再去創藝坊~

話說上星期日我同妹去創藝坊時, 好多店舖都未開, 於是我決定再去多次!!! 但呢次只有我一個人去...有少少寂寞既惑覺啦...不過都幾自由自在, 好鍾意呢種感覺^^


先收到門口派印有創藝坊名字既氣球~有紅, 藍, 綠及黃, 都係要藍色吧!? 咁大個人拎住個氣球會唔會有少少低b呢=.="


同上個星期有少少唔同, 先從八樓睇起...呢次多左幾張壁畫, 毎張壁畫都有特別意思, 但我就似乎領悟唔到啦, 就影左我覺得靚既幾張啦~


幾有童真既一張畫~我好like呢種感覺^^


都係充滿童真既感覺~呢次係氹氹轉^^


之後去一間整玻璃用品既店舖外行陣, 見到多左好多新既作品, 呢個藍色作品都係新既~


投在地上既映像~係關於製作玻璃用品時既工序, 都睇得幾清楚^^


整玻璃用品既機器啊~~~毎部機器都好大部><


其中一間展示相機既店舖~全部都係比較古老既傢私及裝飾品~


好多古老既相機啊....


見到呢個公仔及barbie既公仔相幾特別, 於是就去影下. 點知比呢間店舖既老闆招呼我入去坐=.="..同佢傾下計, 原來佢係個graphic designer, 佢呢次個展館係以時裝show既後台為題材去攝影~我都好羨慕佢可以睇catwalk啊><


個老闆都好好人, 佢比我任影佢既工作室, 可惜我冇除鞋, 真係唔好意思....呢盞燈都係好靚, 好grand啊><

客廳(!?)之中既枱子~毛毛地毯好舒服>3<


枱上既粉紅花~簡單既一碟花已影響整體上既效果....


客廳(!?)既椅子~


個graphic designer既以catwalk後台為題既其中一張攝影作品, 掛係椅子既上面~


果位graphic designer幫我影左張相~連佢都用佢部相機影左我一張相, 無所謂啦^^


再行過少少, 可以見到一盆粉紅花~~


那盆花既近鏡~


其實關於catwalk後台既相唔太多, 只係得三張...除左頭先椅子果張之外, 呢張係第二張...


最後一張作品~都影得不錯吧!!??


那位graghic designer既工作室一部分~


工作室牆上既畫作~


工作室牆上既裝飾品~


呢位designer既新作品~佢用左一隻underwear既品牌去設計, 因佢覺得從來冇人用underwear去創作, 可能係覺得underwear無法登大雅之堂吧!? 所以我覺得佢用呢個concept已經唔錯, 加上佢教我地從不同角度去睇同一件作品, 感覺會有不同....


離開工作室之後, 就去到一個露天展場, 見到塗鴉都幾靚^^


枱頭望上去見到有張用黃色布畫既畫~


另一間工作室~表面好似冇咩特別, 但牆及門上全部都係memo紙~


全部都係memo紙, 諗起[命中註定我愛你]既陳欣怡~


途中見到一張好靚既秋景相~


另一間工作室既壁畫~d人畫功好勁啊><


上面果張壁畫既工作室走廊~


一個關於水畫既展覽, 其實係講出毎個作家對水既不同感覺, 當然係節約用水多...


一開始比呢張色彩繽紛既畫作吸引住~


呢張畫作既近照~


一個叫林皮既畫家既作品, 也即係首幾張畫充滿童真既女仔既畫家~


把水, 金魚及人體結合而成既一張畫~中間既黑墨水代表污染既水源...


最後去既一間工作室, no, 應該係店舖吧!? 以香港舊有物件為主題~也係全座中心最吸引人既一間店舖~


牆上無數既古董鐘~


牆上既信箱~


也係牆上有關中國既畫像~


好古老既電話亭呢~而且仲反射到我全個人><


仲係揭蓋既廢紙箱!? 我好細個日時都仲見到類似既款, 不過我見既係橙色..


令人懷念既[碌架床]~以前麻麻屋企都有一張, 後來應該係扔左吧!?


細佬仔既機動玩具!??


係門口附近既一張顏色套目椅子~


擺放著港式既舊物件~其中有整月餅既模子..


擺放舊玩具既玻璃櫃~



最值得睇, 也係最靚既地方: 就係展示香港的舊店舖模型!! 呢個係茶樓~


茶樓既枱子~擺滿點心呢><


茶樓既牆壁及沖茶既地方~其實前幾年同麻麻飲茶, 也見過類似既格局~勁正!!


當然唔少得招牌點心車, 同埋卡位啦~


飲完茶就去龍鳳大禮堂~好古式呢....但而家似乎都仲保留住呢個傳統, 但我也有出嫁請飲的一天嗎??


你睇呢圍幾豐富, 幾多食物~


各位結左婚既朋友,對呢個畫面都唔會陌生吧!?


去完飲就去鞋舖~真係好古舊既鞋舖><


鞋款也做得好仔細, 有皮鞋, boot, 高身波鞋....


擺放唔同款既鞋盒~


之後去文具舖~


仔鈿既筆櫃, 及擺放練習簿~


玻璃櫃內既鋼筆及玻璃櫃前既包裝紙...xd


1990年代既舊街及大廈~


之後到大排檔~之前去過石硤尾都仲有呢類店舖, d食物超好味:p


大排檔既招牌~


大排檔既後面部分~


大排檔既櫃面~最記得那個玻璃箱係擺左唔同既方包~


當然唔少得大排檔既枱椅啦~也係以前家庭用既既枱椅, 有種懷念既感覺...


大排檔既另一邊...


賣小食既店舖都有!? 包括炸大腸, 腸粉, 夾餅...


原來係賣咁多野食, 不過前面咁鬼污糟!? 好有大排檔特色~

終於行完全個創藝坊, 係時候返屋企, 原來行完都只係五點, 只係行左個半鐘到, 不過一個人行係咁上下架啦, 有機會既話叫埋朋友黎, 可能會玩得耐d既^^

返屋企前去左零食物語買左盒明治既noir[暗黑]choco, 本來見佢只係57%既濃度應該唔太苦, 點知苦到飛起><

人生寶貴一課^^

部電腦只係條線鬆左, 好在咩事都冇~自己也唔係最黑仔^^

今日因為有一條數入錯左, 比個會計阿head話左我幾句, 講真都有d唔開心既, 不過鬼叫自己做錯野咩, 佢都已經比以前個老闆好好多, 同樣都叫[羅小姐], 但性格真係天壤之別囉.....係大老闆走左之後, 呢個羅小姐(不如叫佢bibian啦~)無論係工作上及做人上教左我好多野, 令我得益不少, 比著係以前個羅小姐, 我一做錯少少野就比佢鬧到成隻狗咁, 不過bibian係話左我幾句, 都算執到啦~

從bibian口中得知我都又係大頭蝦, 做野就有d唔小心啦, 而且又過分緊張, 所以有時因為緊張而做錯野, 呢間公司基本上係冇咩點鬧人, 她先指出我係會計上有條件做得更好, 同埋我個會計既concept唔錯, 同埋佢話兩位老闆欣賞我願意及努力學野外, 仲有有禮貌, 唔好理我既禮貌係咪扮出黎(!!?), 原來我咁多優點架咩!!??係咪真既都好, 聽到都開心既~

之後問我做咩會咁緊張, 都係因為以前個老闆郁d就鬧吧?於是我咪驚比佢鬧而盡量唔好做錯, 可能就係呢樣野影響我既工作情緒, 令到我成日擔驚受怕, 於是她呢度一定唔會發生呢個情況, 叫我比心機, 唔係咁驚青及小心去工作, 話呢個其實係致命既障礙, 係令我工作表現不太好既原因. 聽完佢咁講, 我又覺得係喎...唔通呢個就係我既心理障礙!? 她話我其實可以做得更好, 同埋話我雖然做野係快, 但都係有錯, 如果自己可以克服呢個障礙就好啦~只要比心機及用心去做, 可以幫輕到佢地就已經足夠, 咁當然希望我都要有記性d啦>< 結果阻左bibian好多時間, 而佢都話好少有用咁多時間同我說教, 真係對唔住阻左你時間, 因你成日都有好多野做, 自己實在唔好意思呢...真係對唔住及多謝你^_^ 終於放工了, 到左搭小巴附近既傢私店舖行下, 估唔到而家d家居設計都幾靚, 如果我有生之年可以搵到我既真命天子, 同佢一齊設計家居就好呢~ 呢間店舖賣中國既姐木傢私~估唔到又ok靚喎~


對面馬路既傢私店~要等到冇車經過先可以影>< 金色既架子好鬼靚~~


仲要係電動窗簾!?估唔到窗簾店舖都幾靚喎~


開左一陣, 我至愛就係呢張椅子, 真係好鬼正>3<...不過如果真係可以同另一半選擇既話, 我覺得佢一定唔會比我擺, 咁唔實用=.=" 呢間店舖係擺放上面黑色椅子既店舖~呢間店舖d傢私係咁多間之中最鍾意既, 但....一間普通既屋企會買呢d嗎=.="

行左唔係好耐, 全部店舖已經行完....自己要返屋企.....

同樣我發覺得自己已經搵到自己既人生目標, 就係追尋自己既夢想, 整好portfolio去報時裝設計, 去讀公司比我讀既珠寶設計; 同埋找到真正既自己, 包括自己既優點及缺點, 去更加了解自己~~仲有而家暫時事業及搵錢為重, 唔係點買姑婆屋???

好鬼黑仔...

原本阿head比我做佢自己間公司既野, 就係幫佢既product模影下相, 呢兩日冇野做既我終於有野做啦!! 其實係佢間公司有唔同既product, 分別係介指, 吊咀, 耳環及日本款既飾物既膠模影相, 除左要show個模出黎外, 仲要show埋款號, 之後再要去小畫家執相等等.....因佢平時唔得閒, 所以咪我做, 有得做野真係好開心...XD

平時用黎裝鑽石既鐵盒仔~即使係裝模也係用佢....

毎個鐵盒內仲有細膠盒仔裝住鑽石, 膠模...

呢個十字架就係用黎做吊咀或耳環之前既模啦~師父都會跟住個模去做^^

本來影相影得好地地, 點知個相機一跌左落地下之後, 個鏡頭伸宿器懷左!!??唔係掛, 我只係跌左一次, 之後打電話去問買呢款相機既公司, 竟然話維修費要成三百元!?!冇理由要公司出架, 係自己整爛既, 最後要自己補返出黎, 好慘啊....咁就冇左成三百元, 三百元可以買到好多野的說><

就係呢部相機害到我冇左成三百元, 唔制啊><

放工本來有得早半個鐘走, 自己都好鬼開心, 點知我部電腦竟然壞左!!?? 死啦, 唔係又燒抵版吧!? 雖然呢次唔使我出錢, 但我店咩就壞咩, 真係好鬼黑仔....都係快d到第二日啦><

可以學珠寶設計!??

今日係公司無所事事, 畫時裝圖又唔知點解越畫越差既!!? 後尾果三張作品唔係太滿意, 於是我就畫左第二種類, 其實都係普通咁畫返畫...XD

仲未完成既作品呢~畫畫下又唔畫, 做咩鬼呀我??

係放工前, 阿head同我講話佢要返學, 從佢口中得知, 原來政府會津貼珠寶行內人士去進修架, 仲可以有七成學費津貼, 而且只係幾百元!!?但其實都有少少要求先咁平, 就係公司本身都係珠寶呢行, 而且要有公司印及阿head同意. 好好彩地我三樣都有!! 哇~咁抵! 而且有埋表格, 好多科都只係幾百元, 我又冇咩讀, 返到屋企又冇野做, 加上又唔係太貴, 一於去報名先...XD

哈哈~張報名表格係紫色^^....唔係, 係應該報名先岩, 我最後報左珠寶設計初班及鑽石鑒定, 話哂我地公司都係賣鑽石麻~但有d班要齊人先開得, 睇黎我有排等@@

買左書自傷時裝設計, 學既係布料質地, 原來有分咩中厚型機織物, 厚型機織物, 透孔織物(喱士..), 輕簿及彈性織物~而且仲有好布料要記, 毎種布料做出唔同款既袖又有唔同效果....我只係記布都記死我啦, 又要繼續畫野, 我暈啦@@