時裝展 x mooji食飯 x 蕃薯生日會

今日既節目實在太豐富啦!! 本來只係去時裝展及約左mooji食飯, 點知今朝早蕃薯突然問我會唔會去生日會!? 之前咪又話唔想人去, 驚人學壞既....之前一係就叫我去, 咁到底你想點架??到最後見好耐冇見過Tracy, Edwin, Teddy, Fred sir, Galan及Ryan啦~我又冇點返過ive, 就當係聚舊都好啦^^

首先係去左IFC既fashion moment先, 商場實在太大啦, 我好耐都搵唔到個展覽場地....不愧係國際知名既大商場, 大到真係搵個地方都咁難....

終於到左啦~差d唔知點黎啊!? 果然係個大鄉里=.="

問左管理員之後終於搵到啦~原來個會場只係咁細!?

由一名法國既插畫師為fashion moment 而畫既插圖之一~

由一名法國既插畫師為fashion moment 而畫既插圖之二~

milk既插畫~

場地內既玻璃櫃, 擺放著唔同既鞋及衫之類~

全部係玻璃櫃內既物品, 真係毎樣野都有, 但又唔覺得太亂, 反而覺得都幾靚下~

呢次時裝展覽既主題~係一個日本既時裝設計師asturo tayama, 2009既fall /winter(FW)以軍服及古老(vintage)為主

係會場旁邊, 有一連串由時裝攝影師影既相, 毎張都好有水準, 好靚~同我影果d, 哈哈....簡直係蚊比同牛比呢><

所有model展示2009FW所有既時裝, 其實仲有好幾張, 不過我只係影左D比較靚既....總之我就影哂佢啦><

呢個就係網上提及過既機動catwalk show!? 都幾得意喎~

當然唔少得係前面影張相啦~

全個model catwalk就係由呢d軌道做成架...xd

呢張冇落閃光燈影既其中一件衫~後來見到有d攝影師開左閃光燈影, 於是就學下佢地~

落左閃光燈影果然唔同d~衫既質地細紋都睇得好清楚, 偷偷地學師果然係好!! 呢件也係我全場至鐘意果件, 我指係灰色斗蓬(側面)~

灰色斗篷(正面)~

灰色斗篷(big close up)~

灰色斗篷(後面)~

2009FW collection其中一套以金色及間條為主既衫~

比較簡約既一件連身裙~

都幾後生既返工斯文look~其實我都幾like既~

我第二件鍾意既衫~就係白色呢件衫啦^^

簡約黑色連身褲~其實我都想試下著, 但我唔知夠唔夠高著!?

黑皮褸及長連身裙~呢個style令我諗起姑姐, 佢都好like咁著, 穩陣不失斯文~

皮褸既大close up, 其實今季皮褸也大行其道, 皮長褸, 甚至係背心褸也係must buy item, 但問題係香港可以著到嗎??

又係黑皮褸嗎!? 呢件好有女強人既感覺^^

天花板毎個盒子也係吸引我既其中一部分~

行完時裝展覽之後, 可以去搵mooji食飯啦~我打電話比佢冇人聽既....後來佢先至打黎, 話自己先去tm市中心行下先, 之後再搵位同我去板長食sushi^^~好想快d去呢~~最後都要六點先去到, 佢已經拎左飛, 仲去到接我, 多謝你^^

好肚餓啊~終於可以食! 呢兩件係mooji仔仔食過話好味既燒三文魚腩!

食剩左四件三文魚sushi!? 首先要多謝mooji, 佢唔食比我食~本來有十件既, 唔係mooji提我, 我會食埋冇影相囉=.="

其中一件至愛~係奶油薯餅啊!! 只係食兩件已經好漏><

mooji最愛既燒三文魚邊~

刁鑽既我唔願意剝蟹, 於是叫左蟹肉蒸蛋~味道都ok既, 有兩隻已剝既蟹腳食下既~

mooji叫既溫泉蛋~我聞到味道覺得怪怪地, 而且我唔多like食原隻蛋, 所以佢叫我試時我都冇試...

食完豐富晚餐後, mooji請我飲珍珠奶茶, 我又叫左香芋味呢~好好味!! 但係我太飽最後飲唔完, 真係好可惜啊, 因為我竟然飽到想嘔...於是我send 左sms比蕃薯, 話比佢知我唔去佢個生日party, 但佢竟然打電話比我, 話佢個party有十幾個人放佢飛機, 佢好傷心話自己想哭, 而我竟然相信及同情佢, 最後都係去酒吧度同佢慶祝生日....

終於去到tst, 我都唔識路, 佢係電話度教左我呢個路痴都仍然唔識, 直至好人看更教我行就識啦! 好在你最後都驚我唔識路最後落黎接我~

一入門口就要飲一杯酒!? 我從未飲過...第一啖好苦啊!! 好在tracy幫我飲, 多謝你~

生日乳豬!??我都係第一次見~好得意~

ryan及galen抵死係隻乳豬近影相=.="

蕃薯見到隻乳豬好驚訝...=.="

佢切乳豬時雞手鴨腳, 都係要搵人幫幫手=.="

都係等galen幫你啦...xd

同galen既情侶合照!? 講笑o者, 其實係佢突然攬住我, 我做下樣攬返佢, 又覺得幾好玩咪影左幾張~

點都要同teddy影返張先~我仍然好鬼核突=.="

當然唔少得我同tracy既合照啦~


BAR房其中一角~那時已經係四點幾, 好多人已經走得七七八八~

呢個係bar房外既景物, 點知就引起少少騷動...

其中一名waiter竟然要我同佢影張自拍...!? 影到我鬼死咁核突, 都係影佢自己多d=.="

之後呢位waiter問我做咩唔影佢=.="...於是只好同佢合照啦~

後來佢話想close d咁影, 呢次我真係蝕桌啦...不過見係玩下又冇咩所謂既, 呢張相都幾ok啦~

後來蕃薯及另一位女仔飲醉左, 個女仔交比蕃薯提及既三位正人君子fd(唔知係咪啦)送佢返屋企, 至於蕃薯呢, 佢都唔好得佢幾多, 仲擔心我拎齊野未, 都係顧店你自己先啦=.="...最後我, tracy, edwin及佢一齊答的士, 佢地三個人就去蕃薯屋企, 而我就返深井, 途中蕃薯醉到全程講英文, 而且出奇地好, 佢仲講[dear kumi, go to my home and sleep together], 其實我都想打佢, 甚至想殺左佢, 我不停打佢個頭, 好在阿聯話佢[下流], 仲打佢心口, 做得好耶^^~唔好再比佢亂講野!! 仲有我同蕃薯雖然坐埋一齊, 但阿聯叫我訓覺, 見到蕃薯靠近我d就即刻用兩隻手整開我地, 反而我覺得好鬼得意及好笑囉~

可以早放工~

佢地又出左job, 仍然唔知係公司度做咩, 直到老闆娘返到公司鎖門, 我自由既日子也完結囉...其實因為我只係黎左新公司冇幾耐, 我未過試用期唔比鎖匙我都唔出奇既....所以一定要老闆或老闆娘返公司幫我鎖門吧!

欠十分鐘就六點, 老闆娘話冇咩做就走先, 我起初都唔信架!? 早放工喎, 唔係玩架!! 於是我都仲未走, 要老闆娘講左兩三次我先至走, 自己真係麻煩耶=.="

之後去荃灣間美心訂魔鬼蛋糕, 準備星期日去友愛間美心度拎, 用左我另一名朋友結婚既餅卡去買, 要多謝我個朋友仔囉~原來餅卡係值48元, 都係而家先知, 正一大鄉里....一係可以用匯豐卡有九折, 不過當然餅卡抵啦~唔知個蛋糕係咪真係咁好味呢?? 星期日咪知囉^^

重畫時裝~

由於最近有個珠寶展, 所有公司既員工及老闆都離開哂公司, 只係剩下我一個人留守大本營, 而且我又冇鎖匙唔可以離開公司, 只好一個人偷下懶吧!? 雖然話好自由, 但感覺卻唔好受....於是我又拎左白紙, 木顏色及時裝雜誌出黎, 之唔係去畫野囉~真係好耐冇畫啦, 唔知會唔會生疏呢??

差d唔記得左人身比例點畫, 都係靠以前作品既提示><
終於完成左畫全個人啦, yeah~~!!^^

本來同上面張畫上色既, 但見到太多羽毛都係唔油住...於是我畫左另一張, 之後再上色, 而家先為條裙上色先~原來藍色既晚裝都幾靚架><

頭髮都上了色, 但總是欠了些甚麼....

原來係欠了衣服, 手腳及頭髮的光暗位, 原來一支黑色顏色筆係咁利害啊><

大約用了兩個幾鐘去完成, 之後都係上下網之類啦, 直到男老闆返到公司, 我唔可以再咁自由啦><..不過聽講佢地聽日都會唔係公司, 可以有多日自由但沉悶既生活嗎??我仲應該期待呢日嗎??

星期日的b. party?? (予定)

自從蕃薯係上個星期三唔比我去酒吧, 改話同我食魔鬼蛋糕同佢慶祝生日, 已經講左成個星期都冇回音, 今日又突然講起佢星期六既生日party, 我都冇份去....我話自己都好想去見識下, 但佢就話[唔好學人去d咁既野啦...XD], 咩野係d[咁既野]!? 我都未去過, 不過我估應該係衰野吧? 就當係佢想保護我, 唔想我學壞啦, 咁諗會開心d既^^

之後問我幾時食cake, 其實我一直都得閒, 仲得閒到成日打機, 只係你忙o者><....因佢星期四及五都要返學, 星期六就party, 咁惟有星期日啦, 不過佢玩通宵, 一定好晏先起身, 我已經有所覺悟架啦, 我都會等埋你一齊食蛋糕既, 但星期五先訂會唔會遲左呢? 希望呢次唔好臨時有咩變掛, 我地可以開開心心咁食蛋糕啦~~

我好奇地周圍去搵下呢個蛋糕既樣, 真係好想快d到星期日啊! 咁我就可以同佢及佢媽媽食個咁正咁好味既生日蛋糕^^...相係其中一個人地既blog度搵, 希望佢唔好介意啦><

個盒都好似幾靚喎~實知係咩蛋糕黎啦^^

哇~個蛋糕個樣就麻麻地, 不過都ok既~

內裡個樣就好味好多既, 越睇越想食...xd

再次迷上玩FF12^^

近排覺得公司冇咩做, 又幾無聊下, 唔係行行坐坐就係企, 又冇得出街. 返到屋企我又冇咩做, 於是我都係做返[宅女], 玩我既FF12啦!! 唔知係咪太耐冇玩呢, 覺得又幾好玩喎!! 而且仲可以拎埋最強武器及防具, 點知都係搵笨, 好似個最強之盾咁, 一d都唔勁既=.="

突然諗返起我玩FF12既原因, 係因為佢本身係隻RPG既名作之外, 也因為我鍾意個女主角公主呢, 哈哈~我仲記得第一次見佢時就係呢張畫~

第一次見到呢張畫, 雖然覺得個女主角同畫面唔係咁襯, 但好鍾意佢呢個動作, 同佢手上既武器^^

呢張係我第二鍾意既, 係另一位懂跳舞既角色~我都幾like佢!!

所以我毎次玩FF12時, 一定會呢兩個角色, 全部D勁野都係比哂佢地架!! 估唔到呢隻game已經出左三年, 但我都仲未有FF13玩, 由最初既期待已經變成失望啦, 真係可憐呢><"...我冇bf既話, 比部機當係我bf, 日日夜夜陪住我啦><

不太習慣....

自從irene走左之後, 或多或少都有d唔太習慣, 係冇野做時都冇人再同我傾計, 也冇人再提點我做事, 老闆係公司時咪摸下peachtree點用, 唔明白時可以問下老闆娘及打電話去熱線問, 原來真係比daceasy好用好多, 突然覺得peachtree原來係偉大既發明!? 自己又學多一個會計軟件^^

會計阿head羅小姐好好人, 我peachtree唔識用時都會問佢, 佢唔識我會打去hotline問, 之後話返比佢知, 而且今日研究左點樣打description係最好, 第時做audit時方便好多~有時都會問我返工習唔習慣, 最初我黎做野時教埋我返工點答車及放工最快返到屋企既答車方法, 可以唔使再答個幾鐘巴士^^

仲有個女老闆都幾好人, 佢好鍾意講野, 而且佢都幾nice下, 不過同我就少d講野, 同埋暫時唔比我知新公司既password, 可能我仲係新人吧!? (不過其實已經知道呢~)

老闆及阿head都唔係公司, 又係作反既時候, 哈哈~我係公司訓左陣覺, 之後上網睇下時裝設計既野, 比我見到IFC度有個叫[fashion moment]既展覽, 睇黎我放假都唔會太悶吧!?




呢次時裝展展示出國際時裝插畫師Lovisa Burfitt既插畫, 自己順便可以偷下師...xd



以下係關於呢個時裝展既內容, 好似好好睇, 等呢個或下個星期去睇先!!(內容摘錄至明報2009年9月9日)

「FASHION MOMENT」為香港首個將插畫及攝影作品融入時裝匯展中，國際金融中心商場特意從巴黎邀請了著名國際時裝插畫師Lovisa Burfitt及本地時裝攝影師黃海珊(Phoebe Wong)攜手合作；商場並於中庭破天荒打造一個機動時裝天橋，以動感展示今個秋冬高級時裝系列，讓顧客在國際金融中心商場全方位體驗今個秋冬的 「FASHION MOMENT」。

出席今晚酒會及揭幕典禮尚包括國際名模陳碧舸、宋??、張雪、張許超、戴小奕、劉丹、Mandy Lieu以及多位名人。

Phoebe Wong秋冬時裝攝影展覽捕捉國際級時裝秀的「FASHION MOMENT」

會 場同時舉行本地著名時裝攝影師黃海珊 (Phoebe Wong)的攝影展，以另一藝術媒介鋪陳最新的時尚潮流。會場當中所設的多幅展板，展示Phoebe Wong於紐約、倫敦、米蘭、巴黎各大時裝首都所拍攝的相片，捕捉國際級時裝秀不同的「FASHION MOMENT」；當中更包括公眾難得一見的後台風光及幕後準備花絮，讓參觀者以攝影藝術角度了解今季潮流的同時，亦感受到國際級時裝秀的製作規模及其參與 者的專業精神。

心情複雜

今日不再出街了, 改左係屋企打機, 都係玩返以前買既PS2, 太耐冇玩部機及電線已經舖滿塵, 都好在可以搵返以前既舊game玩, 先發覺果陣覺得好難拎既最強武器唔係太難拎, 只係自己內心令到自己覺得難而唔願意踏出第一步去做....

晚餐整金菇牛肉卷, 好味~~見到姑姐係度整緊金菇牛肉卷, 睇個樣好好味呢~好想快d有得食^^

已經準備好既金菇~

有好多肥牛呢~如果打邊爐更加正呢!!

已經包好既金菇牛肉卷~

最後金菇牛肉卷都煮得好好味, 我也食左碗幾飯, 原本係好開心既. 但中途發生左一件唔愉快既事, 就係fantasy又再係msn度搵我....本來我已經唔想再同佢傾計, 我又唔可以話憎佢既, 始終感覺冇對錯, 但我唔可以因為佢唔鍾意我而一直拖我, 同埋講左番絕情既說話而對佢好及理佢, 所以先唔想同佢傾, 我只係同佢講生活鎖事, 話去左打機及訓教而冇食飯, 佢就問我做咩唔食飯, 而且又問我讀時裝設計既資料, 本來係以為佢都有少少關心我, 唔知點解有少少開心, 但當佢係話幫個好朋友問時, 我覺得好嬲, 同樣係所謂既好朋友, 佢就幫人地做咁多野, 我呢? 一d都冇幫不特止, 仲見面既時間都冇, 成日用埋d咩忙碌去唔見面, 咁係叫做好朋友嗎?? 我更加唔想再理佢, 也唔值得哂時間係呢個人身上....我仲咁在意呢個人做咩?

自己又衰心軟, 唔忍心唔理佢...夜晚講開佢個生日蛋糕, 本來見佢忙, 我咪拎返去比佢及同學仔食, 點知佢又話佢媽冇得食, 我叫佢係ive度拎返件比佢媽媽食, 佢又話驚溶, 我問佢想點樣, 佢話搵日去佢屋企慶祝!? 咁咪即係只有我哋三個人, 點得架!? 我指係唔夠熱鬧, 不過可以見到佢媽媽都好, 太耐冇見佢啦><"" 我又覺得有點開心(做咩開心!? 痴線!!), 但佢真係比到個慶祝生日既日子先算啦=.="

仲有係fb度玩左一個叫做[你的下一段戀情會像那套愛情日劇?], 個結果係咁...

[面對愛戀對象你會緊張，但面對死黨卻能夠放輕鬆做自己，注意一下身邊的那位死黨吧！也許你分不清他對你來說是知己，家人，或是戀人的感覺，但你們都知道彼 此對自己來說都非常重要，也許目前你們身邊各自有戀情，但等適合的時間一到，你們會明白，真正的愛情早已在很久以前就悄悄種下，就算無法在一起，這段感情 也會埋在心中的某個角落，永遠守護著]

做咩真係咁應景架!? 我下一段唔係同佢, 又或者同另一個又係玩瞹眛啊? 我唔想再玩呢d咁既野!!天啊, 請求你放過我啦!!

不過情緒因為佢而牽動, 有時開心, 有時唔開心又係咩意思呢? 可能自己傻了, 都係快d休息吧!!