new york 2010/2011 春夏時裝展

上個星期買左本忽周, 本來想睇下花邊八掛新聞, 點知比我見到有本書講到new york既指春夏時裝展, 見到有d衫都幾靚, 呢次真係錯有錯著, 有本正野睇下啦^^

單係見到呢個首頁已令我興奮啦>< Marc Jacobs 2010/2011 春夏系列~睇黎以歌舞妓風格為主喎~

都係Marc Jacobs 2010/2011 春夏系列, 流穌袋除了係本年秋冬興外, 春夏都一樣咁興^^

Marc Jacobs 既新阿飛正傳系列!? 不過小女子好似唔太欣賞...

都係Marc Jacobs...睇黎個編者都幾偏心=.="

小女子至愛既anna sui~~~呢次以馬戲團做主題, 設計出各類既時裝, 我仲去youtube度睇過佢既時裝展, 個後台好靚, 而且仲可以見到設計師本人係各model行完catwalk之後出場>< 係雜誌內既anna sui香水附頁~~punk后真係好正!!! 支香水樽又靚, 連時裝展覽後台都擺呢張相出黎啊><

可惜自己冇時間及金錢去睇倫敦, milan及new york既時裝展, 唔係我一定會去睇哂!!! 而家只係係youtube內睇哂所有牌子既時裝展啦~~不過也令我多左個願望, 就係趁而家努力d搵及儲錢, 第時儲夠了咪周圍去睇時裝展囉~~不過真係實現到先算啦=3=""

不如去散心...

呢幾日因為蕃薯既事而煩, 而且又畫唔到好既fashion figure, 加上今日又放早左.....半個鐘咁多, 其實係因為只有老闆先有鎖匙鎖門, 而我都係返左一個月工, 當然唔會有鎖匙啦, 所以咪可以享有早走呢個機會啦, 不過只係暫時o者, 過左probration佢地會叫我學鎖門, 其實都幾複雜, 又要鎖兩道門, 又要開防盜設備...鬼叫係鑽石公司咩=.="

見天色唔係太暗, 又唔想行太遠, 於是去左搭村巴附近既三棟屋博物館睇, 點知已經關了門....原來只係開到五點及星期日, 公眾假期休息!? 咁我咪即係要星期六先去得!? 太可憐囉...於是只好係附近既三棟屋公園影相吧, 不過黑媽媽怕唔怕影到d唔應該影到既野呢!!!!???

已經關了門既博物館....咁影好似有d陰森><

呢張仲恐怖啦....我特登影牆上既樹影..

有少少覺得自己好似怕鬼片....你睇呢條咁綠既走廊就知啦, 其實相機內睇唔係呢個色, 點知影完出黎就變成咁...

呢個水池都幾得人驚喎...全部都係綠色, 不過放心啦, 去到冇咁恐怖既...

另一個入口, 不過我覺得黑媽媽及冇咩人既公園有少少恐怖, 所以都係決定返屋企算數><

手痕痕畫下...

今日係msn度唔係太多人傾計, 可能之後既生活都係咁樣....除左mooji之外, 文迪及蕃薯又唔得閒, 菜菜又唔見人><"

惟有自找娛樂吧!! 又唔想成日打機, 又冇人同我傾, 見好耐都冇畫過fashion figure, 等我又畫下先~ 件衫都仲可以既, 係黑色羽毛, 但羽毛既感覺實在太難畫, 至於個樣畫得麻麻地...

睇黎呢次作品都唔係太滿意, 要再畫多d出黎先至得!! 唔係唔夠好既作品做portfolio用黎做fashion design既面試啦!! 再加油先得!

都係打機吧!!

由於呢幾日月事, 天氣太熱既關係及冇時裝展覽(呢個先係主因), 自己唔係太想出街, 惟有今日悶悶地係屋企打機, 玩既係仍然係FF12呢隻舊game啦....因為呢隻game都幾多野玩, 要分開好多part先玩到, 閒閒地都要玩成幾十個鐘....所以而家要玩埋未完成既部份, 就係做S級及H級既任務!! 可能又會悶親各位, 唔好意思囉=.="

呢個係S級既任務, 本身隻怪物唔係太難打, 只係地方比較難搵及隱蔽, 要好小心搵先至搵到><

毎個任務完成之後, 就會出現怪物個名 + 討伐完了, 好似好傻仔=.="

另一個S級既任務, 一共有四個boss, 蝦我哋只有三個人><""

H級任務...隻野真係難打囉!! 仲要有時整到個人混亂....所有衰野都中哂=.="

都係S級任務, 話說呢隻野好難出現, 除左指定地方外, 仲要我既三位其中一位同伴差不多死先會出現, 而且又少少難打....

打左三個鐘機已經覺得好悶, 唔再好似以前咁可以打足成日, 最後都係休息一下訓覺先. 未訓覺時姪浩鏗竟然要係我旁邊先乖乖地食奶, 哈哈~真係啊!! 都係訓下覺, 之後食剩下既月餅先><

中秋節快樂!?

琴晚無端端蕃薯冇再理我, 今日同佢傾計都係一句都冇理我, 唔知點解自己都有少少在意, 不過佢唔理我唔係更加好嗎? 不再對我講咁多過分既說話, 也唔會再同我搞瞹眛, 不是仲好嗎?? 本來之前好地地傾計, 我叫佢係fb度add返我都有add, 但後來難道係因為msn內既msg[愛情只係一場遊戲, 不要太認真及用心..否則只會傷得更深], 佢之後冇再同我傾....唔通佢唔想再同我吵架而找麻煩或令我再受傷? 雖然唔知佢係咪真係咁, 但咁諗自己會開心D既, 正傻瓜! 估唔到之後佢一個sms覆我就咁開心, 自己又開心返, 真係痴線!!

全日都唔係太開心, 難道係他唔理我, 或係唔可以見到佢嗎?? 或只係自己中秋冇節目, 見太悶而唔開心吧? 好在後來同姑姐及姪仔去玩具反斗城, 自己先至開心少少....

好鐘意既玩具rose啊~所以即刻影底佢^^


哈哈~近排見我姪仔隻puppet好得意而迷上左佢, 好cute啊>o<

就黎到哈囉喂啦~都幾多呢類玩具買, 但似乎冇合適既....

好得意既車仔背包啊~不過最後始終都係冇買...

間玩具反斗城唔係太大, 加上姪仔又唔願意行, 所以行左冇幾耐就返屋企啦...最後唔會咩都冇買既, 買左一筒積木比佢, 有唔同形狀, 除左比佢可以學習唔同形狀外, 又可以砌不同大廈, 同埋色彩繽紛, 比佢認下顏色都好麻~而且仲唔係太貴~

好普通既一筒積木仔, 不過都幾colorful既><

筒蓋有不同形狀既洞穴, 可以比姪仔認下形狀啦~

全套既積木~其實仲有好多積木仲未拆, 因為實在太多, 只係拆左部分><

其實自己幾like七彩繽紛既物件~覺得好引人注目, 而且會覺得個人好似開心d!?

浩鏗就好啦~中秋有自己既玩具玩下!! 我地就...最多食下月餅啦...除左最基本既大班冰皮原味及美心既七星伴月之外(我地屋企人都幾大食下, 要兩盒先夠...), 仲有半盒龍島既月餅, 不愧係龍島, 連個盒都靚過人...

簡單既粉紅色刺繡及logo, 已經表示出高貴既感覺....

連我都未食過既choco月餅!! 都幾好味的說...

呢晚我地全家冇出去賞月, 只係屋企度食月餅, 雖然係平淡, 但平淡是福麻!! 只要全家一齊完完整整就已經足夠及開心^^

買冰皮月餅~

其實我屋企已經有月餅架啦, 只係今日提早左半個鐘放工, 所以自己無聊周圍行下, 點知見到無論聖安娜又好, 美心又好, 全部月餅都做緊特價, 而且仲好鬼抵, 三十元竟然有三個冰皮月餅!? 簡直平得離譜..於是我就買左兩個意大利咖啡芝士及一個奶皇~個袋仔都幾得意喎~

哈哈~三隻冰皮月餅加個袋仔, 一個人食哂三個都幾係野....

我至like既意大利咖啡芝士~可能其他人會覺得苦苦地, 但我覺得苦都幾好味, 勝左唔太sweet...有d似自己既人生呢, 哈哈~

滑滑奶皇!? 其實都唔係好滑...味道就麻麻啦, 不過我屋企人都話呢個好食d~

我地夜晚已經食月餅啦, 都仲未到中秋...不過唔緊要啦, 雪櫃仲有大把冰皮月餅等住我地, 真係食到我地完全O o西咀=.="

去姑姐家食飯~

全日係屋企度冇街去真係好悶啊~以前難得一天既假期可以大玩得玩, 點知最後真係冇時裝展去, 而且又好似冇商場展覽去, 全日係屋企都唔知做咩, 好在有菜菜, 文迪, mooji及蕃薯同我傾計, 毎個人都問我做咩唔去街, 睇黎我係佢地心目中都係鍾意周圍去吧!?

於是係屋企樓下既公園行左一陣, 原來景色都幾靚既^^

屋企附近的公園岸邊~

公園近岸的石頭, 有好多人係附近釣魚...

附近石頭既close up><

真係有人釣魚架~不過咁熱都係咪預我=.="

公園內既走廊, 果三個人唔好彩啦, 比我偷影左...xd

我屋企果幢大廈既外觀耶~估唔到都幾高=.="

本來係好輕鬆, 點知個頭又突然痛起黎, 而且覺得張開眼望野好似好辛苦, 又唔至於睇唔到, 但覺得好似個頭有野壓住, 之後對眼好難睇野....所以都係去七記買野食及雜誌返屋企睇算=.="

係屋企休息左一陣, 我妹話爸打電話黎叫我地去姑姐屋企度食飯!? 我即刻換衫去食飯. 去到姑姐屋企, 竟然比佢屋企既擺設吸引住, 冇咩野做既我惟有去影相啦~

小丸子全套文具系列!? 都幾得意喎...XD

成套my dog既杯~不過我比較like 貓貓多d^^

係杯中發現左隻史迪仔~好得意啊><

仲有其他史迪仔, 都幾得意既~不過都係上面果隻溫泉版可愛d^^

仲有佢個朋友及女友仔, 佢地三個果然好襯啊~

我幾like屋企內擺放植物既~好似呢d咁就perfect啦~

[快d埋位食飯啦!!]我先至願意擺底到相機, 好心自己唔好再影啦!! 不過應該影相都影夠, 唔使再食飯吧!?