人生寶貴一課^^

部電腦只係條線鬆左, 好在咩事都冇~自己也唔係最黑仔^^

今日因為有一條數入錯左, 比個會計阿head話左我幾句, 講真都有d唔開心既, 不過鬼叫自己做錯野咩, 佢都已經比以前個老闆好好多, 同樣都叫[羅小姐], 但性格真係天壤之別囉.....係大老闆走左之後, 呢個羅小姐(不如叫佢bibian啦~)無論係工作上及做人上教左我好多野, 令我得益不少, 比著係以前個羅小姐, 我一做錯少少野就比佢鬧到成隻狗咁, 不過bibian係話左我幾句, 都算執到啦~

從bibian口中得知我都又係大頭蝦, 做野就有d唔小心啦, 而且又過分緊張, 所以有時因為緊張而做錯野, 呢間公司基本上係冇咩點鬧人, 她先指出我係會計上有條件做得更好, 同埋我個會計既concept唔錯, 同埋佢話兩位老闆欣賞我願意及努力學野外, 仲有有禮貌, 唔好理我既禮貌係咪扮出黎(!!?), 原來我咁多優點架咩!!??係咪真既都好, 聽到都開心既~

之後問我做咩會咁緊張, 都係因為以前個老闆郁d就鬧吧?於是我咪驚比佢鬧而盡量唔好做錯, 可能就係呢樣野影響我既工作情緒, 令到我成日擔驚受怕, 於是她呢度一定唔會發生呢個情況, 叫我比心機, 唔係咁驚青及小心去工作, 話呢個其實係致命既障礙, 係令我工作表現不太好既原因. 聽完佢咁講, 我又覺得係喎...唔通呢個就係我既心理障礙!? 她話我其實可以做得更好, 同埋話我雖然做野係快, 但都係有錯, 如果自己可以克服呢個障礙就好啦~只要比心機及用心去做, 可以幫輕到佢地就已經足夠, 咁當然希望我都要有記性d啦>< 結果阻左bibian好多時間, 而佢都話好少有用咁多時間同我說教, 真係對唔住阻左你時間, 因你成日都有好多野做, 自己實在唔好意思呢...真係對唔住及多謝你^_^ 終於放工了, 到左搭小巴附近既傢私店舖行下, 估唔到而家d家居設計都幾靚, 如果我有生之年可以搵到我既真命天子, 同佢一齊設計家居就好呢~ 呢間店舖賣中國既姐木傢私~估唔到又ok靚喎~


對面馬路既傢私店~要等到冇車經過先可以影>< 金色既架子好鬼靚~~


仲要係電動窗簾!?估唔到窗簾店舖都幾靚喎~


開左一陣, 我至愛就係呢張椅子, 真係好鬼正>3<...不過如果真係可以同另一半選擇既話, 我覺得佢一定唔會比我擺, 咁唔實用=.=" 呢間店舖係擺放上面黑色椅子既店舖~呢間店舖d傢私係咁多間之中最鍾意既, 但....一間普通既屋企會買呢d嗎=.="

行左唔係好耐, 全部店舖已經行完....自己要返屋企.....

同樣我發覺得自己已經搵到自己既人生目標, 就係追尋自己既夢想, 整好portfolio去報時裝設計, 去讀公司比我讀既珠寶設計; 同埋找到真正既自己, 包括自己既優點及缺點, 去更加了解自己~~仲有而家暫時事業及搵錢為重, 唔係點買姑婆屋???

好鬼黑仔...

原本阿head比我做佢自己間公司既野, 就係幫佢既product模影下相, 呢兩日冇野做既我終於有野做啦!! 其實係佢間公司有唔同既product, 分別係介指, 吊咀, 耳環及日本款既飾物既膠模影相, 除左要show個模出黎外, 仲要show埋款號, 之後再要去小畫家執相等等.....因佢平時唔得閒, 所以咪我做, 有得做野真係好開心...XD

平時用黎裝鑽石既鐵盒仔~即使係裝模也係用佢....

毎個鐵盒內仲有細膠盒仔裝住鑽石, 膠模...

呢個十字架就係用黎做吊咀或耳環之前既模啦~師父都會跟住個模去做^^

本來影相影得好地地, 點知個相機一跌左落地下之後, 個鏡頭伸宿器懷左!!??唔係掛, 我只係跌左一次, 之後打電話去問買呢款相機既公司, 竟然話維修費要成三百元!?!冇理由要公司出架, 係自己整爛既, 最後要自己補返出黎, 好慘啊....咁就冇左成三百元, 三百元可以買到好多野的說><

就係呢部相機害到我冇左成三百元, 唔制啊><

放工本來有得早半個鐘走, 自己都好鬼開心, 點知我部電腦竟然壞左!!?? 死啦, 唔係又燒抵版吧!? 雖然呢次唔使我出錢, 但我店咩就壞咩, 真係好鬼黑仔....都係快d到第二日啦><

可以學珠寶設計!??

今日係公司無所事事, 畫時裝圖又唔知點解越畫越差既!!? 後尾果三張作品唔係太滿意, 於是我就畫左第二種類, 其實都係普通咁畫返畫...XD

仲未完成既作品呢~畫畫下又唔畫, 做咩鬼呀我??

係放工前, 阿head同我講話佢要返學, 從佢口中得知, 原來政府會津貼珠寶行內人士去進修架, 仲可以有七成學費津貼, 而且只係幾百元!!?但其實都有少少要求先咁平, 就係公司本身都係珠寶呢行, 而且要有公司印及阿head同意. 好好彩地我三樣都有!! 哇~咁抵! 而且有埋表格, 好多科都只係幾百元, 我又冇咩讀, 返到屋企又冇野做, 加上又唔係太貴, 一於去報名先...XD

哈哈~張報名表格係紫色^^....唔係, 係應該報名先岩, 我最後報左珠寶設計初班及鑽石鑒定, 話哂我地公司都係賣鑽石麻~但有d班要齊人先開得, 睇黎我有排等@@

買左書自傷時裝設計, 學既係布料質地, 原來有分咩中厚型機織物, 厚型機織物, 透孔織物(喱士..), 輕簿及彈性織物~而且仲有好布料要記, 毎種布料做出唔同款既袖又有唔同效果....我只係記布都記死我啦, 又要繼續畫野, 我暈啦@@

買時裝設計書~

今日自告奮勇去幫老闆娘去影印公司文件, 係等既期間自己可以順便周圍行下, 唔係係公司度又冇野做, 又唔使成日係公司度咁悶啦^^

要等二十分鐘先可以拎影印文件, 於是去附近商場行下, 行過其中一間書店, 佢係以賣簡體字既書為主, 既然自己對時裝咁有興趣, 不如去搵下啦~點知比我搵到幾多時裝書, 而且價錢又唔係太貴, 總比特登去羅胡買仲好~最後比我買左本[時裝設計元素: 款式與做型]:

都係有戶簡體字~不過唔緊要啦, 至緊要係可以學到野^^


本書真係幾多野睇下, 如有theme board既樣本及方法~


人物服裝比例圖~真係要記得毎款裙及褲啊@@


色版同樣重要啊~係配色既關鍵!!


毎款衫, 裙, 領口....太多款, 太多野記啦@@..時裝世界太複雜啦><


仲有係各款布料既認識....咁多布料點記@@

放左工之後不停地睇, 總之搭車咁耐睇足咁耐, 果然係書不離手...直到返到屋企, 見今日自己著套衫都ok好睇, 於是手痕痕又玩自拍=.="呢個pose都幾型既, 可惜係個袋...
其實自己都幾like呢個pose...

都係唔好自戀!??啦, 都係返屋企休息下先啦=.="

預定節目~

蕃薯呢兩個月有排忙, 未必見到面, 也係我地兩個冇得見面既最耐時間....平時毎個星期只見一兩次已經夠少, 而家仲少, 不如唔好見吧=.="

不過唔緊要, 好在我都有娛樂, 搵左朋友去聚舊~
18: eva, veron及蕉食晚飯~
22: 文迪食晚飯!?
24: 同嘉華, 寶妮, 酸梅, liz及vincy去mk 整蛋糕~
31: 當然同姑姐慶祝生日啦~

其餘節目自己仲安排緊, 應該係睇下展覽, 行下商場之類啦, 努力為自己讀時裝設計舖路, 咁當然有部分都係玩啦!! 我決定即使冇左蕃薯, 我都要開心努力咁生活落去!! 而家暫時只希望可以讀到poly u 既時裝設計, 咁我第時就有排忙, 可以做到自己開心及興趣既事, 又可以忘記佢啦~

舊地重遊, 不一樣的感覺...

好眼訓咁去左跟屋企人飲茶, 太耐冇去過, 覺得好開心, 而且仲不停地叫野食, 最後叫到全枱都係....只有六個人去飲茶, 使唔使咁誇張啊!!!??

終於可以去茶樓飲茶啦~呢間茶樓點心唔太貴!!星期日勁多人黎食野架~

一於影下自己個位先~

勁好味既蝦腸!! 仲有好多都幾好味既點心^^

仲有咸水角及黑椒牛肉都黎左~但我後來先發現自己竟然冇食牛肉!?

食極都食唔完既點心...我哋一家真係咁大食嗎>< 飲完茶之後, 屋企人要去鑽石山辦爺爺及麻麻既靈位, 而我同妹妹見有順風車, 於是去左一個令人懷念, 但面目全非既地方 -石峽尾創藝坊睇下~也係以前我爸爸公司既舊址. 不過有d可惜既係可能我地太早黎到, 好多店舖仲未開=.=" \工廠大廈個名仲係度~但有一種與別不同的感覺...

已經換上了創藝坊既門口啦...

先搭左lift去最頂層睇先~

最頂層先見到個整玻璃用品既地方~最衰仲未開, 唔係可以入去睇下>< 從八樓望落去各層既景色...

有好多既店舖, 或附帶既環境, toliet都沿用左以前既格局, 同妹妹一齊邊行邊講返以前既往事, 毎見到一個地方, 點滴既回憶也浮現起來, 真係一個充滿回憶既地方^^

見到其中一間店舖有個好靚既公仔, 於是入去睇下, 店舖賣既用品都幾靚, 不過就貴左少少...我同妹妹分別買左一個用布做既bookmark及眼鏡布~

店舖外既玻璃窗^^

其他店舖都幾得意既, 首先係門外既一對企鵝^^

好靚既一幅牆上畫~

行過路旁既一張靚相, 連我對藍色太大興趣都覺得隻藍色好靚^^

lift口附近的舊機器~都好似幾得意咁^^

呢間店舖就係我地舊公司既地址~605室啦!! 而家變左咁既樣>< 舊公司既後門....真係唔公平啊!! 隔離個公司牌名冇拆到, 我地果個名就冇左囉>< 我哋舊公司內既店舖擺設, 都幾靚架!!

同一層既其他靚店舖~

呢間店舖外既景版~

都係好靚既牆上壁畫....估唔到可以係牆上畫出仔細及靚既話, 而且構圖仲係一流!!!

牆上的貓貓~好可愛啊>< 好得意既招牌仔~仲有見到一個古老大鐘~

個人好鍾意呢類古老大鐘, 真係好有特色~

呢間店舖既玻璃都幾特別^^

呢間叫做[住好d]既店舖係一及二樓, 應該話從二樓望落去, 可以見到一樓既店舖全貌, 自己都幾鍾意呢類店舖^^

住好d既正門...可惜佢係未開, 唔可以入去行下>< 好鍾意呢類既露天茶座~如果一個人係度上網, 飲住咖啡, 簡直係一流呢!!

我同妹妹終於行完, 可能係因為大多店舖都冇開吧, 所以冇咩睇....不過唔緊要, 下次自己再黎過, 如果可以順便探埋舊朋友就好^^

之後爸爸佢地都係鑽石山返黎車我哋返屋企, 而我個相機剛好又冇哂電, 都係返屋企算了. 至於之後去咩地方, 我都唔知道囉....睇下之後點啦...XD