又要去見埋d唔知請唔請我既工, 好似係第四份啦, 而且呢次見工都幾麻煩下, 因呢份工係間會計公司經agent去請人, 所以我就先去agent果邊傾下細節先, 之後先去果間會計公司度.
間agent公司係牛頭角, 果座大廈叫做[鴻圖道一號]!? 個名好得意, 好似條街咁. 個agent都幾好人, 預先話比我知搭地鐵, 係咩出口出, 所以好快就搵到~
貨真價實架! 呢座野真係叫做[鴻圖道一號]!! 我見出面都幾靚咪手痕影下~
哈哈~平時我好少著既OL look登場!! 我見到好多人行過, 所以好快咁影左張相, 始終都係睇唔太清楚, good!!
見到個agent, 佢也大約講解左間公司係做咩, 返工時間, 而且仲話好快就會知道面試結果, 多數會係今日或聽日就知道, 成功既話星期一就可以返工!! 吓!? 咁快就可以返工, 而且仲有10K, 如果係真就好!! 之後個agent 也好好人咁拎本地圖出黎, 話比我知間會計公司點去, 間公司係中環既, 睇黎我都有排搭車囉....個agent叫我如果一早去到既話直接去in就冇問題
於是我咪好開心咁去中環度搵果間公司及interview, 本來以為一切都會順利, 點知人算不如天算, 見我既係一個好串既中年女人, 佢好似姓鄘, 佢一開始睇我hi dip既成績表, [basic account好低能, 只係debit及credit, 我都拎A-啦, 你只係得C-+], 果陣我聽到已經開始嬲, 估唔到見我既人係咁膚淺, 只會用成績去判斷人, 後來佢睇到我A level及會考先知我係讀文科既, 問我之前讀文科? 估唔到你都低b啦, 你唔識睇字咩, 仲問我!! 我真係好想同佢咁講, 但知道自己仲見緊工, 唔可以胡亂講野, 於是只係答係. 佢見我成績冇咩野話我, 於是佢搵其他野話我, 問我點解唔做, 當我講到人工時, 佢就話我做左六年野, 只係得個hi dip, 唔係degree, 10k差唔多啦! 我聽完呢句仲嬲, 我就反串佢話我屋企有經濟困難讀唔到degree.
佢見冇野串我, 於是佢就拎我d文件去影印, 而且仲叫左另一個staff問我. 果個staff我唔知佢咩名, 但比那位中年鄘更有禮貌, 問我關於以往工作既經驗, 我也逐一答佢. 如果一早係佢見工既話就好啦, 最後大家都好和平及禮貌散去
其實見完工係要打電話比返個agent, 我都知呢份工我一定冇份做, 所以當個agent問我見工見成點時, 我就直接話果個中年鄘既態度麻麻, 個agent話佢見工係咁, 但我係唔like唔識尊重人既人, 所以我冇左呢份工都要投訴佢, 哈哈~之後agent問我喜唔喜歡呢份工, 我跟本唔like個中年鄘, 所以我都話麻麻地, 咁冇理由話唔like架麻.....到左地鐵, 我仍然有d嬲, 又接到另一個agent打黎既電話, 話葵芳有一份負責做A/P既工, 係9.5K, 佢話再有消息會通知我, 聽完之後啖氣都消返D, 可惜個電話冇電, 之後份工就冇左下文......
welcome to my world...
My model life since Nov 09~
My sweet life w/ bf joejoe since Dec 09^^
見第三份工, 果間公司係觀塘, 仲係早上見工既. 我係地圖上見到呢間公司距離地鐵站好遠, 於是我提早出門口, 但我果然太早到, 於是係附近行左半個鐘先至上去間公司....
去到果間公司, 有個女仔問我拎身分證及證書影印, 佢以為我係另一位姓鄭既應徵者, 我答唔係, 於是我自我介紹, 佢竟然話冇約我??? 唔好嚇我啊, 原來佢係outlook上見唔到我既cv, 因我經recruit直接send cv, 所以係outloon咪冇record囉...不過見佢個樣都好似有d傻傻地, 似係剛畢業既人做文員掛? 我都冇怪佢既....
好快可以去見工, 果個係男boss(終於唔係女boss!!), 佢話自己電腦唔係太認識, 雖然冇任何會計軟件,但佢公司有一套制度, 可以毎個月做好財務報告, 毎個月既accounts payable及receivable....但間公司有d複雜, 要做埋stock. 同埋架構比較複雜, 分兩間公司, 一間係對廠, 一間係對客人及銀行@@但個老闆勁好人, 勁好傾, 大家都可以開開心心離開~而且員工有一半男, 一半女, 又唔係太多人, 計埋老闆都只係五個人, 所以我都幾like呢間公司, 但個probation就長左少少, 要成六個月, 但如果係呢間公司做野既話應該冇所謂吧?
開開心心見完工之後, 就準備夜晚同舊同事mooji, kiki及pinkie食飯~最後大家決定左去荃灣landmark 1 既稻香打邊爐, 失業既我當然去左搵位先啦~
佢地未黎影底d碟及調味品先~我至like整到碟鼓油咩都有...xd
等左成個鐘, 佢地三個先黎到, 我已經變左化石啦=.="....不過佢地都係比個勁衰既前老闆扣留到好遲先放工o者, 唔緊要啦!! 快d叫野食囉~大家都叫左好多野食, 互相夾送比大家, 好開心^^當中講左前老闆及另一位麻煩同事既是非, 都知佢地做及忍得辛苦啦, 由得佢地講啦~
打邊爐之後就送mooji去搭車, 我返到屋企時, 蕃薯先至問我去唔去食飯!? 你係msn度on左就問啦, 你用電話問都冇用啦, 我電話都冇電, 結果都係冇得見佢....
今日上左去菜菜個blog度睇左一陣, 見到佢個BB好得意啊, 原來佢已經做左100日人仔啦, 估唔到時間過得真係快, 咁就三個月啦, 菜菜一直照顧BB, 都冇咩機會落街真可憐啊><....但見到佢同BB一齊生活好開心, 最多只係...屙尿尿比媽媽嘆??哈哈~比我一定會激到死左, 要做一大輪野!! 不過可能係自己生既BB會唔介意既, 始終係十月懷胎....可能自己未試過, 暫時未有呢種感覺
菜菜~sor啊, 未經你同意拎左阿b一張相, 因佢實在太可愛啦>o<
如果我第時生既BB, 唔知會唔會咁可愛呢? 見到呢張相, 我諗左好多野, 我既老公啦, 我既BB, 同埋我之後既生活會係點呢? 我咁大頭蝦, 又姐手姐腳, 一定整到亂鬼哂, 可能老公都會忍唔住幫下我, 總之好開心....但越諗越覺得冇咩可能, 又再次返到現實中, 覺得都幾無奈....自己都係做下家務, 做下freelance, 唔好再諗咁多啦^^
一直都有野做, 惟有一直睇電影, 追下劇咁啦! 近排電視影緊套"命中註定我愛你", 覺得非常好睇, 可能我like睇愛情喜劇啦!! 而且毎天可以見到兩個至型既男主角, 小天固然係型, 但另一住叫Dylan既都唔錯!! 如果我係女主角就好^^(好心啦, 二十幾歲仲發埋呢d夢=.=").....><...都係睇相好啦=.=""
小天拎住個心心啊? 係比我的嗎??好啊~~一陣小天d fans就打死我=.="
連dylan都拎住個心心!? 其實有時我覺得佢似木村拓栽, 唔知點解呢!!
我見電視播得太慢, 於是我忍唔住上網睇左, 我見無線高清已經一早播完, 我都係like睇配音多d, 於是我就睇高清版, 我覺得之前講女主角有bb時好睇d, 之後覺得有少少悶啦, 而且一口氣睇埋個結局...結果係...吓!? 呢個也算係結局嗎? 個結局係好既, 但表達手法太差, 唔知d工作人員係咪趕住收工埋尾呢??
我比較like頭果首主題曲, 係元若藍唱既[九十九次我愛他]及插曲[我的快樂], 我已經dl左不斷地聽, 個腦也不停地轉住呢兩首歌, 呵呵~~
又係見工啦, 係小女子見既第二份工, 係一間美容院既美容學徒, 間公司係灣仔!? 咪即係動漫節會場那邊? 都係因為去見呢份工, 原定同teddy, edwin及tracy一齊去, 最後都冇得去>< 始終由另一個行業轉去另一個行業係難既, 先克服人工低呢關, 由之前搵既工一萬元, 而家冇左成一半, 而且仲係由低做起, 頭果三個月只係執下房, 幫美容師準備物品, 係完全唔可以接觸客人, 加上要記得及認得所有護膚品既作用, 成份, 果然係好亂呢.....個老闆成日強調係唔同辦公室工作, 而我也有心理準備, 只久在佢會唔會請我. 仲有又話讀咩美容證書course....哈哈, 又係要讀野, 我估自己都會讀到掛!?
見左大約半個鐘就見完, 之後諗住打電話比tracy佢地, 睇下可唔可以係動漫搵返佢地~結果打左比tracy都冇人聽, 我又唔記得入teddy及edwin個電話, 於是我只好自己一個人行下灣仔啦.... 我見工果邊多數係d舊區, 有好多舊既物業, 其中有幢建築物都幾鍾意, 就係當舖!? 可能係自己太少見, 覺得好得意呢, 於是我情不自禁影底左><
竟然鍾情於當舖都有既!?直頭好想入去睇下, 可惜封住左=.="
最後只好返屋企. 晚上見到edwin係msn度on, 佢話動漫度有個女仔好似我....話係果度見到我, 於是send左張相比我睇...
我起初睇呢張相都唔多覺, 於是我上網去搵下關於呢個女仔既相....我果然夠無聊...XD
就係呢個女仔, 我一起初都好驚嚇, 佢塊面好包包, 連我妹及媽都話唔似, 但仔細睇下, 如果遮住佢個nose及口, 只剩下對眼就似我, 我也嚇左一跳, 又真係幾似喎=.="....整到我都想去玩下cosplay><, 唔知我玩會係咩樣呢??
fashion堂放左學後, 我係理大搭車去到tm蕃薯屋企, 足足搭左成個鐘, 悶到我暈. 終於到左佢屋企, 佢地原來係屋企附近拍片, 於是我走去搵佢地, 見到佢地拍片, 諗起我哋拍通宵果套鬼片, 也係最好玩及開心既時間^^
蕃薯拍teddy啦, 阿聯就拎住支燈~
呢套戲既主角係波特, 睇下佢地製作幾認真^^
當阿聯及蕃薯傾緊條片點拍時, teddy見我拎住部相機, 佢又玩埋一份=.="
我一直睇住佢地拍片, 有時佢地未開始拍時, 我就岸居居坐係椅子上仰望高樓大廈, 那時我覺得自己好細粒, 好得意~
有個架既野就係椅子上既架, 呢個角度望野好得意~
我最怕黎到tuen mun 既原因就係....我好惹蚊, 坐一坐就比佢地咬左幾啖, 好鬼痕!! 之後要跟住佢地周圍去拍片, 拍到十點幾終於拍完, 可以去食野啦, 呵呵~我哋最後去左一間茶餐廳度食晚飯, 唔係, 應該係食宵夜, 我叫左兩個送, 點知咩都冇, 於是叫左個雞中翼米, 發覺自己都食唔哂, 見到tracy食唔哂有阿聯包, 我食唔哂就由得佢擺係度, 蕃薯仲笑阿聯致肥的原因, 同蕃薯坐得比較遠既我突然唔開心, 一句說話都冇講, 好羨慕tracy及聯呢對情人, 如果自己都係咁就好....蕃薯見我呆坐, 佢用手係我面前郁下郁下, 我已經冇哂反應....
返到屋企, 蕃薯sms問我就咩悶悶不樂, 我只係答我搵唔到工而煩惱, 其實就係因為我同佢既唔知咩關係而唔開心, 我一直而黎到底做咩呢? 估唔到呢件事埋下左我即將離開佢既伏線....
今日一打開個blog, 發覺自己真係好耐冇打過....係時候都要打下先得!!
由書展開始, 或者係前夕, 成日係報紙, 雜誌及電視成日見埋d咩周秀娜, kama, 8模, lavina, rainbow....哇!! 你唔悶我都悶啦,....又係一班靠露胸, 露肉及是非上位既一班o靚模! 短短呢個零星期, 係fb內已經有人紛紛討論, 其實都唔係叫討論, 而係狂插, 話佢地串, 目中冇人, 敗壞社會風氣...總之呢班o靚模d野簡直係講都講唔哂, 佢地既思想, 觀念都有問題.
fb內既兩個最多人支持既反o靚模group:
反o靚模, 反嫩模 :
http://www.facebook.com/profile.php?id=547438509&ref=profile#/group.php?gid=98165247668&ref=mf
抗議書展垃圾化, 請[o靚]模滾出7月香港書展: (就係電視話成五萬幾人加入果個group):
http://www.facebook.com/profile.php?id=547438509&ref=profile#/group.php?gid=83755732705
如kama話派奶健康, 但其實著到咁sexy, 仲話自己派奶係健康, 其實都已經意識不良啦, 佢仲覺得自己係岩既!! 小姐啊, 請問你奶關你本寫真集咩事啊!!? 問題唔在於支奶度, 而係你個態度問題!! 抵方中信都話佢地不如賣一蚊雞!!仲有好多好多新聞, 相信毎日有留意時事既人應該唔使多講, 但我有幾個明星串o靚模, 小女子都覺得幾得意, 可以睇下既:
Ana R.: [唔覺得佢哋係模特兒，佢哋係細路女，佢哋嘅寫真集應該畀細路仔睇，唔應該畀成年男士睇。啲寫真集淨係騷身材，佢哋仲好細個，影呢的相，谷得太快。] <--哈哈, 咁咪即係AV女優, 或者話AV女優都比佢地身材更好, 樣更索吧?
謝天華: [書展派書籤都合理啲，派奶同雪糕，驚人餓呀？....] <---冇錯, 可能d o靚模太[好心], 驚d fans餓及口渴...xd
方中信: [眾o靚模「改行」，到美食節幫手sell「一蚊雞」，好過無厘頭在書展中食雪糕派奶.....又唔係sell緊烹飪書，點解要食嘢？喺美食節就唔同，幫手sell吓啲『一蚊雞』、『一蚊魚』啦。] <--方中信講得好精警, 句句入肉, 超正>3< 
哇~!!食雪榚好鬼核突啊!! 至於點解話意識不良, 聰明既大家一定諗到!!
哇哇~~kama 派奶啊! 不過我就唔口渴, 都係飲返水好d...xd
希望係之後可以唔使再見到佢地啦! 係因為...佢地已經係香港消失麻!!