同d, 仲要有[do not bend]字眼....


第一張係可以claim CEF既信~


證明我有讀呢個course既信啊~列明付款, 開始讀及完結既日期~


最重要就係呢張證書啦~fashion design, 我好愛你啊><


同樣都係拎證書, 但IVE真係cheap好多啦, 竟然要人親自係指定日期親自去拎!? 我唔想見到某人架麻, 玩野咩=.="...兩個都係cert level, 未免差太遠吧!?

所以真係希望自己可以讀到poly架, 始終係名牌大學, 毎樣都係高級好多....而IVE就...除非我讀唔到poly啦, 唔係都唔會考慮><

電影門票coupon!?

多謝清潔阿姐送左兩張[我女友係零零7]既戲票比我睇, 佢叫我睇完之後, 話比佢知好唔好睇, 因佢要特登係紅磡出去旺角睇, 對於月入唔太多既佢黎講, 費時哂車錢去睇場唔好睇既戲. 如果我搵到伴去睇既話就會去睇既....


都唔知應唔應該開心? 雖然有免費票, 但又唔知同邊個去, 加上我剛失戀就要睇愛情喜劇, 真係鬼整囉....

想搵姑姐去, 佢公司度好多野做, 所有公司要係十一月中報稅, 未必會得閒, 不過都可以問下既~至於朋友呢, 我都仲未問, 但應該會請女仔朋友去睇多, 費時請男仔啦, 除非冇得選擇啦...不過咩人同我去都好, 只係希望有人可以同我一齊睇戲!! 冇人同自己睇, 真係可悲囉...

去睇醫生囉...

一向孤寒既我都唔捨得比錢出黎睇醫生, 但個頭真係痛得太利害, 三日唔埋兩日就痛, 而且有時睇野唔係太清楚, 一係就有d想嘔, 於是我決定去睇醫生. 但另一方面, 又覺得唔係感冒及咩serious既病, 所以都會猶豫去唔去睇好><

最後終於去到我以前屋企附近睇開既醫生度, 太耐冇去過啦, 可能自己唔係成日病啦, 咁當然也唔好成日病啦, 撞鬼咩!?


放左工夜媽媽黎睇醫生, 冇辦法啦...好彩佢開到夜晚八點^^

去左見醫生, 原來都只係普通頭痛嗎? 佢只話原因太多, 始終冇講到我點解頭痛, 同埋只係問我訓教有冇異樣, 咁我都冇既, 不過訓覺之前係要痛下, 醫生話我未至於入神經科檢查既(雖然我都痴痴地, 尤其係戀愛, 但我覺得愛得深先會痴), 最後只係開左藥比我食, 話食藥都唔好先至黎!? 咁我咪要哂多百五元!?


只係頭痛都要食五款藥!? 其實只有三包先係, 其餘兩包係止嘔既...

d藥好勁啊, 食完之後好快就冇事, 不過同樣也好易令人好眼訓, 藥力比普通藥仲勁!?

德華公園及三人行

由於姪仔太頑皮啦, 同埋顧及佢既安全, 所以我父母決定裝窗花, 今日有師父黎我地屋企裝, 而姑姐, 姪仔及我三個人出去荃灣食早餐~

都係去返成日幫襯既餐廳食早餐, 我都係食返果份早餐, 上次唔記得影我碗麵, 今次終於記得啦~yeah!!


就係呢碗炸菜肉絲米線, d米線超好味~


之後去左千色店附近既公園行, 叫做德華公園~平時只係行過呢個公園, 但從未入去行過, 呢次可以行下~


原來又係賽馬會起, 唔怪之得近排電台阿so大賣廣告啦><


一入到門口已經見到呢個石既雕塑啦~


成班伯伯係享內捉棋...仲要有其他伯伯圍住, 仲要幾個享都係, 真係壯觀=.="


都係唔好理班伯伯, 我睇姪仔玩仲好啦~見佢兩手舉下野都幾開心, 可惜之後只係掛住望人地玩呢=.="


我自己仲走左去玩呢個野, 手先捉住扶手, 就用腳踏地上個輪轉下轉下, 都幾好玩架!! 姪仔見我玩, 佢又走去學玩, 見佢都玩得ok既^^


遊樂場附近既大榭~佢既樹幹實在太大啦><


係遊樂場附近發現有間大屋, 不如走近去睇下~


去大屋之前要先經過一條橋, 兩岸既景色都算ok既~


橋上右邊既一個水塘~


橋上左邊既一個小瀑布, 我喜歡在水中牽動既漣漪~


終於發現間大屋啦~可惜我地唔可以入去睇, 自己真係好想入去啊><


大屋之後既另一個遊樂場~姪仔一見到有得玩就衝入去....XD


入到去已經見到好多小朋友去玩啦~姪仔你都去玩啦!!


姪仔至愛坐呢隻馬啦, 見佢坐得幾開心^^


去完遊樂場後再出返去未行完既部分~另一間唔可以入既屋><


行過一個水塘~見到有好多錦里及turtle~


turtle 好大隻啊~而且仲有三隻, 佢地係一家人??定好朋友??


係入口附近既另一條橋, 起初同姑姐只顧住直行, 差點忘記行呢度><


係一條比較古色古香既橋...不過有d流浪人係度訓就有少少大殺風景...偷偷地影左姑姐及姪仔~


橋上望出水塘既景色~旁邊的欄杆增添少少古典味道~


連接橋上既另一座房子, 不過見冇人入去, 好似好恐怖, 我地都冇入...

最後終於離開呢個公園, 都發覺景色都幾靚既, 雖然細點, 不過算啦, 市區有個公園比大家休息仲想點?? 之後同姑姐及姪仔返屋企, 我就係屋企畫畫, 搵左好耐先搵到個題材, 就係畫我比較like既一個日本cosplayer -kipi



我唔like卡通及漫畫, 但我覺得佢扮任何角色都好靚! 加上呢張相既構圖都好靚, so 吸引我去畫><


我用左oil pastel及木顏色去油, 呢次用oil pastel既比例較大, 尤其係深黑裙部分我全部用了深黑色...仲有連rose部分都係...