去蕃薯藤屋企溫書....鮮為人知秘密?

話說琴晚深夜我即刻開msn, 把d相比mandy及berry打blog, 最後終於比哂相, 之後波特hi我, 問我去唔去蕃薯藤屋企溫書. 我一聽到蕃薯藤呢個名, 仲唔即刻應承咩, 真係....其後蕃薯藤都比短訐問我去唔去, 今次波特問我先啦, 你太遲啦!

原本蕃薯想約我早d去到佢屋企附近, 爭取二人之相處機會. 可惜我自己掛住打blog而遲到. 仲直接上去蕃薯屋企. 佢擔心我唔知點黎, 傻瓜! 我黎過幾次仲唔識去咩!? 我哋一開始冇耐便開始溫書, 一直溫到八點幾, 大家先睇美國超模, 同埋多謝蕃薯媽之糖水, 雖然係我唔鍾意我綠豆及花生, 但個糖水都幾好食^^尤其係蕃薯媽知道我和波特唔鍾意花生而整開花生, 唔該哂! 之後我哋一齊去食飯, 先發覺我冇得睇[茶煲阿四], 不過我和媽媽係標準電視迷, 實有錄到, 放心~

最後蕃薯又送我返屋企, 講開怕熱及冷的問題, 我咪老實同佢講我好怕熱, 我在夏天會穿吊帶衫及短裙, 佢已經狼叫啦, 好驚呀, 我即刻退後.....後來佢講左件事我知, 佢話自己上年度和朋友去海攤, 當中有三分二係女仔, 仲要有九成係模特兒, 甚至有人穿t-back.佢哋叫蕃薯幫佢哋影相, 但蕃薯因為怕羞而另轉頭, 唔敢望佢哋, 最後以天氣差為理由而冇影到....估唔到佢真係這樣純情? 真係完全同佢外表剛好相反, 我都忍唔住笑佢, 哈哈~但多謝佢老實同我講真心話, 定係佢想睇我穿得性感d比佢睇呢?

交攝影功課...及四美女聚餐!?

今日終於都交攝影功課, 我因列印個介紹果頁而要返公司印, 順便睇下功課可不可以再執下, 希望呢份功課可以最佳狀態交比阿sir. 當我修改功課途中, 那時和蔡蔡傾緊電話, 內容大致話佢唔可以在原定的一月十之後上網及問我髮型意見, 我同佢佢左冇耐, 蕃薯藤突然打電話問我在邊, 原來佢已經去IVE度搵阿駿佢哋, 於是我都趕住做埋少少功課, 坐地鐵去搵佢哋. 不過先去delifrance買野食先....

最後我買左個好抵食的下午茶餐做我的lunch, 好鬼肚餓呢~真係好鬼正呀!仲要毎樣我都好愛食, 成個餐只係三十九元, 勁抵~!

食完之後睇下同學仔功課情況先, 我見到好多同學多數已經完成, 而且我仲手痕痕影底左幾位同學功課封面, 大家作品都唔錯吧!

蕃薯藤作品~~佢份功課最貴最美, 不用多講啦!

阿ling 作品~~以笑為主的題目, 當中有個細佬女影相, 好得意^^

阿光作品~~佢d相好似係亂影, 我唔記得左佢影d咩??

winnie 作品~~以影子為主題, 我覺得都幾美~!!

berry作品~~以生日熊仔為主, d相都幾好^^

我都想影其他同學仔的作品, 但佢哋有d人仲未完成, 在上堂之前盡量完成. 我見到佢哋好忙碌, 自己又幫唔到佢哋手, 突然覺得自己好冇用. 好在最後我都可幫到mandy及berry手都好開心.

終於到左大家present時間, 見到大家作品的題材, 相片及表遲手法好多都唔錯. 到我present時, 我先多謝二個人, 第一個係我阿妹, 冇佢幫我影相, 我跟本唔會有呢一份功課; 第二係蕃薯藤, 如果冇佢幫我合成相, 我跟本冇d美相, 但我唔可以講明佢幫我手, 惟有改為多謝佢教我用photoshop!其後我哋逐個人演講完, 都仲未見到mandy黎, 我也鄧佢緊張...好在最後佢都趕切演講^^

點知演講完後, 阿sir要求我哋毎位學生輪流睇大家作品, 之後再以投票形式選出最受歡迎作品. 當然以蕃薯藤大熱勝出, 之後係tracy那一份以自己及一個朋友, 由相識到分手, 及朋友有病及不能和好為故事的功課可感動人心, 仲和蕃薯藤份功課爭個高低, 其後先到我果份, 不過可入三甲已經好開心呢~~最後阿sir講出令佢最深刻印象的三份功課, 第一份當然又係蕃薯藤啦, 佢真係實至名歸. 比阿sir讚賞係應該; 不過最估唔到的係阿sir話我果份係第二深刻印象? 唔係掛!? 我呢份野都可比阿sir讚? 原來佢欣賞我個概念及表達手法, 真係開心呢, 睇黎我心機都冇白費^^

放左學之後, 二位主持人阿駿及波特唔得閒, 阿駿要去容祖演唱會, 波特約左老友, 最後只有我, mandy, winnie及berry四位美女去食飯, 我哋最後去左和民食飯. 我哋勁好彩囉, 竟然可以自己有一間房, 仲要係除鞋, 勁正! 事不宜遲, 比大家睇睇我哋食飯間房先~

唔該, 大家入房食飯時先除鞋先~~好日式, 勁正!真係有d似屋企感覺呀! 不, 我屋企個鞋櫃冇呢個這樣美 (自揭自己瘡疤添!?)

間房入面, 好在唔似日本人要脆在地上, 唔係會脆死!!!??中間放腳個部分, 如果可以落暖水就好...

之後我哋四個選擇食物, 睇黎好多食物都好正. 本來想食剌身及壽司, 但mandy話黎呢度唔係食刺身, 食熟食多, 於是我集中睇熟食, 我哋最初叫左六樣食物, 仲驚自己唔可以食哂, 但當食物送到黎時, 見到食物原來好細碟, 但都幾好味...

算容牛肉~

芝士局帶子, 加上檸檬汁~

簿燒牛肉pizza~~呢個最正最好味, 皮又脆, d牛肉又好食^^

芝士局千層波菜~

青蔥牛肉卷~難食到暈!!!!

炒海鮮年榚掛? 唔記得左個名...但都幾好食^^

最後我唔夠飽, 加左個泡菜炒飯, 好味到暈~~!!

最後我哋擺左好多騎呢pose, 而定比住d大家睇下先^^認唔認得邊隻腳係我黎呢? 估唔到大家都有對白白美腿...

估唔到我.....拿出黎隻吉的鐵皮燒碟都幾好味, 連winnie都即刻想食^^

大家研究下食咩先啦.....樣樣都好好食, 不過只係扮野!

比較正常的一張大合照, 總之今日真係好開心呢~~有機會大家再去食過^^

補祝winnie生日快樂 + 攝影功課完成了!

補祝winnie生日快樂 :

今日返學原本以為miss會幫我溫習, 準備數學考試, 點知miss病左冇返. 又係由個廢阿sir教. 我見佢教左等如冇教, 而且明天又要交功課, 我在堂上做起功課黎. 直至mandy返黎, 佢話有張生日咭比winnie, 要我出去飯堂度簽名. 我簽完名之後, 我扮有野同蕃薯藤講, 叫左佢出去簽名, 我和佢就黎返入課室時, 佢在後面攬一攬我條腰, 我都黎唔切反應, 但覺得好開心^^

我哋返到課室後, 再搵susuki...其他人簽名, 毎個人都畫哂公仔, 寫哂自己對winnie的祝賀說話, 好有心機, 而且仲可感覺到友情之可放學時, 佢哋把張生日咭放在免費報紙內, 之後再比winnie.

winnie話份報紙好大陣廁所味!!??我哋都大笑左一陣, winnie講話d人去廁所時都鍾意拿埋入去睇, 我哋當然唔會啦, 佢之後摸到報紙有d硬野, 先發覺係生日咭...我哋之後就一齊影相, 我要問返波特及蕃薯藤拿返d相先得!

另外, 我都要恭喜mandy可以搵齊人一齊去幫佢做個聲音測試之類, 原本佢只欠五個人先至齊人, 但呢班熱心助人的同學仔的支持下, 有好多同學仔都應承去幫佢, mandy終於齊人啦! 而且我哋成班同學仔可以去到一齊等測試及食埋飯, 真係勁開心. 雖然蕃薯藤佢在八點幾先放工, 唔可以黎做測試, 但佢黎食飯都好, 我一定會叫埋佢^^

完成攝影功課 :

今晚放學再返去趕工, 其實琴日負責想故事內容, 要就返毎一幅相去設計對白, 而且仲要有故事性, 真係勁辛苦...而且在故事之中也透露自己對愛情的睇法. 我既相信有真正的愛情, 但我覺得而家男性只為性愛不願真心愛對方之心情....今日我在公司印返d內容出黎, 再用牛油紙貼上面. 以及製造埋個封面, 全份功課都叫完成哂, 比大家睇下先~

份功課個封面~只係多左條繩...其實我本來想用絲帶, 於是去花園街搵, 但而家佢賣埋d過年物品, 最後搵唔到, 惟有用繩是但整左個蝴蝶結算....

第一幕 : 白色裙妹妹Erika問家姐Eri是否認識個叫edward(故事中冇出場)的男仔, 家姐Eri問佢點解會這樣問來展開故事...

第二幕 :二姐妹開始講同時都愛上Edward的原因, 妹妹Erika係真心愛上佢, 姐姐Eri因為個男仔有錢及有型而鐘意佢

第三幕 :由妹妹否定姐姐不是真愛, 而開始下一幕講真愛...

第四幕 : 由妹妹講出真愛的意義, 大約都係互相學會包容, 體諒...呢類野啦...

第五幕 : 由姐姐否定真愛, 認為世界一切只存在住利益, 毎人只為利益而生活. 真愛跟本冇價值!

第六幕 : 說明真愛係不能計算, 以及即使二者最終不可一齊, 但只要有開心回憶便可

第7幕 : eri 再次否定, 如果那人唔係真命天子, 點解仲要花時間在佢身上; 而且回憶係唔開心, 點解仲要放在心上

第八幕 : 由Erika 講出二人真心在埋一齊, 即使最終係咪一齊都唔緊要, 最緊要係個過程

第九幕 : 二姐妹開始帶出而家男人只係因為sex, 唔知愛情真正之含意

第十幕 : 二者講出男性雖多數為sex, 妹妹erika 解釋男人只係一直搵唔到一個令自己真心喜歡的女仔先會這樣做. 之後由Eri 講出自己曾向Edward表白, 但被佢拒絕之故事

第十一幕 : Eri 指自己又美又美麗, 而且一直冇比男人拒絕過, 除左Edward 之外

第十二幕 : 指出Edward 係佢男友, 而家同緊佢一齊, 同埋多謝家姐同佢講真心話和祝家姐可搵到自己真愛..

攝影功課進行中...

距離交功課之時仲有二日, 好在蕃薯藤幫我合成相, 令我有返d信心工作啦! 呢份功課自己真係好比心機做, 首先當然要黎個draft先, 我連相都影埋架!

呢個係封面的草圖, 設計基本一樣. 只係所用字體不同, 以及多左d黑色繩囉! 至於個[&], 本來好想整埋落去, 但最後因為太難而冇整...

呢張比較模糊d....呢個係入面內容之草圖, 又係呢句, 設計上和最後作品相差不太多, 只係託底張紙唔係用珍珠銀或日式花紙, 但因為呢二隻紙不合我黑白之主題, 所以最後冇用到. 不過講開買紙, 我買紙竟然用左一個鍾, 仲要只在中南入面, 真係痴哂線!!而且買紙時, 都費盡心思, 一定要買黑白, 其他顏色唔要, 到最後買左二張黑硬咭紙, 二張奏紋紙, 瓦通紙黑白各一及牛油紙, 都買左成百元.唉~如果有得選擇, 我寧願自己買一本完整, 好過呢本又貴, 自己又要辛苦先!!

返到屋企開始動工, 首先係介好塊底片先. 我先介黑色咭紙, 再介奏紋紙, 之後再貼埋一齊. 後來用相拚下, 點知發覺唔襯, 於是我再用白瓦通紙再拼上去, 點知發覺勁襯囉! 我總共要介十二張, 都用左我好多時間, 結果要成二點幾先訓, 而比我遲訓的蕃薯藤比我仲早訓, 唔係掛?

好!!明天再努力先~~!!我都早d訓覺啦....

祝veron生日快樂, 有趣開心的一日

首先在呢度要祝veron生日快樂先~對唔唔住呀!我唔可以即刻送到份禮比你, 惟有先講住黎緊呢年和男友sweet及早日搵到好工, 快d離開間變態公司! 除此之外, 最近同佢傾計多, 知道佢公司個鴨男及佢公司個變態上同公左手, 佢上司要求攤牌, 但鴨男死都唔制, 個女上同哭到飛起添! 個鴨男仲要在度笑. 算啦, 個上司都係無謂為呢d人哭啦! 結果鴨男被放逐. 都唔知呢個係咪好消息....

一早蕃薯藤在msn度hi我, 佢話比份功課我睇, 用winzip 儲存左比我, 但我公司冇, 唔知點安裝(正一蠢材!?), 於是佢即刻打電話比我, 最後當然整到個winzip, 好開心! 之後都一直同佢用sms傾計. 後來佢又打電話比我, 我都有d驚嚇, 因為在我返工好少在十五分鐘打二次電話比我, 佢話我知波特要影公仔, 想黎佢屋企影, 搵佢做顧問, 而且仲話幫我執功課d相, 問埋我去唔去. 好多謝佢好尊重我, 點都問我意見, 最後當然應承佢啦, 又可見多佢一面及睇下自己份功課可唔可以比佢整美d去交.

我先約蕃薯藤在深水步等, 一齊坐巴士去佢屋企. 本來平時遲慣到的佢, 呢次要等返我呢, 其實我遲到的原因係行街耐左, 哈哈~問佢死未!? 我哋等左好耐先上車, 佢又掛住打機(怒) 於是我講笑同佢講, 我話你個博頭都唔好挨, 但最後呢...都係挨左, 於是佢又話我唔好挨又挨我!我挨住佢, 睇佢打機都覺得開心. 跟住佢問我有冇食野, 我答佢冇, 加上見到波特先生一早已經去到約定地點, 於是同佢講不用食野, 估唔到佢第一個反應話唔得, 仲要堅持叫我在要食野, 同埋打電話問波特食左野未, 最後我哋三個買完野食一齊去佢屋企....

最後大家都開始工作啦, 波特拿佢至愛的bb戰士出黎影相, 仲作左個故仔. 個故仔大約講個爸爸比壞人打敗, 佢果三個仔仔得到其他人比的weapon去報復之類. 由於我弟以前都好鍾意玩, 我又陪佢玩, 於是和波特傾起. 之後蕃薯藤話我男仔頭! 唉呀! 比你見到我至差的一面, 唔制>_<

比大家睇下波特先生之相片先~

唉呀~!!爸爸比個壞人頭頭殺左啦.....

影得好朦添, 自己d技術真係太差....仔仔圍住死左爸爸而哭掛!?

呢個係仔仔回憶片段, 講返爸爸d威水史....!!!??

本來我都想影埋落去, 點知蕃薯藤叫我比我功課d相佢睇下, 同埋教我點去用ps執相, 佢一見到就幫我玩合成相, 但佢整得實在太快, 我跟本睇唔到佢d步驟, 點學呀? 最後有四張合成出左黎, 自己都覺得好美, 大家睇下~

多謝蕃薯藤盡力幫我完成呢個願望, 其實我個idea就係這樣, 營造一對姐妹一齊傾計的感覺. 除左多謝之外都唔知講咩啦! 我個人比較鍾意最頭果二幅多d. 連蕃薯媽媽?都走黎睇!

做到十一點幾, 我哋先各自離去, 蕃薯藤堅持話送我去坐車, 可能因為tuen mun多色魔掛!?佢唔放心我自己返去,最後我都坐小巴返屋企, 好累~

蕃薯藤的攝影功課

哈哈~大家可能唔知邊個係蕃薯藤, 其實佢咪係fantasy阿f先生. 呢個名同學仔幫佢改, 我覺得個名幾過隱, 佢又唔介意, 久而久之就這樣叫佢啦! 最多得閒佢咪叫我傻瓜, 是但啦, 都係一個稱呼, 都唔介意吧!我以後打blog會用蕃薯藤呢個名啦^^

上星期日咪話我要做份攝影功課, 佢都在星期日和佢個model朋友, 波特先生, 佢個懂攝影的朋友及佢媽媽一行五人去影相, 你就好啦, 做功課又好玩, 份功課又美~今日有幸同佢msn, 佢仲比左d相我睇添, 我都睇到呆左, 專業果然係專業, 比d大家睇下先 :

佢個model朋友真係好美女, 果然係天生麗質呢~唔怪之得f先生一定要搵佢做model, 而且佢呢位朋友好忙, 成日都有job做, 都願意幫佢手, 真難得! 我都希望可認識佢呢類美人呢~~我個人覺得佢好少少似徐子琪, 呢d先叫做美女麻! 弊啦, 蕃薯藤成日接觸呢類美女, 我都有d擔心呢~其實我有樣野都覺得奇怪, 點解我這樣普通, 佢都算型及多美女朋友, 都會鍾意我呢? 難道真係情人眼裡出西施?

有一張相好好笑, 由波特先生客串做比平果公主的人, 真係值得比大家睇睇: 波特先生, 我都好想做你呢個角色, 勁正囉! 又唔使見樣, 又好笑, 呢d角色邊度搵呀? 但蕃薯藤佢似唔比我做, 佢講左句, 怪物呢類角色由佢及波特先生做算....言下之意即係唔比我做嗎? 我唔制呀, 我都要學蔡蔡, 你唔比我做就扭甩你個頭, 哈哈~

後來佢都做功課, 我邊睇相, 邊做功課, 做到累了要休息. 我唔阻你啦, 加油!你要做全班至美果份呀~!!

和mandy去約會

都係我自己抵死, 自己整唔見左部份數學筆記, 好在mandy在星期六特登拿返學比我. 我驚mandy冇得溫書, 所以我仲在果日約佢, 星期一比返筆記佢.

慳錢的我當然拿返去公司影印啦, 唔使錢麻! 不過放工時, 老闆仲未走, 我惟有在個位度扮等姑姐, 自己竟然真係訓左...真係核突死!直至老闆行到我附近同我姑姐傾計時我先比佢嘈清醒=_="" 鬼咩, 毎晚都夜訓, 咪又係為左做攝影功課及和其他好友msn, 成點幾先訓, 早上7點幾起身, 唔眼訓就有鬼!

直至老闆走左, 我自己先去影印筆記, 之後mandy打電話黎, 我去到body shop 度接佢返公司先, 由於之前壞人叫mandy幫佢影印野, 但又唔知佢影咩, 所以我哋要等壞人電話. 期間我比以前d相mandy睇, 仲比佢睇我以前鍾意的蕭生, mandy話佢個樣都ok, 但計我話佢只係麻麻地....後來壞人打電話黎, 話不用我哋幫佢影印, 我哋終於可以走啦, 去陪mandy買藍芽

我同佢去到電腦中心買藍芽, 由於佢太喜愛藍色, 我見到藍色物品如插咭嘈, 藍芽...指比佢睇, 引佢買多d藍色!!!(好黑心呀~自己=_=""")佢當然冇比我引誘, 真係買左藍芽走啦, 我哋跟住去食野, 好肚餓!!

我哋主要搵日本餐廳食飯, 最後都係去返我至愛的龜井食鐵板燒, 我本來想叫三文魚烏冬, 不過只係lunch先有...勁無奈....最後叫左牛肉烏冬, 海鮮燒餅及三文魚sushi. 三樣都幾好食, mandy就覺飽, 我仲未覺呀, 自己好心唔好太大食啦!??我哋食完飯之後行左一陣街, 一邊傾下計, 行到大約十點幾, 我哋各自回家囉!

回家途中, fantasy send左d短訊比我, 問我食完飯未, d野好唔好食之類. 我哋用sms傾左一陣計後, 我話比佢知會在屋企msn度上網, 因為我要做攝影功課...當我返到屋企想做功課時, 先發覺自己冇帶到儲存在sd 咭度d相, 點做呀!?最後我同mandy, fantasy及berry傾計, 又傾到成點先訓...