違忘了的夢想

其實我點解要讀呢個課程呢? 就係因為我想擺脫會計, 唔想未來都做呢行, 所以先至想轉行. 而設計係我一直想做的行業, 至於係邊類型設計, 我比較鍾意遊戲及廣告設計, 尤其係前者, 更係我多年黎的夢想...

返學之後, 令我見到身邊有多同學, 逐漸令我笑顏大開, 知道自己原來仲有感情, 不但只識傷心, 仲變回以前的自己, 變得好愛笑, 睇野開始樂觀, 不再係自己一個. 而且仲比我預見了佢, 我生命中覺得一個重要的男人, 我開始把全副心機放在佢身上, 只顧住拍拖, 已經忘記了之前的夢想.

幾個月後, 佢話仍然鍾意我, 但覺得我哋未適合做情侶住, 傷透我心, 覺得自己一直做的事係白費. 而且仲係我的初戀, 點解會落得如此下場, 好不金心, 我唔想再見到你. 於是決定離去, 你極力挽留我, 話我好重要. 但對我黎講, 已經毫無意義, 我的離去對你應該影響不大吧? 你最多只係失去其中一個朋友而已.

呢個晚上, 我又失眠, 又在被窩內哭泣......唔知道幾晚點解會這樣, 我半夜醒來, 聽住歌想住自己個flash mv的idea, 突然收到你的sms, 問我訓左覺未, 我同佢傾左幾句, 佢可能已經訓左, 冇再覆我短訊....我一直想住mv, 即使呢晚一點idea都想唔到, 但我沉醉當中, 覺得好開心, 可以忘記同佢發生之事, 我終於記返起自己的夢想, 對我黎講, 設計先係我的生命....估唔到令我忘記情傷的不是任何人, 就係你-設計, 我終於清醒, 同埋多謝身邊一直支持我的好友, 佢哋見我呢兩日唔開心, 不停在msn度安慰我^^

混亂...對唔住....

今日見到佢上網, 見佢冇hi我, 於是我就用冷酷的語氣問佢, 叫佢搵日做project, 你可叫埋波特黎. 傾完之後我就走. 佢同我講, 叫我唔好咩都打哂出黎, 令佢比同學講, 有同學叫佢對我好d, 仲講左成十幾次, 令佢好大壓力, 叫我用大人的方法處理呢d事. 我也話佢你唔鍾意我又唔一早同我講, 令我哋兩個陷入彊局....終於感受到二人(我唔敢講係情侶)吵架, 原來係好恐怖的....

在電話度, 我知道自己唔夠成熟, 處理事情唔夠好, 於是我在電話上同你講對唔住.....以下又係我哋對話, 自己唔知點講好...

k: 對唔住牙, 都係自己唔夠成熟而傷害左你, 令你比人話及唔開心, 對唔住!
f: 其實我只係唔想你同我講毎句說話都好似方死我以為你有咩目的....好似今朝這樣....你唔使講明只傾project
k: 總之除左對唔住之外, 我都唔知同你講咩好....
f: 你唔洗講對唔住架...都唔係你錯哂....
k: 但我的確...連我都唔知自己想點....
f: 其實我好想一直對你好....但我想好似當初自自然然就好了:-)
(我自己都忘記左我當初係點樣啦.....)
k: 總之都係我一直令你唔開心, 對唔住
f: 唉...其實我知最大問題係我最近同你相處感覺到好大壓力
k: 點解你會這樣覺得? 原來你承受左好多壓力架...多謝你同我講出黎
f: 所以都係個句...好多人知唔係好事....感情係兩個人的事架ma
(感情!? 你唔係叫我搵過第二個好男友嗎? 甚麼又講我哋二人之事....我哋之間仲有呢樣野嗎?)
k: 既然如此, 只要我離開便可以(自己又去避....)
f: 唔得...你走左我咪見唔到你
k: 點解你想我唔走?
k: 而且你知感情二個字的意思嗎? 唔可以亂用...
f: 我認我經歷好多次感情之後好難好快代入感情....但我真係有嘗試過的...但唔知點解好多野我失敗
k: 原來如此, 我知你曾投入過我哋感情內, 其實你冇錯架, 唔好怪自己. 都係我錯, 自己唔識處理感情事. 同埋在msn呢, 你用左鍾意二個字, 係唔可以亂用架...
f: 我唔係唔鍾意...只係...我要一個自然既空間等佢成長
k: 唔明係咩意思?
f: 我都話我想一直對我好
f: 有一件我想講你知...但你可以答應我聽完就算....唔可以同任何人講嗎?
(由於呢個係秘密, 我唔想大家唔開心, 我哋兩個心內知道算, 其餘的我唔想講太多)

k: 你哋都係我重要的人, 我唔想你哋唔開心^^
f: 多謝你....你都好重要架....唔好走...(指我唔讀果件事嗎....?)
k: 什麼?
f: 我意思係你對我都好重要架
k: 點解覺得我係重要? 我自己係有原因
f: 有事d野冇原因架
k: 我係有原因架, 就係你係我鍾意的人....
f: 自然d啦:-D放鬆
k: 知道啦, 總之我會自然及站在你角度想, 唔會令你唔開心及有壓力
f: 乖
k: 雖然同你唔知咩關係, 總之對你好d便是
f: 這樣你要乖d啦:-)
k: 講到我好似細佬添....好耐未試過有呢種感覺. 我應該叫你做咩?
f: 你鍾意:-D
k: 就叫爸爸啦, 記得買kinder 出奇蛋比我囉, 哈哈~
f: 好呀
k: 我明白啦, 你指的鍾意係指朋友的鍾意嗎?
f: 唔止架 :-D

講到呢度, 其實我都有好多野唔明白, 例如係我哋的關係, 自己對愛情的定義....總之一涉及愛情, 我個心就亂, 究竟你對我係友情定愛情? 於是我走去問文迪, 又麻煩你啦!

文迪見到我哋的對話內容, 佢話我哋大家開始了解對方. 至於我哋的關係, 我哋講左好多, 文迪話我哋之前拍拖已經係事實, 佢而家唔係唔鍾意我, 只鍾意呢, 係指親密朋友果隻, 由於之前做情侶時已經有左默契, 所以做起朋友黎, 會可接受對方缺點, 唔排除有發展的可能. 總之類似意思啦. 多謝你, 文迪, 我比以前更了解^^ 睇黎我同佢真係要努力維繫, 不過講真, 我真係想做佢女友, 但都係冇可能, 都係順其自然算吧啦!

原來只係一場夢....應該清醒啦!

今日去佢個facebook, 我同佢明明係拍拖, 但見到佢關係果度寫single及找尋dating對象, 加上佢最近呢個幾月對我冷淡.我見唔對路, 於是今日在sms度問佢: (k = me, f = fantasy, 仲有我係打英文, 而家譯下先~), 中間有自己心情, 或者偏激左d....

k: 究竟我哋係什麼關係?
f: 做咩這樣問? :-D
k: 冇野...我見你在fackbook上填寫單身, 又搵拍拖對象, 想問下o者!
f: 哈哈...原來如此
k: 其實呢~我想問點解你要這樣做, 及對我差左?
f: 其實....我發覺我真係好怕拍拖....
(我都估到佢會這樣答, 於是我問佢點解)
k: 點解你會這樣認為呢?
f: 其實我一直都唔想拍拖.....我只係想開心生活....:-(
k: 係咪我令你唔開心?
f: 一直以來....我只係覺得同你相處好開心....但我真係唔想想太多:-(
k: 這樣我即係算係什麼?
f: 當然唔只好朋友啦.....好感一定有...但當我哋相處當中....我發覺我地既感覺唔太岩做情侶住....有好多地方....我哋根本唔夾既:-(
(你現在先話唔夾!? 點解唔一早講, 要而家先講? 有好感有咩用牙!? 你對其他人都得啦!) , 我掩住悲傷同佢講....
k: 你當初又追我?
f: 傻瓜....毎個人有佢需要ma...而且可能只係時機未到o者...但我真係唔想令我哋關係差左...
(太遲啦! 你而家先同我講呢d!? 我哋點可做到好友呀? 而且仲要等時機!? 我冇理由只等你一個吧!?)
k: 點解你要同我關係好d?
f: 我好多心事想同你傾:-D
k: (我覺得同你已經冇咩好傾!!)點解要係我?
f: 同你熟ma:-D
k: (唔好亂講, 我同你唔太熟...唔好煩我)你其他女仔朋友呢? 點解唔搵佢哋?
f: 唔知呀
k: (已經唔想再理佢) 你唔怕我把你的事打上blog嗎?
f: 你唔會既:-)
(在呢句之中, 就知佢唔熟我啦, 我什麼也會擺上blog度, 仲同我講好熟!?)
k: 我一直都讀好多野, 想做個女強人, 比男人更叻!
f: 你得既:-)
(冇錯, 我就係想忘記你....我一直冇講過野, 佢突然問我食飯未? 佢係咪傻架!? 成十一點幾問我呢d.....)
k: 我想自己一個做website及flash, 唔想靠任何人!
f: 何必呢
k: 呢個係女強人必經的階段, 始終都係自己做好d!
f: 你岩岩先講完唔會影響我地關係架
(我哋好似冇咩關係啦! 自從我哋唔係情人之後, 我唔想再同你有咩關係...)
k: 所謂人各有志, 始終係自己未來之路, 要係靠自己, 唔係靠人
f: 算啦....如果你係呢個時候決定令大家都有麻煩既....唔阻你!
(我只係搵自己未來, 你嬲咩呀!? 我都未傷心完, 於是我又嬲埋!!)
k: 我只係為我未來設想!
f: 我一直都相信你係個理智的人....我先會同你一組...就當我睇錯
k: 點解你會嬲架??
f: 我唔鐘意人公的不分o者
k: (我都知事態serious, 唔好再講呢d事)對唔住牙, 我唔應該這樣講, 我哋二科都係一組, 唔好嬲, 笑返先^^其實我boss都話我工作時好冷靜.
f:希望....無論咩關係都好....我哋好好相處
f: 嗯....sorry岩岩這樣話你
k: 唔緊要啦
k: 其實你點解怕拍拖?我一直以黎其實都怕.....
f: 其實我都覺得拍拖唔係好事
f: 我唔想全心全意愛一個人:-(
k: 你都好呀, 起碼曾經愛過, 好過我連愛的機會都冇. 毎次見到街上情侶, 只係得個望字
f: 次次都冇好結果的
k: 那麼miyako呢? 你仲愛佢嗎?
f: 而家唔愛了
k: 原來如此. 係呢, 我覺得自己寫html好弱, 也知道自己強項只有art及會計, 我唔會再讀呢個course
f: 我一定會教你的 :-)
f: 但你要答應我要比心機讀下去
(聽到呢度, 我好驚訝, 點解你係要我讀呀? 照計我讀唔讀也唔關你事, 你這樣緊張做咩呀? 況且....我哋咩關係都冇, 點解我要應承你?)
k: 連tracy教我都唔認識. 除非有奇蹟啦! (等如你愛我一樣)
f: 呢科唔會太深的
k: 算啦, 我唔想哂你時間, 總之我已經決定讀埋year 1就唔讀
f: 我實教到你! 唔好走....我唔想你走
f: 我訓啦....你都早d訓啦
k: 我唔值得你擺好多時間在我度
k: good nite

維持左三個鐘的sms終於完結. 當時已經點幾, 由十點幾傾到而家, 會唔會離譜左d呀!? 好在我哋同台o者!我自己身心都累訓左...

......

呢日冇咩事發生, 休息一天唔打blog....(咁都得!?)

聚舊及再次一齊食飯 + 做左姑媽^^

今日終於見到蔡蔡啦, 因之前約佢時成日約唔到, 應該話佢可能貴人事忙, 約左之後唔黎得, 所以今日可以見到佢好開心. 佢前幾日都好唔開心, 而家見到佢開心返太好了~我哋去左一間樓上cafe度食野及玩大富翁. 叫食物之前mandy送左毎人一隻復活蛋, 多謝哂!

蔡蔡係瓜子臉, 我係包包臉.....唔係牙, 呢個唔係重點, 多謝mandy送比我哋二個隻蛋~

我哋分別叫左食物, 我同文迪都冇食野黎, 叫左碗麵或粉. 蔡蔡一早食左野, 叫左飛碟三文治. 記得我哋返學時成日都食, 你食牛肉, 我食沙律磨姑, 真係好想再去食過~影左唔係太多野食=_="下次影多d~

蔡蔡的薄何choco, 仲有佢隻復活蛋~

我的津子choco, 仲有我隻復活蛋~

我的餐肉米粉, 仲要係福字米, 正牙~

食飽飽之後開始玩大富翁, 我真係好耐都冇玩過, 完全唔知點玩, 真失敗...要重新學過遊戲玩法, 咩野兩粒骰子投到相同可投多次, 三次就要坐牢; 買到全條街的租金雙倍等等...可能真係傻人有傻福, 比我買左三條街, 其中仲有一條係地皇, 租金雙倍已經要二千元, 做左大地主, 但冇公共事業及交通....比大家睇下我哋個戰果先~

枱面太多地契, 手上只有唔太多現金....交稅冇錢比都唔知點算!?

所有公共汽車就係文迪買哂, 毎處都要二千元, 真係一步一驚心...

公共事業就蔡蔡買哂, 而且仲有貴地....可惜佢掛住同男友傾電話, 影唔到你啦=_="

本來玩得幾開心, 我一直在搵錢啊. 因在途中蕃薯已經問我同唔同佢買鏡, 我又應承左佢. 而家佢到左旺角, 在電話度叫我落去搵佢. 因佢呢個電話, 可以幫到二個人, 唔係我d地都真係貴到死架!!同佢哋道別後再搵蕃薯.

我去到約定的地點, 終於見到佢啦! 仲只有我哋兩個人!?講真佢好耐都冇約我, 所以佢特登邀請我同佢買鏡時, 真係好開心架. 雖然我對攝影, 鏡頭..唔認識, 但你都同我去^^不過我驚佢唔鐘意有情侶表現, 所以我都冇橋及拖佢隻手. 仲有原來佢也有叫波特先生同佢一齊買鏡, 但波特要後來先至黎得, 所以叫左我先, 我係比佢攝時間嗎? 咩原因都好, 只要我哋可見到大家就開心...我同佢周圍去夾價買鏡, 最後佢都買左一支長鏡及一塊filter.

波特終於都黎到, 佢哋兩個一味傾攝影, 好似已經冇我的事啦...本來想去花卉展, 但佢哋二人覺得冇咩好影, 最後取消左, 改左去食晚飯. 我見不是味兒, 所以建議左不如分頭行事, 女仔去睇衫, 男仔去睇相機, 之後再一齊食飯. 大家都同意後便一陣再見啦!

我哋三個女仔去花園街睇衫, 今次係文迪及蔡蔡買衫. 文迪想買長衫及短褲, 而且仲發覺佢原來睇[with], 即係同我以前個朋友coco一樣啦~至於蔡蔡想買tee, 我記得上年都同佢去買過, 上次係黑色, 今次係白色. 但睇左冇耐, 蕃薯佢哋就打電話黎, 問去邊度食野. 好在文迪之前睇中左一件長衫短褲, 完成左任務, 但蔡蔡仲未買到, sorry, 呢次唔可以同你去買, 要你自己一個去旺中買衫....下次有機會一定再同你去!

蔡蔡走左後, 我哋四人一齊去朗豪坊味千食拉麵. 途中蕃薯問我, 之前比choco我果個係咪蔡蔡, 估唔到佢仲記得, 話哂蔡蔡都係靚女, 佢唔記得又要用蔡蔡果招 -擰佢個頭!!!最後毎人叫左碗拉麵, 我同文迪都叫左咖哩豬排拉麵~

果然係文迪好介紹, 真係好好味~豬排又脆, 咖哩又香又唔spicy!

食完個麵之後, 我竟然仲未夠飽!!!??蕃薯都問我做咩唔叫加大, 總之就叫啦!只好去deli france叫左個藍莓穌....比佢哋見到我大家個樣添!?連蕃薯都嚇左一嚇, 佢話佢女仔朋友多數食唔哂野, 我竟然食得哂, 仲未夠飽. 呢次真係失禮哂>_<"

又係食飽飽後, 蕃薯及波特都回家了, 我同文迪再去花園街行街. 呢次佢買左兩對鞋, 而我都終於買野啦, 都係買左對鞋, 而且仲同文迪某對一樣, 下次我哋齊穿返學先~哈哈...呢次講價都唔係太叻, 三對鞋平得果十五元, 可能要多d同sales傾計先得!!同sales傾計, 百幾元都可平二十元啦, 激氣~

最後我哋兩個帶住我哋的戰利品返屋企啦, 好累呢~不過只要開心就得^^

仲有一個勁好消息, 就係我弟婦生左個肥肥白白的男嬰, 可惜我仲有少少感冒, 唔可以去睇佢及弟婦, 我改日再去探佢哋. 我爸比張bb相我睇, 佢好得意架~好想親自去見下佢哋^^其實當我媽話比我知做左姑媽之後真係好開心, 覺得自己要成熟, 同埋有個重任要教好佢!

唔知我第時有冇機會結婚, 好似我弟婦這樣為自己所愛生個嬰兒呢? 係仔係女都好. 不過都係第時先算啦~而家十畫都未有一撇!

開左facebook及又一齊食飯~

今朝冇野做, 做左個facebook, 我用左蕃薯之前幫我影的相. 我一次過加左好多朋友落去, 包括n世紀前認識的阿蕭生及佢好友dicky yuen, 估唔到而家佢哋兩個仲成日都在一齊...都仲有而家的好友蔡蔡, 文迪, 靜靜等等.....仲有我而家的同學仔及好友, 包括edwin, susuki, 阿光....不過仲未有蕃薯, 快d比我加入埋你, 你果兩張相好型牙><"我把開左facebook呢件事話比蕃薯知, 佢知道我可以用[kumi shing]呢個名之後, 佢就改左佢個全名, 本來佢想用[fantasy pang], 但唔知佢點解用左佢個朋友名[jimmy li], 而且仲改唔返個名, 好在他已經send 左email通知其他人, 一見到你張相就知係你啦^^

之後就返學, 今日係visual art, 阿sir 要我哋用雜誌內的相片及字等等, 要剪剪貼貼做一張海報. 原本已經想好個化妝品廣告, 但阿sir唔比, 最後想左好耐, 最好用左[我的最愛]呢套戲做海報, 但我自己從未睇過套戲, 只係見到一男二女的角色好易發揮, 有較大的創作空間. 最後都可在放學之前完成, 真係可喜可賀~

已經完成左~先講解我個作品先, 原本呢張海報係全部粉紅色, 但我自己又唔想, 加上冇粉紅底紙, 於是我仲左至愛purple, 但發覺愛情可用粉紅代替, 所以加返d粉紅. 但只有粉色系列會好沈悶, 所以用左最易襯的黑色加波點. 下面d黑色字最好笑, 其實係一本食譜剪落黎, 仲要字的次序係撈亂左. 不如我比個原本海報大家睇下先, 先知我有咩改動:

期阿sir 成日睇住我個作品, 阿sir想整走個男仔, 但我話這樣咪冇左一男二女之概念, 所以就keep左在度, 之後負責教畫畫的另一位阿sir都讚我作品靚, 但如果係有大頭相會更好, 好開心呀~果個阿sir畫畫好叻, 比佢讚過自己信心都大左^^

放學之後. 原本同文迪送berry飛機, 點知文迪突然整左我去蕃薯果邊, 佢話即使同佢一齊, 但我個心在蕃薯度啊! 跟住就推開我去蕃薯果邊, 結果同佢哋一齊去旺角....

一去到旺角, 蕃薯建議去機舖打機, 原本冇人話玩, 但唔想蕃薯失望, 最後我同佢玩太鼓. 勾返起之前同佢約會去玩太鼓之回憶, 可惜之後已經冇機會囉! 就算係有都只係成班同學去玩.點知太鼓係壞, 打左個鼓好多地方都冇反應.... , 於是我就唔再玩, 比左阿駿玩, 睇佢哋二個都玩得幾開心呢~

點解會影個背隻!? 我在度影咩牙???

途中見到一個真正的太鼓之達人, 佢應該係個學生啦, 呢樣唔重要, 最重要的係佢玩鬼版, 仲要係一人玩兩個, 而且仲要係二邊都連成幾百hit, 大家見到都嘆為觀止, 停住腳步見住佢玩! 真係有世外高人架, 我都忍唔住影底左佢個樣...

打完機之後, 開始計畫之後行動, 原本我哋想去唱k, 仲想叫埋文迪搵返我哋, 但由於太貴唔抵, 成二百元唱得果二個幾鐘, 加上大家對通宵k的分歧, 所以最後都取消左. 改左去果間抵食夾大件的餐廳食上次果個龍利雞排. 不過呢次份量細左啦...

但我一樣照食哂, 大肚餓啦~之後大家離開餐廳, 我話上次個份量仲多, 我都可以食哂, 跟住蕃薯話我係暴龍呀!!仲扮暴龍動作及叫聲....吓!? 我點會仕係呀, 等我打下你先. 佢哋途中講埋d爛gap...真係無奈, 如tracy上次所講, 呢班男仔係kai的...

行左一陣相機店舖, 我在物色緊部相機, 我部傻瓜相機就黎要退休啦....睇中左一部casio, 而且價錢唔係太貴. 整到我唔知係咪買左相機先~睇完相機之後, 大家去許留山度食dessert, 大家都叫左唔同食物, 一於post上黎先~

其中三碗一大碟果個係我架, 全個餐叫做芒之戀, 即係全個都係芒果啦, 分別係芒果芭菲, 芒果糯米滋及芒果小丸子, 三樣都麻麻地, 下次都係叫個全芒果杯好d....

呢張相我一定要post上黎, 因呢張相個構圖真係好正. 係阿駿用高抄影架, 隔離之唔係蕃薯囉, 原本佢特登唔走開, 做呢個動作架, 真係啊=_="

大家黎一張合照先~點解我個死人頭突左出黎架!?

食完糖水後, 大家又傾相機, 好在berry在上機時打電話比我, 話比我知佢在機上好悶, 之後又要坐十五個鐘頭機去美國, 不過佢最驚的係在美國度回答海關的問題及克服在飛機上對氣流的恐懼, 唔使驚架, 有我及文迪支持你! 祝你一路順風, 去到玩得開心及同男友sweet sweet啦^^

期間食糖水隔離有個女仔同三個朋友叫我哋同佢哋影相, 而且某個女仔仲同蕃薯傾起相機問題, 個女仔仲叫蕃薯留msn及電話比佢, 蕃薯最後都留左. 其實我都有點唔太開心, 之後蕃薯埋位時第一個同我講可能會多一單生意, 我聽左之後, 個心都定左, 原來只係搵生意! 咪住, 我個心定咩定, 真係...食完野之後, 大家都坐地鐵回家, 我已經好累呢~

重新肯定自己路向!!

我一直以為你同男友好好, 點知你琴日突然同我講和男友吵架, 仲差點分手, 當時你傷心極了. 費時在公司講, 驚一講會哭. 而且仲講左咩唔好再過圍住男友身邊走, 要去發展自己事業及興趣, 平時的你唔會這樣講, 雖然唔知中間發生咩事, 問文迪佢又唔講, 我估你呢次真係傷透了, 我仲同你講左過分的說話, 除左對唔住外, 都唔知講咩, 都係自己睇野太表面及妒忌心累事.....睇黎我都要記返起當初的目標 -做個成功設計師而努力! 係愛情令我迷失及忘記一切...

回到課室, 蕃薯只掛住做自己習作及和同學傾計, 我就好努力做好動畫, 唔明就問波特, tracy及阿sir, 最後終於自己完成全個作品. 多謝哂你哋三位, 同時也可證明即使唔靠蕃薯, 自己都可完成. 比起佢從旁幫我, 我自己可完成作品的感覺更滿足及開心^^

放學之後, 見到berry終於好返, 唔使再帶住口罩返學, 恭喜哂你! 好彩你聽日出發去美國之前好返, 希望你有個愉快及難忘之旅程, 仲有多謝你果兩隻復活蛋, 我會在復活節先至食.

我好耐都冇食過復活蛋, 多謝哂你~兩隻都好靚, 唔捨得食啊>_<

我同文迪仲講起自己未來之事. 就係完成個大學學位課程. 其實我真係好想完成, 不過一直都冇機會. 我哋讀完呢個高級文憑之後, 可以直接讀外國大學, 不過一年要成六萬五學費, 真係好鬼貴. 文迪建議我讀城大及科大電腦設計系. 我會努力向住呢個目標努力! 期間冇同蕃薯講過半句說話, 直至在車上, 佢突然話自己職責實在太多, 變左毎一樣野都唔精, 所以想在搵工前充實自己. 先至發覺大家有相同目標, 為未來而努力, 總之你都要加油!

之後同Tracy, 文迪, 阿駿及阿光食飯, 果間餐廳出面有小食賣, 阿光本來想叫小丸子食, 點知要比左錢先, 因佢冇散銀, 最後局住食車仔麵. 那個侍應好好人, 同大家有講有笑, 而且我哋個住對住電視, 可以叫做邊食飯, 邊睇電視. 最後我哋叫左以下食物 :

文迪的魚腐牛排烏冬~~佢話牛排好好食, 整到我都想食...

阿駿的腸仔菜烏冬~~好似好清淡呢

阿光的炸菜肉絲腸仔麵~~佢話d炸菜好spicy, 當然啦, 傻人=_="

我叫的公司三文治~~好耐冇食過啦, 尤其係炒蛋, 好好味^^

食完飯之後各自回家, 返到屋企就收到成績表. 成績不過不失, 不過都係影張證書出黎算. 成績就....唔好影啦! 睇完成績之後累了, 好快便訓左覺...