最後的悠閒

終於到左星期五, 講真我哋係呢個星期都唔知做左咩野....但係都過得幾開心, 大家又冇嗌交已經好好呢. 可惜今日已經係最後一日, 下個星期又有得自由囉

candy覺得自己頭髮焗左油都ok, 於我幫得到佢同意之下幫佢影左張相. 影得唔係太好, 希望大人有大量, 唔好介意~(其實佢唔知我拿左佢張相黎打blog, 呵呵~)

你睇佢真係幾滿意, 見佢個笑容就知啦!

至於阿珍, 佢琴晚同老公講唔滿意佢染果假橙色, 佢老公都幫佢染到半夜三點. 佢老公對佢又好, 即使琴晚吵架都幫佢染, 又冇嬲, 咁好既人係邊度搵, 點解阿珍都仲對佢差, 發佢脾氣. 如果我都有個咁好既老公都不知幾開心, 我會珍惜佢囉~

之後珍話想食豆鼓鯪魚, 本來珍身體差, 唔買比佢食,不過mooji又好似想食,但兩人都唔可以落去買,惟有我應承佢哋落去買. 果間百佳唔係太遠既, 公司過多幾條馬路就到~係一個大型屋院內, 我只係掛住影個屋院, 冇影到百佳!! 真係失敗><


呢個屋院有個商場, 都幾靚既, 而且仲好新, 有好店舖, 睇黎搵日得閒都要行下囉~

之後mooji及珍去左睇羽擁, 只要同款再買多一件, 加十元就可以, 佢哋三個都有去過, 只有我冇去. 睇佢哋毎人都有收獲wor~可惜既係之後已經有訂單, 大家都要工作...係工作之中渡過....

一齊去焗油~

其實我哋係上星期已經講好, 今日會去阿珍個老公, 也即係老闆娘個哥哥既髮型屋度焗油. 同埋candy聽mooji講話大家樂個火窩好好味, 整到candy都好想試, 於是我哋決定好係焗完油之後就去打邊爐, 好想快d放工~

終於放工囉~我哋四人即刻搭的士出發!! 阿珍又想染啡髮, 於是比左佢去染左先, 當然係佢老公親自同佢染啦^^我哋做焗油既就慢慢黎啦, 反正我哋好快都會做完!mooji起初都話唔整, 但後來竟然見到佢洗頭既? 可能係佢見等得太耐, 自己都想做下吧!

由於阿珍多次唔滿意染既顏色, 佢老公已經幫佢去左佢之前染既紅色先, 之後染左二次都仲未滿意. 佢一直照鏡, 睇下自己既顏色好唔好睇. 其實我覺得佢染果隻燈色好靚, 也係自己最初想染果隻, 但原來係咁淺色, 好在自己冇染, 連我都接受唔到....由於佢老公幫佢染髮, 冇人幫我哋吹頭, 於是珍老公叫邊個得閒就去吹下頭. candy先幫我吹, 但佢只係郁下個風筒, 我就自己隻手抓鬆d個頭. 後來mooji都睇唔過眼幫我吹頭, 真係多謝哂兩位^^但mooji話想要一陣打邊爐candy話要果隻蝦, 都係你地自己爭好, 我咩都唔知, 呵呵~

珍老公終於幫candy拉直d頸髮啦~其實之前係先幫我拉既^^

阿珍睇下個髮色滿唔滿意先.....

阿珍其實好唔鍾意自己隻色, 於是同佢老公吵起上黎, 話佢唔係要呢隻色, 其實係佢自己見到之前幾次效果唔滿意而講錯, 加上佢自己唔係太識髮型既野, 於是話佢老公. 本來佢老公都冇話佢, 但原來佢呢日約左全間公司既人食飯, 毎個男髮型師都帶住老婆去, 全部係髮型屋已經等緊. 有個同事個老婆又唔爭氣, 胡亂講左一句, 令珍更加嬲. 男人都要面子, 我哋已經見到珍老公已經盡量忍佢, 最多只係話左佢一句[唔識授髮型)就唔好亂講], 結果佢地兩個不歡而散. 大家各自去食飯....

珍同左我哋一齊去大家樂, 我哋三個都有d唔好意思呢, 唔應該帶走珍, 比佢同老公食飯. 最多佢哋有咩問題都返屋企先再傾....我哋去到大家樂時, candy及珍先叫左打邊爐, 我同mooji叫時竟然話冇!? mooji佢即刻同個店長講話同另外二人同一張枱, 冇理由人有我哋冇, 店長先比多兩個我哋. mooji果然係勁!!我哋四個都叫哂打邊爐, 太多啦, 等下先~

candy及珍各一個牌, 我同mooji一個, 我果然係無聊呢=.-"

我既東星班加肥牛窩(一人份)~始終都係覺得肥牛太少><

全部四個窩都黎哂, 全張枱都係~幾壯觀!

我哋太夜去食, 大家樂都差唔多關門, 應該話直頭落埋閘, 本來我想食哂所有送都冇時間啦!! 惟有下次先啦(哭)

改觀, 背後的故事

聽毎位同事說話我哋公司個老闆娘真係麻麻地, 雖然佢表面對人係幾好, 但其實佢係個斤斤計較, 只係做表面功夫既人, 口頭講好左件事, 之後可以唔算數; 而且又鍾意借用其他同事把口去講其他同事. 其實都只係同事突然講開先講, 有d情況我暫時未見過, 雖然唔知佢哋講既事可唔可信, 但都聽下做個參考. 其實我係公司度都唔係太信人, 都唔知佢哋邊句真, 邊句假....只要對自己冇害既就冇所謂, 聽下咪算. 係我心目中可信既人只有自己既好朋友及屋企人. 其他人既就視乎交情有幾深, 我好鍾意觀察人既行為, 言語及動作, 覺得可以信先會信

candy及mooji叫我哋而家fd就好, 係老闆娘面前就唔好, 其實佢哋係咪fd, 我真係唔知, 佢哋都係集中講老闆娘的不是, 冇計啦, 鬼叫職場上係大家互相鬥爭, 要大家團結只有一個方法, 就係搵一個共同既敵人, 得閒時咪講下是非. 我對呢家野真係冇咩興趣, 自己聽下就算及唔會去參與, 即使老闆娘點唔好, 都係冇辦法, 最多只有唔做, 但而家個市咁差, 咁難搵工, 加上我想填resume時個工作經驗好睇d, 上次果份都做左三年, 今次冇理由做得咁少掛!? 所以無論如何, 我都要忍, 等一個離開既機會. 係呢間公司內, 除左有時唔小心做錯野外, 其餘都ok. 最多係呢度學埋人際關係及溝通技巧先至走都未遲既....(如果我仲忍到既話)

我今日作病, 帶住左個口罩, 因我唔鍾意有病周圍傳比人. 跟住同事講開沙士, 我也對佢哋提起果年係考A-level, 也係我人生之中最痛苦既其中一段時間, 要帶住個口罩去考試. 加上果陣己知麻麻有糖尿, 要毎日洗腎, 原本開心, 毎日鍾意走去涼亭同人傾計既佢, 突然全個人都變哂, 因病情而終日困在家中, 從此不再走到涼亭和人傾計, 我毎日照顧佢, 幫佢買送等姑姐煮飯, 毎個星期有二天清潔屋企, 自己有好多書都唔夠時間溫, 而且又唔可以打機(果陣係我至愛). 見到麻麻咁樣, 自己讀書又辛苦, 真係好想哭, 想搵人傾但又驚阻住其他人溫書, 毎日都好唔開心, 但幾唔開心都好, 自己要生活落去, 惟有盡力去考好個試. 好在皇天不負有心人, 我全部都及格, 仲有d科目可能拿到grade D, 對於溫唔哂書既我已經對得住自己及屋企. 當然我冇和同事講我過去既事, 只話比佢哋知全部科目合格, 佢哋覺得我讀書及工作上都幾叻, 除左我最弱既一項人際關係, 如果我連呢樣都學識, 咁就真係perfect, 但願如此啦, 多謝你哋鼓勵^^

我都覺得佢哋毎個人都係用心教我, 想教好我先會話我, 其實我真係好多謝佢哋, 因為佢哋令我知道自己既缺點. 雖然佢哋愛講是非, 但佢哋都有好人既一面~睇黎我都要再細心觀察, 希望大家可以真正做到朋友, 期待呢一日~

放過我吧><"

我哋呢班人真係冇有識死, 老闆娘唔係度就即刻作反起黎. 其實老闆娘出job時, 除左我哋本身指定要做既工作外, 做完既話大家多數都會好得閒, 於是成班同事都會一齊傾下計. 今日佢哋講開兩公婆行房既野, 撞鬼咩!? 仲有我未結婚架, 成日聽埋呢d野真係冇哂隱, 全間公司唔算太大, 又冇得走去同一個地方避開唔聽, 局住要聽都幾辛苦, 最後我只好上網玩下fb, 心諗如果有得聽歌不知幾好, 但唔知呢d係咪叫做邢, 我工作既電腦成日都冇喇叭, 成日都冇聲, 好可憐>w<

佢哋講左好耐, 似乎越來越起勁, 我無意中聽到佢哋話原來生完bb之後係唔想行房, 連佢哋都唔知點解....又話一個星期正常既情侶或夫婦都有二至三次行房!? 哇~我唔想聽囉, 有咩辦法可以唔聽啊? 去toliet? 唔可以去咁耐架, 肚痌咩? 無理由去咁耐掛.... 走到會議室?佢哋太大聲啦, 實聽到啦, 佢哋三個講野咁大聲! 我自己又冇咩膽, 唔通叫佢哋[唔好講, 收聱啦!], 第時就真係唔係佢哋收聲, 而係我比佢哋話到聲都唔聲, 而係我收聲. 咁就惟有用最後一招, 就係.....好好訓返一覺先~呢個真係好主意(如果訓得著的話...), 好在我果陣又真係太眼訓, 真係訓左覺~結果我一起身呢, 佢哋又講過第二個話題, 好野! 訓覺呢招果然係萬試萬靈, 果然要keep住用^^

終於放工啦!! 冇咩做野都係好累, 真係唔知做咩鬼....

再一次去老闆娘屋企

琴晚因為呢件事而訓唔著, 估唔到我所有鍾意佢既特徵已經表現哂出黎, 但佢都係無動於沖, 自己成個謝樣返公司....

一返到公司, 老闆娘搵我, 佢而家係機場, 問我做咩冇幫另外兩名廠長book機票, 嚇到我連早餐都冇食, 即刻check返自己訂機票時的電子機票及內容, 又冇出錯, 於是打電話去旅遊公司問下詳情, 旅遊公司又話老闆娘及二名廠長已經check-in左!? 玩野咩? 好在唔係自己出錯.....之後打返電話比老闆娘, 最後冇事發生, 不過仲未完, 因佢又比左份[優差]比我, 就係拿份佢哋剛買物業既律師信正本上去佢屋企比佢老公, 同埋拿個水壺返去公司, 再由公司寄去日本=.="但又叫我唔好太早去, 真係比佢激死!! 鬼叫自己係打工仔咩, 無辦法!!

我照老闆娘原定既時間上去佢屋企, 不過都係件好事黎既, 聽少同事之間既是非, 又可以補影返d相, 之前都冇影, 而家影返d先~

經過的停車場~其實都幾靚, 但我見到管理員行過時, 只可以是但影左一張=.="

平台上的歐陸庭園, 真係好靚~我好鍾意水世界呢種感覺!

終於影到個library啦~真係靚到冇野講, 有機會比我第時讀會計時係度溫書就好~

最後都可以完成任務返到公司~係公司都唔係太多野做, 又過住等放工的日子, 同埋冇比人鬧的一天, 特別開心^^

吃醋既人

今日睇到個fb, 見到呢段野都幾有意思, 等我post黎比大家睇下先~個情況都幾似我, 不過我係吃醋人果個, 其實吃醋都幾辛苦的....

珍惜身邊愛吃醋的人分享

理論上，男女朋友間應該是該有屬於自己的空間，
但那是理論上，實際上，請不要吧！理論與實際是不相同的。

好好的珍惜那位在妳身邊，
總是為了小事吃醋生氣的那人吧；

因為，能夠被一個人這樣深深的愛著，是幸福的。
相愛的男女朋友，對方的一舉一動，總是會胡思亂想的，很正常；
所以，有了男女朋友後，請不要再對異性太好，
真的，尤其是前男(女)朋友；

為什麼呢？請讓我說給大家聽：

1.情人眼裡是容不下任何的小沙子的：
真正愛你的另一伴，是無法在你和其他異性聊天，
單獨出去時，沒有任何的感覺的；
若你的另一伴不會吃醋，不要高興，
因為他、她可能不是真的愛你，不是很在意你；
亦或是你們二人的感情已經成為一種習慣，對方沒有你、妳好像不行，
但有你、妳卻也沒什麼感覺了；
這時，真的還是愛情嗎？
當然也真的會有那種人，那真的要恭喜你、妳！

2.你、妳為什麼要有紅粉知己？
真的只是單純的好朋友嗎？？
別欺騙自己了。那麼多異性，為何你、妳就只找他、她？
因為，你們一定是彼此喜歡，就算沒有，
也有一點點喜歡，或是一點點點點…對吧！
那更何況是你、妳之前的男女朋友呢？你們曾經相愛過耶!!
或許，你、妳對紅粉知己真的沒有愛情，
但，你、妳站在你、妳的另一伴去想，
怎麼可以容許你、妳和你、妳有一點點喜歡的人出去呢？
畢竟，你、妳會和你、妳現在的男女朋友在一起，
當初，也是從聊的來的朋友當起的吧！

3.為什麼要有男女朋友？
因為對方會為你、妳做很多事情，
很多很多朋友不會幫的事，你、妳的男女朋友都會幫你/妳；
既然如此，你、妳怎麼忍心再去有紅粉知己呢？
甚至告訴大家，我和我的紅粉知己有多契合！
廢話，每天在你、妳身旁的人是誰？
是你、妳的男女朋友；
在一起的時間久了，當然，衝突也就愈多；
拿一位偶爾見面的人和一位每天在身旁的人比較，
多麼不公平呀！


人，對於在自己身旁的人都不知道珍惜?
卻只喜歡那個沒有結果的人。

真的，好好的去珍惜現在你、妳身邊那位會管你、妳，會吃你、妳醋的吧！

不要覺得他、她不講道理；
因為如果要講理，那就做普通朋友就好了，
普通朋友就不會管你、妳，
而且，還會永遠說你、妳好話；
相愛的情人，任何的吵鬧，嫉妒，猜忌，孩子氣等行為，都是合理正常的。


如果現在的你、妳，
正在因為你、妳的男女朋友無理取鬧而生氣，
拿起電話打給他、她吧！！

換個角度想想，你是幸福的。

我都好想有一個會為我吃醋既人....

睇完之後, 先發覺只有自己一直以為同蕃薯係互相鍾意既階段, 其實只係我自己所諗, 佢成日話驚我胡思亂想, 就係我鍾意佢先會咁, 但佢竟然咁話我, 即係根本唔鍾意我, 那麼佢做咩要講大話話鍾意我? 而且佢真係鍾意我既話, 應該一早已經同我一齊啦, 做咩仲左搵藉口, 右搵藉口黎推我, 我覺得佢好自私, 自己好痛苦, 都係忘記佢. 黎緊之後唔會再見佢, 希望可以忘記吧!

開心的最後一天

呢日好多開心野, 一共分三part黎講先~

(1) maya final project~
時間過得真係快, 終於到左最後一天返學, 但我最後一天返學竟然要係忙碌之中渡過. 都拜蕃薯先生所腸, 要人哋做埋個storyboard, 真係做唔哂啦! 後來佢係msn度先同我講唔使上色, 但我一早上左色, 冇理由唔上埋其餘果幾幅, 最後當然係....七幅之中只有兩幅比較可以見得人下, 其他就....第一份唔完美既artwork, 都比大家睇下啦><

段短片既開頭, 架車比個夾(我都唔知點形容=.=")夾住左, 好得意^^

全套片最後一幕, 一見到[the end]就知咩事啦~

返到學校都繼續畫storyboard, 好在蕃薯都幫我dump左好多時間, 最後只好草草完結, 最後終於present, 全部都係蕃薯講哂好d, 我自己口才唔好, 容咩易會講出全份功課都係蕃薯做架!? present完之後成個人都鬆哂, 蕃薯叫我係本storyboard度寫名, 阿sir就話我哋玩野咩, 全班只有我哋果組有storyboard......吓!? 原來只有我一個人岸居嗎? 唔係, 只係蕃薯想拿丁, 我受佢唆使, 哈哈~

自己無聊周圍睇下~覺得好多野都好得意呢~

galen隻恐龍好鬼既前及後. 好鬼得意, 仲要拿住粒星, 好似我呢(自己覺得)~

蕃薯條頸巾~上年都見佢用過, 真係好得意, 我候住佢好耐, 終於可以影到相~真係好想拿左佢返屋企(密謀中...xd)

(2) 慶祝生日
終於上完堂, 我哋都仲要留步, 因今晚有兩位壽星女係呢個月生日, 分別係雲妮及tracy, 其中雲妮仲係今日生日. 我哋有位同學仔好好人咁整左兩個成五磅既大生日蛋糕比佢哋, 見到個樣都好鬼靚, d口水已經不停咁流.....

兩個大生日蛋糕出現啦~一個係黑森林, 一個係芒果~

自己比較鍾意黑森林, 都係再影個close up比佢先~

大家影完合照之後就切蛋糕, d相係波特度, 希望可以拿返吧!

食緊蛋糕中途, 突然見到tim sir及佢朋友, 鍾意攝影呢班朋友即刻走去佢同傾影相, 我就一於少理, 最後一日返學, 點可以唔留倩影呢? 一於搵齊呢年黎既好友影返夠本~


第一張竟然係同阿tim sir影~鬼叫佢係阿sir咩, 呵呵~

第二個先同你影啦, 本來想橋住你隻手影, 但驚你唔鍾意, 所以都係縮左手, 你唔使咁唔開心吧? (講笑), 我身上點解會有紫光, 仲有d白色野? 白色果部分自己覺得好似天使翼(笑)

同阿ling及susuki影一張先~雖然只係同過佢地一次一組做功課, 佢哋兩個雖然比較文靜, 但覺得佢哋好好人, 做事好認真^^

自己個影~學左文迪, berry及雲妮佢哋=.="

當然要同其中一位好友tracy影返張先~唔知佢可唔可以即刻拿返退回學費及考到入學試, 順利係台灣讀大學呢?

當然唔少得呢一年黎同我合作過既抵死組員, 分別係阿聯, 阿銘, 波特及tracy~

我哋班全部女仔集合~睇黎我同tracy走左之後只有五個女仔, 女子組加油^^

我同阿光既一張騎呢相~同佢一齊橋埋對手, 一於同對方冷戰中(講笑)

臨走時我要去toliet, 去完toliet出黎之後大家都走哂, 只有蕃薯拿住我個袋等我食黎, 唔該哂你>< (3) farewell 慶祝完生日及影完相後, 大家開始去食飯囉~有好多人都走, 真係有點掃興.....同埋一齊食飯既同學仔唔算少既, 排名不分先後: tracy, berry, 文迪, 蕃薯, 波特, 阿聯, 阿銘, 阿光及ryan, 計埋我在內一共十人, 都已經好好呢^^我哋係凍冰冰既天氣下仍然要等車, 真係可憐呢.....><

我特登係最後度影大家~本來蕃薯見到我, 但佢一見我影相就擰轉面, 激氣!

由於我最後一個上車, 蕃薯竟然好好人地等埋我上車, 算你啦^^好在我有位上車, 下次你先上車啦, 唔係你冇位啦, 傻瓜>3<去到葵涌廣場, 大家已經決定好去紅樹林餐廳呢, 睇黎大家食完個蛋糕都已經飽哂, 所以女仔就二人一齊share個飯食. 我同tracy就叫左個肥牛拉麵兩份食, 至於d男仔呢, 除左阿光及波特之外, 其他男仔都食完, 不過d男仔睇黎都唔食菜及瓜. 蕃薯, 阿光及阿聯比哂d瓜我食, 整到我成碗都係, 加埋果半個麵, 真係飽到暈@@

本來叫左金姑肥牛, 點知冇金姑, 只有肥牛....我講笑叫個侍應加多d牛肉, 不過睇黎都冇咩點多, 不過唔緊要啦, 都幾好味呢^^

大家食完飯之後都講下自己既未來, 睇黎部分人已經搵到自己既目標, 太好了! 大家要努力加油啊!!大家好羨慕tracy出外留學, 原來蕃薯都想去日本呢, 不過都係果句, 出外留學真係太貴, 加上我唔想思鄉, 都係留係香港好d, 至多只係去旅行就好^^希望大家可以一齊畢業, 一齊去旅行就好^^

食完飯之後, 大家都各散東西, 真係唔捨得大家. 不過唔緊要啦, 之後都可以再見既! 同埋今日真係好開心, 多謝你哋^^