姑姐畢業禮 x 時裝展(上)

今朝早上同妹妹一早搭地鐵到姑姐既畢業典禮, 地點係灣仔既君悅酒店, 好在我同我妹妹都可以準時去到會場, 一入到去酒店, 有個服務員問我係咪畢業生, 仲叫我快d換畢業袍!? 哈哈~我個樣似咩!? 可能係我化個妝太勁吧!!! 之後係入口附近見到Amy及佢既家人, 我哋一齊入去會場內坐~本來想搵姑姐影下相, 點知個畢業典禮已經開始, 惟有等個典禮完左之後先至影相啦>< 畢業場館個布置~好辛苦咁zoom到勁近先至影到!

全部curtin重要既人物先入座, 也開始畢業典禮既儀式啦~

之後播出一段係curtin學校讀書及生活既學生短片, 都幾正既~

由curtin不同重要人物演講, 好在我仲可以聽得明佢地講咩, 我d英文冇退步嗎??

終於到姑姐拎證書啦~~本來係想直接影得你靚d, 但影唔到, 結果只好影螢光幕=.="

好在個畢業典禮好快完, 都唔使一個鐘~之後大家去左食及飲下野, 之後就開始影相....首先當然係個hall度影下相先啦, 唔係比人封左唔比入咪弊!!!

首先係姑姐自己一個人獨照先啦, 幾靚女^^

姑姐同另一位朋友既合照, 我唔認識佢朋友, 唔知佢叫咩名=.="

我姑姐, 一直以黎幫過我好多既朋友Amy及佢唔知咩名既fd...XD

之後個Hall有工作人員趕走我地, 於是我地係hall外影返相先~首先當然係我姑姐一個人影左先~

helen, 我姑姐, amy及唔知咩人!?影既合照~

同樣都係我姑姐, amy, helen, 同埋多左兩個唔知咩名既朋友~

之後我爸, 媽及姪仔都黎到, 睇黎天氣好熱及好曬, 辛苦哂大家啦~事不宜遲, 首先係快快地同屋企人影左相先啦~

哈哈~既然佢地黎左, 一於一齊影返張大合照先啦^^

完整既大合照~呢次有我哋全部家人啦^^

我姑姐即刻捉住我姪仔去影相先~

同屋企人影相期間, jovy同埋其他人終於黎左, 大家一於黎返個大合照先~~

哈哈~比我遇到一件更巧合既事, 就係影相途中見到阿光喎~起初我唔知佢都係度, 係佢叫我先至知道, 真[魚皮]=.="

我差d忘記左同姑姐單獨影返張相~~

姑姐兩位要好既朋友係最後時刻終於出現左啦~聽講著黃色衫果位係以前阿麻入院時探過麻麻~

最後同左咁多位朋友道別之後, 我地一定去左公園度影相, 個公園果然好熱及曬呢~

姑姐及姪仔係公園度影返張合照先~

我呢張相個pose好鬼騎呢....其實係我見到姪仔整起隻手, 我又跟住佢做, 點知佢就影左我啦=.="

我同埋屋企人及姑姐因太熱及太哂既關係, 所以我地都離開左會場, 佢地就準備返到屋企既會所再影, 而我就因為約左朋友去睇時裝展覽, 所以同埋佢地搭地鐵至油麻地之後先落車, 之後就去觀塘apm度等我既fb朋友stacey啦~

好在satcey都係早到之人, 我哋兩個冒住烈日當空既情況下, 走去搵呢次時裝展覽既場地. 琴日上網搵過呢個地方, 知道佢原來係工廠區, 而且距離地鐵站好遠, 邊傾計邊行去搵, 睇黎好d辛苦呢, 加上工廠地區附近好多垃圾, 傳來陣陣臭味, 而且樓宇又舊, 好難想像有個時裝展係附近....最後皇天不負有心人, 終於比我地兩個人搵到啦, 太好囉^^

呢次時裝展既主題版~用個木做既身掛住個主題版, 好有意思呢~

左面係initial主辦單位既2009年秋冬設計, 右面係會場內既單張~

入到門口見到好多呢個主題既裝飾物賣. 呢個主題係咩? 咪係第一次世界大戰之後既法國貴族衣服囉~


一入到去見到個廚房, 睇黎都幾高貴及幾大下!!

場內既食物, 個樣假到好似道具咁, 唔相信佢係食物=.="

枱上既食物~呢d真係假架啦!!

廚房枱上既擺設~

餐枱附近既碗及杯櫃耶~仲有我至鐘意既兔子^^

另一張廚房枱既擺設, 都係紅酒嗎??

枱上的咖啡機!? 睇黎同個主題好似唔太夾=.="


廚房內既大電視及擺設, 好似同第一次世界大戰後既歐洲格格不入...

戰時既衣服, 係非賣品, 唔係我都想買件返去~

事不宜遲啦~先睇左呢個時裝展既主題先啦, 其實我覺得場景及氣分比衫更好及正~全個會場分左四間房, 有其中三間房係有衫, 只有呢一間房係冇衫既...而且毎一間房的門上也展示出不同既故事...

第一間房係一隻爐子, 代表當時既貴族, 佢地已經失去左貴族既地位, 但心內仍然堅持自己係貴族. 帽子上既爐代表貴族, 佢一直承認自己係馬, 因馬只有貴族才可以騎, 係身份既象徵, 所以佢死也不會承認自己係爐(平民)

呢隻係真正既爐(平民), 佢同上見面果隻爐講話佢唔係馬, 而係爐....

第二間房, 也係我最愛既一個房間, 個故事係[我依然是高貴的, 我是卓越的, 從前是, 現在是, 將來也是], 代表左當時貴族自大及不願意接受現實的性格, 入面擺滿佢地至愛既紅酒a votre sante~

第二間房既時裝~我比較鍾意上身既斗篷, 而且今年果然興風濕褸呢...

我當然要同件衫影下張相先啦~點知影到我成隻鬼咁=.="

間房枱上擺既信紙, 簿...d紙做到真係好似舊紙一樣啊~

貴族飲剩的酒樽!? 都係似到...大家認得呢隻係咩牌子嗎??

貴族既酒櫃!? 仲要有個石膏像懶"high"...xd

係門附近傾斜的椅子, 做出大戰後既氣氛....

第三間房~係一個弦樂團既房間, 只有貴族才擁有既弦樂團~

樂譜櫃上既鷹及一副琴!?

弦樂團內既一部鋼琴~仲依然咁新既??

樂譜架及地上凌亂既樂譜...

散在地上既樂譜(Close up)~

裝住小提琴既樂譜櫃, 也係我個人幾鍾意既一張相~

差d唔記得左佢, 係呢間房內既一套西裝...

第四間房係冇衫既, 不過講比我地知另一個story, 就係貴族死後, 仍然相信佢地係永遠快樂...

房內既白燈, 入口都有架, 我覺得佢好靚, 如果唔係燈泡, 而係真係火, 我覺得仲靚~

之後有間房都係show時裝架, 但篇幅太長既關係, 所以我係下一日既blog度show出黎~

自己行愉景新城~

本來係去觀塘個時裝展, 於是問左係msn度上網既mooji, 菜菜及stacey佢地有冇興趣去, mooji就family day及菜菜就因為老公發燒而唔去, 估唔到我既fb好友stacey竟然有興趣去, 但佢今日要游水所以冇得去, 不過佢應承我聽日會同我去, 太好了~睇黎星期日除左去姑姐個畢業典禮外, 仲可以去時裝展覽, 好開心...XD

於是我臨時改變行程, 變左去近自己屋企既愉景新城, 其實正確黎講, 係我屋企架村巴會係荃灣度落車, 行冇幾遠就會到愉景新城, 即係話連車錢都唔使就可以係荃灣周圍去啦~


終於行到愉景新城啦~距離地鐵站行十零分鐘到啦, 一於影底個招牌先><

愉景新城門外的景色~好多植物啊~

愉景新城門外的pokka cafe....XD

一入到商場就係充滿童真既兒童遊樂場, 睇黎細路仔真係好多野玩喎!!而家D細路仔真係幸福~見到佢地既遊樂場, 自己都突然變得有童真起黎, 而且仲好開心咁周圍去影相添^^

即刻見到好多用水果做既柱, 呢個係青平果啊~都幾似啊^^

橙既柱子啊~不過覺得好似有點核突咁既!?

士多啤梨既柱!? 之前睇落去好似怪怪地, 睇睇下又幾順眼喎~

栗米做得最似~真係好似成條栗米企係我面前><

係呢四條柱既中間有個兒童表演既舞台~雖然地方唔係太大, 但係都幾得意架~
正中間係個表演舞台黎吧?? 我見有個人望住我影相, 仲驚比佢話我, 所以我手震震影底左><

舞台右手邊既魚池, 仲要係[非請內進]!?

舞台左手邊既滑草場!?? 都幾得意喎~

滑草場既另一邊, 如果唔睇呢邊真係唔知佢做咩囉=.="

舞台後面既小屋~也係我覺得全個舞台最靚既部分~

小屋既近景~屋內好似仲有d野...

小屋內既景物~其實係一張枱同個鋼琴黎^^

小屋旁既花園~係人及隻貓, 仲有遠處既牛牛!?

都係屋外既花園, 呢次係最後啦, 附近既南瓜幾可愛~

在兒童廣場內既惟一機動遊戲~隻飛船會搖搖下~


再行前D見到好多人圍住哂, 又有後生, 又有大人及細路仔既, 究竟發生咩事呢? 行近D見到有個女仔拎住幾隻方力申既CD, 原來今日係方力申隻新碟既簽名會~

哈哈~好好彩地比我企到最近舞台, 雖然我唔係方力申既fans, 但都起碼叫見到明星麻~

拎住支紅色咪果個就係佢, 佢一直望住個鏡頭講野呢, 我已經zoom到最近架啦!!其實我都見到佢正面, 但太多人遮住佢啦>< 睇左冇幾耐, 因為太多人我走左啦~

之後去左另一處, 果度係個人造樹林黎, 也係我全場之中比較鍾意既地方~可能係公公婆婆唔like年青偶像啦, 佢地多數坐係果度附近休息下~
仲見到個阿叔拎支長鏡黎影相, 真係唔夠你黎囉=.="

樹林中既樹及花景~

樹林中既泉水景及花草^^

森林內的攤位~好鬼可愛喔>w<

行完愉景新城, 原來地方都唔係太大, 行左只係個零鐘已經行完. 可能係附近既店舖多數都係BB衫及用品, 但自己又冇錢, D野又太貴, 所以冇買比姪仔. 直銷中心內既家庭用品及傢俱, 我屋企又冇得裝修, 又或者未結婚, 我都冇必要睇. 不過有個地方我想去, 但又唔記得去, 就係....玩具反斗城, 真係好想去啊><

時裝 x 空間 x戰後1914

大家如果有留意yahoo既時裝新聞就知我講咩啦~冇錯!! 就係係9月5日-9日係觀塘一個貨倉舉辦既一個時裝展, 係ELLE主辦既, 以第一次世界大戰之後既沒落貴族為主題而做既一個時裝展, 以下係yahoo新聞既描述~

• 第一次世界大戰(1914-1918年)爆發後，一些歐洲貴族喪失戰前時的貴族身份和地位。習慣過著奢華生活的他們，仍依戀著昔日上流社會的社交生活，藉此以自我麻醉來逃避現實。
• 這群出身名門的落難貴族，雖身無分文但仍擁有昔日的品味，他們仍堅持以最「華麗」的格調示人，造就了The Noble Pauper(金裝窮人)的出現。
• 這班金裝窮人(The Noble Pauper)的故事今次會呈現於 initial 09秋冬系列中。要一睹及感受當時的氣氛，就要參觀 initial將舉行的展覽，把時裝、時空與空間互相結合，從藝術與空間美學的角度感受initial的獨特剪裁。

沒落貴族男人著既衫!??

其實我起初係比呢張相吸引~都係因為佢, 我先至會睇下關於呢個時裝展既內容^^

所以我決定左後日就會去時裝展, 也預左我d朋友一係唔得閒, 一係冇興趣同我去架啦~不過唔緊要, 我一定要去睇下, 除左係因為自己對時裝既熱愛之外, 仲有就係免費^^

買衫囉 x 兩個麻煩男人 x 畢業!?

****買衫囉******
琴日覺得好似買得唔係太多衫, 可能係間公司比左三日既人工我啦, 自己好耐冇錢買衫既我又開始身痕想買, 不過始終都係冇錢, 又唔可以買得太痕既....加上琴日睇左vivi, 見到興喱士衫之後, 自己又好想搵下有冇, 最後竟然比我發現到一件喱士連身裙, 雖然都要80元, 但見秋天都可以著得返, 冇所謂^^

就係呢條全白色既連身裙, 襯埋啡boot及穿著一件牛仔背心褸已經好靚~我咁樣著, 個同事仲以為我有約, 點知變左真, anthony 竟然打電話比我, 問我係邊度, 佢接埋我放工=.="

*****兩個麻煩男人*****

我叫佢唔好去到紅磡接我咁遠, 最後都係約左係荃灣度等, 佢問我係邊, 仲想接埋我去佢架車度, 不過我地似乎溝通不足, 我就走左去架車度搵佢, 佢又走左去搵我, 最後大家等左一陣先至去附近食飯, 食左飯冇幾耐我就返左屋企, 佢就約左朋友去玩....

返到屋企先知道蕃薯約左人去佢個生日會, 總之係佢個fb內add得就add, add到菜菜都有d驚訝, 佢都唔識蕃薯, 做咩會搵佢去蕃薯個生日會, 而我因為星期一呢件事而delete左佢, 於是我就叫佢add返我啦~起初佢點都唔願意再add返我, 就算我話送禮物比佢佢都話唔add, 又話咩覺得唔好意思, 又話冇咩野送過比我(原來你知架咩!?我真係以為佢唔知), 後來佢問我係邊個fd同我講有生日party, 我冇講到係菜菜, 只係同佢講話唔係佢d model朋友或佢果d ex啦, 之後佢話[kumi乖]!? 之後佢仲話一個月之後先add返我, 要罰我一個月, 當我係細路仔咩><

但唔知點解, 冇見你成兩個星期, 雖然同你吵架, 你又講左過分既說話告訴我冇可能做情侶...但另一方面我又唔知點解想對你好及見你, 果然真係矛盾!!

*****畢業!?*****
姑姐個畢業典禮係呢個星期日舉行, 姑姐先比左入場票我哋, 仲要攬住個牌!? 唔係掛!?
又咩理由要人掛住呢個牌先得架!? 我同我妹妹毎人一個, 真係岩岩好=.="