先同大家講句中秋節快樂先~但我今年既中秋都唔知快唔快樂?
之前問開蕃薯, 佢中秋節呢兩日得唔得閒, 佢都話係屋企休息, 點知佢轉頭同第二個女仔影相, 唔知點解我會傷心及憤怒, 仲係fb的中英版買賣朋友度叫人買走佢, 仲打左好多難聽的說話, 叫佢同第二個女仔同佢慶祝生日, 都唔使我同佢慶祝....我不停地哭, 哭到訓左覺....
之後佢搵返我傾計, 講佢頭先行開左, 話我做咩亂咁up.
幻想P 說: 其實根本...
幻想P 說: 就無事發生...
幻想P 說: 我都唔知點解你會自己幻想咁多事出呢..
幻想P 說: 我都係無應你幾個鐘o者...
幻想P 說: 你想我點呀
艾爾莎kuｍｉ 說: 其實都只係我亂諗, 今日係中秋節, 你又同個女仔影相. 我都唔知點解自己會咁緊張, so 就胡思亂想, 見你冇覆我, 我又唔知你唔得閒, 先會胡亂講野
艾爾莎kuｍｉ 說: 我都唔想亂諗, 但自己都控制唔到
艾爾莎kuｍｉ 說: 估唔到又傷害左你, 對唔住
幻想P 說: ...............................
艾爾莎kuｍｉ 說: 不過我估之後唔會再令你困擾及唔開心呢
幻想P 說: 你唔係又話你想離開..或者咁 上下既野下話 (其實我呢次真係決定12月要走, 你以後唔使再話我...)
艾爾莎kuｍｉ 說 :.......
艾爾莎kuｍｉ 說: 冇可奉告, sorry
幻想P 說: 唉...
幻想P 說: 你又係咁..
幻想P 說: 次次自己唔知諗咩...攪到件事麻煩哂之後又唔知諗左去邊
幻想P 說: 老實講..你咁樣...只會令我怕左你
幻想P 說: 你可以..唔好咁嗎? (都可以, 或許我走左之後會改)
艾爾莎kuｍｉ 說: 我都唔知點回答你, 呢個係我思考方式
艾爾莎kuｍｉ 說: 其實我都怕你, 你咩都唔會講
幻想P 說: 其實...你呢個問題就係我最覺得同你無可能最大原因
幻想P 說 :你明嗎
艾爾莎kuｍｉ 說 :if 你一早講清楚, 我唔會胡思亂想
幻想P 說: 講真你好多野都好.(算啦, 我好唔好已經同你無關啦!!)
幻想P 說: 但...
幻想P 說 :你真係太鐘意亂諗野..
幻想P 說:令我好怕
艾爾莎kuｍｉ 說: 算啦, 就算我改左呢樣野, 你都唔會鍾意我
幻想P 說: 呢個可能係我地之間最大既問題
艾爾莎kuｍｉ 說: ic, 多謝你同我講真話
艾爾莎kuｍｉ 說: 其實我都好like 以前自己唔會亂諗野, 毎日開心既自己
幻想P 說: 我係要一個..諗野成熟 & 獨立既另一半 (哈哈~一定唔係我...)
艾爾莎kuｍｉ 說: 可惜我唔係你另一半, 獨立我係有, 我細細個咩都係靠自己
艾爾莎kuｍｉ 說: 可惜我想法我自己都知, 唔太成熟
幻想P 說: 感情上你一o的都唔獨立
艾爾莎kuｍｉ 說: 成日因一時衝動傷害左你
艾爾莎kuｍｉ 說: 因我從未試過拍拖, 講真我26年黎只係不停做野, 都冇機會拍拖(我做咩講左秘密佢聽!?不過算啦, 反正四個月之後唔會再見...)
艾爾莎kuｍｉ 說: 一個咩都唔識既人, 點會學識係感情上獨主及成熟
艾爾莎kuｍｉ 說: 你覺得我會同你拍拖只係短時間, 會完全學識咩? 呢d係講經驗, 冇又點會認識
幻想P 說: 希望..你係會愈來愈好..而唔好變本加例..
幻想P 說: 加油
艾爾莎kuｍｉ 說: 不過我唔會用冇經驗而令自己唔學, 我都會努力學習
艾爾莎kuｍｉ 說: 我都冇男性朋友, 點學呢
艾爾莎kuｍｉ 說: 或許我唔適合拍拖, 寧願做野, 取得地位, 金錢及權力比較適合我
幻想P 說: 哈哈
幻想P 說: 無男性朋友?你當我死左?
艾爾莎kuｍｉ 說: 我都希望你可以找到個思想成熟及成熟的另一半
艾爾莎kuｍｉ 說: 你都講話同你冇可能啦, 點練習牙
艾爾莎kuｍｉ 說: 哈哈~當然冇當你死左啦, 傻佬
幻想P 說: 如果你再係成日亂諗野...就真係無可能了
即係咩意思呢? 我問左之後佢冇再答, 同佢傾左其他野去忘記呢件事, 但點可以忘記呢? 忘唔忘記都好, 12月係表現事實的全部, 我也不用多講. 我都唔想成日講句[我想離開]之類, 而係真正的離開, 唔想再見到蕃薯唔再愛我, 我朋友有一句說話好岩, 如果鍾意一件事, 或者一個人, 跟本唔需要咁多藉口, 佢呢句說話令我明白. 其實我呢位朋友心理學好叻, 好多時都講中要害, 佢都幾關心我, 可能我係佢個case吧, 佢驚我有事, 佢先叫我係msn度add佢, 甚至叫我打電話比佢, 佢叫嘉輝.
仲有個口花花既n神, 不但問我幾歲, 住邊度及係邊度做野, 仲講左好多野引我笑, 佢把我個艾爾莎改左做愛莎(因個艾字同普通話同音), 仲成日叫我做愛莎, 好怕聽到個愛字, oh my god=.="同佢傾計都幾開心, 幾好笑; 又擅自把我住果個縉皇居改左做縉記, 碧堤半島改左做碧記.
仲有一個叫做, 弊啦, 我都唔記得佢叫咩名, 佢係新加坡住, 仲係個作詞人, 佢寫的文章都幾好架. 佢屋企人係台灣住, 剛好有颱風, 希望佢屋企人冇事吧.
本來同三個人傾, 我都已經好忙呢, 早上明明冇人傾, 夜晚又咁鬼多, 本來同佢地都傾得好開心, 所以我打左句[多謝唔識我既男仔關心我. 今日我好開心^^]. 所以覺得自己即使唔出街, 都有人同自己傾計, 咁就過左兩個鐘, 本來真係好開心, 點知蕃薯突然覺得悶, 話想出下街, 起初問左波特及聯, 起初我都想去, 但只有我一個女仔唔方便, 加上而家又夜. 加上我唔想見佢太多, 我驚第時自己走, 我會唔捨得佢.....都係同d男仔傾計吧~
welcome to my world...
My model life since Nov 09~
My sweet life w/ bf joejoe since Dec 09^^
今日下午返左去姑姐度食左姑姐煮得最味既烏冬, 之後幫手洗碗, 準備今晚食飯要用的餐具; 仲有同姑姐去買送及拖地, 做得太累訓左覺.
係做家務時, 同蕃薯sms, 知道佢今日會剪髮, 之後佢突然打電話黎, 話我知ive已經出左成績, 問我睇左未, 我姑姐屋企冇得開電腦, 冇得睇成績, 於是蕃薯幫我上網睇, 我的成績都ok既....比我想像中已經算叫做高分, 但都唔及蕃薯, 波特的分數. 令我覺得自己係咪真正適合讀電腦呢? 自己同佢傾電話時, 語氣有點失望, 蕃薯同我講話下個sem唔係太多programming讀, 叫我不用擔心. 多謝你, 不過我都係決定左讀埋呢個sem應該唔會再讀落去, 我呢句冇同佢講. 唔知佢係咪感受得到我就黎走呢? 佢最近越黎越關心我, 好似呢件事咁, 出左成績都特登打電話, 幫我check成績; 仲有我話夜晚一個人去海攤, 佢都話危險叫我唔好去,; 仲有我話比佢知我邊讀呢個course時, 佢話我會好開心. 但你知道我真係開心嗎? 可能這只係朋友的關心嗎?
屋企人終於黎到, 我姪仔都黎到~食飯之前一於同佢影返張靚相先, 仲有玩下燈龍, 睇下月餅先~
哈哈~我影相時, 佢即刻擺呢個pose啦^^
我的中秋節玩具~綠色發光彈彈波 + 螢光圈
堂妹比我食既芒果奶皇糯米滋~
唔同size的月餅~細個裝的月餅^^我哋食完飯之後的月餅, 味道係多啦! 不過冇隻味道好食!
全家準備食飯囉~
食完飯之後, 我哋全家休息左一陣之後再食月餅(我哋仲食得落嗎?), 味道雖然多, 但冇一隻味道好食, 尤其係果隻宇之金時, 真係難食到暈. 至於成日賣廣告果隻芒果脆脆及香滑奶茶, 都係麻麻地好味, 睇黎都係原味最穩陣^^
仲有差d漏左, 我係收買朋友度認識既stacey, 即之前係fb度提及過好好傾果個女主人, 佢今日生日呀~先祝佢生日快樂, 仲有希望我哋友誼永固啦^^
唔知大家食月餅時, 係咪成日左拆一個盒, 右拆一個袋呢? 拆左出黎之後, 個月餅盒最多用黎[煲臘]吧?其餘的廢物當然唔要, 我覺得真係浪費架! 不過有時又冇辦法, 毎個月餅都講求獨立包裝, 呢個都仲可原諒, 但有時會見到有d兩個裝的月餅出面又有個盒, 真係需要咁包裝嗎?
今日見到網上有篇新聞講得幾好, 就係話 [環保署 與五大月餅生產商簽署《自願性月餅包裝管理協議》，生產商須於未來一年減少包裝物料數目，及採用環保設計和生產程序。環境局局長邱騰華 又預計有關膠袋包裝的附屬法例將於本年底至明年初完成審議及通過。], 如果係真既話, 一定係一件好事黎, 但係用咩方法去減少廢物呢? 其後睇到話[盡量選用可循環再造的包裝物料，並支持回收和循環再造包裝物料。], 哈哈~如果真係有回收, 都應該見到有回收廢物設施之類啦, 可惜我都好似唔多覺有, 希望之後會見到. 即使有呢d設施, 也希望其他人合作吧!
今次簽約既有五間公司, 分別係東海堂、恆香、美心、聖安娜 和大班. 我覺得美心今年係環保方面好似做得唔太好, 唔知大家有冇留意, 頭先咪講到有d公司賣兩個裝的月餅時有用個盒裝住賣比人既, 其中一間就係佢, 希望佢下年係包裝方面可以做好d啦....
希望下年可以見到減少包裝的月餅. 仲有我今年買少好多好好味的月餅, 希望下年可以早d買月餅, 食多d唔同種類味道的月餅啦!
原來唔係只有我哋中國人先有中秋節食月餅, 連日本都有, 不過呢...佢哋唔會好似我哋咁食冰皮月餅, 冰燒月, 傳統月餅等等, 而係食一d叫做和果子(又係和果子!?)及饅頭, 個樣好得意好靚, 而且仲有埋食譜教人整埋, 仲有列埋熱量(kcal), 應該比食普通月餅更加健康吧!
日文叫做[お月見団子], 如冇譯錯係叫做和兒子賞月團聚. 係和果子的一種~
食譜: http://recipe.gourmet.yahoo.co.jp/E091804/
日文名叫做[ ほろ酔いうさぎ], 中文叫做飲碎的兔子, 飲醉的兔子仲可以賞月嗎?
食譜 : http://recipe.gourmet.yahoo.co.jp/U000118/
賞月食的饅頭~好有和式風味呢^^
食譜 : http://recipe.gourmet.yahoo.co.jp/B002447/
都係日式饅頭~好似好好味咁呢~
食譜 : http://recipe.gourmet.yahoo.co.jp/B002447/
今日我哋屋企都有月餅食, 食榮華果隻冰皮月餅~食芒果味及choco 莫加咖啡味, 隻咖啡味好好食, 好香咖啡味, 突然諗起同蕃薯上次又係去榮華買月餅, 佢上次唔食咖啡味之麻, 點知最好食係呢隻味道, 不過而家d月餅咁快賣哂, 一定冇得再買返啦><", 惟有等下年先食啦^^至於芒果味我都未食過, sorry....有機會都想試下既^^
今日msn上難得見到全部出席蕃薯生日會的人, 分別係波特, 阿聯及阿銘. 大家睇黎下星期六放學之後可唔可以同蕃薯預祝生日,尤其係波特, 原來佢同我我諗法一樣, 又係想同一日慶祝, 加上阿銘及阿聯都得閒. 至於各位同學會唔會出席呢? 雖然蕃薯話唔想太多人同佢慶祝, 但我相信如有人同佢講話慶祝佢生日, 佢都唔會推人吧?
之後我哋討論食咩, 蕃薯同我提及過自己唔鍾意食熱氣野及燒烤, 所以我哋都避開呢兩樣唔叫, 正當我哋煩惱緊食咩之時, 波特決定左打邊爐! 我哋都一致同意, 本來我想叫佢地去tuen mun 同蕃薯食過果間度, 因果度比較平及有同佢一齊的回憶, 但佢地似乎已經決定去旺角, 不過都冇所謂啦! 阿聯比埋個網頁我地睇下, d食物果樣都好似ok既^^
德興火鍋: http://www.openrice.com/restaurant/sr2.htm?shopid=3426
傾傾下已經影溏心2花好月圓啦! 埋位睇電視先~原來我哋傾左唔係太耐, 只係短短的二十分鐘=.="
呢位麻煩的蕃薯先生係呢個月尾就生日, 我之前sms都有同佢提下, 幫佢慶祝生日, 但傾傾下冇哂下文, 原本諗住唔使同佢慶祝啦! 點知一個msn, 又開始改變呢個故事.
今日個msn唔知做咩鬼, 成日都login唔到, 我於是手痕痕同蕃薯sms時講左出黎, 佢知道之後即刻打電話比我, 本來我都好開心, 因佢最近又關心我, 仲有我話會係返學途中會係工聯會或中大讀下art, 佢又問我工聯會得唔得架, 又話我一定會開心, 同埋佢記得我會讀第二個course唔知點算, 自己竟然為左呢d小事開心不已. 之後佢問起我生日既事, 佢話想同埋波特, 阿聯, 阿銘同我一齊食餐飯慶祝就算, 本來只係我同佢食餐飯, 我最後都講左出黎, 話想同佢食飯, 佢都答應, 叫我再搵過時間....但已經唔係佢所想, 都已經冇意思....
之後講開去camp, 最好去長州佢話最好成班同學去玩下, 話租d十人到的房間比二人房間會抵d, 我又突然想起佢之前話同我去長州玩, 又話我哋夾錢, 租間浪漫d的房間, 點解佢可以完全兩個答案架!!! 雖然佢講笑話我訓左時會[支]我腳版, 但我一定唔會去個camp, 係屋企休息下仲好! 我唔想再對住個唔愛我既人.
講真話我自己完全放開, 真係完全冇可能, 可能係自己始終心愛過, 即使要忘記, 都要時間. 加上我同蕃薯做朋友仲有一個原因, 就係希望可以同佢係埋一齊, 我已經一早同蕃薯講過, 話佢有女友時, 我一定會離開佢, 因我唔想見到佢同其他女仔親熱及sweet, 我真係唔會大方到會祝佢幸福, 所以我一定會走! 我究竟係咪好自私? 定係自己逃避現實? 我真係唔想再對自己殘忍, 迫住自己見到佢同人拍拖而自己仲要忍佢. 不過就算我走唔走, 佢都唔會在意, 即使我話走時, 佢多次留住我, 又成日同我吵架, 也只係佢唔捨得一個對佢好既人, 唔係愛情...自己係明白架, 最近我冇見到佢, 加上同事及屋企人對我既好, 我漸漸開心起黎, 開始多左笑容, 諗野開心左, 但知蕃薯佢之前之後兩個樣時, 我竟然仲唔開心, 難道我唔係真正的開心嗎? 自己都唔好貪心啦, 而家都有三個同事及一個老闆娘錫你, fb度又有我的好友stacey ng, 屋企人又支持自己, 同阿媽傾開計, 先知佢原來都心痛我讀呢個course, 話我成日都要做功課, 又成日要返學, 覺得我冇哂自己私人時間, 所以我都唔敢報讀五科, 而畫畫班呢, 都只係考慮中, 之後先算~
大家唔知對海攤有咩感覺呢? 有人鍾意藍天與白雲下的海攤, 睇落去好有朝氣, 令人覺得好開心. 雖然話已經放開左對蕃薯的感情, 但我都唔知點解都係有少少唔開心, 應該話我比較想輕鬆一下, 所以想去海攤行下....我覺得只要聽到海浪聲, 望住一面無際既海, 會覺得咩煩惱都會冇哂, 個人也輕鬆落黎. 本來琴日想去海邊行下, 但我約左重要的朋友, 不過都冇所謂^^
我把自己想去海攤既事話比蕃薯聽, 估唔到去海攤既係佢, 我講笑問佢做咩唔預埋我, 佢話自己去佢部新相機, 仲搵左兩個朋友同佢影相. 我第一個感覺係, 佢明知我鐘意去海攤都唔同我去, 都唔知佢係咪特登架! 仲要比埋相我睇....
仲要係情侶照...我都好想同個男友咁做, 不過呢世未必有機會囉....
點解佢係要選擇海攤架? 當佢話呢度係黃金海岸時, 令我諗返起我同佢係情人節去過既海攤....我第一個情人節, 就係去完海攤之後佢對我冷淡, 我估呢世冇機會再同佢黎吧? 想到呢度, 我已經唔想再諗起. 我唔係已經完全放底嗎? 我好恨我自己, 明明話已經放底, 點解自己仲要唔開心?
最近迷上左林峰.....果首[愛不疚], 可能同我而家心情差不多吧...
收藏在眼眸 常徘徊左右 愛猜到沒有
愉快玩笑後 能全然退後 你開心就夠
這種感覺太親厚 講一千句也不夠
假使講了你聽到後 或會走
這種戀愛太罕有 不須真正擁有
成全 衷心祝福然後 就放手
放手 放開所有 彼此更自由
放手 其實我絕非愛得不夠
放手 豁出所有 還有這個好友
已經 已經足夠
遙遠是宇宙 靜靜在背後 去看守就夠
這種感覺太親厚 講一千句也不夠
即使一剎有過衝動 挽你手
這種戀愛太罕有 不須真正擁有
成全 多捨不得仍然 是放手
放手 放開所有 彼此更自由
放手 其實我絕非愛得不夠
放手 豁出所有 還有這個好友
已經 已經足夠
放手 我的牽掛 找不到盡頭
放手 期望你幸福甚麼都有
也許 愛很深厚 然而我早看得透
放手 至可擁有