睇蕃薯拍片囉~

fashion堂放左學後, 我係理大搭車去到tm蕃薯屋企, 足足搭左成個鐘, 悶到我暈. 終於到左佢屋企, 佢地原來係屋企附近拍片, 於是我走去搵佢地, 見到佢地拍片, 諗起我哋拍通宵果套鬼片, 也係最好玩及開心既時間^^

蕃薯拍teddy啦, 阿聯就拎住支燈~

呢套戲既主角係波特, 睇下佢地製作幾認真^^

當阿聯及蕃薯傾緊條片點拍時, teddy見我拎住部相機, 佢又玩埋一份=.="

我一直睇住佢地拍片, 有時佢地未開始拍時, 我就岸居居坐係椅子上仰望高樓大廈, 那時我覺得自己好細粒, 好得意~

有個架既野就係椅子上既架, 呢個角度望野好得意~

我最怕黎到tuen mun 既原因就係....我好惹蚊, 坐一坐就比佢地咬左幾啖, 好鬼痕!! 之後要跟住佢地周圍去拍片, 拍到十點幾終於拍完, 可以去食野啦, 呵呵~我哋最後去左一間茶餐廳度食晚飯, 唔係, 應該係食宵夜, 我叫左兩個送, 點知咩都冇, 於是叫左個雞中翼米, 發覺自己都食唔哂, 見到tracy食唔哂有阿聯包, 我食唔哂就由得佢擺係度, 蕃薯仲笑阿聯致肥的原因, 同蕃薯坐得比較遠既我突然唔開心, 一句說話都冇講, 好羨慕tracy及聯呢對情人, 如果自己都係咁就好....蕃薯見我呆坐, 佢用手係我面前郁下郁下, 我已經冇哂反應....

返到屋企, 蕃薯sms問我就咩悶悶不樂, 我只係答我搵唔到工而煩惱, 其實就係因為我同佢既唔知咩關係而唔開心, 我一直而黎到底做咩呢? 估唔到呢件事埋下左我即將離開佢既伏線....

o靚模...討厭的!!

今日一打開個blog, 發覺自己真係好耐冇打過....係時候都要打下先得!!

由書展開始, 或者係前夕, 成日係報紙, 雜誌及電視成日見埋d咩周秀娜, kama, 8模, lavina, rainbow....哇!! 你唔悶我都悶啦,....又係一班靠露胸, 露肉及是非上位既一班o靚模! 短短呢個零星期, 係fb內已經有人紛紛討論, 其實都唔係叫討論, 而係狂插, 話佢地串, 目中冇人, 敗壞社會風氣...總之呢班o靚模d野簡直係講都講唔哂, 佢地既思想, 觀念都有問題.

fb內既兩個最多人支持既反o靚模group:
反o靚模, 反嫩模 :
http://www.facebook.com/profile.php?id=547438509&ref=profile#/group.php?gid=98165247668&ref=mf

抗議書展垃圾化, 請[o靚]模滾出7月香港書展: (就係電視話成五萬幾人加入果個group):
http://www.facebook.com/profile.php?id=547438509&ref=profile#/group.php?gid=83755732705

如kama話派奶健康, 但其實著到咁sexy, 仲話自己派奶係健康, 其實都已經意識不良啦, 佢仲覺得自己係岩既!! 小姐啊, 請問你奶關你本寫真集咩事啊!!? 問題唔在於支奶度, 而係你個態度問題!! 抵方中信都話佢地不如賣一蚊雞!!仲有好多好多新聞, 相信毎日有留意時事既人應該唔使多講, 但我有幾個明星串o靚模, 小女子都覺得幾得意, 可以睇下既:

Ana R.: [唔覺得佢哋係模特兒，佢哋係細路女，佢哋嘅寫真集應該畀細路仔睇，唔應該畀成年男士睇。啲寫真集淨係騷身材，佢哋仲好細個，影呢的相，谷得太快。] <--哈哈, 咁咪即係AV女優, 或者話AV女優都比佢地身材更好, 樣更索吧?

謝天華: [書展派書籤都合理啲，派奶同雪糕，驚人餓呀？....] <---冇錯, 可能d o靚模太[好心], 驚d fans餓及口渴...xd

方中信: [眾o靚模「改行」，到美食節幫手sell「一蚊雞」，好過無厘頭在書展中食雪糕派奶.....又唔係sell緊烹飪書，點解要食嘢？喺美食節就唔同，幫手sell吓啲『一蚊雞』、『一蚊魚』啦。] <--方中信講得好精警, 句句入肉, 超正>3<

哇~!!食雪榚好鬼核突啊!! 至於點解話意識不良, 聰明既大家一定諗到!!

哇哇~~kama 派奶啊! 不過我就唔口渴, 都係飲返水好d...xd

希望係之後可以唔使再見到佢地啦! 係因為...佢地已經係香港消失麻!!

又可以再見了~

和上次渡假屋時再見, 已經隔左咁耐, 終於可以再見到你~我買左同你一樣既紫心蕃薯包你食, 見到你開心就好^^唔知你之後有冇食呢?

個紫心蕃薯包~食落去好似蕃薯, 但又有食包既感覺~

你like狗仔, 本來想買埋呢個比你食, 點知去到已經冇得買, 好可惜呢~

本來冇預到黎, 但你話得閒既話可以黎坐下, 其實都係因為可以幫佢寫佢哋英文篇講稿, 因無端端去佢屋企, 感覺怪怪地....一去到佢屋企, 果然係佢最like話我, 成日比佢激到死, 成日打佢. 我同佢比較少接觸, 因佢要寫個網頁, 而我就同波特及聯傾下講稿既內容. 仲要比心機作好佢.....因為大家請我食左飯, 唔比心機點得呢? 我太耐冇黎. d送比以前難食左好多=.="

雖然你好多野做, 但也送左我去搭車, 仲叫我到左屋企比個sms你, 而你自己要忙住個project, 比心機d!! 你呢個月咁忙, 我哋咪冇咩機會見囉? 好想成日見面啊><

開心之渡假, 多謝你(下)

果然係訓唔到呢, 竟然見到你係隔離....大家傾左陣計, 知道佢有d小秘密呢, 而且仲伸隻手出黎攬住我, 全晚我係度一係望住你訓, 一係就望住我電話上既時間, 不過唔知點解覺得好開心呢^^

結果係你就訓得好好, 我就成隻熊貓咁....=.="早上以肚痌既理由同老闆娘請左假, 其實我一d事都冇. 請完假之後再訓, 訓到成十二點幾先起身. 竟然冇洗頭水, 我走左落去借, 之後食返琴日果件芝士蛋糕, 個餅底雪到硬左, 幾難先至整得開....我哋等點幾既船離開. 我哋兩人都好唔捨得走, 我自己好想留係果度, 覺得係我哋二人之小屋...xd

最後係碼頭補影返間餐廳先~

我哋間餐廳既門口~一去到已經覺得好靚呢^^

我哋間渡假屋既全貌呢~真係好得死靚. 蕃薯竟然記得我想渡假, 佢自己又想, 於是帶我黎, 仲話可以二人世界呢~


渡假屋既遠景~已經見唔到呢><

如果我唔係返學既話, 佢話有時間都會同我周圍去下, 佢黎過呢個地方唔少次, 竟然話自己唔捨得. 最後無奈都要上船, 係船上佢話同朋友去渡假屋(好多人果隻), 佢都話自己訓唔到, 一係六點幾先訓, 但我琴日見到佢三點幾就訓左, 可能係太累呢....而我就一直都訓唔到, 自己真係冇用, 第一次同男仔一齊單獨渡假訓唔到, 我話見到你訓覺個樣, 佢竟然開開心心咁笑, 其實我有偷望過佢, 我訓覺時佢係望住我訓既, 好在睡姿唔係太核突~佢話之後有朋友去旅行, 係同三個女仔, 但佢話同佢哋一間房就唔好啦. 我只係估佢想同我去旅行, 其實唔係驚老闆娘唔like人哋放假既話, 我都仲有六日大假既, 我哋兩個都請假去渡假, 真係頑皮呢, 但大家又有開心及屬於我哋既回憶又唔錯既~

我同屋企人講左呢件事, 佢哋都話我有個男友, 都想見下佢一面. 睇黎我同蕃薯先生關係已經糾纏不清!?

仲有我返到屋企先發覺, 我哋竟然冇影到合照!!? 係房內影果幾張, 唔知算唔算數呢???

開心之渡假, 多謝你(上)

睇黎我真係好耐冇打過blog囉, 對上一篇已經係4月4日, 真係得人驚. 可能我近排忙住功課吧. 不過也有偷懶既時候既~

呢篇係我人生之中最難忘及開心既一篇, 我都諗緊打唔打, 因為呢個係我哋兩個人之間既秘密, 但又好想紀錄落黎, 所以到最後我都係決定打出黎....希望大家睇完之後唔好講出黎, 我只係想表達我既感受, 請大家尊重自己及他人....

好啦, 開始進入戲肉~呢個故事係由一個sms開始. 話說我要做好會計及law既功課, 今日我係屋企努力地博殺. 突然蕃薯有個sms黎, 話佢和朋友係南Y島影相, 話間餐廳好靚, 我也只係嗯的一聲就算, 之後佢問我做緊咩, 我咪話做功課, 之後佢竟然話呢度有得住既. 吓!? 關我咩事呢? 我仲忙緊呢.....點知佢竟然話想book間房同我一齊住同問我可唔可以請假!!? 我有冇聽錯? 佢竟然咁講, 咁我點做好呢? 起初我都想拒絕, 但一諗到佢第一次請我去渡假, 仲要成七百幾元位, 我都有d猶豫不決. 最後, 我問佢有冇book到時, 佢竟然好快就book左, 於是我就係下午四點幾, 即刻係深井坐車到香港仔同佢會合.

係途中我好開心, 一直期待見佢, 自己越諗越開心果隻, 佢係sms及打電話問我到左未, 係佢既指引下終於到左香港仔, 時間岩岩好, 已經見到佢係碼頭附近接我呢, hehe~之後同佢一齊坐渡海小輪去模古灣, 坐左好耐, 終於見到模古灣, 點知我又衰, 竟然拿左部dc出黎比佢睇相, 我哋過左個站=.="於是只好去到總站索古灣, 之後再回程返去....

順便影左索古灣景色...xd



我同蕃薯坐果隻船, 終於到左碼頭..

之後我哋兩人去左渡假屋內休息下, 果度都幾寧靜下, 感覺好舒服呢~而且間房已經係VIP既房黎呢

間渡假屋既客廳!? 門出面係個小露台黎呢~

我哋既睡房及浴室!? 綠色門後面就係浴室~

我哋擺底野, 休息一陣後. 天已經好快變黑, 七點之後就係食dinner既時間~去到大廳, 出面已經黑哂, 我哋坐係面對住海既露台地方食飯, 只有燭光, 好鬼浪漫啊. 原來燭光晚餐, 真係好浪漫呢, 唔怪之得毎對情侶都鍾意啦..xd

未食野都已經覺得好浪漫呢~加埋對面香港仔既夜景, 真係好靚啊><

果度真係好暗呢, 已經較哂白平衡, 都係暗暗地....我同蕃薯都覺得個湯好好味呢~

海撒沙律~正呀!!! 其實呢碟沙律都幾大碟下, 仲有d脆卜卜既野, 好好味, 好味到我全個沙律食哂, 蕃薯竟然食唔哂~

你叫既西冷牛排, 我見到你果個都幾好味, 好在你比左幾件仔我. 你果個好食過我果個好多, 總之食你果個啦~

我叫果個龍利柳就冇你咁好食啦, 但你覺得d魚ok既. 不過下面薯容就好漏, 結果我食唔哂呢....

我哋既飯後dessert 檸檬芝士蛋糕~可惜之前d菜實在太大碟啦, 我哋兩個已經好飽, 於是蕃薯拿左去房間個雪櫃度, 我呆呆的係餐廳等佢, 快d落黎啦~

本來想同佢係前面既沙灘漫步, 但有d凍凍地, 二人係房間睇電視算. 我哋兩人坐埋一齊睇電視, 我哋竟然唔睇明珠台, 走去睇無聊既美女廚房....最後睇完美女廚房之後先至記得睇明珠台, 我兩人果然夠哂騎呢....而且仲做左好多兩個人平時都唔會做既事, 大家都覺得好開心, 至於係咩, 大家自己估下啦...xd

美食嘉年華

平時去美食博覽, 都要去到會展先有得食, 去到鬼死咁遠, 仲要同人迫, 邊度咁有心機去食野先得架. 好在今年係葵芳舉辦左個美食嘉年華, 為食既我又點會錯過呢? 於是我同我姑姐兩個一齊去果度玩下, 襯下熱鬧先得...xd

我同姑姐已經早上去到會場, 點知已經勁多人排隊=.="當然啦, 琴日電視賣到一元一條魚, 仲唔去掃貨咩~排左大約半個鐘, 終於可以入去啦, 太感動~先係門口影返張相先~

美食嘉年華個門口呢~已經好多人啦@@

係門口影返張相先~著住藍色裙, 拿住個藍果個傻婆就係我. 可能我夠傻啦, 令到個女人都望下我=.="

壽桃牌個攤位, 我覺得呢個攤位真係最多靚仔sales, haha~

我對同珍都冇咩好感, 但今次見到佢個攤位又幾得意, 有好多支醬油~

連保健食品都有得賣!? 好多攤位都賣藍莓保養眼睛食品....

連剪刀, 家庭用品都有得賣, 冇哂野講...

呢位阿叔勁啦, 佢自己聲稱發明左一把刀, 話咩都斬到, 而且話呢把刀唔係鐵做, 唔會生瘦!!

仲有好多[的式]既廚房小家電, 其中一個係夾餅機~

好細部炮谷機啊~好鬼得意, 可惜自己唔識整呢, 唔係買部返屋企玩下~

在咁多個撞位中, 最騎呢就係呢個男仔既裝扮, 好鬼核突=.="

入到去有好多食物攤位, 如果鍾意食野既人黎到都應該幾開心, 真係有好多野試食, 而且d野食仲賣到好鬼平. 我哋買壽桃牌果隻燕麥麵都買左好多包, 六十元不但有三大包五包裝既麵, 而且仲有其他麵送, 我都棒住大一袋野先走~之後行過一個叫茶藝文化區, 見到呢個茶壺咁得意, 於是去附近睇下~

所謂既茶藝文化區, 但介紹茶既只係好少, 都係吸引細佬仔去影相多....

成個細佬仔白白痴痴走去個茶壺度影相...xd

所謂既茶藝文化區, 只係得一個版!?

唔好睇少呢塊牌, 佢同另外一塊牌都係講香港人喜愛既十大小食~

係茶藝文化區附近, 見到有好多人圍住睇野, 原來係有個男司儀同個男仔玩遊戲~

最後黎到熟食區, 第一個見到既攤位係呢個~~~日本汁煮鮑魚

見到佢擺係爐邊煮, 以為會好好味, 點知我同姑姐一食, 竟然係凍既!!!??唔係掛?

終於搵到傳說中話既一元一條魚啦~~!!可惜既係...竟然賣哂!? 惟有影左個牌留念算><

係一元秋刀魚隔離, 有芝士焗帶子賣, 只係十元兩隻. 但聰明既大家估到點會咁鬼平, 果D當然唔係全隻帶子, 只係帶子碎, 但又真係幾好味既~

食完野, 又買左好多野, 係時候返屋企囉~好開心及滿足^^

自己係咪要求太高?

今日係law堂, miss比返之前抽八位同學交既份功課, 我好緊張呢, 到底我有幾多分呢? 呢份功課滿分係十分, 我都希望自己拿到六至七分, 但最後只係得五點三分!? 我當時真係好唔開心, 同我目標分數差好遠呢....後來睇左我另一位朋友及其他人既分數, 毎人都同我差唔多, 似乎五點三分已經係最高分...但我都仍然唔開心, 我唔希望只係剛剛合格....

後來我先知道, 有人已經讀左呢科兩次, 但同我份功課係完全一樣分, 而且自己也係班中年紀差唔多最細(唔知點解同我一班讀書既人都起碼三十幾歲, 所以永遠都比人當係妹妹仔=.="). 佢哋拿既分數同自己一樣, 而我姑姐講話起初咩都唔識, 有呢個分數已經好好, 自己仲去強求什麼? 其實係班中已經好叻啦....好多好多安慰既說話, 但我始終都唔太開心, 因我驚有其中一樣野影響我拿唔到丁, 我都知自己太固執, 但又想拿丁, 自己真係矛盾呢=.="

功課首頁既評分表: 一共有五欄係分數, 分別係excellent, good, average, marginal及inadequete. 我英文grammer, 格式及結構係good; 內容只係average及marginal, 可能係內容令我太低分....law真係好難讀呢...

其中一頁功課~影得唔太清楚呢, 比miss改得太多, 佢好捉grammer錯><" miss比左好多comment我份功課度, 其他人都冇咁多評語~其實做功課最想要就係多d評語, 所以我都幾開心既^^

後兩頁佢改左好少好grammer, 而且仲有多評語呢~有d唔相信份功課係自己做....

雖然呢次唔係太高分, 但仲有第二次既tutorial, 同埋有個2000-2500字既written assignment及final exam, 睇黎我仲要努力囉^^