回顧生日 x 祝文迪生日快樂^^

琴日係fb上收到好多人比我既happy birthday, 多謝你哋咁多人既祝福, 除左部分舊朋友, 排名不分先後, 有菜菜, 波特, 聯, liz., 嘉華, 酸梅, 阿ling, mooji及kiki外, 仲有好多係今年識既fb朋友, 如david, alfred...又或者係唔太認識既人同我講生日快樂, 非正式統計有成70個happy birthday^^ 即使冇男友同我講生日快樂及慶祝, 但呢個生日可算係大大豐收. 多謝哂大家, 錫哂你哋>3<

我特登影底左大家比我既祝福作為紀念, 都幾多張相下~大家既心意比生日禮物更貴重. 雖然冇咩生日party, 又或者冇男友陪我, 但我過得好開心, 多謝大家^^

呢三個人影得特別大隻字, 佢地唔係我既好朋友, 只係佢地係我生日之前既二日已經同我講生日快樂o者~

除左berry及聯之外, 其他都係fb上既朋友, 有d就玩fb game識, 有d係岩岩add果陣認識既kt, kelvin, kenny, 鄞澤文及alex~

berry比我隻紫色怪獸, 係紫色, 仲要係隻怪獸(自己)黎, 正~~

alex既彩色rose, 好靚啊!! 多謝!!

有個唔係人地既祝福, 只係我多謝大家, 仲有舊同事kiki及好友菜菜既祝福, 佢哋都係後來先同我, so 我冇影到=.="其他fb朋友或剛add既人, 有doddye, angela, sunako, metta, singgih, alice....仲有我ffs成日買我既主人david, like睇我既blog既foon foon foon

死啦! 呢張影到咁差既...除左用電話, sms及fb度同我生日快樂既teddy之外, 全部都係fb上既朋友, 包括chan cheuk lung, 幾靚仔既alby, nick, ono, milky及percy ho~

milky送比我既蛋糕啊~~我覺得佢好利害, 竟然可以用附號整個蛋糕出黎>o< 呢張相利害啦, 除左其中一個fb朋友stephen之外, 全部都係好友既祝福, 有波特, 當然仲有我好友liz, 嘉華,酸梅及舊同學仔阿ling^v^遲來既朋友阿光啦; 舊同學man siu fai; 仲有係ffs上同佢玩得好開心既alfred; 同埋一個係我舊中學cmt畢業既幾靚女既race, 佢同我都係同日生日架^^, 其餘有fb朋友ricky, jason, dick及ivy~

全部都係fb剛add, 又或者傾過計既多位朋友: wong kt, michael, mehmet, kenneth, hung pang, alan及l-chan~

仔細睇下係我至愛既兔仔黎架, 好靚^^

中間果兩張相係去菜菜屋企之後, 佢tag返比我既.....有我既朋友mooji, 仲有我好友文迪及我表姐aggie^^同我講生日, 成日同我玩ffs既francios, 同埋fb朋友yuyya

最後一班fb朋友既祝賀: daniel, mark, hayley, kt wong, oliver, kevin, eko及 iman

今日終於到我另一位好友文迪生日, 我係12點已經打左電話比佢, 我係第一個同佢講生日快樂啦~XD, 我竟然快過佢bf!? 唔好意思啊....後來聽到佢電話響, 我以為係佢bf打黎, 我就拿拿聲收線, 點知原來係佢媽媽黎既=.="

anyway, 我已經得到其他人既祝福, 呢次輪到文迪啦, 希望可以把祝福傳給她, 同埋係呢度同佢講句[生日快樂]^^

精彩的27歲生日

終於到我生日, 又老一年啦, 唔該快d搵返個bf啦, 唔係第時真係住姑婆屋都似, 仲要比人叫老姑婆就慘啦, 越老越難搵bf啦, 係感情方面個天真係對我特別差....

講返d開心野先, 到左十二點, 波特先打電話, sms及係fb度留言比我, 同我講生日快樂, 之後收到文迪既電話同我講生日快樂, 真係多謝哂~~至於蕃薯, 我係十二點終於online, 佢即刻同我講生日快樂, 而且同我講[我哋找天出黎食飯], 但我哋就唔知係邊個, 也唔知幾時去食, 唔係正日就冇意思啦, 因我生日想同重要既人過....不過知你忙住做功課, 冇辦法啦.....

生日早上, 媽媽先比利是我, 連埋婆婆果封, 總共三封~

之後我自己去左沙田新城市廣場行下, 至於點解選擇呢個地方, 我也唔知道, 可以說係心血來潮吧. 見到街上既情侶, 我也希望我bf可以今日同我一齊過....一入到門口, 見到好多用紙做既建築物, 真係好靚啊, 我即刻衝上前去影相~~

用紙做既屋企, 也係我入門口之後見到既第一個藝術品, 即刻走去影相先~

紙做既樹...xd

行到商場既最盡頭又有紙藝術品, 呢次係城堡, 真係好靚啊! 總之我都係度叫人哋幫我影相啦><

紙做摩天輪~唔知點解會有種幸福既感覺!?

紙做船仔及船座. 仔細睇下船仔內有個細模型架!!

呢個就係船內既細模型啦~好得意啊>< 另一隻巨型紙船~係船中間又有細模型架!!

巨船內的細模型~係雪地中既樹及鹿, 以及一座發光的小城堡^^

終於去到呢個藝術展最後既部分(自己覺得), 就係呢個小屋及出面既座位, 睇黎d位都幾好, d人可以係附近休息, 又冇呢d靚既藝術品睇下, 果然係人生一大快事>< 間小屋仔好靚啊~如果真係可以住係呢間小屋度就好囉~

終於睇完個藝術展, 但覺得好似唔夠呢, 之後到商場周圍行下, 但個商場唔係賣電子用品, 就係d貴價衫, 自己對電子用品興趣又麻麻, d衫又貴, 真係冇咩買....於是轉移到citysuper, 本來想買下野食, 但冇野做既我又唔想用錢買貴食物, 於是只好放棄行街既念頭. 但特登搭車黎呢度, 冇可能咁快就走架, 突然諗起菜菜係msn度提及過既snoopy城, 但我又搵唔到, 有d想放棄, 就係呢一刻, 奇蹟終於出現啦, 比我見到個snoopy城, 於是我急急腳走去影相~

路既兩旁都有snoopy及woodstock既公仔, 好可愛既woodstock啊^^


當然唔少得主角snoopy啦~

snoopy城既入口, 連我呢個本身麻麻地like snoopy既人都覺得幾可愛^^

Charlie屋外既指示牌~我見幾可愛咪影底佢囉^^

一入去就係charlie brown既屋企~好多書啊@@

charlie間屋個客廳啊~難道charlie鍾意睇電視??

等我打擾一下charlie, 同佢影返張合照先^^

同佢合照不特止, 仲要阻住佢睇電視...xd, 同時我都發覺自己隻大脾真係好粗=.="

charlie屋外旁邊, 我起初唔知有呢個地方, 後來見到有其他人影相先至知, 自己果然係遲鈍=.="


charlie屋後面卻係另一個世界~

走到屋外先見到一個大廣場, 連地下都有好大個snoopy及woodstock, 可惜我冇影到=.="

snoopy佢地既playground, 我都好想入去玩下~~喂!!我仲細個咩??

仲有一個我都好想玩, 又或者係睇細佬仔玩既snoopy獨木船, 可惜今日落雨呢....

獨木船既指示牌~小朋友小心d玩啊>< 細佬玩獨木船要小心d啊, 水深都有0.4!!?!?米架!

獨木船沿岸既景色(1) ~snoopy及charlie齊釣魚^^

獨木船沿岸既景色(2) ~charlie既其他朋友們^^

獨木船沿岸既景色(3) ~peppermint及要好既朋友marcie, 兩個好友坐埋係一齊傾計, 好似我同菜菜啊^o^...marcie好似菜菜啊, 係黑髮帶眼鏡, 另外金金地色頭髮既peppermint就似我囉....xd

跟住就去佢地食飯既地方囉~遠睇呢度都幾靚, 但我覺得入面係唔靚既....

係餐廳門外既linus, if 我冇錯既話~

出左餐廳之後有好多商場, 首先係snoopy佢地既戲院~

browns氏兄妹佢地間屋啊~

佢地既銀行啊~個牌就係出口及洗手間既牌~

Snoopy郵局~我都幾like呢間既不規則window及斜斜既頂部~

snoopy醫院~都幾得意, 係我其中like既一間^^

兩位輪住睇醫生嗎? 係醫院出面=.="

睇完snoopy村都五點幾, 想去探下菜菜, 於是打電話比佢, 佢奶奶正出左門口, 而且佢都係屋企, 於是我就即刻搭地鐵去黃大仙搵佢地啦....去到黃大仙, 就打電話問菜菜路, 就好似玩RPG一樣, 佢比指示我行, 我就跟住佢指示黎行, 好得意, 去到佢屋企樓下時, 一架紅色van行得好快, 我又係正路中間, 嚇得我立即走去菜菜屋企樓下管理處, 我唔想我既生日變死忌=.="

去到菜菜屋企之後, 我哋先同bb影相啦~

即刻同陽陽影返張先~oh! 我隻大脾好肥=.="

唔影大脾好好多, 似乎大脾係我既缺點!? 都係同陽陽既合照~

當然唔少得兩母子既合照啦, 最衰爸爸唔在場啦, 唔係可以影張全家幅>< 我同菜菜太耐冇見啦, 大家有好多野傾, 得閒玩下bb, 一時同狗狗阿旺玩下, 起初我都有d驚阿旺, 佢又[lamp]我, 挨係我身邊, 但後來習慣左, 我仲成日摸佢個頭~而且仲想影佢, 但佢一知我影佢就令轉塊面, 似乎好怕羞呢>< 我盡哂人事都只影到阿旺既背影, 好似有d憂愁, 幾鍾意^^

傾傾下已經食飯, 麻煩菜菜奶奶煮埋我份飯, 我仲食左人哋碗幾飯, 早知我買d食物黎啦! 最後也多謝菜菜送我到地鐵站><

返到屋企蕃薯問我去左邊度, 我如實答佢, 講真今日去既地方, 如果佢係我身邊就好啦, 不過都係冇咩可能架啦, 之後佢問我, 佢係咪第一個同我講生日快樂既人, 我話都算係既, 佢即刻好開心咁話自己叻叻, 當我講到第一個打電話比我講生日快樂既人係teddy時, 佢就話如果我唔係同佢講離開佢果段說話既話, 佢應該就係第一個同我講生日快樂, 點解佢會咁執著要做第一果個呢? 好似細佬仔..xd, 的確係有d遺憾既, 因我真係想佢做第一個同我講生日快樂既人, 都係自己做成....惟有應承佢生日時我第一個同佢講生日快樂, 佢話等我...hahaa咁樣

今日既生日好開心, 好充實, 唔通27歲係個新及好既開始??加油啊~kumi shing^^

重大的決定 + 預早慶祝生日^^

今日發生既事太多, 太複雜, 也係情報起伏好大既一天, 一共分左三部分, 請大家慢慢睇囉~


*****見工*****
生日前夕, 我仲要去見工, 不過都係旺角o者, 唔緊要! 都係照平時見工一樣早十五分鐘到達, 係間公司度等左成二十五分鐘, 佢哋都係影印我d證書, reference letter, 要我填下resume....使唔使咁耐啊!!? 就黎等到訓著, 結果一份十點見既工, 過左十五分鐘先開始, 究竟係咩大公司咁巴閉!? 原來呢間公司都幾大下, 係香港有成五間分行, 全公司有成四十幾人, 個會計部都有成四個人, 而我呢次見既職位係accounts receivable, 即係最煩果樣, 收返人地錢果隻啊, 而且也會有admin既工作要做. 可能個市唔好啦, 本來我寫左9k - 10k, 可能都仲要比佢壓到8k, 而且仲要等2nd in, 真係慘囉=.="

今日見工既公司樓下~我覺得都幾靚架, 因佢附近地方全部都係舊樓....

見完工之後, 我見自己都得閒, 於是打電話比姑姐, 順便買左我同爸爸既生日蛋糕返屋企, 那時我已經有一個重大既決定!!



*****離開蕃薯及anthony*****

聽日就係我生日, 我想一切都重新黎過, 除左我已經失去既事業之外, 仲有愛情. 係呢一年黎, 我既愛情係多災多難, 先有係ive識既anthony, 本來佢既條件都幾好, 有錢有車有樓, 樣就...我都覺得唔太差, 但性格就少爺仔自大, 自私及大男人, 而且佢同我一齊只係為左sex, 為左我個body, 及可以幫佢做家務, 所以先自稱係我男友, 所以我先同佢斷絕關係!

另一個蕃薯, 也係我鍾意左成年幾既人, 係我心目中曾經係重要位置, 但我哋係呢年幾發生左太多事, 我自己鍾意佢, 只係傷心既多, 哭已經哭過, 淚已經漏乾, 但佢依然唔會同我一齊, 如果佢鍾意我, 就唔使拖拖拉拉, 到頭來我咩都冇, 女友又唔係, model 朋友又唔係, 係佢心目中, 我到底係咩? 我已經覺得好累, 無法再同佢一齊走之後既路, 於是我send左offline msg, 也係我比佢既最後訊息, 段訊息如下:

[我想係生日之前做個了結, 係我同你呢段關係既了結]

[字可能太多, 希望你唔好介意, 係我離開你之前所有既內心說話]

[可能係我覺得你所講既又有友情, 又有愛情, 但唔係男女朋友呢段關係上, 我已經覺得很累, 哭既我已經哭過, 我唔想再係咁...]

[我知道你媽媽有長期病, 我唔應該對你講呢番說話, 但我真係累了, 諗左幾日, 終於有呢個決定]

[係認識你頭果三個月好開心, 返學嘻嘻哈哈, 一齊去買化妝品, 打邊爐, 情人節慶祝時, 係我最happy既時候]

[但自從你情人節之後同我分開, 我開始心碎, 但仍想對你好, 一直係你身邊, 因我知果陣我仍然like你, 所以我決定等, 等你可以同我係埋一齊]

[事與願為, 我等左年半, 你既答案仍然同以前一樣, 都係未做男女朋友, 但又做左情侶之間既行為, 令我開始覺得痛苦....不過也多謝你同我去左宿營, 我好happy你搵我同你去, 我問你我哋係咩關係時, 你仍然答我哋唔係情侶, 但我仍然呆呆的等你....]

[直到我同miyako傾計時, 你嬲到叫我唔好理佢, 同時會同佢解釋呢段瞹眛關係時, 我開始清醒, 原來我一直追尋既係個永遠冇可能實現既夢想]

[之後你同我解釋另一位ex時, 我開始諗.....你同你毎個ex都有過去, 咁我呢? 我呢兩年有既係咩? gf地位? 唔好意思, 我冇; model fd 搵你影相? 我只係得果四至五張相, 仲要係你本fotop度冇show出黎]

[究竟我係你身上得到什麼? 可以說從來都沒有, 又或者係好少既開心片段...]

[我知道自己會有日離開你, 又知你唔識照顧自己, 一直都好擔心你, 我唔想我離開之後冇人照顧你自己及你媽媽, 於是我同你及你媽媽講, 希望你識照顧自己, 又或者認識個gf可以照顧你]

[所以我最近問你係model fd 之中, 又或者普通fd之中識返個gf, 就係希望你有個伴....]

[等我對你冇愛情感覺, 我maybe會返黎搵返你及你媽媽]

但我冇講到幾時搵返佢地, 也冇講到會唔會再幫佢地手, 因我知道, 應該唔會; 至於幾時冇愛情感覺, 我也唔知道, 所以唔可以確實話比佢地知個時間. 你係網上時, 我就off, 唔想比你見到我, 我見到你只講句[ 仲有幾個鐘就生日....講埋d咁既野架]及同我講[傷心], 其實係指你定我? 我相信都係我傷心多, 你點會傷心, 我好想問佢, 但我最後都冇問到....



*****出街食飯*****

講左呢番說話後, 我也有d傷心, 因要放棄呢段年幾既感情麻....不過也唔可以影響同我屋企人食飯時既心情既, 我哋去左附近既深井村既一間小菜館食飯, 叫左好多好多送, 都食到我哋飽飽啦>< 姪仔伏在枱上, 卡哇伊呢~~

有燒鵝食耶~仲有通菜及九菜=.="

我叫既鐵板沙爹牛肉, 都幾惹味, 正!!

我細佬叫既默魚餅~都幾好味wor:p

返到屋企之後, 可以食返我頭先見工之後買既蛋糕啦^^係芒果既cheese cake, 等我許返個願先, 唔知三個會唔會太誇張及貪心呢??


哈哈~我既願望唔知會唔會實現呢? 希望會啦>< 個蛋糕個樣好好味咁wor~唔係太多cheese, 唔太漏, 好味道^^