約會!? 和同學的聚會^^

教programming的個阿sir講書真係好悶及唔得, 總係教唔到我哋學懂, 一味只係叫我哋打好個程式, 連教都冇咩點教我哋做, 就要我哋交功課....真係當我哋咩都識咩!? 波特一早已經唔滿意個阿sir, 所以決定走堂去葵芳睇戲.本來我都想去, 之前蕃薯可能佢唔忍心見我唔識java, 話係堂上教我, 而且佢今日去私人pub, 慶祝個朋友生日, 要等到成十點半, 我唔忍心丟下佢一個人唔理, 所以我唔可以同你地去睇戲, 對唔住啊, 但我會同返你地食晚飯啊^^

教緊java時, 佢突然同我講話同我去街睇化妝品. 吓!? 其實我之前一早同佢講過, 估唔到佢仲記得!? 仲有咁咪即係......約會嗎? 唔係, 佢有時都同女仔行街啦, 唔係只有我一個, 雖然我知佢平時都係搵model朋友影相, 男仔研究電腦及忙住一份設計網頁的pt job.咩都好啦, 但佢主動約我, 都有點開心. 呢件事只話比文迪知, 其他同學都唔知架~

(我哋決定七點半走堂, 期間從阿駿口中得知tracy讀埋呢個月就唔讀, 去公開大學讀書, 你要加油牙!!如果得閒的話就同我哋全班同學食飯~, 講真而家真係好少同你食飯, 你返份工真係辛苦, 冇辦法囉>_<")

我同蕃薯決定行旺角, 因佢心心不忿自己今朝買的mouse壞左, 想去旺角買返, 可惜佢都買唔到, 都係拿返去換啦(汗), 我同佢雖然沿途冇拖手, 冇咩點傾計, 但享受二人一齊果種感覺~我哋之後去睇化妝品, 又係自己大出血的時候>_<"

有粉底液, 粉餅, 遮夏膏及眉筆, 除左眉筆外, 全部都係cyber colors, 因其他牌子貴啦, 都係買d中價我物品先~

好在姑姐送左支base比我, 我可以買少支, 多謝你^^

之後蕃薯差唔多去朋友party, 佢要去食飯先, 佢因見我和同學仔食飯, 所以佢打電話搵人同佢食飯, 對不起呢>_<"不過我要和同學毎個星期六都要偃飯麻, 唔可以重色輕友架, 最後只剩下我自己一個去花園街行下, 佢已經叫我和同學仔會合先, 但我都係想行街呢~ 其實自己去花園街想睇下衫, 因我姑姐話出左好多日本款, 於是我想去睇下~的確係幾多下, 但我又唔見有其他人穿, 如只有我穿又好怪, 所以到最後我都係買得一個袋...

只係剩下呢一個啦, 都只係平左十元, 真係唔抵!! 但呢個可以比我平時返工用下~

文迪佢地終於睇完戲, 經過佢地討厭過後, 都係係深水步食. 蕃薯驚我自己一個悶, 途中為只剩下我一個人行街而道歉, 而且我地互相話比大家知行蹤, 都係麻煩啊, 呵呵..終於搵到文迪佢地, 呢次係食日本野, 好野!! 而且又好抵, 只係三十五元~
估唔到只係三十五元呢, 有一杯飲品, 一個麵/烏冬, 一個鍋, 同三件剌身仔, 不過比我食左....

我哋又食又傾, 真係好開心呢~傾傾下已經成十一點幾, 大家先捨得離去各自回家. 回到家中上網, 竟然見到文迪msn內句msg, 佢似乎好唔開心呢.....聽日果篇待續...

又想換髮型!?

琴日睇完時裝網頁, 今日唔使返學, 唔使放左學返屋企夜晚先睇網頁. 雖然我已經駁左髮, 但我都唔太滿意, 仲想整靚d個髮型. 於是我又上網搵下髮型, 呢次唔使搵中長度及短髮, 可以玩下長髮啦~

好似公主一樣的捲髮, 也係我一直想捲....不過平時用大捲會好怪, 都係影相時先用! 但我有機會影相嗎?

如果係返工的話, 呢個髮型已經ok. 用我係中捲, 而且呢年也金興呢類自然捲的髮型~如果大家留埋[音]就好, 睇落去比較有日本少女味道~而家興類似呢隻捲髮, 因佢睇落去比較自然, 而且唔太難打理, 尤其係返工, 只要幾個字就完成, 之後可以靚靚返工囉~

我個人最似呢隻, 比上面果隻仲易打理, 不過冇咁靚囉...最衰都係自己懶

時裝雜誌網頁

其實小女子有個興趣, 就係睇日本的時裝雜誌, 但毎次買都要成五十元本, 冇理由因買雜誌而窮死架! 所以我只係買一本vivi, 但又點夠我睇呢? 於是我試下上日本yahoo搵下, 點知佢真係有日本時裝網上雜誌, 而且仲係唔使錢的~我只比條link大家, 大家即使未必識日文, 都可以去睇下:

1) jade: http://fashion.yahoo.co.jp/magazine/jade/11/jad001.html
呢個網頁主要介紹一般時興及少女的衣服, 包括一直長青的tee, 熱褲, vest(背心褸). 同埋各名人的穿衫方法, 包括安室奈美惠(佢又復出啦, 真係幾靚女^^), 仲有歌手mihimaru GT, Leah Dizon....仲有部分化妝品及身上流行配色資訊, 都幾好睇的時裝雜誌, 可惜只有20頁...

2)Estie: http://fashion.yahoo.co.jp/magazine/estie/10/est001.html
呢度的衫比較成熟少少, 避開現在流行的sharp的顏色, 即使係黑白色, 也可以配得好好睇, 惟一留意的係黑色星星及碎花衫及裙, 穿起黎好斯文. 在第17及18頁有心理測驗玩下, 題目係關於同男友的約會, 係佢屋企整料理及同佢傾電話的內容~

3)with: http://www.joseishi.net/with/tesou/index.html(手相占卜)
http://www.joseishi.net/with/shinri/index.html(愛情心理測驗)
我唔係睇佢的雜誌內容, 但佢得個目錄, 擺明要人去買佢本雜誌啦! 我鍾意玩佢個手相占卜及心理測驗, 我覺得都有少少準架~

至於和服呢, 唔知大家想唔想穿下呢?我個人就好想穿, 但係香港邊有機會穿, 就算有都貴啦. 只好上網搵d相比自己睇下, 當自己穿左啦...(吓!? 咁都得?)

我真係好想穿啊, 快點買機票去日本吧>w<(喂~~)

戀愛好麻煩

近排有個外國人, 佢一見到我上網就成日hi我, 不過呢樣都算, 至煩係講咩[我愛你], [我會等你]之類的說話....如果個男仔係自己鍾意, 佢講幾多次都冇所謂, 但如果我唔鍾意果個男仔, 我就會覺得煩厭, 我已經同佢講左我有鍾意的男仔, 但佢都照追我.....於是我扮offline避佢, 佢都成日煩住我, 令我忍唔住封鎖及delete, 但個msn真係冇用, 即使我刪除佢, 佢都可以add到我, 仲要毎次我玩msn時, 都會彈佢個名出黎, 最後我加返佢, 用返封鎖先可以令佢唔使再煩我. 近排都幾多呢d野, 真係唔好彩.

頭先提及果個男仔, 佢話自己唔舒服, 但為左同我傾計而唔睇醫生(唔知係唔係!?)於是我用我朋友名義同蕃薯傾, 佢同我講男仔講的野唔係太可信, 但我講左句咁我可以信佢嗎? 咁就穿左幫...只怪自己講野太直...佢就同我講, 男仔就係咁, 得左手之後就會諗要唔要....死啦! 聽佢咁講, 我呢世咪唔使旨意識到男仔, 不如佢或者其他男仔朋友介紹d好男仔我認識吧啦, 唔使我一世唔使結婚咩? 都係講下, 雖然話要等姻緣到, 不過唔可以冇了期咁等, 可能單身比結婚仲好呢,....都係比個天決定吧!

戀愛呢d麻煩野, 一時又令人可以好開心, 為左自己鍾意的男仔去克服自己弱點, 即使自己冇能力去做一件事, 佢總會係我身邊不離不棄, 一直幫助我; 而我也會盡力去幫佢; 但也因為佢同第二個女仔傾計開心而呷操及妒忌, 同埋有時同佢吵架時, 自己可以好唔開心 ...因個男仔而令自己時喜時怒, 究竟好唔好呢? 雖然自己覺得自己好傻, 但心情呢d事又唔到自己控制, 對於之前冇咩點拍拖的我, 的確係覺得麻煩, 但又享受有人對自己的好, 自己真係複雜呢....

過左試用期, 但....

好開心今日開始已經過左probation, 但係因本人工作太懶的關係, 所以冇加到人工, 真係有點可惜! 不過可以遇到一班對我好好的同事:

老闆娘 :分別係女強人, 好顧及各員工感受. 佢知我冇咩社會經驗, 教左我作為一個員工及一個伙計應有的工作態度及能力, 令我在工作上及做人上學懂好多野. 但我卻係工作心懶洋洋, 連你都話, 如果我幫唔到公司手, 或者會炒我, 真係令我返工提心吊擔. 但你地迫我先會做得好, 呢個習慣我真係要改下~

仲有恭喜你生左個聽話的仔仔, 祝你生活及工作愉快! 我覺得佢管理佢父親生意已經好好, 而且也因為請左我而減少同老公在公司上的磨擦, 希望我真係可以幫到你~

candy: 雖然佢講野比較直接, 而且又易傷害人, 但佢唔係有心, 都係想幫我. 我有時駁你咀, 好對唔住.我成日做錯野, 你都一直睇住我有冇做錯, 成日從旁邊提點及幫我改正錯處, 除左講多次對唔住外, 而且仲要多謝你~

仲有希望你可同個仔仔搵到你及仔仔鍾意的學校. 知道你近排為仔仔搵學校好辛苦, 而我又都唔識, 只可同你講句加油!!

mooji: 同你一齊入職, 但你都可加人工, 你咁勤力係應該. 你雖然平時冇咩同我傾計, 但有時也教左我好多工作及做人的道理, 令我得益不少, 多謝你!

阿珍: 最記得幫你買左同我一樣款的鞋~佢同我一樣都好慳, 又係鍾意食平飯, 尤其係咸魚肉餅, 但唔好食太多咸魚, 對身體唔好><

倚安: 同我一樣, 成日做錯野比老闆娘鬧, 真係同是天涯淪落人. 希望我哋大家一齊做d野, 唔好比人鬧啦! 仲有佢似男仔一樣短髮, 而且衣著又似男仔, 比附近公司以為我地公司請多個男仔...

總之而家呢間公司, 毎個都係好人. 毎個都係比較直接, 有果句講果句的人, 而且又願意教懶惰及冇記性的我, 一直以黎比左好多麻煩比你哋毎一位, 真係唔好意思. 我最近也開始改善惡習, 真心真意為呢間公司. 我而家的目標係幫公司慳多d錢, 令到大家有多點花紅分^^

多謝你..

因為要準時送貨比日本客, 費時d日本客嘈我哋公司, 佢哋真係好煩架! 聽速遞講今日塞車, d貨又係佢哋公司度都仲未黎, 而且又唔願出貨比我哋, 但我哋公司堅持要佢比貨我哋, 於是就好遲d先收到貨. 收到貨後, 都已經成六點九, 又要做埋出貨文件, 整到成七點幾先走得, 仲要去DHL的收件中心度, 我今日要返學, 遲哂大到啦>_<"好在我呢班好同事及老闆娘, 知道我趕時間, 佢叫我拿住一箱貸品落DHL, 佢哋會幫我出電郵比日本客, 打卡放工, 及星期二先比返個底單佢哋, 多謝你哋啊~

終於完成送貨任務, 蕃薯打電話比我, 問我係邊度, 原來佢都係剛去到葵芳地鐵站, 我原本想叫佢返學先, 點知佢竟然話等埋我, 我都覺得好意外, 對上一次佢同我返學, 已經係幾個月前拍拖的事, 呢種感覺既熟悉, 但又覺得陌生, 點解毎件事都在重演中?

返到學校, 阿sir話programming冇只有一份功課交, 多數用平時的堂上課計分, 唔使我哋做project. 即係只有database要做功課嗎? 於是講開組隊問題, 要三個人一組, 蕃薯問波特有冇人同佢組, 波特話我同佢一定係一組, 最後二人都同意, 我哋三個人就一組啦! 但係....我全件事上冇出過聲, 就已經決定左一組麼? 佢哋二人先問我係咪反對, 我當然唔反對啦, 有二個勁人伴住我, 我開心都黎唔切. 之後靜靜打電話比我, 可能又叫佢honey之類, 又話係屋企整蛋糕佢食, 蕃薯以為我同男仔傾電話, 佢一直在電話旁邊大聲講[kumi牌蛋糕真係好味~], 哈哈~估唔到佢會誤會, 後來我同佢講, 我對我女仔朋友先會咁講. 仲有又話我係男仔就好, 一定會做運動型氹女仔都似, 即使我話似同性戀男性打扮, 佢只係講左句, 你始終都係女仔....

由於遲左上堂, 阿sit要求我哋做的堂課仲未完成, 我先開工, 蕃薯仲氣定神閒整佢琴日影個女仔張wallpaper, 好心你心快d做野啦!! 最後我地終於做完份功課, 但我竟然黑仔到部電腦冇javascript, 冇得交功課, 最後只好返屋企交. 但所有同學都已經走哂, 只剩下我, 蕃薯及青衣人. 好多謝蕃薯你, 全部人走哂, 你都幫我執執個java先交功課, 而且仲等埋我^^

距離仲有一個多月, 好好享受埋同佢呢段開心時刻....

又再心痛!?

難得在屋企得閒, 都係玩下fb多, 尤其係買賣朋友中英文版, 簡直係我至愛~甚至連同學都笑我, 我一定係最熟玩fb果個, 因某次波特去工聯會度拿左本章程, 其中有個課程係學fb!? 於是蕃薯話我, 我成日玩fb, 不如叫我去教好過. 傻架咩!? 係都唔教fb, 而且我又唔係樣樣都識...

至於蕃薯, 佢又同佢個靚女朋友阿grace在屋企影左一輯有動態的相. 唉....又係同人去影, 個主角永遠都唔會係我...佢話係第一次嘗試影動態的相, 佢果然係靚女...

佢影完相之後, 即刻在msn上hi左我, 但我見到幅相, 除左覺得靚之外, 也冇咩感覺. 只係鼓勵佢影多d呢類作品, 唔係我仲可以講d咩? 即使佢同媽媽出街食飯, 佢也叫我同佢sms聯絡, 我只好裝到若冇其事, 一直同佢傾計....但只要見到佢開心就好了, 起碼可以在我走之前, 留比佢一個開心的回憶, 咁都唔錯吧!?

我真係可以咁大方嗎? 我都唔係佢女友, 只最多只係佢所謂的[友達以上, 戀人未滿]的朋友, 我仲可以干涉什麼? 明知係呢種關係, 就唔好再想啦~都係快d決定係咪讀art的hi dip仲好!!