同好友再聚舊^^

今日又約左酸梅, 寶妮及嘉華一齊食下午茶, 定係果個係lunch黎? 因我地成日叫lunch set, 抵食麻~可惜的係liz因工作及功課而忙唔可以黎, 而蔡蔡也因今日係投票日, 要幫佢前老闆鄭家富手, 佢又唔黎得, 最後只有我哋四個女仔啦

我哋去返同上次一樣相同的樓上cafe, 呢次我部相機終於有卡可以影相(對上一次冇卡, 用左相機內置記憶,待仲未得閒整, sorry). 先比大家睇下間餐廳的格局先~

呢個係我哋隔離果個位, 我見佢布置真係正, 先特別影底~

坐底冇幾耐, 睇黎我哋四個相當肚餓, 一於唔理三七二十一, 叫左食物先算. 自從我上次叫左個爛鬼新地後, 我呢次唔會再叫, 叫左個午飯. 總之我一諗起食物就開心, 而且仲影底左佢地食咩^^

毎人都有既渺~我估係紅湯吧? 因佢有蕃茄肉^^

寶妮叫既司華力腸漢堡排飯~不愧係我至愛的司華力腸, 好味~

酸梅叫既鴨胸芝士天使麵~我真係未試過d鴨胸添!?

嘉華既咖哩豬排飯~聽嘉華講個豬排好硬? 唔係掛!?

終於到我果個lunch出場~就係沙爹豬肉少烏冬, 入面仲有各類菇. 除左個汁之外, 全部都好食! 同埋呢樣送有段故, 我睇個menu時, 中文係豚肉, 英文竟然察beef!!?? 咩話? beef?家陣究竟係豬定牛牙? 好在個侍應都好好人, 幫我問係咩, 原來係豬. 下次睇下佢menu有冇改先~

唔少得我地既合照~幫我地影相果個影得好核突牙><

我地食完飯之後, 因cafe果度個toliet太過[乾淨], 所以去左新世紀中心, 順便行埋街, 大家原本去三聯睇下有冇章程拿黎睇下, 因我想邊返學, 邊讀art, 但冇章程, 變左睇書, 我睇左好多關於解釋愛情書, 其中講到男女想法的大不同. 有一本好好, 佢解釋咩叫做愛, 就係指性格, 生活背景...總之好多東西唔同, 佢地因為對方有的優點, 自己冇既, 而會愛上對方, 又或者另一個角度睇, 如果二人完全相同, 係埋一齊都係乏味. 就係因為大家的差異, 大家先會互相學習對方優點, 互相體諒, 了解對方, 學懂怎樣相處及愛對方, 然後二人慢慢成長....我睇到呢度, 先覺得愛情的偉大. 令我開始唔再執著我同蕃薯係咪情侶, 而係明白我哋既相處過程, 原來當中我係佢身上學識好多野, 包括體諒對方, 學習佢的優點, 同埋最重要既係點樣去愛一個人, 我之前愛佢既方法錯左, 不停容忍佢, 聽哂佢話, 以為做咩都對佢好係錯, 其實文迪都同我講過, 只係我一直唔明白, 而家睇左本書, 再諗起文迪所講就明白. 那時我個心更加輕鬆及開心^^

不過最後我都係大出血, 因睇完書後就去睇化妝品及護膚品, 最後我買左野><

最後去skin food 度買左落妝(白色果支), beauty formula 既洗甲水, 及化妝綿~

買完野之後, 我開開心心返屋企, 但我見住我個戶口d錢就.....算啦, 船到橋頭自然直...(咁都得=.=")

遇上個家姐!?

其實我一直都好恨有個家姐, 因我係屋企最大, 成日都要以屋企為主, 成日都要為屋企生活而搵錢. 我都好想搵個人撒下嬌. 之前本來以為自己搵到個男友(蕃薯), 可以同佢撒下嬌, 點知不但唔可以咁做, 仲係悲哀, 我已經放棄左男友呢個諗頭. 好在個天都對我唔差, 係fb度認識左個女仔, 就係上星期二係blog度講過果個女仔, 原來佢大過我, 仲一直都同佢傾計. 起初我哋只講lolita, 而家講多左自己未來的去路, 好耐都冇呢種感覺, 真係好開心, 雖然未聽過佢把聲, 只係見過fb度幾張相, 但我覺得佢好似我家姐一樣^^

同佢傾計先知道佢做緊老師, 但佢同我一樣, 好唔鍾意自己做緊果行, 而且我哋同樣鍾意art, 想做自己鍾意既事, 做自己興趣的工作, 可惜係家庭制肘. 我哋傾左好多好多關於美術的事, 佢就話自己冇咩創意, 我提議佢做fine art, 係提議佢的同時, 也突然想起蕃薯同我講過話我有創意, 讀只講求畫畫技巧的fine art未必岩左, 唔知係咪話佢仔細觀察我定咩, 佢竟然比我更了解自己, 佢知道我鍾意天馬行空...唉, 點解會諗起佢? 只為自己未來設想, 還是.....而且我仲知道佢以為曾經會考考過art, 大學都有讀過, 自己真羨慕佢, 如果果陣我都讀art, 話唔埋我讀既唔係呢個course, 也冇可能認識而家呢班同學仔, 以及一直影響我的蕃薯

仲有佢英文好勁, 教書都係教英文, 而且仲學法文, 佢話英文基礎好的話對學法文會事伴功倍. 因為法文跟英文好相似, 好多字都差唔多/甚致一様 串法, 估都可以估到個意思...佢仲學左配音等等, 令我學識唔少我以外犯圍的野.

佢知道自己年紀唔細, 如果要好似fresh grad咁低人工冇可能, 覺得自己轉唔到工. 但佢竟然鼓勵我, 叫我堅持自己的理想奮鬥落去, 因佢覺得我擁有夢想而努力去做, 覺得我好偉大. 而我也鼓勵佢讀多d自己鍾意的科目, 即使係short course都好, 起碼自己讀過, 唔好令自己後悔, 也唔想佢放棄追尋自己的夢想, 總之大家一齊努力吧!

仲有佢都知我like lolita, 佢今日周圍去搵賣lolita的店舖, 可惜都係空手而回...雖然找唔到, 但佢比左條link我去睇睇lolita個網~又有共同興趣, 又可講下自己的未來, 我之前真係冇呢d經驗, 呢次真係好開心~好似多左個姐姐呢^^

老闆娘同阿珍突然唔見左?

今日如常返工, 老闆娘羅小姐也打左電話返公司, 話自己會係下午兩點幾返到公司. 但到左兩點都唔見人, 連阿珍都係, 佢全日冇返工, 我, mooji及candy都開始擔心, 點解佢地咁耐都唔見人, 平時佢地冇理由會冇交帶, 去邊度都唔同我地講. 以為只有我哋三個唔知佢地去左邊, 原來其他人都唔知, 阿珍個老公都唔知打左幾多次電話黎, 仲以為我地講大話, 問左我地好多次, 仲話放工之後黎公司迫供, 好在係講笑, 但真係比佢嚇死><

之後羅小姐老公都有打電話黎, 問羅小姐係唔係公司. 加上聽日出貨, 咁重要的日子老闆娘仲要唔係度, 各大陸廠, 船務...都打電話搵羅小姐, candy同佢地解釋左好多次, 羅小姐唔係公司, 佢哋都唔信, 而且聽candy講呢次係第一次, 之前未試過咁樣, 重要時刻唔見老闆娘, 係人都唔信啦! 但我哋真係搵左佢地好多次, 即使電話通左, 也冇人接聽, 我哋都想知咩事, 況且我哋都要搵羅小姐, 我哋呃佢吧鬼咩?

最後到左六點, 都未見兩人, 我哋先發現冇打佢地兩人大陸電話, 但係大陸電話都冇人聽, 後來好似聽返羅小姐個老公講, 佢哋兩人去左深圳, 但去果度做咩呢? 真係不得而知啦...

新手機登場~開心的一天!!

近呢幾日, 我哋公司毎人都冇野做, 都可以話我哋返公司hea, 我最多都係負責跟下電話, 團體醫療保的合約. 開下票, 學下日文. 老闆娘唔返時, 我就玩下fb, 真係開心啊~

漏左講添, 星期一話同我去電髮, 咪只有佢一個人去電, 電完返公司太捲啦,前面係幾靚, 但後面太捲, 佢形容自己好似個波羅包. 我之後就冇跟佢去電, 佢今日得閒幫我在toliet度教我點gel個頭, 原本我想買個假髮苙住自己, 但比佢一整之後, 覺得短捲髮都ok, 加上老闆娘幫我買左支gel, 我比返錢佢, 佢都唔收, 我多左一支gel啦, lucky^^加上佢又得閒同我改裝一件衫, 佢上身cool得好緊, 而且個bra又著得唔好睇, 於是佢送左一件藍色背心bra比我, 好緊身, 但穿左出黎睇好靚^^

放左工後, 原本同姑姐買假髮, 點知又唔岩心水, 最後都係keep返呢個頭, 所以都係買多支定型水就算. 我毎日洗完頭的扮靚組合終於決定好!

黑色果支係定型水, 自己買. 白色果支係老闆娘送既~

我的節目都仲未完, 同完姑姐行街之後約左蕃薯係深水步買電話, 因佢之前應承我. 原本想買同阿聯一樣的電話, 都係七百幾元, 點知佢係旺角買, 深水步冇貨, 最後買左呢部電話 -同樣係k-touch呢個牌子, 但係貴少少, 連埋張2GB卡要成千一元!


我部新mobile 登場啦~係銀黑色, 全部以黑色為主, 旁邊係銀色, 好型^^

至於有咩功能, 來來去去咪係聊天室, sms, 玩java game, 上網, 影相, 相片打印, 播放MP3或MP4, 錄影機!?, 收音機之類既野, 平平地買黎玩下都好!

買完電話後, 我去買左月餅請佢食, 因我都覺得自己係無理取鬧d, 想同佢道歉, 加上又就黎中秋, 所以請佢食二個細的冰皮月餅比佢食. 原來深水步冇咩大班麵包舖, 只係地鐵站先有. 但蕃薯話地鐵站美心裝修緊, 而我堅持一定要買比佢食, 所以佢都同我落去睇睇, 最後見到美心終於裝修完, 但係....美心已經關左門, 我有d失望, 因我想買個蕃薯糖水味比佢. 原本以為冇得買冰皮月餅, 點知美心隔離有個榮華的流動攤位, 終於比我見到冰皮月餅啦!我都係第一次同男仔去選擇月餅口味, 本來想食咖啡, 但佢又唔like, 最後選左個choco加牛奶味道比佢. 買完之後我正準備返屋企, 叫佢拿返去比佢媽媽同佢食, 點知佢話要同我食. 最後佢特登唔坐近佢屋企落車的巴士, 因果架去唔到深井, 同我去西九龍中心坐另一架巴士, 係車上同我一齊食月餅, 其實都幾開心 , 大家邊食月餅邊傾計, 佢仲話佢新買部相機係佢gf, 另一部老婆相機係屋企, 我都講笑話丟哂佢d老婆....哈哈~如果日日都咁開心就好, 係咪我太過奢求呢?

差點又同蕃薯吵架!?

ive 果度就黎出呢個月我哋返學的時間表, 波特今日同我講, 蕃薯佢都係決定讀五科, 之前佢應承我讀四科, 咁都唔緊要, 但你都要話我知麻, 當係尊重我都好. 唔知點解, 我覺得自己好似比出賣, 於是係msn度留message 比佢.

今日早上, 我同佢只係講早晨, 佢就好嬲咁問我覺得佢出賣我嗎? 之後就同我講左一大堆難聽的說話, 佢話[你都唔讀囉, 就算我讀幾多科都同我冇關係], 咩牙? 我雖然都成日講話唔讀, 但又唔係真係唔讀, 我就係嬲佢講到我真係唔讀!! 仲有[係你要走, 咁係我出賣你嗎?], [咁我唔理你咩原因啦, 總之你講過好多次....留又留過咁多次...你仲要話走都冇法...我都無你咁好氣], [仲叫我唔好講多餘野, 呢件事還呢件事]...我其實都覺得自己無理取鬧, 但佢都唔使講得太過分?

結果我係公司內成日偷偷地哭, 係個人toliet內自己大哭, 屋企sleep之前又哭, 結果哭到對眼腫哂, 什甚至我仲要同佢講sorry...而且連飯都食唔落, 我都唔知點解, 總之係好唔開心. 同時也令我明白, 佢從來唔關心我, 唔愛我, 仲成日整到我咁傷心, 永遠都唔會理我感受, 我仲因為佢哭做咩? 真係越想越唔抵!! 同時也令我明白, 佢唔係我要搵的人, 最好同佢唔好有任何關係, 更唔好話做我男友之類, 而家講真果句, 送比我都唔要, 我唔係意氣用事, 而係忽然明白呢個道理. 即使有人同我講, 佢都係唔想我走, 緊張我, 佢可能係對我有好感或鍾意我, 我都聽到毛管動, 真係好d驚. 睇黎佢真係唔係我真命天子, 自己惟有一直等真命天子出現啦=.="

對lolita的興趣!? 又多一個朋友啦^^

我把琴日影果兩張lolita相擺左係fb, 當我玩收買朋友時, 有個女仔叫做 Stancy Ng 係我個留言版內留言, 問我係咪鍾意lolita, 之後佢同我講其實佢都係, 於是我哋就一直用個留言版傾計^^

stancy係fb度張相, 雖然佢話唔係自己黎, 但真係好靚好型^^

S : 睇你頭飾... 你係咪都中意 lolita style ??

K: 少少啦, 上次和朋友去動漫展無聊買黎玩~

K: (呢個時候先知佢都lolita)咁你自己有無玩cosplay 或lolita? 搵到有共同興趣的人啦^^

S: 冇呀, 我年紀太大了, 呵呵~
不過有機會我都想玩下. 可惜o係香港呢個次文化唔係好盛行..
我真係好中意, 有時會諗下想開間賣 lolita 服飾o既專門店呢~

K: 你都好後生之麻!
嗯, 冇錯, 之幾年都仲見到有人著住lonita出街, 而家最多只係動漫節先見到....如果香港多人玩,我地一定會去玩
哈哈~開店舖都唔錯呢! 自己又可著埋, 我又可以幫襯你^^

S: 呵~ 你點知我幾大? 張相o個個唔一定係我~ 哈哈~
哎... 講就容易, 邊有錢開舖吖... 或者等十年後有錢~

K: 我以為係你黎, sorry牙@@ (其實fb度張相先知唔係佢黎)
希望你可以開得成, 努力儲錢啦~等如我都想係hk玩lolita都無機會玩, 得閒自己玩下都已經oK

S:嗯... 你講得o岩, 其實如果有時間, 有道具, 差唔多樣o既衫, 自己都可以玩下o既, 影張相放上 '收買 朋友'~ 我都有諗過o架~ ^^

K: 下年你去返咪得, 個頭飾好平, 只係60元我先至買, 至於d衫就麻麻地靚, 但都要200幾元件=.=所 以咪只係買個頭飾...可能係假吧!? 但愛黎玩及影相都ok.

我都like gothic lolita, 我覺得只係黑色靚, 其他就麻麻地...我都只係為左影相, 因我有朋友係攝影師, 想比佢地影下...
係牙, 我屋企只係得一條類似lolita短裙及個頭飾, 睇黎就算假貨都好難搵得齊><"只好盡量去搵吧@@類似個lolita look已經好開心啦~
你好忙的嗎? 我見到你話有時間先玩?

S: 早知我都走去動漫睇下啦~
介唔介意講俾我知個頭飾幾多錢?? 要唔要百幾蚊??
講真, 如果只不過係為影相, 我冇諗住要買一件真的呢. (睇過日本的lolita 店舖網頁, 一件要幾千蚊. 香港d 就幾百蚊一件囉.)
因為我最中意係 gothic lolita, 主要以黑色為主, 所以會比較容易可以搵到差唔多樣o既 '假貨', 再自己 mix and match.. 或者都 可以 '砌' 出一個lolita 形象... 嘻~
不過有時間有心情先啦~ 哈~
你都玩下啦~

K: 係牙, 200幾元個價錢ok, 我d fd見到我只買得個頭飾, 於是問我做咩唔買條裙, 因條裙真係唔靚, 而且無咩laces 花邊, 只係黑連身裙及白色邊, 所以無買到...
有鬼用咩! 佢地只識影model及靚女, 仲話我唔太識化妝, 講到明話我完全識化妝先幫我影=.=" 尤其我有個攝影師fd竟然話唔like lolita!? 嗚嗚...
哈哈~睇黎我地真係好like gothic lolita, 如搵到有地方買lolita用品, 可以一齊去買就好~if 可以有人幫我地影埋相仲好^^

S: 呵, 原來係咁. 咁如果整得唔靚就唔值得買了. 其實, 我都唔知 d 衫o係邊度有得賣? 間中o係 旺角中心, 百利等商場見過, 但呢d 舖流動性好高, 轉個頭又已經執o左笠. -___-"
你朋友係攝影師, o岩晒, 仲可以教埋你化妝... 如果佢認為你化得唔夠完美.. :P 咁你之前幅相, 係咪都係你d 攝影 friends 幫你影的??
其實我一直都好中意次文化 fashion style, gothic, punk, lolita 都中意, 當中最中意就係 gothic lolita. 只係o係香港呢d 次文化唔盛行, 甚至出到街會俾人 '歧視', 我本身亦唔係一個好潮的人, 所以冇玩.
但如果有機會, 都好想玩下, 影下相留念, 都好!!~
我o係度諗, 有d 影廊 (salon/studio), 係咪都有類似呢d style o既衫俾人揀來影的呢?? hmmm...

K: 係啦, 好多地方都無得買lolita 衫及用品, 想玩都無得玩...鳴...我都聽朋友講過旺角中心有得

買, 好似幾百元, 甚至幾千元件, 太貴了, 點買啊><但周圍又唔見有得買, 所以就無試過玩... 佢都只係幫我化過兩次妝影相. 之前有張紅背景, 穿間條衫; 及打扮到飛女果張係佢化妝及影相; 飛女果次係影樓影, 影左三個鐘, 好怕佢d燈, 好殘眼.. 講 得岩啊, 香港都無人咁著, 一有人著lolita, punk...look一定比人望到實, 好似係比人 '歧視', 總之係唔受歡迎咁, 真係慘...就算打扮到似日本少少果d, 啡/金長捲髮, 化妝少少濃, 著比較特別的短裙/褲及長d的衫, 遮住條裙果d衫. 出街都已經比人望實, 何況係lolita之類>< 我都想係salon/studio影, 但好似無lolita衫...我都想知邊度有得影~~

同佢傾計真係好開心, 難得搵到一個同樣like gothic lolita 的人, 而且又慨嘆香港冇咩人玩, 所以特別好傾吧!? 可惜的係大家冇互相問人拿msn, 不過唔緊要, 只要有得傾, 開心就得啦~同佢傾得咁開心, 自己又拿個頭飾黎影相, 仲要帶埋個假髮, 點知出黎個效果仲好, 始終都係長捲髮襯lolita最好睇!

我又帶個lolita頭飾啦~其實我都唔知點解隻手咁擺? 或者係抽斤=.="

呢張正常好多啦~但我都要學下化妝, 再可以影靚d^^

又剪髮? lolita?

終於剪左個新look返工, 先係candy發現我剪左頭髮, 話我個look清爽好多, 當然啦, 冇左成把頭髮><"真係好唔捨得把頭髮啊....之後老闆娘返黎, 佢話我個頭剪得唔好睇, d陰剪錯左方向, 又話剪得唔夠bob, 叫我聽日同佢去電髮!? 我驚佢會電得好貴, 佢咁有錢就話, 我咁鬼窮; 加上自己見到自己好短頭髮, 想起佢有排生返就好傷心, 真係唔捨得再整把頭髮, 都係考慮一下吧...最後老闆娘佢自己一個人去電, 電左之後再比我睇下, 惟有係咁囉!

雖然呢個頭真係好核突, 但我又唔知點解有d唔捨得. 返到屋企時, 見到個lolita頭飾, 心想唔知帶左係我呢個短髮度會點樣呢? 不過又冇件lolita衫, 惟有帶住個頭飾先....於是自己係間房內貪得意帶左黎玩, 而且仲玩埋自拍, 真係無聊都暈

係頭頂度影返落黎, 其實我好like呢張相果個表情~


其實呢個係我短髮, 短到大約到條頸度, 真係好唔開心....可能係燈光問題, 影到我d頭髮都ok^^

至於點解唔比大家睇我個樣呢? 因我成日都夜訓, 全個黑眼圈都走哂出黎, 成隻panda咁. 加上自己個頭同個樣都咁核突, 所以先帶住個lolita頭飾先咁影相....點知就引起我對lolita的興趣...