重大的決定 + 預早慶祝生日^^

今日發生既事太多, 太複雜, 也係情報起伏好大既一天, 一共分左三部分, 請大家慢慢睇囉~


*****見工*****
生日前夕, 我仲要去見工, 不過都係旺角o者, 唔緊要! 都係照平時見工一樣早十五分鐘到達, 係間公司度等左成二十五分鐘, 佢哋都係影印我d證書, reference letter, 要我填下resume....使唔使咁耐啊!!? 就黎等到訓著, 結果一份十點見既工, 過左十五分鐘先開始, 究竟係咩大公司咁巴閉!? 原來呢間公司都幾大下, 係香港有成五間分行, 全公司有成四十幾人, 個會計部都有成四個人, 而我呢次見既職位係accounts receivable, 即係最煩果樣, 收返人地錢果隻啊, 而且也會有admin既工作要做. 可能個市唔好啦, 本來我寫左9k - 10k, 可能都仲要比佢壓到8k, 而且仲要等2nd in, 真係慘囉=.="

今日見工既公司樓下~我覺得都幾靚架, 因佢附近地方全部都係舊樓....

見完工之後, 我見自己都得閒, 於是打電話比姑姐, 順便買左我同爸爸既生日蛋糕返屋企, 那時我已經有一個重大既決定!!



*****離開蕃薯及anthony*****

聽日就係我生日, 我想一切都重新黎過, 除左我已經失去既事業之外, 仲有愛情. 係呢一年黎, 我既愛情係多災多難, 先有係ive識既anthony, 本來佢既條件都幾好, 有錢有車有樓, 樣就...我都覺得唔太差, 但性格就少爺仔自大, 自私及大男人, 而且佢同我一齊只係為左sex, 為左我個body, 及可以幫佢做家務, 所以先自稱係我男友, 所以我先同佢斷絕關係!

另一個蕃薯, 也係我鍾意左成年幾既人, 係我心目中曾經係重要位置, 但我哋係呢年幾發生左太多事, 我自己鍾意佢, 只係傷心既多, 哭已經哭過, 淚已經漏乾, 但佢依然唔會同我一齊, 如果佢鍾意我, 就唔使拖拖拉拉, 到頭來我咩都冇, 女友又唔係, model 朋友又唔係, 係佢心目中, 我到底係咩? 我已經覺得好累, 無法再同佢一齊走之後既路, 於是我send左offline msg, 也係我比佢既最後訊息, 段訊息如下:

[我想係生日之前做個了結, 係我同你呢段關係既了結]

[字可能太多, 希望你唔好介意, 係我離開你之前所有既內心說話]

[可能係我覺得你所講既又有友情, 又有愛情, 但唔係男女朋友呢段關係上, 我已經覺得很累, 哭既我已經哭過, 我唔想再係咁...]

[我知道你媽媽有長期病, 我唔應該對你講呢番說話, 但我真係累了, 諗左幾日, 終於有呢個決定]

[係認識你頭果三個月好開心, 返學嘻嘻哈哈, 一齊去買化妝品, 打邊爐, 情人節慶祝時, 係我最happy既時候]

[但自從你情人節之後同我分開, 我開始心碎, 但仍想對你好, 一直係你身邊, 因我知果陣我仍然like你, 所以我決定等, 等你可以同我係埋一齊]

[事與願為, 我等左年半, 你既答案仍然同以前一樣, 都係未做男女朋友, 但又做左情侶之間既行為, 令我開始覺得痛苦....不過也多謝你同我去左宿營, 我好happy你搵我同你去, 我問你我哋係咩關係時, 你仍然答我哋唔係情侶, 但我仍然呆呆的等你....]

[直到我同miyako傾計時, 你嬲到叫我唔好理佢, 同時會同佢解釋呢段瞹眛關係時, 我開始清醒, 原來我一直追尋既係個永遠冇可能實現既夢想]

[之後你同我解釋另一位ex時, 我開始諗.....你同你毎個ex都有過去, 咁我呢? 我呢兩年有既係咩? gf地位? 唔好意思, 我冇; model fd 搵你影相? 我只係得果四至五張相, 仲要係你本fotop度冇show出黎]

[究竟我係你身上得到什麼? 可以說從來都沒有, 又或者係好少既開心片段...]

[我知道自己會有日離開你, 又知你唔識照顧自己, 一直都好擔心你, 我唔想我離開之後冇人照顧你自己及你媽媽, 於是我同你及你媽媽講, 希望你識照顧自己, 又或者認識個gf可以照顧你]

[所以我最近問你係model fd 之中, 又或者普通fd之中識返個gf, 就係希望你有個伴....]

[等我對你冇愛情感覺, 我maybe會返黎搵返你及你媽媽]

但我冇講到幾時搵返佢地, 也冇講到會唔會再幫佢地手, 因我知道, 應該唔會; 至於幾時冇愛情感覺, 我也唔知道, 所以唔可以確實話比佢地知個時間. 你係網上時, 我就off, 唔想比你見到我, 我見到你只講句[ 仲有幾個鐘就生日....講埋d咁既野架]及同我講[傷心], 其實係指你定我? 我相信都係我傷心多, 你點會傷心, 我好想問佢, 但我最後都冇問到....



*****出街食飯*****

講左呢番說話後, 我也有d傷心, 因要放棄呢段年幾既感情麻....不過也唔可以影響同我屋企人食飯時既心情既, 我哋去左附近既深井村既一間小菜館食飯, 叫左好多好多送, 都食到我哋飽飽啦>< 姪仔伏在枱上, 卡哇伊呢~~

有燒鵝食耶~仲有通菜及九菜=.="

我叫既鐵板沙爹牛肉, 都幾惹味, 正!!

我細佬叫既默魚餅~都幾好味wor:p

返到屋企之後, 可以食返我頭先見工之後買既蛋糕啦^^係芒果既cheese cake, 等我許返個願先, 唔知三個會唔會太誇張及貪心呢??


哈哈~我既願望唔知會唔會實現呢? 希望會啦>< 個蛋糕個樣好好味咁wor~唔係太多cheese, 唔太漏, 好味道^^

做fashion功課

上個星期六咁黑仔返唔到學, 我都要做返上次d功課先得, 份功課係再上個星期, 只係我仲未做. 其實份功課我已經畫好, 只係欠畫邊及上色, 原本我想返到學校先做埋下半部分, 諗住搭到十二點最後一架村巴就可以提早返學, 果然係人算不如天算呢....

再上次份功課係設計五個front button既款式, 我都諗左好鬼耐, 今日見得閒, 於是完成埋未完成既部分. 仲要係一邊玩住fb, 一邊做份功課, 我果然係好有'效率", 不過係玩果方面, 如果工作上真係咁勤力就好啦....最後終於完成左, 感謝上天>< 終於完成好~除左五個款之外, 係旁邊加左好多button, 尤其係彩色果d button, 我越畫越開心^^

掛住做呢份, 另一份功課都冇時間做添!! 就係畫好一個女性figure, 加埋係雜誌上搵一件衫比佢著, 結果...我都係冇畫過, 只係畫左個初稿, 都趕唔切上色及畫邊, 真係好鬼死核突呢=.="

只係得個稿, 好鬼核突=.="....快d趕工完成佢啦!!

同屋企人食午飯

唔知係咪就黎生日特別多野食呢? 今日下午姑姐同我哋四個一齊去据排, 果間餐廳係荃灣, 一個排餐都只係四十幾元, 除左有份排之外, 仲有湯, 飲品及雪榚, 真係抵到爛!! 我, 妹妹及媽媽三人坐三點幾村巴出荃灣, 同已經到左荃灣既姑姐集合, 而爸爸就因為公司多野做, 要晏d先到餐廳搵我哋, 我哋四人先到餐廳叫左食物先....xd

在出荃灣時, 係村巴度影既, 因我及妹妹整佢個頭, 佢就好惡咁令個頭過黎, 好惡啊><

我既周打蜆湯 + 餐包, 個包熱熱地, 幾好味架~

可惜我自己掛住食, 唔記得影之後既排及雪榚><".....惟有下次啦....我哋差唔多食完野, 爸爸終於黎到, 佢即刻叫左個牛排, 而且仲食得好快, 轉個頭已經食哂=.=" 之後我哋係餐廳度玩左一陣, 姪仔實在太可愛, 我都忍唔住同佢影左幾張相~~有時見到佢, 可以令我忘記所有傷心事, 當中包括佢嗎?

姪仔係度[喉]住我媽媽既食物耶.....同埋我覺得佢件黃色衫仔幾型仔, so 咪只係影佢個背隻囉~

本來好想叫蕃薯黎食, 點知佢要返工, 不過講真, 就算佢唔使返工佢都唔會黎, 一定又有第二樣野忙緊, 算啦, 佢又唔係我邊個, 黎食野做咩.....而且由呢刻開始, 我開始重新考慮過我哋呢段複雜關係, 自己係年幾以黎一直都係痛苦, 我諗係時候解決啦!

有攝影師搵我影相!?

仍然未搵到工......=.="....不過都會加油既^^

毎天都會上fb, 突然見到有個inbox既mail, 係一個自稱攝影師既人, 叫做maru, 佢話想搵我合作影相, 問我唔知有冇興趣, 而且仲比埋個網址我睇....我見到佢有幫人影單人少女相之外, 仲有pre-wedding相, 於是令我諗起蕃薯既話, 話咩pre-wedding相一個人影會好怪, 佢即係明踏我o者!? 諗起都嬲, 但佢影其他人又真係幾靚既....

講真兩個人影真係靚d既, 第時我一定會搵到個bf一齊影, 等我剝蕃薯棚牙先得...XD

半夜係中環度影, 仲要係馬路中間影!? 好得意啊^V^

講返我果單野先, 我之後msn度add左果個叫maru既人, 只係傾左唔係好多句, 得知佢係全職攝影師, 之後佢就要出job, 而我太趕時間出去返學, 所以都冇再傾....

返學之時如常搭地鐵, 點知...我d m竟然漏在座位上!? 真係核突死囉!!! 整到我連郁都唔敢郁, 一直坐係個位上, 由荃灣搭去中環, 再由中環搭返車返荃灣. 哂車錢都唔緊要, 最慘係我冇得上我至愛既時裝設計堂, 真係黑仔都爆!! 點解今日先發生呢d事架? 返到屋企本來想換返件衫之後再出去, 但我個頭好暈, 唔知係曬親定係貧血, 總之好暈, 最後係屋企訓覺, 但心內仍然擔心上堂唔知教咩, 實在係悲慘既一日, 好想快d過左呢日.....

接蕃薯媽出院

我又比蕃薯叫左去接佢媽媽出院, 呢次已經係第二次啦, 好心佢快D搵返個女友幫佢手啦, 次次都係我去!! 唔係見你唔得閒, 又要返工, 又要返學既話, 我都唔理你耶!!

去到醫院見到佢媽媽仍然吊緊藥, 蕃薯媽身旁的病人問我同佢係咩關係, 佢媽媽都係話朋友, 同埋係佢個仔既(舊)同學.....唉....都係呢個關係...我做咩嘆氣!? 你想係咩身分啊? 佢女友或佢老婆嗎? 拜託, 如果真係我就寧願死左佢!! 我既男友目標已經鎖定左, 係小天....XD

接完蕃薯媽出院之後, 我哋直接返佢哋屋企, 蕃薯果然係...都係唔識做家務既, 食完既飯盒又唔扔, 用完既紙巾又唔扔, 盒裝紙巾冇又唔拎過盒新既....雖然話男人唔做家務O者, 也不至於係咁掛?? 真係難為佢媽媽囉, 又要幫佢執, 我也多口講左句, 一係佢娶個老婆照顧佢及佢媽媽, 一係就自己識做啦! 連佢媽媽都話要搵返個成熟D, 咩都識做既老婆先得啦, 我都相信佢搵到既!

今日蕃薯勁早放學, 八點半竟然放學(七點上堂wor!?), 個老師果然夠勁!! 結果佢都好早返黎, 而且仲問我哋有冇野買. 佢終於返到佢屋企, 我哋係屋企睇下電視及傾下計, 途中蕃薯佢一直好近咁望住我塊面, 佢話我d皮膚太乾, 於是拎左好多雪完美既mask出黎, 不過全部都係過左期成個月, 佢比左盒我, 話咩唔介意就用, 介意就扔左佢. 結果我都拎左一盒, 之後佢本來想比朋友, 點知佢話唔想害自己朋友. 吓!? 佢想害我啊?? 但佢話佢自己都用, 要死真係一齊死. 啋! 我先唔想同你死啊!!

又係見工!? 激死人啦!!

又要去見埋d唔知請唔請我既工, 好似係第四份啦, 而且呢次見工都幾麻煩下, 因呢份工係間會計公司經agent去請人, 所以我就先去agent果邊傾下細節先, 之後先去果間會計公司度.

間agent公司係牛頭角, 果座大廈叫做[鴻圖道一號]!? 個名好得意, 好似條街咁. 個agent都幾好人, 預先話比我知搭地鐵, 係咩出口出, 所以好快就搵到~

貨真價實架! 呢座野真係叫做[鴻圖道一號]!! 我見出面都幾靚咪手痕影下~

哈哈~平時我好少著既OL look登場!! 我見到好多人行過, 所以好快咁影左張相, 始終都係睇唔太清楚, good!!

見到個agent, 佢也大約講解左間公司係做咩, 返工時間, 而且仲話好快就會知道面試結果, 多數會係今日或聽日就知道, 成功既話星期一就可以返工!! 吓!? 咁快就可以返工, 而且仲有10K, 如果係真就好!! 之後個agent 也好好人咁拎本地圖出黎, 話比我知間會計公司點去, 間公司係中環既, 睇黎我都有排搭車囉....個agent叫我如果一早去到既話直接去in就冇問題

於是我咪好開心咁去中環度搵果間公司及interview, 本來以為一切都會順利, 點知人算不如天算, 見我既係一個好串既中年女人, 佢好似姓鄘, 佢一開始睇我hi dip既成績表, [basic account好低能, 只係debit及credit, 我都拎A-啦, 你只係得C-+], 果陣我聽到已經開始嬲, 估唔到見我既人係咁膚淺, 只會用成績去判斷人, 後來佢睇到我A level及會考先知我係讀文科既, 問我之前讀文科? 估唔到你都低b啦, 你唔識睇字咩, 仲問我!! 我真係好想同佢咁講, 但知道自己仲見緊工, 唔可以胡亂講野, 於是只係答係. 佢見我成績冇咩野話我, 於是佢搵其他野話我, 問我點解唔做, 當我講到人工時, 佢就話我做左六年野, 只係得個hi dip, 唔係degree, 10k差唔多啦! 我聽完呢句仲嬲, 我就反串佢話我屋企有經濟困難讀唔到degree.

佢見冇野串我, 於是佢就拎我d文件去影印, 而且仲叫左另一個staff問我. 果個staff我唔知佢咩名, 但比那位中年鄘更有禮貌, 問我關於以往工作既經驗, 我也逐一答佢. 如果一早係佢見工既話就好啦, 最後大家都好和平及禮貌散去

其實見完工係要打電話比返個agent, 我都知呢份工我一定冇份做, 所以當個agent問我見工見成點時, 我就直接話果個中年鄘既態度麻麻, 個agent話佢見工係咁, 但我係唔like唔識尊重人既人, 所以我冇左呢份工都要投訴佢, 哈哈~之後agent問我喜唔喜歡呢份工, 我跟本唔like個中年鄘, 所以我都話麻麻地, 咁冇理由話唔like架麻.....到左地鐵, 我仍然有d嬲, 又接到另一個agent打黎既電話, 話葵芳有一份負責做A/P既工, 係9.5K, 佢話再有消息會通知我, 聽完之後啖氣都消返D, 可惜個電話冇電, 之後份工就冇左下文......

見工 + 和舊同事食飯^^

見第三份工, 果間公司係觀塘, 仲係早上見工既. 我係地圖上見到呢間公司距離地鐵站好遠, 於是我提早出門口, 但我果然太早到, 於是係附近行左半個鐘先至上去間公司....

去到果間公司, 有個女仔問我拎身分證及證書影印, 佢以為我係另一位姓鄭既應徵者, 我答唔係, 於是我自我介紹, 佢竟然話冇約我??? 唔好嚇我啊, 原來佢係outlook上見唔到我既cv, 因我經recruit直接send cv, 所以係outloon咪冇record囉...不過見佢個樣都好似有d傻傻地, 似係剛畢業既人做文員掛? 我都冇怪佢既....

好快可以去見工, 果個係男boss(終於唔係女boss!!), 佢話自己電腦唔係太認識, 雖然冇任何會計軟件,但佢公司有一套制度, 可以毎個月做好財務報告, 毎個月既accounts payable及receivable....但間公司有d複雜, 要做埋stock. 同埋架構比較複雜, 分兩間公司, 一間係對廠, 一間係對客人及銀行@@但個老闆勁好人, 勁好傾, 大家都可以開開心心離開~而且員工有一半男, 一半女, 又唔係太多人, 計埋老闆都只係五個人, 所以我都幾like呢間公司, 但個probation就長左少少, 要成六個月, 但如果係呢間公司做野既話應該冇所謂吧?

開開心心見完工之後, 就準備夜晚同舊同事mooji, kiki及pinkie食飯~最後大家決定左去荃灣landmark 1 既稻香打邊爐, 失業既我當然去左搵位先啦~

佢地未黎影底d碟及調味品先~我至like整到碟鼓油咩都有...xd

等左成個鐘, 佢地三個先黎到, 我已經變左化石啦=.="....不過佢地都係比個勁衰既前老闆扣留到好遲先放工o者, 唔緊要啦!! 快d叫野食囉~大家都叫左好多野食, 互相夾送比大家, 好開心^^當中講左前老闆及另一位麻煩同事既是非, 都知佢地做及忍得辛苦啦, 由得佢地講啦~

打邊爐之後就送mooji去搭車, 我返到屋企時, 蕃薯先至問我去唔去食飯!? 你係msn度on左就問啦, 你用電話問都冇用啦, 我電話都冇電, 結果都係冇得見佢....