仍能放底嗎? 自己的選擇

今日返到公司, 仍然提唔起勁工作, 成日心不在然, 有種錯失落及傷心之感. 而且仲躲在公司獨立廁所內哭, 已經同自己講左好多次, 蕃薯根本一直只係拖你, 冇心同你一齊, 不如忘記佢吧, 人始終要灑脫, 唔好拖泥帶水, 但眼淚不聽自己話, 一直在流...

返到屋企, 同蕃薯都吵哂架, 又驚佢話我阻住佢而討厭我, 於是我搵朋友幫我把art果份功課由ai轉做jpeg格式, 問左好多人都唔認識, 最後終於搵到阿聯幫我, 最後終於整左出黎. 正想交功課之時, 蕃薯突然同我講, 問我做咩唔搵佢, 咁我驚阻住你麻. 於是佢叫我比呢兩份功課的ai 檔案比我, 幫我手再整過. 佢做咩突然熱心幫我呢? 係咪因為同學在佢面前話佢唔幫我, 佢先會幫我? 佢咁討厭我, 應該冇理由主動幫我, 不過點都好, 我要同自己講, 少接觸佢為妙. 最後佢都幫我整好左, 交左功課出去, 個心都靜返好多.

已經決定想讀的兩個course, 分別係中大的commercial design及港大同英國大學hull舉辦的會計學位課程, 我唔知讀邊個好, 兩個course學費都好貴, 要成二萬幾元, 但design係自己興趣, 也係而家想讀的科; 另一個係為生活而讀, 希望自己即使冇婚姻, 也可以有些錢傍身, 呢個選擇對我好重要, 因會決定我將來意向, 好多朋友建議我讀design, 因係我個人興趣, 最重要的係唔使驚因冇興趣讀而放棄及辛苦, 我也覺得係. 就算兩個讀邊個都好, 起碼我可以離開佢, 唔使毎日見到佢及同佢有咩關係, 自己已經冇能力去愛佢, 可做的事我已經做好, 也冇做對佢唔住的事, 只恨自己生不重逢時, 唔可以同佢一齊, 唔可以埋怨任何人, 我都明白, 惟有讓時間慢慢沖淡一切...

正當我想忘記佢之時, 佢突然同我傾計, 提及佢聽日會去ive幫人整影展, 佢負責影相, 我講笑同佢講我又去, 點知佢竟然應承我. 我都只係講笑, 估唔到係真, 因佢平時唔會同我去影相, 佢也講到好實在, 話我知幾多點及地點等, 我根本推不掉, 惟有應承佢吧....嗚嗚...

影完相之後約左靜靜屋企, 好耐冇見佢, 好期待聽日. 大家似乎有好多野想同大家講^^

我們的愛 詞:F.I.R、謝宥慧 曲:F.I.R.
回憶裡想起模糊的小時候
雲朵漂浮在藍藍的天空那時的你說
要和我手牽手 一起走到時間的盡頭

從此以後我都不敢抬頭看
彷彿我的天空失去了顏色從那一天起
我忘記了呼吸 眼淚啊永遠不再不再哭泣

我們的愛 過了就不再回來
直到現在我還默默的等待

我們的愛 我明白 已變成你的負擔
只是永遠 我都放不開 最後的溫暖
你給的溫暖不要再問你是否愛我

現在我想要自由的天空遠離開這被捆綁的世界 不再寂寞 喔

同蕃薯的第一次吵架

我仍然為冇得交功課的事而煩. 功課已經做完, 但唔知點交好, 因個功課係用illustater做, 要令佢變返個圖先可以交, 但我呢個電腦白痴鬼識咩, 於是搵左好多人幫, 第一個當然搵蕃薯, 因佢已經交左麻. 我叫佢幫我交, 其實佢想幫我交, 但因冇我卡片張相而交唔到, 我以為佢冇幫我, 於是我發脾氣話討厭佢, 話人地唔認識我, 都盡力幫我搵資料. 而佢又忙緊, 突然比我咁話也開始嬲. 於是我哋兩個吵架上黎. 以下係我地對話及自己感受...

China 幻想P 說: 好
China 幻想P 說: 咁你以後唔好再sms我....
China 幻想P 說: 係咁!!!
百花繚亂@kumi 說: 我都只係講笑(指佢唔幫我交功課
百花繚亂@kumi 說: 對唔住呀
(其實我係希望佢唔好再嬲, 唔想再同佢嘈, 但佢似乎真係好嬲, 冇聽到我意思...)
China 幻想P 說: 第一....我一早同你send 左logo
百花繚亂@kumi 說: 我自己整返 (指交功課一事)
China 幻想P 說: 第二......
百花繚亂@kumi 說: 係咩? 你有send到我份功課嗎?
China 幻想P 說: 你張card無插張相比我....link唔到....
China 幻想P說: ai 拉相入去....只係條link....你唔留返張相比我....我係睇唔到的....
China 幻想P說: 你話我做少少野都唔得? 我做咩叫你呢我度做,....貪你阻住我個電腦位嗎?
百花繚亂@kumi 說: 好對唔住呀, 我仲怪錯左你....我以為只係二file, 你就可以比我send到份功課
百花繚亂@kumi 說: 令你咁嬲, 好對唔住....
China 幻想P 說: 如果你覺得我真係唔願意幫你....你就當我係咁
百花繚亂@kumi 說: 我會慢慢研究, 唔阻住你做野
China 幻想P 說: 我諗你都係轉科吧啦....
China 幻想P 說: 我唔想你為我...留下....
China 幻想P 說: 無意思....
百花繚亂@kumi 說: 點解連你都咁講ga...
點解連你都咁講ga....
China 幻想P 說: 我咩都唔想知.....唔想理....
China 幻想P 說: 係咁....
百花繚亂@kumi 說: 我唔只為左你, 仲有我的夢想, 我只係電腦真係好弱
百花繚亂@kumi 說: 我一直以為你幫到我, 令我唔再驚電腦, 原來你已經討厭我
百花繚亂@kumi 說: 我真係真心學電腦, 但學極都唔識
百花繚亂@kumi 說: 不但係理想, 也係因為我鍾意的人
China 幻想P 說: 係....我真係好討厭你 (你知唔知道一個女仔比自己鍾意的人說討厭, 會有咩感覺?)
百花繚亂@kumi 說: 唔係, 但我鍾意你
China 幻想P 說: 討厭你既說話...
百花繚亂@kumi 說: 我想拉近我同你電腦上的距離
百花繚亂@kumi 說: 但原來一直做的野都係白費
百花繚亂@kumi 說: 我明白啦, 我會改善自己習慣
百花繚亂@kumi 說: 終於明白那心傷之感覺...
China 幻想P 說: 我本來打算早d訓....但估唔到為左同你吵...而又咁夜訓....都唔知為咩....
China 幻想P 說: 唔傾了....係咁啦...

結果我真係哭起上黎, 心被撕裂一樣, 覺得好痛苦, 好難受, 我第一次有呢種感覺...到底點解呢? 佢唔鍾意我都唔緊要, 因我一直都會愛佢, 點解佢要講出一連串傷心之說話? 佢呢段說話令我決定一定要走. 我在msn句msg度留下句[一切只能回憶, 你已經討厭我也決定要走, 即使比你傷害一次又一次, 但我仍然愛你], 再一直同文迪傾計, 估唔到蕃薯又再上網, 我已經唔再同佢傾, 佢同我講有些說話講左已經收唔返, 你同我講呢段心傷的說話何嘗不是? 我地大家互相say sorry, 佢在msn及用sms, 叫我唔好再胡思亂想, 好好訓覺. 但我心仍然好傷, 那晚下傾盆大雨, 我獨自在房內一個人哭...

終於完成art的功課~~

約好左放工去蕃薯屋企, 又比同事誤會我去男友屋企, 佢邊忽似我男友呀!!!本來想放工之後, 直接去佢屋企, 但由於自己太眼訓想返去訓, 而且又在屋企食埋飯可以慳錢, 所以都係返左屋企先~

直到八點幾先出門口, 結果當然係遲到. 立刻去佢屋企度開工, 首先整左卡片及logo, 即係上星期六有交的其中一份功課, 同埋黑仔到hang左機, 要重頭做過果份. 不過今次係用ai, 唔係carol draw啦. 先做卡片, 我基於上星期六果份功課的概念, 以黑色為主色, 做左一張卡片:

終於完成第一份功課啦~先介紹一下我的作品concept, 如上文提過, 背景及文字用黑色, 其中白危行字係我作的公司名, 係一間設計公司的名稱. 但全張黑色的話會冇咩吸引力, 於是蕃薯教我整條慚變色的線, 唉呀, 唔知叫咩, 是但啦!!同我至愛的pirple做我個名 ,可令人即刻望到條線及我個名先, 之後會再睇埋卡片內之內容麻^^

蕃薯做的卡片, 果然比我專業好多呢~我比較like佢有相片果部分. 話說佢本來已經交左, 但都係唔滿意, 於是自己又做過及重新再交~

我都唔特理佢, 自己做個logo先. 呢次係幫一間電腦維修公司做logo, 特色係唔可以太有美術feel, 因同這公司性質不付, 但又唔可以太悶及平凡, 唔係人地會記唔起公司名, 於是我就幫佢重新設計過另一款. 先比之前個設計大家睇先~

之前個舊logo設計: 太過普通啦>_<, 於是再設計過一個新的~

個logo都係平實d好~主要用左黑色, 因我特別鍾意黑色. 公司名[circle]用左深藍色, 因間公司係圈圈, 所以用返兩個圓圈去表示返, 連idea都費時想, 真係懶到出汁(....汗)

勉強都叫完成兩份功課, 終於可以用email交比阿sir, 但...估唔到呢次的行動會引起我同蕃薯的第一次吵架....

十七萬環遊世界!? 電腦天才?

今晚如常同我新認識的msn朋友仲少傾計, 佢傾傾下要出去食宵夜, 於是叫我五分鐘之後打電話比佢. 我又唔知痴咩線, 估唔到我真係打左電話比佢....

第一次聽佢把聲, 咪又係普通男仔聲, 比較低沉少少囉....估唔到我竟然同佢有計傾, 我之前又未見過佢及唔認識, 都可以傾成個鐘. 原來仲少講佢在一年同女友分手後及自己在百老匯做sales時, 自己儲左成十七萬去環遊世界, 仲有好多各處旅行的故事, 如在日本住左全個月, 學會左日文. 去左秋葉原, 東京, 涉谷..., 其中佢試過秋葉原的cosplay cafe, 連佢都話幾好, 而且仲講開電車男, 佢話日劇果套電車男的男主角已經算好, 多數的電車男係連門口都唔出; 佢又試過去澳洲玩降落傘; 到美國睇瀑布....佢越講我越有興趣. 加上佢講左一些電腦知識, 原來佢因一次買電腦比人呃, 足足買貴左成千元, 於是自己決心學砌機, 而家仲幫人砌電腦. 估唔到講下講下, 已經一個鐘, 我以為只不過傾左唔耐, 不過算啦, 當認識多一個朋友^^

我掛住同仲少傾, 竟然忘記左蕃薯, 佢又sms比我, 在msn上hi我, 我都唔知道, 嘻嘻!! 我吔今日如常傾計, 但當我地講開電腦, 同佢講仲少話電腦可以加到4gb ram時, 佢突然好激動話仲少唔識野唔好亂講, 電腦唔可以承受太多ram, 佢又用左好多例子, 講左好多理論去說明, 我係電腦白痴, 根本聽唔明, 也唔知佢點解對一個完全唔認識的人咁激動, 蕃薯其中有一句仲話[抵佢死一世做砌機仔!]我覺得佢講得有點過份, 我問佢做咩事咁嬲, 佢話好憎有人識少少扮代表, 估唔到蕃薯都幾有正義感呢~

蕃薯佢鍾意我嗎???

近排唔知係咪受文迪影響, 要搵到自己的未來方向, 令我覺得唔可以再哂時間. 自己對設計係有興趣, 但又怕寫電腦程式.....加上同蕃薯呢段糾纏不清的關係, 我一直都鐘意佢, 即使知道佢唔鍾意我, 我仍然會企在一旁, 只要見到佢事業上有成就, 我就可以離開佢. 但最近我覺得好累, 只有我一個人不停為佢付出, 我想同佢在返埋一齊, 但明知冇可能, 自己仲要一直愛下去, 惟有離開先係最好的解決方式.

琴日我同蕃薯曾經提及過, 佢即刻叫我唔比我走, 又講左好多理由說服我留底, 而且都幾客覲, 又切合我的性格: 如我即使art有天份, 但一定唔係好叻. 又或者話純美術唔適合我, 因佢覺得我有創意, 純美術只注重畫畫技巧, 我一定會覺得厭倦, 加上我又鍾意遊戲, 總之有千萬個理由, 都係同一個結果, 就係唔好走. 不過我都堅持走, 而且我唔想一直麻煩佢, 於是我同佢講, 難道佢教我一世咩!? 佢不但冇否認, 而且仲好似好開心....話雖如此, 我總相信佢會覺得我煩厭, 唔會再教我...

只係一直堅持住我要走, 佢先至開始講晦氣說話, 話咩以後唔使煩功課, 我問佢係咪嬲, 佢只淡淡講句冇事, 我當然知佢唔開心及好嬲, 其實只係我離開, 唔明佢點解咁嬲.....我只係選擇自己的路, 估唔到佢完全嬲. 同我其中一名FB朋友仲少講過呢件事, 話蕃薯原來佢鍾意我. 仲少呢句 [我地又唔係以後唔見...怕乜野.....唔同一齊上堂真 咁大影響], 最觸動我心, 也可以比我知道蕃薯原來真係好緊張我, 琴日話走, 今日一上網就叫我唔好走就知. 其實之前我已經透露過話會走, 佢都已經話唔得. 如果佢真係愛我的話, 就應該同我一齊啦! 但而家又有少少情侶的行為....唉....我哋到底係咩關係呢? 而且一直糾纏幾耐呢?想下想下就訓左.....

家庭同樂日

今日好難得和媽媽, 姑姐食飯, 因仲要照顧弟婦及bb都仲未可以返黎屋企, 只係間中返下, 見到的機會少之又少. 就算媽媽返, 都只係返工廠幫手工作, 又要工作及照顧bb, 一定好辛苦, 而我又要返工, 唔好話想幫輕下佢, 連見面都冇啦! 而且姑姐都黎, 自從離開左旺角間公司, 而且之前多野做, 都冇咩機會見, 而家終於可以見到佢, 所以今日可以飲茶真係好開心~但惟一覺得可惜的係我細佬及弟婦要出去工作, 唔可以黎到...

我地叫我食物唔太多, 大家只重見面, 好耐冇一齊傾計. 大家都講下自己近況. 我就講同蕃薯一齊做功課的事多, 因我最近見佢及蕃薯媽比佢地仲多, 不過做完功課之後, 應該唔會再見到佢地住, 而且我仲比星期五派返果本storyboard比佢地睇; 姑姐都係講下佢讀書之事; 其後媽媽黎到, 仲帶左阿b黎, 冇見二個星期仍然係得意, 等我幫佢影張相先~

黎個阿b近照先~唔知點解我成日都唔記得左佢個名, 我呢個姑媽真係失敗....

阿b訓左覺, 好得意!! 而且睇真d, 個樣有點似阿爸....個樣似好啦, 個身型唔好似!!比我阿爸知我咁講, 一定會打死我吧!? 哈哈~

由於姑姐要準備考試, 媽媽要返屋企照顧bb, 我就返屋企做我pt job, 所以相聚的時間唔太長, 只係上午. 不在乎時間長短, 只在乎大家相處融洽就得.^^

vad最後一堂 + 唱k

今日終於係vad最後一堂, 最後的一份功課係整一張自己的卡片, 素材唔限, 只係唔可以在網上搵畫及相做哂全張卡片, 背景就可以. 我即刻上網搵左好多相片整卡片, 但因阿sir話唔可以用太多相, 最後只係選取左一張. 背景預定用黑色, 配以白及灰色. 呢次真係一份設計的功課, 我越做越開心~

之後阿sir突然拿左四盆食物及汽水黎, 我都覺得奇怪, 仲以為拿錯左地方. 點知阿sir話最後一堂, 辦左個大食會比我地, 阿sir真係破費呢!! 不過有得邊食邊做設計, 真係好開心. 由於我以大食出名, 各個同學都笑我, 阿銘及阿光話食一件食物加一分, 叫我唔好食哂, 唔係會拿足一百分, 你地驚我滿分咪幫手食囉!咪住先, 講到我真係好鬼大食咁@@

分別有波羅腸仔串, 公司三文治. 豬排蕃條及雞翼, 全部係我至愛^^

期間波特佢地倒飲品, 話咩新人敬酒, 仲話我係主人家, 又玩咩牙? 仲叫蕃薯也係主人家去敬酒, 我都唔會同佢地顛, 最後我, 蕃薯, 波特及阿銘乾杯....而且食物真係好好味, 仲有冇牙? oh sorry, 講錯野添!! 我又要做返自己份功課, 我終於做好卡片, 但當我save時....部腦竟然hang機!? 我第一次save, 咩紀錄都冇!? 唔好玩我啦, 大部分同學仔都好熱心幫我, 只有少少同學話我, 尤其係galen, 句句入肉, 我甚至叫佢唔好嘈, 那時蕃薯佢突然幫我口, 叫人地唔好再話我, 多謝你^^惟有返屋企再做吧!

vad成績已經出左, 我毎幅畫有60-80分, 尤其係生果果幅, 更拿左80分!? 係冇人可以拿到的分數, 真係好開心, 真係完全估唔到....惟獨一份電腦功課拿左45分, 惟一份功課唔過六十分. 仲有我竟然欠一份功課未交, 加埋頭先張卡片, 有兩份功課未交, 真係想死!!

波特在放學前, 叫各同學唔好走住, 加上fred sir又黎左我地電腦室, 叫琴日未交作品的人交返比佢, 我地同埋vad個tommy sir一齊影張全班大合照, 終於齊人啦, 影相先~

d mon全部訓哂係度, 好得意牙!! 大家估下我係邊度?

放左學之後, 我地的活動仲未完, 就係去唱k!! 都有幾多同學仔去下, 分別有我, 文迪, berry, 蕃薯, 波特, 阿聯, 阿光及阿駿, 仲有一個蕃薯公司的女同事. 一聽到佢帶個女同事黎, 自己有點唔開心, 因佢從未帶過人黎玩.....

我地一行人去到荃灣地鐵站, 蕃薯要等埋個女同事, 遲d先黎. 我地全部人先去左我地的目的地 -英皇娛樂中心的neway先, 聽蕃薯個同事講話果度平d. 最後佢地終於黎到, 女同事叫做being, 我見到佢地玩得咁顛好唔開心, 自己心內有點酸, 當見到蕃薯佢對毎個女仔都係差唔好時, 自己已經唔想睇, 如佢所講, 係佢心目中的女仔朋友, 冇分話咩女友, 唉~!!自己又係苦戀一段....大家不停拿食物, 其間蕃薯比左個puff我試, 又真係幾好味, 叫佢去拿, 佢拿左好多返黎, 加上其他食物, 食到我好飽. 其他同學各自表現, 咩粵曲, 兒歌...全部搬哂出黎, 但又冇日文歌唱, 有點可惜....最後臨走時, 大家影返張合照先~

呢張暗左d添!! 冇計啦, 冇開閃燈...我只知道自己塊面真係肥左....

今日真係好開心, 除左見到佢個同事之外, 自己都偽唔好想太多吧! 同佢及其他同學過住開心的日子就得^^