慶祝darren生日~

其實我唔係太認識darren呢個人(如果我冇串錯字的話), 因文迪及另外朋友想同佢慶祝生日, 而文迪又想我同佢一齊去, 最後我都胡里胡塗應承左佢, 仲叫埋阿光一齊去. 好少見到文迪好討厭一個人呢~一定係果個原因, 結果佢不停打我, 但冇所謂啦, 至緊要你可下左啖氣就好~不過講真, 自己都少少討厭果個人, 成日同人懶熟....

我哋三個, 同另外不太認識的三個男仔一齊坐地鐵, 蕃薯都同我哋一齊坐, 但佢約左阿聯及波特要去深水步睇相機用品, 唔去唱k, 好可惜呢~

我哋去尖沙咀neway幫darren慶祝生日, 由文迪帶路, 我哋冇人認得路, 不停兜兜轉轉, 終於去到目的地....去到之後, 我哋決定食k-buffet, 當然係即刻出去拿左食物先~

至正的三文魚壽司呀, 簡直係我至愛!!至於櫻花尤魚手卷都唔錯~

我哋掛住食野, 好少唱k, 難道毎人都肚餓嗎? 大家拿哂食物後, 主角終於出場啦~我哋好快食完野, 之後去唱舊歌, 我哋今晚變左懷舊金曲夜, d歌唔舊唔唱, 發覺好多唱得之人, 無論男女都係, 個個都唱得好聽, 除左我.....

牛一之星~darren啦!!成日上堂見到佢, 但唔知佢咩名...

之後蕃薯打電話比我, 我哋傾左買電腦一事, 我話自己屋企冇電腦用, 我妹用哂黎玩網上遊戲, 佢都鄧我唔抵掛, 佢語氣好重地話我妹只係打機, 係都比我用電腦, 仲話我咁都唔話自己個妹, 真係冇用. 不過唔緊要, 或者佢講得對, 我個人太[林善]掛?同左蕃薯傾左好耐先收線, 我再去拿點食物返黎, 佢哋仲問我去左邊, sorry, 要你地久等了=.="

相處左一陣, 原來darren佢地都幾好人, 可惜自己不懂玩骰子及酒量淺, 令佢地有點掃興....離開前一刻, 仲拿出文迪佢地預先買左的生日蛋糕出黎, 大家一齊分蛋糕先~

我哋今晚個生日蛋糕牙~不過點解係心型呢? 難道製餅師父以為係母親節蛋糕?

今晚咁開心, 點少得大家影下相呀!? 我哋先輪住一批批影相先~

先係我同主角影左張先~自己塊面好鬼肥><"

主角, 阿光及.....我唔記得佢叫咩名, 只知佢同我一樣讀會計...

大家黎個全體大合照先!如果毎次生日都咁開心就好~

開心的時間好快過去, 終於到左離開的時候. 我本來想到荃灣, 坐小巴返屋企, 因為比較平. 點知中途阿光打電話比我, 話我漏左個相機在k房!? 自己真係大頭蝦!! 正在猶豫返唔返去拿返個相機, 最後都係返去拿返, 同埋要捱貴車, 真係唔抵!

公司雜記

又返黎公司呢邊啦, 先講同事先~可能係我最細, 佢哋毎個人都好鍚我, 尤其係我食午飯時, 佢哋都會叫外賣, 而且仲把送分比我, 都有幾多份量架, 有時仲有湯飲添! 哈哈~都算係個免費午餐. 而且佢哋又驚我食得太飽, 會嘔返d食物出黎, 叫我飽就唔好食. 我知道佢哋好關心我, 自己都好開心, 在呢度工作, 比起旺角更加開心, 如果永遠都係咁就好(即係在果度打死一世工!?? 咁設計呢?)

工作上, 而家努力埋好盤數比核數師, 呢日個核數師叫我在2007及2008年各員工人工, 用黎填報稅表. 好在我一早有做braekdown(拆數), 唔係都唔知點比佢好, 如果冇係咪斬隻手指比佢呢? 好在最後都比到佢及冇錯到, 而且佢仲好好人教左我好多會計知識, 多謝你~

平時我會幫公司出下日本人入錢去我哋銀行的文件, 幫公司出票及入賬呢d普通會計野, 有時幫下船務果邊check下佢哋有冇做錯. 今日有兩張大單的貨要出, 大約有十幾萬貨要在今日內在香港做好, 再運去日本收錢. 我做左總指揮, 幫mooji, 阿珍及倚安對下實數表(即係各內衣的尺碼及數量是否足夠), 兩張單的貨數足夠的話, 就可叫mooji打完全準確的實數表. 另外我都要幫candy, 睇下實數表和invoice數量是否相同...總之都係對數字, 點解成日都係數字架???我對到想嘔啦=_="

p.s. 今日倚安終於要飛去台灣, 可以見到自己男友及親人, 開心死佢啦~記住買手信比我哋牙!! 不過都應該係食物吧!?

買賣朋友的投資策略!!??

做完功課後, 發覺自己成日好悶, 冇野做, 又想學下電腦, 但平時返工都望得多啦, 返到屋企仲點會望住部腦! 加上自己又係電腦白痴, 學極都好似唔識, 唔想去學. 所以我在呢個星期內, 迷上左玩facebook上的[fd for sale], 中英文版的身家都激增, 原來可在短時間內搵到好多錢, 係咁開心~而且仲迷到返公司都玩, 不過都係老闆娘放左產假, 老闆又去陪佢, 我先至咁放肆, 唔係連試用期都唔過就知味道!!

在英文版方面, 我用[即日鮮]的方法去玩, 即係買d自己覺得有潛質的人黎買, 至於咩係有潛質? 呢樣野真係好考自己眼光, 如果買錯, 就要長期擺個人在度, 好似我而家個女仔, 擺左n世都冇人買, 好無奈..... 總算我的眼光不算太差, 多數都係即買即賣, 試過最勁紀錄, 我一買左個pet, 一分鐘後即刻有人買返我隻pet, 仲要earn成幾千, 毎日如是, 如此類推, 一直儲錢買貴pet. 所以我在短短的五日內earn左成十四萬到, 好開心呢~

而家我買的pet唔太多, 只係成日keep住兩隻, 只要我買一隻一黎, 都會有人買返果隻走, 費時我冇錢用, 買的pet全部都過十萬架!

中文版方面, 有兩個好心人, 佢哋一直夾埋少起我, 由我起初只係值七百幾元, 搖身一變值七萬幾, 升左接近一百倍!!!!如果玩得耐, 呢個數絕對唔驚奇, 但只係五日而令我升價勁多, 就真係好奇! 除左呢兩個外, 其他人也有幫到我手, 其中一個叫阿jack, 佢全力支持我及主動幫我, 無論係中英文版都會買我返黎, 多謝哂你~

見到自己的身價在毎分鐘內不斷上升及有錢落袋, 真係好開心架! 就連個最新訊息果五頁, 全部都係自己的買賣紀錄, 自己覺得好驚訝~

其中一個炒我的靚女~唔知點解影出黎都係黑哂, 如較閃光燈, 又會全部爆哂, 真麻煩!! 都係比條link大家睇下 ---> http://apps.facebook.com/trade-friends/?id=1221102838(不過要login左先睇到,大家有facebook應該問題不大吧!?)

我真係好少post人上黎, 尤其係女仔, 因佢哋多數一點都唔靚, 只係化哂濃妝, 懂張開對眼勁大去影相, 穿得勁性感, 影左張相就話自己索, 覺得自己好靚...可能我講得比較直, 如果傷害到其他女仔唔好意思...惟獨係呢個女仔, 不但冇以上普通女仔的特點, 不需太濃妝, 只係穿上類似lolita已經好靚, 證明左真正靚女不需太多人工修飾~

其餘兩位仁兄都唔係太靚仔, 自己唔post啦, 有機會去中文版[fd for sales]下佢哋啦~

越來越享受earn 錢的過程, 而且仲可見到好多靚仔靚女, 可以儲到錢買哂佢哋黎做我pets就好(發夢中)...

努力畫好storyboard(下)

今晚又要再捱夜, 係時候畫埋個ending, 唔想畫太耐!都係好累好累, 真係唔想再畫, 都也冇辦法, 點都要頂住, 呢個course預左要成日捱夜啦...

上次講到蕃薯及piyo比男主角追, 佢哋究竟有冇事呢?

蕃薯捉住piyo走呀走, piyo終於要動用自己最利害的東西, 就係佢頭上隻公仔, 隻公仔係識飛架, 係時候同企鵝幫講再見~其實係畫蕃薯比個女仔攬時, 佢有面紅架>_<

[你哋兩個太重啦!] 呢句野應該係隻公仔講, 佢終於支持唔住, 但錯有錯著, fall左去企鵝阿頭同人交易軍火之案發現場
男主角當然唔會放過機會影相底呢d犯罪證據, 女主角嚇到呆左. 呢個追逐故事終於完結. 好快就到左第二日...

最後蕃薯終於交到差, 辛苦哂!! 最後三人終於上報, 及比警方拉左, 老闆也因銷路上升而笑顏大開, 果然係現實呢, 蕃薯都冇野講...

終於畫哂, 個心都定左好多, 加上蕃薯答應我, 會幫我做個電腦功課, 佢最近對我真係好左, 而且我哋相處都好開心. 其實我冇叫佢幫我做功課, 係佢自願幫我做, 可能佢鍾意電腦, 覺得冇所謂吧!? 不過係咩原因都好, 真係要多謝佢. 仲有文迪都係, 上次份html個黃色月曆幫我做埋, 再次講聲多謝先, 有兩位好友幫我, 其實自己也係個幸福的人~都係唔好太貪心, 強求其他唔屬於自己的東西....

好累好累, 捱左兩晚夜, 今晚終於有覺好訓^^

努力做好storyboard(上)

終於唔使返學, 以為自己可以休息下, 點知又要做2D graph的功課, 係幫flash動畫畫一個storyboard, 其實阿sir要求唔係太多, 而且分數也唔係佔太多, 只係功課的10%, 而係但我又唔想草草完成呢份功課, 於是我開始捱夜去做呢份功課....

先講下我同蕃薯合力做呢份功課之內容先~係講一個男攝影師及記者, 我整鬼佢, 個男主角就係叫返佢自己個名fantasy, 哈哈~因老闆見報紙銷售整低, 於是搵男主角去影底一班犯罪份子 -企鵝幫的犯罪證據, 把佢登報及繩之以法的故事. 當中佢見到不思議少女, 比企鵝幫追, 男主角去help佢的冒險故事!!其實個故事雖然簡單, 但做起上黎好得意, 而且仲好好笑, 自己都幾鍾意個故事的說~

先比大家睇下我部分作品, 及對佢哋的想法...

先講男主角fantasy受氣, 而老闆因業績唔理想而嬲, 辛苦哂你啦, 蕃薯~作品方面, 油左綠色先知唔太襯, 有點後悔添!!!

當男主角知道自己要影企鵝幫時好震驚, 而且仲無奈離開公司, 在街上行左好耐, 都冇咩發現, 點去交差呢?

之後蕃薯在街上見到女主角piyo比企鵝幫追緊, 而且仲把女主角迫去街角, piyo好驚慌的樣子...

企鵝幫開鎗, 仲要係機關鎗!? 蕃薯走去help個女仔, 不過佢冇中鎗, 之後仲問piyo有冇事添~

結果蕃薯及piyo可否脫離企鵝幫的魔掌? 蕃薯又可唔可以影到企鵝幫的犯罪證據呢? 聽日先再畫啦, 我已經好累, 想訓覺啦, 又要早返工, 都係聽日再畫過, 都係休息返一陣先~

互相教導!!??

今日上web tech堂, 一返到學校時, tracy突然話有事請教我, 原來係佢想叫我教佢畫畫, 其實自己也唔係畫得太靚, 點解要請教我呢? 應該係互相學習先對! 佢想畫Q版公仔, 用黎做flash動畫功課的構圖, 於是我就畫左個比佢睇, 佢都滿意, 太好了! 我覺得自己畫公仔都唔係好靚, 但可幫到其他人已經好好呢~tracy成日坐在我隔離畫畫, 加上又係自己興趣, 真係好開心~

仲有今日派上次測驗份試卷, 好開心地, 我竟然合格, 好鬼感動!! 雖然我都算係全班至低分果個, 而且蕃薯佢拿96分, 但我冇妒忌及唔開心, 相反地, 見到自己已經盡左力, 已經好開心, 不過我都係有點想打蕃薯, 成日話自己唔小心差少粉滿分~好在無姑負蕃薯之教導, 多謝你呀, 蕃薯!

但我也開始發覺自己無論點努力, 電腦成績始終唔太好, 其實我讀呢個course係因為有得比我畫野, 冇想到電腦原來係好難......令我有去專讀art的意向....想搵一科完全畫畫的科, 唔使用電腦就好啦!

努力做好art功課~

由於我本人的[知慳識檢]的性格, 連一盒乾粉彩都唔捨得買, 而其中一名朋友仔阿光琴日又比佢買到盒粉彩, 於是我就mark住呢位朋友, 今日同佢一點去旺角cafe度畫畫啦....

最後終於見到大家, 我哋本來想開始畫畫, 但我仲未食飯, 於是都係食左野先. 唔知係咪太耐冇去, 全部食物都唔同哂, 不但唔好味, 而且仲貴左好多, 我同阿光是但叫左食物就算, 希望食完之後可以立即開工~

先叫左兩杯特飲先~粉紅色果杯係我, 係士多啤梨桃味梳打; 阿光果杯唔記得左係咩黎添....

我哋兩人叫的小食拚盆, 其實係我自己唔想用太多錢, 於是同佢share食, 三樣都麻麻地好食啦, 阿光仲叫我食多d, 多謝哂你^^

食完野之後, 我開始工作啦, 呢次要交的art功課就係.....用乾粉彩去畫幅畫出黎, 先講下咩叫乾粉彩先~其實係一種粉彩, 在塗上畫紙後, 自己可以用手指輕力去卒, 在卒的期間, 當然會整到幅畫好污糟, 所以要畫幅畫出黎, 既然畫得靚, 又要清潔, 真係好難架! 而且又要成日用紙巾抺手, 及去toliet洗手, 對未用過呢種顏色筆的我, 係一個終極測試, 但我會努力啦!

要用的pastel(乾粉彩)~

一盒乾粉彩及一張畫紙會畫左張咩出黎呢? 我在果間cafe內一直畫, 足足畫左四個鐘, 期間有好多人望下我, 可能係好少見到人在度畫畫掛....最好笑連個老闆送小食黎時, 佢講左句野, 好爆笑[我哋的食物也好有藝術風味, 係由設計師設計個樣]吓!? 我哋畫畫人食藝術師設計的食物, 會畫得靚嗎?最後我份作品終於完成~
呢個係原稿~因我要畫畫的關係已經弄到佢好污糟...

終於畫完啦~我個人好鍾意呢個柔和顏色, 睇落去舒服點吧! 尤其係中間生果部分, 總共塗左四層顏色, 跟不同生果的光面, 用白色去畫個光澤位~

阿光畫的作品, 覺得佢向高難度測試自己好勁, 比我一定唔會畫花, 好鬼難畫>_<

畫完畫之後, 已經係七點幾啦, 好鬼肚餓呀~都係返屋企食飯先! 仲有最重要係多謝阿光成日陪我畫畫, 及借埋顏色返我屋企比我畫, 好感動及多謝~