買時裝設計書~

今日自告奮勇去幫老闆娘去影印公司文件, 係等既期間自己可以順便周圍行下, 唔係係公司度又冇野做, 又唔使成日係公司度咁悶啦^^

要等二十分鐘先可以拎影印文件, 於是去附近商場行下, 行過其中一間書店, 佢係以賣簡體字既書為主, 既然自己對時裝咁有興趣, 不如去搵下啦~點知比我搵到幾多時裝書, 而且價錢又唔係太貴, 總比特登去羅胡買仲好~最後比我買左本[時裝設計元素: 款式與做型]:

都係有戶簡體字~不過唔緊要啦, 至緊要係可以學到野^^


本書真係幾多野睇下, 如有theme board既樣本及方法~


人物服裝比例圖~真係要記得毎款裙及褲啊@@


色版同樣重要啊~係配色既關鍵!!


毎款衫, 裙, 領口....太多款, 太多野記啦@@..時裝世界太複雜啦><


仲有係各款布料既認識....咁多布料點記@@

放左工之後不停地睇, 總之搭車咁耐睇足咁耐, 果然係書不離手...直到返到屋企, 見今日自己著套衫都ok好睇, 於是手痕痕又玩自拍=.="呢個pose都幾型既, 可惜係個袋...
其實自己都幾like呢個pose...

都係唔好自戀!??啦, 都係返屋企休息下先啦=.="

預定節目~

蕃薯呢兩個月有排忙, 未必見到面, 也係我地兩個冇得見面既最耐時間....平時毎個星期只見一兩次已經夠少, 而家仲少, 不如唔好見吧=.="

不過唔緊要, 好在我都有娛樂, 搵左朋友去聚舊~
18: eva, veron及蕉食晚飯~
22: 文迪食晚飯!?
24: 同嘉華, 寶妮, 酸梅, liz及vincy去mk 整蛋糕~
31: 當然同姑姐慶祝生日啦~

其餘節目自己仲安排緊, 應該係睇下展覽, 行下商場之類啦, 努力為自己讀時裝設計舖路, 咁當然有部分都係玩啦!! 我決定即使冇左蕃薯, 我都要開心努力咁生活落去!! 而家暫時只希望可以讀到poly u 既時裝設計, 咁我第時就有排忙, 可以做到自己開心及興趣既事, 又可以忘記佢啦~

舊地重遊, 不一樣的感覺...

好眼訓咁去左跟屋企人飲茶, 太耐冇去過, 覺得好開心, 而且仲不停地叫野食, 最後叫到全枱都係....只有六個人去飲茶, 使唔使咁誇張啊!!!??

終於可以去茶樓飲茶啦~呢間茶樓點心唔太貴!!星期日勁多人黎食野架~

一於影下自己個位先~

勁好味既蝦腸!! 仲有好多都幾好味既點心^^

仲有咸水角及黑椒牛肉都黎左~但我後來先發現自己竟然冇食牛肉!?

食極都食唔完既點心...我哋一家真係咁大食嗎>< 飲完茶之後, 屋企人要去鑽石山辦爺爺及麻麻既靈位, 而我同妹妹見有順風車, 於是去左一個令人懷念, 但面目全非既地方 -石峽尾創藝坊睇下~也係以前我爸爸公司既舊址. 不過有d可惜既係可能我地太早黎到, 好多店舖仲未開=.=" \工廠大廈個名仲係度~但有一種與別不同的感覺...

已經換上了創藝坊既門口啦...

先搭左lift去最頂層睇先~

最頂層先見到個整玻璃用品既地方~最衰仲未開, 唔係可以入去睇下>< 從八樓望落去各層既景色...

有好多既店舖, 或附帶既環境, toliet都沿用左以前既格局, 同妹妹一齊邊行邊講返以前既往事, 毎見到一個地方, 點滴既回憶也浮現起來, 真係一個充滿回憶既地方^^

見到其中一間店舖有個好靚既公仔, 於是入去睇下, 店舖賣既用品都幾靚, 不過就貴左少少...我同妹妹分別買左一個用布做既bookmark及眼鏡布~

店舖外既玻璃窗^^

其他店舖都幾得意既, 首先係門外既一對企鵝^^

好靚既一幅牆上畫~

行過路旁既一張靚相, 連我對藍色太大興趣都覺得隻藍色好靚^^

lift口附近的舊機器~都好似幾得意咁^^

呢間店舖就係我地舊公司既地址~605室啦!! 而家變左咁既樣>< 舊公司既後門....真係唔公平啊!! 隔離個公司牌名冇拆到, 我地果個名就冇左囉>< 我哋舊公司內既店舖擺設, 都幾靚架!!

同一層既其他靚店舖~

呢間店舖外既景版~

都係好靚既牆上壁畫....估唔到可以係牆上畫出仔細及靚既話, 而且構圖仲係一流!!!

牆上的貓貓~好可愛啊>< 好得意既招牌仔~仲有見到一個古老大鐘~

個人好鍾意呢類古老大鐘, 真係好有特色~

呢間店舖既玻璃都幾特別^^

呢間叫做[住好d]既店舖係一及二樓, 應該話從二樓望落去, 可以見到一樓既店舖全貌, 自己都幾鍾意呢類店舖^^

住好d既正門...可惜佢係未開, 唔可以入去行下>< 好鍾意呢類既露天茶座~如果一個人係度上網, 飲住咖啡, 簡直係一流呢!!

我同妹妹終於行完, 可能係因為大多店舖都冇開吧, 所以冇咩睇....不過唔緊要, 下次自己再黎過, 如果可以順便探埋舊朋友就好^^

之後爸爸佢地都係鑽石山返黎車我哋返屋企, 而我個相機剛好又冇哂電, 都係返屋企算了. 至於之後去咩地方, 我都唔知道囉....睇下之後點啦...XD

瘋狂shopping!? 好鬼正~~

見今日悶悶地, 於是決定同姑姐去行旺角, 諗諗下都幾多野想買:

衣著: 流穌窩釘背心, 西裝褸, 格仔長恤衫~
鞋: 及膝黑長boot, 流穌或窩釘短boot~
配件: 啡色belt, 漆皮chain袋, 流穌或窩釘袋, 因本年潮物係流穌及窩釘^^
其他: 我都幾愛既GF1單鏡相機, 也叫做女朋友一號....不過if我真係買左既話就叫做BF1(男友一號)~

死啦, 咁鬼多野想買....自己果然係貪心到死=.="

第一站係永成及百老匯, 目標係GF1, 但好似搵黎搵去都搵唔到...但皇天不負有心人, 最後終於比我見到有個人拎住佢黎影相, 仲要係白色!! 果然係傻瓜機咁既size, 而且用支黑鏡, 好鬼cutie!!

姑姐見我搵唔到部機, 於是幫我拎左佢本書, 唔該哂姑姐~

之後去左旺中睇衫, 見到有個漆皮chain袋, 而且個人話今日做特價, 唔知係咪啦....原價既百三元減到九十九元, 後來果個人仲比平d我, 都只係九十元, 但我都係決定行完街先至決定買唔買啦!! 最後 飲左唔太好飲既珍珠奶茶, 再去女人街出發!!

姑姐一早見到件西裝褸, 而且只係五十元, 於是我即刻去買囉!! 點知行行下街見到蕉及eva, 真係好有緣!!! 我哋順便約埋聚會時間, 暫定係下個星期六或日, 要睇下菜菜得唔得閒先~蕉佢地三個都好想見阿b啊!! 希望菜菜及阿b可以黎啦><...我哋傾左唔係太耐就走左, 留返下個星期再見面先至傾啦, 仲要係有排傾, 太耐冇見><

終於比我買到件西裝褸啦!! 而且只係五十元~就係呢件啦^^

哇~mirror已經唔再用膠袋, 而係呢個環保袋, 升左呢喎....XD

仲去附近睇左D哈囉喂既物品~~

最後都係返去間店舖度買返個九十元既袋~呢個就係所謂既chain bag, 即係背帶部分係條錬黎~而且仲係易襯及今年都幾興既漆皮~第二件理想item get!!!

最後去左荃灣度買左對boot...原本只係姑姐去買佢想要既袋, 點知見到一對比較平既boot, 雖然唔係及膝, 但勝左係basic款, 而且已經係比較似及膝架啦. 最多我會穿四個骨sock去補高度既不足, 只要對boot係修到腳型既話就得啦^^

買左對boot之後已經急不及待著住返屋企啦!! 仲拎埋我買果個bag><

再同個袋袋影返張近照先, 哈哈~~

今日真係大收獲啊!! 努力d儲埋d錢去買埋其他未買既野先!! 我果然都係一個購物狂!!

pizza, 時裝圖~

呢日又痴左線, 走左去買忽周, 都係貪佢本時裝雜誌....但早上竟然比間無良餐廳呃左我十元, 間餐廳真係唔老實!! 我以後都咪使旨意再幫襯佢!!

不過好彩地老闆全部都出哂去做野, 又只有我一個係公司, 於是自己走左去畫畫!! 上午件事不太介意, 但仍然都無損我畫畫既興致~

足足畫左一個鐘呢....睇黎都係麻麻地=.="

我畫既原稿~個model都幾靚女, 條流穌皮裙也係我至愛~

最後畫得唔係太好呢....皮裙既質地好難畫, 隻腳唔夠開...其實真係好難畫呢><

有時我真係唔知返緊份工係會計定係時裝設計, 不過冇咩煩惱咁畫都幾開心, 咁就三個鐘啦~畫完之後又放工, 有爸爸既順風車坐, 返到屋企又有pizza食, 完全開心哂^^

少少spicy既pizza, 有好多我至愛既腸仔, 好鬼好味!!!

popteen

最近小女子真係痴左線, 成日買關於時裝既雜誌黎買, 當然都係以日本為主啦~本來我係睇開vivi日文版, 但唔知點解見唔到有得買, 於是只好買一本叫做popteen既中文版雜誌睇下啦~

呢本雜誌其實以十八二十到既o靚妹睇既, 不過見自己未買過黎睇, 又見網上都有部分model如管野結以, 櫻井莉菜及日文差唔多同我一樣叫久美子(kumiko), 佢花名又叫kumi架, 哈哈~佢地三個都幾後生及幾靚既, 於是買左本popteen返去八下啦~呢本野仲教埋學生點化nude裝, 打扮都好靚咁返學, 都咪話唔勁=.="

呢期popteen既封面~有久美子呢, 仲寫住左kumi....XD

我至愛既可愛風Style^^

我有佢咁可愛就好啦!! 等我再投胎返到去十八歲啦下=.="

我好想整既花甲~但我返文職唔可以整, 勁無奈...

好耐都冇聽既倖田來未, 也係我改名做kumi既原因, 佢既kumi名既意思係來未, 因我以前好like佢架!!