去換新學生證~

對於我黎講, 換唔換新學生證都冇所謂, 因我都唔會再讀落去. 但我竟然擔心蕃薯有冇換新證, 於是我問蕃薯換左未, 果然不出我所料,佢真係冇換, 本來我唔想理佢, 點解我後來會關心佢架? 自己都就黎走囉, 況且蕃薯又唔係我男友, 我理佢咁多把鬼咩! 但我最後都應承左佢, 代替佢去拿學生證, 因佢話呢幾晚冇時間去啊=.="於是我決定換埋自己果張證算數...

阿駿都好好人, 知道我去換學生證時, 佢都話同我去換. 我哋約好左七點係學校等, 但之前我先要去搵蕃薯先, 因佢要寫授權書比我, 我連呢封野都幫你作埋, 仲有你sms度話自己冇帶比你個soft copy, 好在我有帶, 幫你印埋出黎, 加上拿埋去你公司樓下比你簽, 同埋要拿埋你個舊學生證及身份證影印本, 我真係唔話得, 哈哈~

我一放工即刻去搵你, 但又唔敢打擾你工作, 於是只好send sms比你, 但等左你半個鐘都未覆我, 於是我先同佢講話約左阿駿要早d返去, 佢就打電話比我, 仲話我傻瓜做咩唔打電話比佢><比左授權書佢簽名, 同埋拿左佢張分左體既學生證(前後分開左=.-")及身份證copy之後即刻去搵阿駿. 係sms同佢道歉先, 因為我遲到, 佢話唔緊要, 仲話係小巴站等我, 我叫佢唔好等, 先去校務處.

去到校務處時, 見到佢企係出面等我黎, 我突然諗起呢兩張舊學生證會收左, 於是幫佢哋影返張遺照先~

估唔到佢張學生證個樣都ok呀, 我果張就差左d=.="係時候同呢兩張證講再見....

去到counter有好多人, 等左咁耐終於到我~當我幫蕃薯換證時, 果個人竟然記得我係午飯時打過電話黎問野, 原來佢係同一個人黎架!?好快就換完證, 我同阿駿先搭小巴去地鐵站, 仲驚會同佢坐, 因我只係想, 又或者係習慣吧, 只係同蕃薯坐, 唔習慣同男仔坐吧! 唔知個天係咪故意安排, 全架車d雙人位全部full哂, 只剩下單人位, 我同佢分開坐, 好野! 落車後佢送我去到小巴站, 因我覺得搭小巴返屋企方便d...

終於換左新證啦~15日deaadline先去換, 次次我做野都係咁炆=.="

返到屋企黎個大教訓, 之後收到蕃薯個sms及msn上多謝我, 但佢有d代價既, 就係幫我做maya份功課, 當然我都會自己做. 我做左一部分之後, 佢就幫我完成埋其餘部分~佢自己仲貪得意幫個helmet整埋個身, 真係服左佢....我哋邊傾計, 佢就邊玩maya, 我就上網睇周慧敏同倪震分手單case, 果然女人係八掛既, 我仲買埋忽周黎睇, 同時也令我反思, 到底愛情係咩?

屋企大堂的靚裝飾

今日仍然都係唔使返學, 我一早返屋企休息一下仲好, 其實我都想有個男友, 我哋一齊去食飯. 都係唔好發夢啦....見到屋企大堂既裝飾好靚, 我自己都停住腳步去欣賞外, 仲走去影相. 有我最鍾意既聖誕樹添~

我都係覺得冇咩裝飾既聖誕樹比較靚d, 可清楚睇到毎塊樹葉, 咁當然有怖置既話我都鍾意啦!

等我都影返張先~不過我拿太多野, 加上我塊面真係好肥, 張相好核突啊=.="

件衫係我返學之前買, 近排真係好興民族服裝, 既可著得比較女仔d, 又可以型. 加埋件兔毛背心, 連angelababy都鍾意著, 加上流穌boot及裝飾物, 簡直係冬天必備item~

我而家又身痕想入貨, 去買多d先~不過要顧住我之後讀書d學費呀><

難得既斯文look

話說上星期老闆娘送左一條burberry既裙比我,佢話自己已經肥左好多著唔落,加上佢就黎要搬屋, 聽講佢間屋有成千呎,但想清左d舊野,於是佢除左比條裙我之外,仲比左一條頸巾及一頂帽比我~真係多謝佢,令我可以慳返d錢,又有靚野係身,我突然覺得自己好鬼cheap=.="

我最鍾意就係頂帽, 帶左落去好似有隻貓耳. 條裙都好靚, 講真我連條斯文裙都冇, 呢條就正啦!

老闆娘琴日問我, 做咩唔著條burberry裙返工, 可能佢好想睇下我點著及著得好唔好睇, 於是我琴晚努力搵下有冇上身衫襯, 一打開個衣櫃,見到全部都係去街衫, 真係連一件像樣子既衫都冇, 搵左好耐, 終於比我搵到一件, 終於可以著成套斯文衫去返工

出門口之前影下相先~講真我除左見工之外, 第一次著到咁斯文...

一返到公司都預左會起哄啦, mooji即刻拿個電話出黎幫我影返張相, candy就話我今日好索, 好似OL, 可以參加亞姐, 港姐就未到我=.="阿珍及老闆娘都讚我著得幾好睇. 不過我就好唔習慣, 成日覺得條裙好長, 好似做毎樣野都要斯文, 仲有對鞋成三吋高, 平時既話我會除左呢對鞋換返對拖鞋, 但今日呢個斯文look, 著住對拖鞋周圍走會好怪,於是我全日都著住呢對鞋, 真係痛死我! 睇黎都係今日著成咁就好, 之後著返causal就算^^

終於交video功課~

各同學最近都辛苦哂, 終於到左交功課日~大家都好比心機交左自己既心血, 由編劇, 搵角色, 排練, 真正拍攝, 剪片至後期製作, 大家都盡自己努力去做, 而且我仲有份幫人拍戲, 雖然辛苦, 但好開心. 我覺得呢科簡直係最好玩既一科~

唔知係咪好多人仲未完成, 到左七點幾都唔係太多人返到, 阿光, galen佢地組剪緊片, 文迪果組仲未見人既? 今日問佢哋剪左片未, 佢哋仲未覆呢....最後呢個首映禮係大約七點半到開始, 起初都冇人願意開始, 好在galen佢地自動請櫻, 首映正式開始~

阿sir整既今日首映禮既present~

galen及ryan佢哋果組既present, 個劇名叫做終極綁架, 講一個有錢人比人綁架, 三個警察去help人既故事, 全套都好好笑, 尤其個結局, 個差人竟然以為個炸彈冇野, 點知一扔在地下就即刻爆炸, 結果全部人都死哂, 最後係其他電影內拿哂死後既片段, 超正~完全冇咩缺點, 甚至我覺得套戲比蕃薯更好, 當然唔會係蕃薯面前講啦...

第二組終於到我哋, 主角果然係波特及tracy, 都預左啦, 其實全套戲都係集中影佢地, 我只係帶過個故事, 連阿sir都唔知我係劇中個角色係咩....連佢哋後期整個盒及片尾都係用tracy做封面, 不過算啦, 自己已經預左, 最後一次拍片, 冇所謂啦!

第三組係阿賢及阿昌果組, 佢哋部戲個名係友共情, 我好鍾意呢首歌, 覺得好有意思~故事講一個有才能既男仔, 佢身邊有個朋友, 佢朋友偷用左佢個idea, 得到老闆賞識, 不過最後個朋友都有同有天份既男仔講出真相, 仲介紹佢比老闆, 最後大家同埋一齊慶祝聖誕. 故事都ok既, 但唔夾咀型><

阿賢負責present, 佢叫我唔好只係影佢哋, 仲有另一邊既同學!

哈哈~阿賢又係度既? 真係冇左darren就真=.="

第四組係阿光及阿駿佢哋, 由於組員仍為呢段片而努力, 所以只有阿駿一個present. 由於我有幫手拍, 所以都知道劇情既. 係講有兩姐妹一齊入大學, 妹妹遇上自己所愛, 而且仲同佢拍拖, 可惜既係個男仔係花心, 佢一早有女友, 同妹妹只係玩玩下, 姐姐唔忍心見到妹妹咁, 於是聽左一個神秘人既話, 用學校流傳既傳說, 係廣場上圍一個圈, 再許下願望就得, 但當然有代價, 就係用姐姐自己既幸福同妹妹換轉....個故事本身都幾正, 拍攝手法都幾好, 我最like文迪及阿駿拍拖果段, 盡在不言中, 不知幾sweet, 如果我可以同自己所愛都係咁就好~

只有阿駿一個present又真係可憐d啊><

最後一組係文迪, 佢哋果組要過片, miss哂全部同學既present, 我見佢哋咁耐都未到, 蕃薯叫我打比文迪, 其實我都想打, 竟然比佢開口講左先, 哼! 之前其實已經見到berry係學校, 但佢叫我唔好講比人知佢返黎先, 於是我就話佢哋黎緊. 好在佢哋三個最後都到左, 可以present, 但段片未得, 仲未有得睇呢><唔知幾時可以睇返呢?

佢哋呢組終於present啦, 好在都趕得切~

文迪佢地果組既盒及choco, 仲有故事資料....相當之靚~

放肆的英文堂

可能係聽日毎人趕住交片, 好多人都冇返今堂英文, 到左七點, 都只有我, 阿聯及darren, 我同阿聯因太累及無聊訓左, 係darren返學我哋先至醒返. 之後都有其他同學返學, 阿光仲帶左陶源酒家既白兔仔棉花糖比我哋食, 個樣好得意架^^

得意到唔想食佢啊><

呢堂miss都唔知教咩好, 因預左呢堂比我哋練習oral, 但我個劇本仲未寫好, 唔可以拿出黎講住, 只係同tracy傾下個內容. 於是miss教返nites既野, 因佢原本冇諗過教書, 結果....d同學咪講哂爛gag, 笑到我哋死, 嘻嘻哈哈過半堂, 不知幾開心^^ 到左break時, tracy提議話影下相, 好在我有帶相機, 我驚自己影得核突, 於是叫左tracy楂機, 我哋玩左兩張自拍~

哈哈~估唔到第一次影, 都影得ok喎~

其實我鍾意呢張多d, 可惜over左啦....

之後我哋兩個, 阿聯, 波特, 阿銘及波特六人去左學校中間廣場果棵聖誕樹度影相~但我只影左棵樹, 佢哋用左波特部機影相, 希望佢遲d會send返比我哋啦><

梱樹就唔係好靚既, 不過都好過冇野影><

我哋影相已經影到忘左形, 唔記得左要上堂. miss突然叫我哋去上堂先至記得, 果然係離譜!! 但都好過上英文堂....最後我哋抽左籤決定幾時present, 我哋果組係最後一組present, lucky^^

我哋組剪片, 自己係閒角...

今日我哋組約好左係蕃薯屋企度剪片, tracy一早到左, 問使唔使等埋我一齊上去, 我都唔好意思要佢係街上等, 於是我叫佢先上去蕃薯屋企, 自己慢條斯里上去, 唔知點解我覺得佢哋兩個人都好似幾襯, 外表ok襯之外, 佢哋又有相同嗜好及技能, 兩個應該幾夾既^^比佢哋過下二人世界都唔錯既~自己幾時開始做起雞仔煤人黎架!? 呵呵....

點知上到去屋企, 見到tracy開門, 但見唔到蕃薯既? tracy係度睇緊段片, 蕃薯去左沖涼!? 佢媽媽執緊張紫色床, 點解會咁架? 同我諗法唔同既? 我以為佢哋會坐埋一齊傾計添!? 我拿拿聲食我個包. 蕃薯沖完涼之後竟然拿佢洗完頭條毛巾打我! 條毛巾仲要濕濕地, 好核突呀>< 之後佢哋剪片, 見到佢哋兩個有商有量, 都好似幾好呢~可惜既係我唔知係度做咩野, 只好係後面靜靜地影下佢哋兩個先~

佢哋好專注剪緊片, 唔好嘈住佢哋啊!!總之我唔黎啦, 佢哋咪可兩個一齊剪片><

剪緊我段片啦~睇佢哋玩得幾開心呢~

我一直呆呆望住佢哋, 直至蕃薯叫我做英文功課時, 我先開始開工. 阿聯佢遲左黎到蕃薯屋企, 仲買埋下午茶比我哋食, 但我後來發覺唔記得左比返錢佢. 睇住咁多人剪片好得意, 不過阿聯得閒時都會無聊用我部相機影我=.="

哈哈~點解我會擺呢張相出黎呢? 又影唔到蕃薯, 仲要係佢郁黎郁去, 原來係後面蕃薯媽個樣, 終於有佢一張相啦, 雖然只係遠鏡, 因佢唔願意比人影...

後來波特都黎埋, 仲做左個好好笑的present powerpoint, 除左好好笑咁介紹毎個角色外, 仲有最後一部分好抵死, 就係話[我哋之前覺得TVB既劇集係垃圾, 但呢次拍完後, 先知拍戲原來係咁難, 我哋唔敢再話tvb劇集, 真係笑到我死^^

波特好努力整佢個powerpoint, 大家在旁企係度睇及笑~

本來我想走架, 因我發覺自己根本幫唔到手, 點知蕃薯話整埋字幕先, 我都冇份整, 要我留係度做咩, 不如比我早d返去做野啦....最後都等埋佢哋整完先至走=.="

終於剪完片囉, 大家可以去食飯, tracy因早返工先離開, 阿銘又冇黎, 只有我, 蕃薯, 蕃薯媽, 波特及阿聯五人去食飯, 呢次都算係最早去食飯啦, 平時要做到成十一點幾先走得, 呢次可以十點幾去食飯,大家各自叫左個小菜, 好肚餓, 終於可以食飯啦~

我叫既翠肉瓜炒豬頸肉, 但因冇翠肉瓜, 變左做蟻瓜=.-"個豬頸肉太乾, 味道一般啦. 不過蕃薯媽好好人, 佢知我鍾意食特登夾比我食^^

唔知邊個叫既豆腐, 清清地, 都ok既~

菜膽雞~佢哋成日都食, 點都記得啦! 起初個侍應漏左落汁-.="

食完飯之後以為蕃薯會送我搭車, 點知最後都係冇送, 也冇叫我上左車打電話比佢囉, 不過咁都好既, 我哋而家根本冇關係, 佢都唔使照顧我, 但我點解有d失落呢?

幫阿光組拍戲, 好開心~

由於我自己既姿整, 本來約好兩點, 結果我要四點先到, 好對唔住呢~都唔知係咪我好彩, 我返到學校時, 見到佢哋好似剛剛開始拍戲, 就係阿駿係故事內遇到文迪果幕, 我係一邊睇都幾開心呢, 總之可以同到佢哋一齊已經覺得好開心~

大家度好位準備拍戲啦~阿ling睇黎好似舉得支咪好辛苦...

拍得都幾自然, 唔錯~阿光楂機個樣, 唔知點解我覺得好笑^^

呢幕拍埋遠鏡, 及補返d近鏡鏡頭之後, 終於到我幫人拍果部分啦! 我個角色係阿駿既女友, 而文迪係鍾意阿駿, 當文迪見到我同阿駿所謂既親密(其實只係我比佢飲野=.=")之後, 大家攤牌時既情況,我仲要係文迪面前串佢果隻, 其實我都唔想做呢個角色呢....點解我成日都要做奸角或第三者?真係悲哀, 仲要係拐情侶, 真係囉景定贈興呀? 不過我呢個專業(!?)既演員, 一於同你哋顛埋佢!!

我真係要餵阿駿飲野架, 我仲要忍住笑, 果然係個幾考演技既角色><

哈哈~比人影住, 覺得做情侶好奇怪呢....

哈哈~文迪忍唔住笑, 其實果陣我都想笑, 但拍戲時要投入角色, 唔可以笑><

大家終於認真起黎啦~呢次都幾成功既^^

我手指指做咩鬼? 我都唔記得左, 不過呢個pose真係幾串=.="

比文迪捉住手質問我~應該係話質問阿駿佢一腳踏兩船既事....

最後我會橋住阿駿隻手走人, 文迪企定望住我哋兩個人離開後, 自己呆呆滯滯地離開. 好在現實之中唔係咁樣. 如果係我一定傷心死呢.....拍呢幕自己都幾開心, 發覺自己幾鍾意拍戲的講, 可惜之後已經冇呢個機會呢...但呢個已經係我開心既回憶, 多謝比機會我拍戲既阿光及文迪組^^拍到夠鐘上堂, 我先冇得再拍. 成個星期拍戲已經完左, 期待既係佢哋剪完片出黎之後會係點呢?