再一次去老闆娘屋企

琴晚因為呢件事而訓唔著, 估唔到我所有鍾意佢既特徵已經表現哂出黎, 但佢都係無動於沖, 自己成個謝樣返公司....

一返到公司, 老闆娘搵我, 佢而家係機場, 問我做咩冇幫另外兩名廠長book機票, 嚇到我連早餐都冇食, 即刻check返自己訂機票時的電子機票及內容, 又冇出錯, 於是打電話去旅遊公司問下詳情, 旅遊公司又話老闆娘及二名廠長已經check-in左!? 玩野咩? 好在唔係自己出錯.....之後打返電話比老闆娘, 最後冇事發生, 不過仲未完, 因佢又比左份[優差]比我, 就係拿份佢哋剛買物業既律師信正本上去佢屋企比佢老公, 同埋拿個水壺返去公司, 再由公司寄去日本=.="但又叫我唔好太早去, 真係比佢激死!! 鬼叫自己係打工仔咩, 無辦法!!

我照老闆娘原定既時間上去佢屋企, 不過都係件好事黎既, 聽少同事之間既是非, 又可以補影返d相, 之前都冇影, 而家影返d先~

經過的停車場~其實都幾靚, 但我見到管理員行過時, 只可以是但影左一張=.="

平台上的歐陸庭園, 真係好靚~我好鍾意水世界呢種感覺!

終於影到個library啦~真係靚到冇野講, 有機會比我第時讀會計時係度溫書就好~

最後都可以完成任務返到公司~係公司都唔係太多野做, 又過住等放工的日子, 同埋冇比人鬧的一天, 特別開心^^

吃醋既人

今日睇到個fb, 見到呢段野都幾有意思, 等我post黎比大家睇下先~個情況都幾似我, 不過我係吃醋人果個, 其實吃醋都幾辛苦的....

珍惜身邊愛吃醋的人分享

理論上，男女朋友間應該是該有屬於自己的空間，
但那是理論上，實際上，請不要吧！理論與實際是不相同的。

好好的珍惜那位在妳身邊，
總是為了小事吃醋生氣的那人吧；

因為，能夠被一個人這樣深深的愛著，是幸福的。
相愛的男女朋友，對方的一舉一動，總是會胡思亂想的，很正常；
所以，有了男女朋友後，請不要再對異性太好，
真的，尤其是前男(女)朋友；

為什麼呢？請讓我說給大家聽：

1.情人眼裡是容不下任何的小沙子的：
真正愛你的另一伴，是無法在你和其他異性聊天，
單獨出去時，沒有任何的感覺的；
若你的另一伴不會吃醋，不要高興，
因為他、她可能不是真的愛你，不是很在意你；
亦或是你們二人的感情已經成為一種習慣，對方沒有你、妳好像不行，
但有你、妳卻也沒什麼感覺了；
這時，真的還是愛情嗎？
當然也真的會有那種人，那真的要恭喜你、妳！

2.你、妳為什麼要有紅粉知己？
真的只是單純的好朋友嗎？？
別欺騙自己了。那麼多異性，為何你、妳就只找他、她？
因為，你們一定是彼此喜歡，就算沒有，
也有一點點喜歡，或是一點點點點…對吧！
那更何況是你、妳之前的男女朋友呢？你們曾經相愛過耶!!
或許，你、妳對紅粉知己真的沒有愛情，
但，你、妳站在你、妳的另一伴去想，
怎麼可以容許你、妳和你、妳有一點點喜歡的人出去呢？
畢竟，你、妳會和你、妳現在的男女朋友在一起，
當初，也是從聊的來的朋友當起的吧！

3.為什麼要有男女朋友？
因為對方會為你、妳做很多事情，
很多很多朋友不會幫的事，你、妳的男女朋友都會幫你/妳；
既然如此，你、妳怎麼忍心再去有紅粉知己呢？
甚至告訴大家，我和我的紅粉知己有多契合！
廢話，每天在你、妳身旁的人是誰？
是你、妳的男女朋友；
在一起的時間久了，當然，衝突也就愈多；
拿一位偶爾見面的人和一位每天在身旁的人比較，
多麼不公平呀！


人，對於在自己身旁的人都不知道珍惜?
卻只喜歡那個沒有結果的人。

真的，好好的去珍惜現在你、妳身邊那位會管你、妳，會吃你、妳醋的吧！

不要覺得他、她不講道理；
因為如果要講理，那就做普通朋友就好了，
普通朋友就不會管你、妳，
而且，還會永遠說你、妳好話；
相愛的情人，任何的吵鬧，嫉妒，猜忌，孩子氣等行為，都是合理正常的。


如果現在的你、妳，
正在因為你、妳的男女朋友無理取鬧而生氣，
拿起電話打給他、她吧！！

換個角度想想，你是幸福的。

我都好想有一個會為我吃醋既人....

睇完之後, 先發覺只有自己一直以為同蕃薯係互相鍾意既階段, 其實只係我自己所諗, 佢成日話驚我胡思亂想, 就係我鍾意佢先會咁, 但佢竟然咁話我, 即係根本唔鍾意我, 那麼佢做咩要講大話話鍾意我? 而且佢真係鍾意我既話, 應該一早已經同我一齊啦, 做咩仲左搵藉口, 右搵藉口黎推我, 我覺得佢好自私, 自己好痛苦, 都係忘記佢. 黎緊之後唔會再見佢, 希望可以忘記吧!

開心的最後一天

呢日好多開心野, 一共分三part黎講先~

(1) maya final project~
時間過得真係快, 終於到左最後一天返學, 但我最後一天返學竟然要係忙碌之中渡過. 都拜蕃薯先生所腸, 要人哋做埋個storyboard, 真係做唔哂啦! 後來佢係msn度先同我講唔使上色, 但我一早上左色, 冇理由唔上埋其餘果幾幅, 最後當然係....七幅之中只有兩幅比較可以見得人下, 其他就....第一份唔完美既artwork, 都比大家睇下啦><

段短片既開頭, 架車比個夾(我都唔知點形容=.=")夾住左, 好得意^^

全套片最後一幕, 一見到[the end]就知咩事啦~

返到學校都繼續畫storyboard, 好在蕃薯都幫我dump左好多時間, 最後只好草草完結, 最後終於present, 全部都係蕃薯講哂好d, 我自己口才唔好, 容咩易會講出全份功課都係蕃薯做架!? present完之後成個人都鬆哂, 蕃薯叫我係本storyboard度寫名, 阿sir就話我哋玩野咩, 全班只有我哋果組有storyboard......吓!? 原來只有我一個人岸居嗎? 唔係, 只係蕃薯想拿丁, 我受佢唆使, 哈哈~

自己無聊周圍睇下~覺得好多野都好得意呢~

galen隻恐龍好鬼既前及後. 好鬼得意, 仲要拿住粒星, 好似我呢(自己覺得)~

蕃薯條頸巾~上年都見佢用過, 真係好得意, 我候住佢好耐, 終於可以影到相~真係好想拿左佢返屋企(密謀中...xd)

(2) 慶祝生日
終於上完堂, 我哋都仲要留步, 因今晚有兩位壽星女係呢個月生日, 分別係雲妮及tracy, 其中雲妮仲係今日生日. 我哋有位同學仔好好人咁整左兩個成五磅既大生日蛋糕比佢哋, 見到個樣都好鬼靚, d口水已經不停咁流.....

兩個大生日蛋糕出現啦~一個係黑森林, 一個係芒果~

自己比較鍾意黑森林, 都係再影個close up比佢先~

大家影完合照之後就切蛋糕, d相係波特度, 希望可以拿返吧!

食緊蛋糕中途, 突然見到tim sir及佢朋友, 鍾意攝影呢班朋友即刻走去佢同傾影相, 我就一於少理, 最後一日返學, 點可以唔留倩影呢? 一於搵齊呢年黎既好友影返夠本~


第一張竟然係同阿tim sir影~鬼叫佢係阿sir咩, 呵呵~

第二個先同你影啦, 本來想橋住你隻手影, 但驚你唔鍾意, 所以都係縮左手, 你唔使咁唔開心吧? (講笑), 我身上點解會有紫光, 仲有d白色野? 白色果部分自己覺得好似天使翼(笑)

同阿ling及susuki影一張先~雖然只係同過佢地一次一組做功課, 佢哋兩個雖然比較文靜, 但覺得佢哋好好人, 做事好認真^^

自己個影~學左文迪, berry及雲妮佢哋=.="

當然要同其中一位好友tracy影返張先~唔知佢可唔可以即刻拿返退回學費及考到入學試, 順利係台灣讀大學呢?

當然唔少得呢一年黎同我合作過既抵死組員, 分別係阿聯, 阿銘, 波特及tracy~

我哋班全部女仔集合~睇黎我同tracy走左之後只有五個女仔, 女子組加油^^

我同阿光既一張騎呢相~同佢一齊橋埋對手, 一於同對方冷戰中(講笑)

臨走時我要去toliet, 去完toliet出黎之後大家都走哂, 只有蕃薯拿住我個袋等我食黎, 唔該哂你>< (3) farewell 慶祝完生日及影完相後, 大家開始去食飯囉~有好多人都走, 真係有點掃興.....同埋一齊食飯既同學仔唔算少既, 排名不分先後: tracy, berry, 文迪, 蕃薯, 波特, 阿聯, 阿銘, 阿光及ryan, 計埋我在內一共十人, 都已經好好呢^^我哋係凍冰冰既天氣下仍然要等車, 真係可憐呢.....><

我特登係最後度影大家~本來蕃薯見到我, 但佢一見我影相就擰轉面, 激氣!

由於我最後一個上車, 蕃薯竟然好好人地等埋我上車, 算你啦^^好在我有位上車, 下次你先上車啦, 唔係你冇位啦, 傻瓜>3<去到葵涌廣場, 大家已經決定好去紅樹林餐廳呢, 睇黎大家食完個蛋糕都已經飽哂, 所以女仔就二人一齊share個飯食. 我同tracy就叫左個肥牛拉麵兩份食, 至於d男仔呢, 除左阿光及波特之外, 其他男仔都食完, 不過d男仔睇黎都唔食菜及瓜. 蕃薯, 阿光及阿聯比哂d瓜我食, 整到我成碗都係, 加埋果半個麵, 真係飽到暈@@

本來叫左金姑肥牛, 點知冇金姑, 只有肥牛....我講笑叫個侍應加多d牛肉, 不過睇黎都冇咩點多, 不過唔緊要啦, 都幾好味呢^^

大家食完飯之後都講下自己既未來, 睇黎部分人已經搵到自己既目標, 太好了! 大家要努力加油啊!!大家好羨慕tracy出外留學, 原來蕃薯都想去日本呢, 不過都係果句, 出外留學真係太貴, 加上我唔想思鄉, 都係留係香港好d, 至多只係去旅行就好^^希望大家可以一齊畢業, 一齊去旅行就好^^

食完飯之後, 大家都各散東西, 真係唔捨得大家. 不過唔緊要啦, 之後都可以再見既! 同埋今日真係好開心, 多謝你哋^^

打機定做功課?

放工之後都話之d同事, 自己準時放工去搵蕃薯. 坐左好耐巴士終於到左tm, 見仲有時間就去佢屋企附近搵我既晚餐, 但行左好耐都搵唔到, 都唔知食咩好, 行到中途見到蕃薯媽, 佢見到我好驚訝, 問我做咩係度, 我先同佢講要幫手做埋份功課. 蕃薯點會冇同佢媽媽講!? 真係驚訝, 嚇到我唔知講咩好, 好在我轉得快, 唔係我口快快講話我黎打機就死(雖然原本目的真係呢個), 但唔可以講出黎麻...最後我哋分頭買飯去佢屋企食飯

從蕃薯媽口中得知蕃薯原來鍾意食住家飯, 其實佢哋之前係出街食, 但蕃薯後來食得太多食厭左, 先要毎餐煮飯食, 佢地個廚房好耐冇用過呢...我同蕃薯媽邊食飯邊傾計, 等到蕃薯返屋企. 一見到佢返到黎就咁開心, 我做咩開心呀? 真係痴線! 佢一開始竟然話打機先, 咩唔係做功課嗎? 結果咪睇佢打機囉...佢玩隻devil may cry 4, 見到d畫面竟靚, 而且又幾好玩, 原來佢買左張graphic 卡, 成五百幾元, 我寧願加錢買printer仲好囉....一直睇住佢玩, 自己唔捨得走呢, 連佢媽媽都話我太沉迷. 其實蕃薯話一見到隻game個封面, 都估我一定鍾意玩, 估唔到比佢估中, 激氣!

之後先分配storyboard既內容, 見到有好多插圖....咁鬼黑, 點畫呀? 仲有架車又難畫, 仲要畫成七張咁多, 聽日就要交, 點做得切呀?

其中要畫既一張~果d磚牆點畫呀=.="

我要畫既果部車~一睇個樣都知難畫><

成一點先返到屋企, 真係好鬼死眼訓, 都係好好訓一覺聽日先再畫吧啦! 希望趕得切啦^^

突然的.....!?

已經冇見蕃薯幾日, 自己好想見佢, 但又唔知用咩理由見佢, 好想親自去佢屋企搵佢, 但又好似好奇怪, 於是只好間中諗下佢, 不過當然都係比心機工作多. 直至放工時, 我先發現到佢個sms, 竟然係....同我講今日不如打機!? 我都一頭霧水, 佢打機o者, 關我咩事? 佢自己一個打都得啦, 使鬼我去咩. 但以我同佢相處左一年既時間, 都估到係去佢屋企度打機, 於是問佢時間地點, 準備今晚就搵佢, 不過佢成八點先至放工, 我都係自己屋企等到咁上下時間先去搵佢好d

我一返到屋企, 就見到媽媽係廚房洗緊菜, 我同佢講話去蕃薯屋企, 佢就話佢呢幾日去我細佬屋企冇返黎, 加上我又好耐冇見我姪仔, 佢返黎見下我哋, 點知我又要咁夜出去. 聽到佢咁講之後, 自己都後悔呢, 點可以因為蕃薯而唔理屋企人, 加上聽日仲要返工, 驚我一人出去會好危險及影響返工, 於是我sms比蕃薯, 問佢可唔可以改為星期五見, 佢話聽晚唔得. 但我都堅持同屋企人食完飯之後去搵佢, 佢話咁夜唔太好, 於是佢就話睇下聽日可唔可以就到時間黎同我打機, 多謝你, 抵鍚>3<

不過之後就係聽到個唔好消息, 就係佢為左maya呢科可以拿到丁, 佢要我做個storyboard!? 唔係掛!? 而家先同我講, 點畫呀?聽日先冇材料叫我畫, 希望我可以趕得到吧! 你哋睇下, 男人果然係唔讚得-.-"

最後都係留左係屋企同屋企人食飯, 我哋而家少左一齊食飯, 應該要好好珍惜既! 果然係女生外向, 即使蕃薯唔係自己男友, 都可以不顧一切去見佢, 都話愛情係盲目架啦...自己又話愛情路上有新開始, 做咩又宗返個頭埋去架!!! 自己正一傻瓜!!

參觀老闆娘新居!?

呢日下午話說去美孚郵局交老闆娘新居既水及電費按金, 本來係自己一個去, 但老闆娘突然話同埋我去, 唔通我say no咩, 於是只好同佢去......

老闆娘果然係老闆娘, 連地鐵都費時坐, 即刻叫左架的士同佢一齊去美孚. 我都覺得奇怪, 點解去郵局都要坐的士呢? 原來係去佢位於美孚新村既新居, 睇下d裝修工人裝修成點. 去到佢新居, 果然係好太呢....出面係雜物及工人房, 行入d係廚房, 客廳及飯廳, 再入係睡房及浴室, 比我屋企仲大呢....其中見到佢哋有d裝修都幾靚既, 老闆娘問我有冇相機, 好在我精靈有帶到, 幫佢影左幾張相~

老闆娘浴室既按摩浴池, 我都係第一次見, 自己果然係個窮人, 連呢d野都未見過=.="


老闆娘套房個衣櫃, 真係超靚的說....

老闆娘仔仔間房~我都覺得奇怪, 點解只有仔仔, 冇女女間房既? 其實佢本身仲有個女, 可能成日係外公果邊住, 同我以前係麻麻屋企住一樣吧!?

老闆娘似乎有d地方唔滿意, 佢覺得個對講機核突, 想換左個佢; 同埋個門口想拆左道鐵門, 及把周圍的磚拆掉, 裝修師父叫佢問管理處, 我心想老闆娘邊會去架, 因佢多數會比哂d野我及佢老公做, 自己咁諗好似好衰呢, 雖然係事實. 最後我哋終於離開, 臨走時見到看更, 老闆娘問拆磚既事, 漏左對講機, 於是我提返老闆娘, 看更叫佢問返管理處, 佢都係要佢老公做, 都估到啦, 好在唔係我o_o

之後同佢去郵局交訂金, 點知郵局勁多人, 只係返公司容支票就算, 呢段時間只係陪老闆娘睇裝修!? 自己到底做左d咩呢? 不過唔緊要, 可以打正旗號休息一下都好既~

不太習慣....

近呢幾日唔使返學, 自己有d唔太習慣, 可能係自己太想返學見到d同學仔, 而家放兩個星期長假唔使返學, 覺得好似唔太自在, 好似冇左d野咁, 其實自己應該要習慣, 因自己已經決定唔再讀呢個course, 要開始一個新既course讀degree, 只係唔捨得大家吧!? 讀唔同course又唔係以後冇得見, 只係唔係一齊返學及少左見面, 大家出黎玩下傾下計都冇問題既^^

至於蕃薯, 希望我可以同佢多d見面就好, 但都唔係一齊做功課, 仲有咩時間可以見面呢? 如果成日去佢屋企又唔係太好, 無啦啦去佢屋企度把鬼咩, 又唔係佢女友....其實真係有d唔習慣, 因除左最初讀個course時有同佢一組外, 之後毎次都同佢一組, 都會去佢屋企度做功課, 當中都有好多快樂及一齊合作既回憶, 而家冇得再合作都有d可惜, 鬼叫我自己電腦弱咩, 唔可以一直讀落去. 不過就算我讀落去, 都只係對多一年, 之後都係要各散東西, 只係而家早左少少. 但我覺得自從我話走之後, 我自己好似比較緊張佢, 如一月一日做maya時, 我自己真係完全唔識, 但都主動要求去佢屋企度陪佢, 只要見住佢就開心. 自己想放手自己又放唔到, 究竟想點呀?

仲有一樣野係會唔習慣, 就係我重新開始讀返會計course. 讀呢個course時多數都係玩玩下, 又或者只係做project, 只得幾科要考試, 習慣了悠閒既生活, 突然又返回以前一樣, 都係要成日溫書及考試, 反正我都係個悶人, 唔緊要吧? 不過都係為左自己未來及生活, 想自己及屋企人過得好d, 及知道自己既才能係會計度, 應該要發展下既....

太多唔習慣, 但相信時間可以戰勝一切, 都係收拾心情,比心機準備讀會計吧!