上年的確係美好既, 有佢同我一齊過情人節, 雖然唔係去高級酒店食觸光晚餐, 唔係收到紅玟瑰, 但只要同自己鍾意既人一齊過已經好開心呢....只係個簡單既願望, 點解今年唔可以再延續呢?
今早同你msn, 因我唔見左個電話, 佢特登問我有佢既電話號碼, 同埋講話之後會同我sms, 佢比左號碼我之後就出左去影相. 我本來滿心歡喜, 以為你今晚又會約我, 我真係好期待, 成日望住個電話, 希望收到佢既sms~
下午去左hku space 既金鐘海富中心拿了讀curtin的入學信, 同埋學費單, 毎科都要成一千二百元澳幣, 真係天文數字呢@@回程時見到兩個滿瞼暗倉印既[靚女], 隻腳都幾粗下, 仲要穿住短牛仔裙, 狂攬住自己男友. 心想覺得點解比我醜既人都有男友, 自己仍然都係自己一個? 望住電話, 仲未收到你的sms, 那時已經係四點, 開始有d失落.....
之後搵姑姐行街, 途中媽媽打電話黎, 叫我先去西九龍中心既pizza hut, 婆婆生日食pizza, 但我不是太開心, 我一直在意佢既電話, 在意佢既sms....去到pizza hut, 大家都叫左鍾意既食物, 雖然好多野食, 平時鍾意食野既我竟然不太有興趣. 原來佢係我心目中的位置係咁重要...
第一次見到pizza hut既咖哩牛腩飯!? 因分量太少我冇食到, 同埋係pizza hut食呢d好似好奇怪=.="
呢個pizza好似係唔知咩雞肉pizza, 我都冇食到...
仲有其他食物, 如超級至尊芝心pizza, 意式肉丸, 雞翼....全部都係我至愛的食物, 但我呢刻竟然覺得麻麻地好味, 只係食左就算, 仲有d騎呢天使麵, 有個係黑松露, 真係超難食, 天使麵竟然可以咁硬...好在姪仔在場, 見住佢得意既樣都開心既^^仲同佢影左幾張相~
佢食緊野時岩岩令個頭過黎, 一於影返張相先~
終於食左spicy food~其實我爸見姪仔咁為食, 得登比件spicy既比佢食, 食到即係拿埋塊面><
呢位就係我婆婆啦~好耐都冇見佢, 我比左五百元比佢做生日禮物啦^^
返到屋企, 終於見到你msn上網, 我竟然向佢發脾氣, 話佢講過sms比我, 但最後都冇. 後來我知道自己唔岩, 於是同佢say sorry, 原來佢整日都係朋友影樓度影相, 成一點到先返到屋企, 頭先係因為係朋友影樓和客人傾計先會上網, 同埋真係唔得閒先冇搵我...
究竟果個佢係邊個黎呢? 大家估下啦^^
welcome to my world...
My model life since Nov 09~
My sweet life w/ bf joejoe since Dec 09^^
先拋開煩惱, 盡情去同各位好友食返餐正吧! 放工之後一於和大家食返餐好既~同行既有liz, 嘉華, 寶妮及又係同我一樣叫做詠詩既朋友仔, 一行五人決定去稻香打邊爐^^本來想搵埋酸梅, 但佢出水豆仲未好返, 希望你快d好返再同我哋一齊去食飯吧! 至於菜菜呢~估都係同老公仔開開心心預祝情人節吧^^
多得寶妮一早搵位, 我哋先可以咁快可以入席食野, 真係好餓呢~而嘉華也約左我係地鐵站等, 好在有佢帶住居居既我先可以去搵寶妮, 麻煩哂>< 去到即刻叫定少少食物先, 之後另一個詠詩及liz終於都黎到, 真係好耐冇見呢~一去到我哋做第一樣野, 就係學識混醬先~就係一陣打邊爐時所用的醬汁, 哈哈~
我哋打邊爐前零亂既枱及餐具=.="
各款醬汁, 配料等等~一於好好地混自己心目中既醬啦^^睇黎我哋毎人都好食得spicy, 毎個人都混哂d勁spicy既醬出黎><
個煲終於黎左啦, 但野食仲未黎=.="都係同liz影返張相先~見佢影得咁靚, 總之我都影啦><
食物終於黎左啦~我哋叫既牛肉, 不過味道就....
有南瓜, 脆肉瓜, 烏冬及麵, 以及最好食既豆卜, 不過我真係失敗, 有d送竟然冇影到相, 鬼叫自己為食咩, 只係掛住食....
最後終於食飽飽, 但大家似乎仲想之後食dessert, 於是我哋搵人幫我哋影好張合照. 而且仲傾左陣計, 傾計期間竟然有幾名男子企係我哋後面!? 原來佢哋又係等位, 不過企係後面又唔敢開口同我哋講話等緊位, 而且我哋幾個女仔好耐先知, 我哋都覺得唔好意思, 只好快快埋單吧~
快快影左既五人合照呢~希望第時仲有大把機會影^^
之後去左許留山食dessert, 我都係叫返我至愛既多芒小丸子, 可以食到芒果雪芭, 芒果肉, 同埋彈牙既小丸子, 點知咬落去d小丸子時, 好硬好難食><反而liz果個好似好味d, 而且個樣又靚~
只係睇生果夠正啦~~我真係論盡, 整左粒士多啤梨係枱面=.="
食完dessert及晚飯後終於返屋企, 自己突然有d唔開心, 因聽日就係情人節, 一個冇蕃薯同我過既情人節.....
自從琴日收到curtin收我之後, 其實都唔知應唔應該開心. 開心既係終於搵到入大學既路, 相信只要努力讀書, 可以順利畢業再加上經驗的話, 自己可以做到一直夢想既女強人之路, 當然最好就有埋美貌及品味啦, 哈哈~話唔埋會搵到個有錢靚仔既老公~~最重要既係有自己事業, 有愛情就最好, 即使冇愛情都唔太緊要既, 自己可以自由去旅行, 周圍去下不知幾好, 希望會有呢日啦^^
有d唔開心既係有人話女仔做得專業會計師(CPA)既話, 多數都係老姑婆, 其實自己都唔想咁架, 與其比人話老姑婆, 不如周圍去旅行仲好, 費時比人話得多, 自己又冇隱=.="
讀finance既話, 個前途及人工方面會高好多, 但一諗起投資組合就....真係都唔太想讀; 如果自己情願平淡生活, 又唔想太辛苦既話, 其實讀techno已經得啦, 同樣都係double major, 起碼比finance易讀先~但係以我既材料, 我讀finance一定會死硬><
記得我讀hi dip時讀十三科, 只有一科肥左, 就係果科fm, 也即係finance既科目, 所以到而家我都好驚呢科, 而且毎科curtin定左只可衰兩次, 衰第三次會冇得讀呢, 所以仍然都係好驚. 但又唔想太平淡, 驚自己第時老左未結婚, 冇人依靠, 又冇錢既話會慘上加慘, 可能係呢個唔安定既心令我想搵更多錢, 令到自己有保障吧!?自己始終係個缺乏安全感既人黎呢......下星期就要決定好, 都仲未知道讀邊個major, 真係頭痛呢~
終於返左工返屋企, 收到一個令我都唔知開唔開心既email, 就係~hku space及澳州大學curtain終於收左我^^不過要我去到.....又係海富中心!? 三樓拿入學信, 報名表及學費通知單! 好一張學費通知單, 哼! d學費真係貴到死, 成1250澳元!!?? 好在姑姐同我係差唔多低位時入貨, 我會選擇毎個sem讀兩科, 折算港元都要成萬幾元, 已經算係平啦, 我有d朋友及我姑姐都要成七千幾元科, 而我只係六千元一科, 對窮苦學生既我已經係天大既喜訊! 但係....我要係邊日拿我既入學信呢? 又要搵時間特登去金鐘一次, 真係好鬼死麻煩啊!
仲有一個煩惱, 就係我唔知選修邊科. 其實我哋呢個會計degree, 毎個人都可以選擇single 或 double major既, 不過只有double major, 第時先可以讀埋佢個master, 睇落好似好遠, 但讀書時間好快過, 只要自己努力去讀, 話咁快就三年. 點解諗到咁長遠呢? 可能係自己一直搵唔到一個可以比我依靠既男友, 甚至係老公, 一直都冇另一半既我, 其實已經習慣呢~自己自由自在, 不知幾寫意, 雖然有時想有個男友鍚下自己, 但冇既話已唔會強求囉, 都係順其自然, 有男友但對自己唔好既又冇用, 或者係好似蕃薯呢類男仔拖泥帶水既又唔開心, 與其係唔開心, 點解唔享受單身既生活呢? 為一個唔愛自己既人心痛及傷心呢? 點解唔做好自己 -去充實自己知識, 改善自己性格, 提升自己既品味? 冇男友唔緊要, 最重要唔可以放棄自己!!
其實我一開始選擇呢條路, 除左我唔係讀電腦既材料及搵到自己擅長既科目外, 仲有係要忘記蕃薯, 唔想再過住拖泥帶水及成日以淚洗面既生活, 咁樣做人都冇意思. 我多次同佢提及要離開佢, 或者唔再理會佢, 唔同佢msn及sms, 但佢毎次都總會搵我, 點解自己咁冇用? 人哋搵你就要應人嗎? 講到尾都係唔捨得, 對佢仲有留戀, 但又有咩用? 佢既心唔係自己身上, 倒不如讓我走吧....
講講下學校收我, 又講呢d做咩? 都係好好計畫下讀咩科仲好, 毎科唔係毎個sem都會開, 所以要好好計畫, 唔係第時有d時間冇野讀就哂時間啦><
早上要幫公司拿船單, 本來船公司係荃灣, 好搬唔搬, 搬到土去金鐘咁遠, 雖然有得claim車錢, 但又唔想去咁遠麻!! 可能我同金鍾有緣, 我竟然去返以前返會計hi dip既hku space既分校 -海富中心. 自從我讀完個會計hi dip之後, 都有成一年冇去過, 睇黎果度都係冇咩點變, 有成日買晚餐邊上堂邊食既麥當當, 仲有係商場中心既canteen, 不過d野係唔好食既; 同埋以前和同學仔一齊上堂既二樓課室, 好多好多上堂時既回憶一一湧現, 覺得好似隔左唔係好耐><
估唔到今日又再次遊歷, 如果唔係返工, 我想係果度留耐d, 再好好影相及回味下.....可能係新年未過, 仲有部分新年擺設, 自己又貪得意影左幾張=.="
管理處附近既桃花~果張枱都係管理處嗎=.="
出面既桃花擺設~本來我想等個管理員走左先影, 點知佢企左係果度勁耐, 我又冇時間等佢行開, 惟有影埋佢, 好激氣呢><
弊啦, 唔記得左我要拿船單, 快d去拿先~我一去到公司門口, 按左幾次門鐘都冇人應既? 於是我打電話比果個公司, 佢哋話我知轉左地址, 我鬼唔知咩!? 當我傻架!! 於是先有人開門比我, 要來係佢哋個門鐘冇電...簡直離譜啊!! 好在佢哋服務都ok, 咁就算啦!
拿完船單後, 我又要去筲箕灣永亨押匯部比入銀行取錢文件, 搭左勁耐地鐵, 悶到暈.....最近終於去到果度, 我影左張相比大家睇下押匯部既look~
呢個係東匯廣場~上去一樓就係押匯部, 其實黎呢度都幾遠, 要係地鐵站行五至十分鐘先得><
入完公司取錢既文件, 終於任務完成, 可以返公司呢~不過原來只係十點幾, 返到公司都係十一點幾, 又好似早左d喎, 真係唔願意返公司><
哈哈~終於可以返學啦, 唔係個會計堂, 而係偷偷地去ive上堂, 而且仲同埋tracy黎, 太好了^^今日係fred sir堂, 好耐冇見過佢啦~我約埋tracy, 同埋兩個好似係隔離班既同學一齊入課室, 阿sir一見到我即刻話我唔係退左學咩.....吓!? 佢竟然知道及記得我退左學!!? 有點覺得神奇呢, 我明明係好靜既學仔黎架!?但都好彩比我入去課室坐下~唔通佢趕我走咩, 呵呵~
教既係寫網頁, 蕃薯成日都話同tracy一組就好呢, 份功課一定會做得好好, 咁我呢年幫佢到底算係咩?如果tracy都冇退學就好呢, 其實我係做退學既決定時, 已經諗佢哋係咪會係一組, 以為可以見到佢哋既優良作品. 真係冇諗到tracy唔讀. 不過我尊重佢既決定, 我哋兩個都唔捨得d同學既~鬼叫佢哋夠真及好人呢^^
正好今日係五十二年黎難得一見既明月呢, 而且仲可以見到月蝕既日子, 雖然人哋話係元宵見到月蝕係唔好, 但我一於少理, 只要個月光靚就得啦^^當我想影相時, 先至發覺我部相機影唔到月蝕, 好可惜呢~我只係影到呢d咁既野=.="
其實大果個係月光黎架!! 細粒果個係我相機對焦點掛!? 好似係外太空影緊星球呢~
我自己無聊教左白平衡影左同一個風景及月光~覺得好似早上及黃昏, 好得意^^
好似早上既景色~自己覺得~
黃昏時既景色~呵呵~不過自己就比較like上面果幅相多d^^
真係好想問佢哋拿返正常既月蝕相~邊個可以比我啊? 惟有睇住呢幾張騎呢相先....=.="
今日係屋企都係冇野做, anson突然打電話比我, 話比佢知撞親個頭, 而家係醫院覆診. 果個anson咪成日打電話比我, 約我出街既男仔, 本來想搵佢令我忘記蕃薯, 可惜我都未見過佢, 未完全清楚佢係個咩人, 佢已經成日話愛我及鍾意我, 也係令我最反感, 我覺得要好好了解及認識一個人, 而且大家互相有feel, 先可以開始既, 可能我唔鍾意拍散拖, 因我覺得散拖會仲痛苦呢....
但係見佢撞親個頭, 於是同佢傾左幾句, 佢話因為想打電話比我而撞親個頭, 聽到都覺得有d肉麻呢, 真係唔知點解.....佢又要去照x光, 係病院觀察, 又係病房外等左好耐, 覺得佢得自己一個人都幾可憐呢, 自己想去探下佢, 但佢竟然係大埔醫院!!!? 咁就唔去探囉, 咁鬼遠. 佢唔係我男友, 都唔使花太多精神及金錢去睇佢吧, 於是我唔去, 佢又講笑話我冇心. 我哋只係識左冇耐, 連面都未見過, 點講有冇心呢? 其實佢份人唔壞(自己覺得), 但我唔想搵佢做蕃薯替身, 驚我第時真正鍾意蕃薯時, 會傷害到佢. 不過都只係可能, 其實我兩個都唔會鍾意吧? 自己好想一個人自由自在, 唔想因感情而唔開心囉....
直到四點幾, 我同佢sms左二個鐘, 佢終於都可以返屋企, 我又很眼訓, 自己就訓左.....訓醒後, 見到蕃薯上網, 佢又再比兩個鬼妹model既相我睇.....
我覺得呢張都幾靚, 借左黎post係呢度, 唔好意思...><
都幾like呢張, 呢個先係真正既女仔pose麻~唔好意思, 講到自己唔係女仔=.="
呢次我見到好多女仔相, 我起初以為自己冇再唔開心及呷操, 難道我已經唔再鍾意佢嗎? 但另一方面, 自己都幾恨比佢影, 可惜佢又唔影我, 可能自己真係男仔頭及唔識化妝吧? 雖然自己一直講話唔緊要, 但其實自己係介意, 除非真正離開佢吧.....