手痕痕畫下...

今日係msn度唔係太多人傾計, 可能之後既生活都係咁樣....除左mooji之外, 文迪及蕃薯又唔得閒, 菜菜又唔見人><"

惟有自找娛樂吧!! 又唔想成日打機, 又冇人同我傾, 見好耐都冇畫過fashion figure, 等我又畫下先~ 件衫都仲可以既, 係黑色羽毛, 但羽毛既感覺實在太難畫, 至於個樣畫得麻麻地...

睇黎呢次作品都唔係太滿意, 要再畫多d出黎先至得!! 唔係唔夠好既作品做portfolio用黎做fashion design既面試啦!! 再加油先得!

都係打機吧!!

由於呢幾日月事, 天氣太熱既關係及冇時裝展覽(呢個先係主因), 自己唔係太想出街, 惟有今日悶悶地係屋企打機, 玩既係仍然係FF12呢隻舊game啦....因為呢隻game都幾多野玩, 要分開好多part先玩到, 閒閒地都要玩成幾十個鐘....所以而家要玩埋未完成既部份, 就係做S級及H級既任務!! 可能又會悶親各位, 唔好意思囉=.="

呢個係S級既任務, 本身隻怪物唔係太難打, 只係地方比較難搵及隱蔽, 要好小心搵先至搵到><

毎個任務完成之後, 就會出現怪物個名 + 討伐完了, 好似好傻仔=.="

另一個S級既任務, 一共有四個boss, 蝦我哋只有三個人><""

H級任務...隻野真係難打囉!! 仲要有時整到個人混亂....所有衰野都中哂=.="

都係S級任務, 話說呢隻野好難出現, 除左指定地方外, 仲要我既三位其中一位同伴差不多死先會出現, 而且又少少難打....

打左三個鐘機已經覺得好悶, 唔再好似以前咁可以打足成日, 最後都係休息一下訓覺先. 未訓覺時姪浩鏗竟然要係我旁邊先乖乖地食奶, 哈哈~真係啊!! 都係訓下覺, 之後食剩下既月餅先><

中秋節快樂!?

琴晚無端端蕃薯冇再理我, 今日同佢傾計都係一句都冇理我, 唔知點解自己都有少少在意, 不過佢唔理我唔係更加好嗎? 不再對我講咁多過分既說話, 也唔會再同我搞瞹眛, 不是仲好嗎?? 本來之前好地地傾計, 我叫佢係fb度add返我都有add, 但後來難道係因為msn內既msg[愛情只係一場遊戲, 不要太認真及用心..否則只會傷得更深], 佢之後冇再同我傾....唔通佢唔想再同我吵架而找麻煩或令我再受傷? 雖然唔知佢係咪真係咁, 但咁諗自己會開心D既, 正傻瓜! 估唔到之後佢一個sms覆我就咁開心, 自己又開心返, 真係痴線!!

全日都唔係太開心, 難道係他唔理我, 或係唔可以見到佢嗎?? 或只係自己中秋冇節目, 見太悶而唔開心吧? 好在後來同姑姐及姪仔去玩具反斗城, 自己先至開心少少....

好鐘意既玩具rose啊~所以即刻影底佢^^


哈哈~近排見我姪仔隻puppet好得意而迷上左佢, 好cute啊>o<

就黎到哈囉喂啦~都幾多呢類玩具買, 但似乎冇合適既....

好得意既車仔背包啊~不過最後始終都係冇買...

間玩具反斗城唔係太大, 加上姪仔又唔願意行, 所以行左冇幾耐就返屋企啦...最後唔會咩都冇買既, 買左一筒積木比佢, 有唔同形狀, 除左比佢可以學習唔同形狀外, 又可以砌不同大廈, 同埋色彩繽紛, 比佢認下顏色都好麻~而且仲唔係太貴~

好普通既一筒積木仔, 不過都幾colorful既><

筒蓋有不同形狀既洞穴, 可以比姪仔認下形狀啦~

全套既積木~其實仲有好多積木仲未拆, 因為實在太多, 只係拆左部分><

其實自己幾like七彩繽紛既物件~覺得好引人注目, 而且會覺得個人好似開心d!?

浩鏗就好啦~中秋有自己既玩具玩下!! 我地就...最多食下月餅啦...除左最基本既大班冰皮原味及美心既七星伴月之外(我地屋企人都幾大食下, 要兩盒先夠...), 仲有半盒龍島既月餅, 不愧係龍島, 連個盒都靚過人...

簡單既粉紅色刺繡及logo, 已經表示出高貴既感覺....

連我都未食過既choco月餅!! 都幾好味的說...

呢晚我地全家冇出去賞月, 只係屋企度食月餅, 雖然係平淡, 但平淡是福麻!! 只要全家一齊完完整整就已經足夠及開心^^

買冰皮月餅~

其實我屋企已經有月餅架啦, 只係今日提早左半個鐘放工, 所以自己無聊周圍行下, 點知見到無論聖安娜又好, 美心又好, 全部月餅都做緊特價, 而且仲好鬼抵, 三十元竟然有三個冰皮月餅!? 簡直平得離譜..於是我就買左兩個意大利咖啡芝士及一個奶皇~個袋仔都幾得意喎~

哈哈~三隻冰皮月餅加個袋仔, 一個人食哂三個都幾係野....

我至like既意大利咖啡芝士~可能其他人會覺得苦苦地, 但我覺得苦都幾好味, 勝左唔太sweet...有d似自己既人生呢, 哈哈~

滑滑奶皇!? 其實都唔係好滑...味道就麻麻啦, 不過我屋企人都話呢個好食d~

我地夜晚已經食月餅啦, 都仲未到中秋...不過唔緊要啦, 雪櫃仲有大把冰皮月餅等住我地, 真係食到我地完全O o西咀=.="

去姑姐家食飯~

全日係屋企度冇街去真係好悶啊~以前難得一天既假期可以大玩得玩, 點知最後真係冇時裝展去, 而且又好似冇商場展覽去, 全日係屋企都唔知做咩, 好在有菜菜, 文迪, mooji及蕃薯同我傾計, 毎個人都問我做咩唔去街, 睇黎我係佢地心目中都係鍾意周圍去吧!?

於是係屋企樓下既公園行左一陣, 原來景色都幾靚既^^

屋企附近的公園岸邊~

公園近岸的石頭, 有好多人係附近釣魚...

附近石頭既close up><

真係有人釣魚架~不過咁熱都係咪預我=.="

公園內既走廊, 果三個人唔好彩啦, 比我偷影左...xd

我屋企果幢大廈既外觀耶~估唔到都幾高=.="

本來係好輕鬆, 點知個頭又突然痛起黎, 而且覺得張開眼望野好似好辛苦, 又唔至於睇唔到, 但覺得好似個頭有野壓住, 之後對眼好難睇野....所以都係去七記買野食及雜誌返屋企睇算=.="

係屋企休息左一陣, 我妹話爸打電話黎叫我地去姑姐屋企度食飯!? 我即刻換衫去食飯. 去到姑姐屋企, 竟然比佢屋企既擺設吸引住, 冇咩野做既我惟有去影相啦~

小丸子全套文具系列!? 都幾得意喎...XD

成套my dog既杯~不過我比較like 貓貓多d^^

係杯中發現左隻史迪仔~好得意啊><

仲有其他史迪仔, 都幾得意既~不過都係上面果隻溫泉版可愛d^^

仲有佢個朋友及女友仔, 佢地三個果然好襯啊~

我幾like屋企內擺放植物既~好似呢d咁就perfect啦~

[快d埋位食飯啦!!]我先至願意擺底到相機, 好心自己唔好再影啦!! 不過應該影相都影夠, 唔使再食飯吧!?

找拍!!!??

上個星期日六咪去左IFC既時裝展, 係果個展覽之中有一部分係比一間叫做style sight既公司會搵人影相既, 正好佢搵左我去影相, 之後比左張卡片我, 叫我今日係佢地個網上download返自己張相..

呢個就係佢地影參觀者既攤位...

哈哈~我個人都覺得ok啦, 不過覺得自己唔應該著呢套衫...

今日係msn度on既人唔多, 可能係我去左打機, 好耐先至on, 唔係咁多人見到我吧!? 唔係我都會send張相比大家睇下, 當我send到比蕃薯睇時, 佢竟然講左句[有冇搞錯...我以為用dc仔影..@@立心同人影...閃燈直打都夠膽死=.=], 各位有冇人明白呢句既意思呢?? 我都唔太明, 可能係指支閃光燈直接打左我身上吧? 始終自己對攝影冇咩認識....

我都同佢講唔緊要啦, 只係snap shot, 影得差都冇所謂吧!? 佢就話呢d唔係叫snap shot, 原來snap shot係台灣叫做找拍, 我鬼知係咩黎, 又唔解釋=.="....於是我係網上搵左部分呢類既相:

原來呢d就係snap shot, 我估係比人感覺係漫不經意, 可以話憑感覺去影, 及表達心中既意思; 唔需要任何既攝影技巧, 只需講求個人感覺就可以...應該係咁吧!? 睇黎我又學多一樣野, 不過其實我都鍾意咁影, 尤其係最後果張我比較鍾意, 因佢可以表達毎個人最真及自然既一面. 不需用任何攝影技巧及後期加工(用photoshop執相), 後者影出黎既相係靚, 但就失去那個人最真實既一面, 不過也無可厚非既, 始終毎個人都愛靚麻...要真實定係人工既靚, 真係要衡量下啦...

返工終於一個月^^

琴日係fb既inbox內邀請朋友去整蛋糕, 估唔到大家反應都幾好及幾有興趣, 而且仲訂埋日期, 暫定為11日或24日啦, 當然最緊要就到大家啦, 仲有也希望菜菜可以搵到人幫佢睇住阿b先~至於整咩蛋糕呢~就由大家決定! 大家似乎比較like choco及cheese cake, 兩樣我都鍾意食, 至緊要口味岩哂大家就好啦^^

而家新呢間公司好早就會去糧, 今日已經收到阿head比我既支票啦, 好鬼開心啊~估唔到我係呢間公司已經做左一個月, 可能係公司唔係太多野做, 覺得呢個月好似特別漫長.....不過唔緊要啦, 而家最大得益暫時係懂得用peachtree及用peachtree入賬吧!?

我既第一張出哂全個月糧既支票啊!! 突然覺得張支票係識發光><

既然出左糧, 我又開始身痕去買衫啦~~似乎我都係買去街衫多, 好心自己就去買返工衫, 費時又冇衫返工啦=.="
終於買左呢季最興之一既穿洞九分褲啦~即係中間部分好似比人剪爛咁, 都要成五十元條, 真係唔係太抵, 但自己一直都好想買><

而且仲買左件連身tee, 全件其實都係星星黎, 個底部係暗星星, 再加黑色珠片既星星~

其實我都仲想買好多衫及鞋, 如及膝及短boot, 皮褸, leg warmer, 更多格仔恤, 釣紋連身裙....總之就要大量入定秋冬既衫~不過近排要儲返多d錢讀書及存錢入銀行呢...之前用哂黎讀書及炒股, 雖然股票都搵唔少, 但始終都係存入銀行比較穩陣....XD