第一次係現場睇catwalk^^

同完姑姐去街之後, 我就去又一城既barbie時裝展及睇名為[pretty in pink]既catwalk, 本來係諗住聽日去既, 但上網先發現原來只有今晚7:00先至有catwalk, 再唔係要等下星期了...所以只好自己一人去睇啦><

呢次時裝展覽既主題~

barbie屋外既三部單車~

由izzue為barbie設計既兩套衫~黑色羽毛裙果件我幾鍾意架..XD

Barbie屋內係Izzue兩件衫旁既暖爐, 枱及椅子~~

另外一件由vivienne tam設計比barbie既一件衫~

barbie既客廳~全部都係粉紅色及可愛既設計, 我都想有呢間屋~一於做我姑婆屋既藍圖^^

全場至貴至靚既衫, 係Swanovski設計既barbie衫~真係要仔細睇清楚>< 哈哈~真係鑽石黎嗎!!?? 好利害啊~~o~

barbie既小型酒吧~~我鍾意佢張酒吧枱>< barbie個生日蛋糕, 由美心製造!?

barbie屋外有唔同年代既barbie衫架~而且可以睇到屋企, 勁正!!

實在太多款衫啦~都唔知睇邊套好>< 有兩件我係特別鍾意既~其中一件就係1996年既呢件晚裝~

其中一件就係我喱士怪既至愛~2005年既時裝~

Barbie時裝展個會場咁就行完啦, 去之後表演catwalk既會場啦~

第一次見到真正天橋既我, 好開心啊^^

catwalk周圍既景色~我幾like個黑色袋仔架~

catwalk場內右邊既場景~

catwalk場內既左邊, 也係我企既位置, 好辛苦先霸到第一行位^^


場內既catwalk節目表~

連catwalk場內既後台都咁靚啊>< 我以為只係一個普通既時裝展, 點知原來有明星會做model!? 包括janice man, 諸葛梓岐及汪若琳...睇下janice man既fans幾熱情=.='"

足足企左成個幾鐘呢....企到腳都軟埋=.="...係六點半到先開始有嘉賓入場, 對面就係江若琳及諸葛梓岐既fans, 估唔到有幾多人鍾意江若琳, 人數仲好似多過janice man, 至於諸葛梓岐既fans只係得好少人...

catwalk就黎開始!!估唔到上面都有好多人睇呢~

終於開始啦~首先係跳舞先, 呢個女仔我覺得佢都幾靚架^^

惟一既男model Anthony Sandstorm, 係混血model jocelyn既老公黎架!!

其他女仔我其實唔太知邊個打邊個....我只係黎睇衫多@@...桃紅加黑色都唔錯呢^^

格仔長袖褸加黑色西褲也係唔錯既配搭~但略為成熟左少少=.="

白色衫加上格仔[吊腳褲]及涼鞋都幾襯, 好有女強人本色!!

睇黎今年又興乾濕褸啦...不過配上長青既黑色都唔錯既^^

呢套咪又靚又型囉~紫色既米芝連褸, 配上黑衫及黑珠片裙, 及今年秋冬至潮既過膝boot, 整到我都好想買返對>< 呢件毛毛連身裙, 銀belt及印花及字圖案既legging, 簡直係型!! 睇黎今年都幾興legging, 即係俗語所講既九分褲, 又或者係踩腳褲~

想再再型及更young look, 冇問題, 可以大膽著下用流穌或毛毛既頸巾, 或再配黎緊秋冬都ok興既紫色衫及裙, 再配上黑色仿皮既legging^^

覺得太young look!? 唔緊要, 綠色外套或連身裙, 再加上黑長boot就可以啦~

呢件銀白色褸, 加上緊腳褲及黑boot也不錯^^

第一部分high fashion既返工斯文look(自己作既)已經完左, 之後又到靚女跳舞比大家睇下先^^

之後黎到第二部分, 我就叫佢做'型型系列啦~第一呢套有我愛既黑帽子, 仲有皮褸, bling 裙及長黑boot~

呢套都唔錯啊!!吊帶黑色蛋糕連身裙和過膝boot>< 如果覺得黑色太悶既話, 可考慮白色連身裙及淺啡過膝boot~

各位靚女可以留意下咁著法, 就係簡單既上衣, 半截裙, 加長sock及黑色高根鞋, 比人後生既感覺, 而且也係穩陣既著法, 尤其係不太高既女仔可以試下^^

白色通花連身裙, 黑色背心及啡boot都幾好睇, 好有少女味~

今年大熱既紅色格仔, 黑色都會興既~適當用黑色斗逢及boot可增添女性化~

上一套既紅色格仔加上呢套橙色格仔, 就係呢個catwalk之中既至愛!! 比人少女味重既感覺~

太多靚衫啦, 多到不能盡錄....如果有興趣及想睇既話惟有黎我屋企啦, 我有大把相比大家睇, 順便黎探下我都好, 當然最好有野食啦...xd

維持左半小時既catwalk終於完了!! 我企都企到腳軟, 不過有咁多靚衫及model睇都值得既^^

頭先表演既model全部開始走到台前比攝影師影相~

全部model出哂黎影相先~~可惜唔可以見到正面呢...真係好想見下=.="

睇完呢個catwalk, 我覺得好好睇啊!! 而且也更令我想做個時裝設計師, 咁我咪可以周圍去睇catwalk囉!? 唔使再係出面同人迫, 又可以細心欣賞毎件時裝, 見到毎個牌子既設計師既心血之外, 也可以感受下catwalk既氣氛 -播住悠揚既音樂, 特別既燈光及舞台效果, 真係好開心啊~~好想之後再有機會可以睇到^^...最難得既係平時只可係american next top model及project runway睇既catwalk, 估唔到可以係現場咁近距離就見到, 呢個先係難得既經驗^^

irene走了....

時間過得真係快, 好快就到irene最後一日返工, 原本想同佢去食餐晚飯farewell既, 但佢因為有個親戚就黎結婚, 佢要幫手籌備婚禮節目, 所以只好被迫取消, 佢話改十月去補食一餐, 一於約定你及阿ben啦^^....不過就算佢去得, 個麻煩客人黎買鑽石, 結果都唔知去唔去得啦, 果然係天意...

最後得到一件由irene用麥當當coupon買既平果批一個, 好好味~加上佢又買左蛋糕, 我選取左條芝士條, 果條芝士條真係值得讚, 芝士味唔太重, 味道不太sweet都幾好味~見到盒內仲有幾件蛋糕, 睇起黎我好有口福呢~

個蛋糕既盒耶!!!全個盒都好鬼靚~~係我至愛既粉紅rose^^

仲有剩既蛋糕~睇落去都幾好味既><

食完個芝士條都幾期待食埋呢幾件既~老闆及老闆娘出左門口, 只剩下我地三位同事及阿head, 加上打掃個阿姐黎左, 我哋咪食蛋糕囉....正當我拎左圓形呢件芝士揵食時, 點知...咁大陣芝士穌味既!? 於是拎左另一件冇人食既藍莓, 點知呢件仲衰, 竟然係發毛既!!!??

我咬左一啖先發覺舊cheesecake有d怪怪地味既!? 於是再聞下佢好發毛味啊....加上蛋糕上既黑點, sure係發毛啦, 好黑仔啊><

我希望拎舊蛋糕去換, 比間麵包舖知道佢d野幾唔得, 但irene最後都冇拎到落去呢....如果係我一定會拎去同佢理論!! 最後呢件野都扔左就算...我即刻飲返包維他奶先, 咁都[中獎], 睇黎真係要去買六合彩囉=.="

最後irene終於走了, 自己有d唔捨得啊...佢對我都幾好, 又全力教我所有工作上既野, 自己有d想哭出黎, 而且諗起之後少左個人傾計, 一定會好悶呢, 佢又唔願意影相....惟有等十月食飯時先再見面及影相吧!?

放鬆心情~

雖然仲有為fantasy件事有d唔開心, 但今日已經冇事吧!!??

返工時特登坐巴士, 點知成日都塞車....係分別係荃灣, 太子及紅磡度塞車, 本來唔開心既心情, 見到街景又再次輕鬆起黎~

在荃灣影既~我見好多條紅色行人路係埋一齊, 覺得好壯觀啊~

從天橋望落去既荃灣唔知咩公園...xd

一直塞車去到太子, 見到既係我之後讀時裝設計要買既公仔, 不過可以買半身嗎><

估唔到我部相機可以zoom到咁近!? 頭先間店舖賣既公仔~

仲未開既店舖~唔知開左之後會係點既呢??

終於到左紅磡~影底個勞資審材署先...

雖然可以影到風景, 但唔好唔記得自己係返緊工架!! 你估而家去玩咩!? 最後都係遲到左五分鐘先返到公司, 雖然冇比老闆鬧, 但遲到始終唔係咁好啦....下次都係搭返小巴先得><

lunch冇飯帶, 但我可以叫到一個好好食既飯...其實琴日見到irene及ben個焗飯咁正, 於是我今日都要叫返個焗飯食下先~我叫既係白汁龍利柳飯, 好好味~~

d芝士勁好味, 個汁好味, 仲有杯正到暈既choco, 好滿足^^

係叫飯之前, 我同irene及ben約好左聽日去黃埔新天地食晚飯, 去為irene farewell呢~如果聽日個客人黎阻住我哋, 我實會殺左佢!!

不太確定的感覺...

最近毎天上前fashion阿sir(因而家個course已經完左, 應該唔再係阿sir吧!?), 佢叫teddy or, 果個fb, 睇佢毎一張相, 見到佢係上海工作既毎一張相, 見佢同朋友及同事好似好開心~連我自己都好想同佢周圍去, 我都唔知點解會成日去睇fb度睇佢, 已經成為左習慣, 而且我仲留左言比佢, 問佢知唔知有咩時裝展覽, 又或者讀時裝設計既資料, 而且仲問埋佢msn, 希望可以毎天同佢傾計, 甚至一齊去埋時裝展就好囉^^

但始終敵不過內心的障礙...就係如果我像fantasy一樣鍾意佢, 如果佢唔鍾意我咁點算!? 我害怕最後自己無論付出幾多努力, 但得不到他的心及當佢一句話唔鍾意你, 又或者timing唔岩而唔鍾意你, 全個人就會崩潰的感覺, 所以我怕再次愛上...戀愛係開心及浪漫的, 但同時也令自己痛心及痛苦...永遠被愛都係比愛人更痛苦, 被愛可不用付出就已經擁有愛佢既人為佢付出既一切, 愛人就永遠只有付出, 係呢段關係之中, 我永遠只能做付出的那位...

今日問fantasy關於佢時同佢慶祝生日, 因佢唔比我去酒吧, 所以同我講[我哋一齊去食飯...], 佢今日會覆我幾時去食, 點知佢竟然唔記得左, 要我提返佢...講真我都有d唔開心, 佢唔記得有咩所謂, 自己做咩咁mind?? 由你同我講我哋冇可能, 同埋想我放底你之後再見面果一刻, 我也決定放棄你及對你死心, 你已經不再值得我去愛, 我仲咁介懷做咩??? 倒不如我把心機花在時裝設計, 又或者第二個男人身上仲好...但我仲未有心理準備接受第二個人, 自己真係失敗!!

唔好成日講愛情, 講下我今晚食既晚餐, 由於我媽媽今日唔煮飯, 所以自己用左coupon去麥當當買左個麥樂雞餐, 仲要係九件裝~估唔到個盒又幾鬼cute喎~我都忍唔住幫佢影左張玉照...XD

佢另一邊係寫住脆香雞翼, 我仲以為佢比錯左我=.="

好在佢冇比錯我, 真係麥樂雞黎架~~好好味!!

[巨爵]過後...

琴晚六點幾終於掛左八號風球, 晚上一直都橫風橫雨, 屋企門外D風吹到好大聲, 嚇到浩鏗即刻走到梳化床上勁好笑, 全晚不停地睇佢走黎走去. 好在夜晚都可以好好地訓個大覺, 理得佢係落哂大雨, 行哂雷又或者勁大風, 只要唔好嘈醒我就得啦~

第二朝仲掛緊八號, 真係唔可以睇少呢個風, 以為會掛好耐, 點知只係去到早上既十點十五分已經變返做三號風球...即係又要返工嗎!!??早上同蕃薯msn, 佢話比我知已經掛三號, 真係唔想知道啊><"" 最後決定同父母出街食飯, 食完飯先去返工, 本來好想影下颱風之後既景色, 如倒下既樹, 垃圾筒...但係我哋香港既清道夫實在太勤力啦, 一早已經清理現場, 都已經冇得影啦, 惟有係網上睇下相啦..

吹到d機左搖右擺啦!! 不過覺得好可愛喔~

在車內影舊屋企既出面~好鍾意雨點呢種感覺, 呢張相就好似相機加左filter一樣去做出特別效果~

食返我至愛既炸豬排雞翼麵~炸得好脆好好味:p

食完飯之後就要同姑姐搭小巴, 佢就係旺角落車, 我就係紅磡落車. 返到公司之前, 時間已經比落風球前兩個鐘一定要返到公司遲左少少, 我搭緊lift時, 公司已經打電話比我, 快d返到公司先><