有得同fd 食飯啦, 好開心 /少少驚嚇

今日預定同蔡蔡, 寶妮, 嘉華和liz 去尖咀食晚飯, 好開心呀~~大家好耐都冇見, 希望可以齊人啦!!

不過未食飯之前, 就發生左一件令我有d驚嚇的事 : 在星期四咪提起我做左個問卷訪問, 留低左個電話, 點知個男仔johnny竟用佢個手提打電話比我, 我起初以為係美容院果邊有咩事要通知我, 原來只係問我有冇文員工介面比佢個朋友, 我起初真係好驚訝, 但都同佢傾左五分鐘便收線. 不過我費時在姑姐同個同事面前提起, 咪在之後先話比蔡蔡知, 佢話個男仔對我有意思!? 吓~~~~~唔係掛, 認識一日都冇, 會唔會太突然呢?

在liz佢哋未黎到食飯時, 我同蔡蔡在海港城食左燒八爪魚丸, 本來我叫左一客八粒裝同蔡蔡share, 點知自己唔知係咪太耐冇食過, 定係佢太好食, 再叫多一客八粒自己食, 前後食左十二粒, 真係誇張!!鬼叫我今日月事咩, 又唔飲得冷飲和食dessert, 真係激氣!!之後同蔡蔡傾左一個鐘計, 同埋行左一陣商場. 突然嘉華打比蔡蔡, 話佢哥個朋友本來睇古巨基演唱會, 但佢朋友唔去得, 嘉華就要去. oh no!!!!又少左一個人去, 不過唔緊要啦, 之後大把機會食飯, 同希望佢睇得開心.

在晚上7:00之後, 寶妮同liz都黎左, 於是分開去搵位, 就在等位時, 個男仔又再次打黎, 佢話而家同朋友去唱k, 問我去唔去?嘩~~真係好驚呀, 加上而家同我朋友食緊飯, 唔係, 應該話我就算冇約人, 我都唔會去, 於是我就婉轉拒絕佢, 叫佢玩得開心d

其後我就把呢件事再加上edwin件事話比寶妮同liz聽, 佢哋都叫我唔好理會佢哋二個, 這樣又係, 一個裝神秘, 成日都唔比我睇佢個樣, 口中話我係朋友, 但什麼也唔會同我講; 一個非常[侯琴], 真係比呢二個人玩死. 天啊!!希望你快d比個男友我同冇伴侶的朋友, 免受呢d痛苦!

講返d開心野先, 我哋本來去UCC cafe 食野, 但因為太多人而去左一間日本餐廳度食野. 先介紹以下的菜色先:

呢個係寶妮叫架, 係沙爹牛肉奄列飯, 無論係汁定飯, 總之全個都勁好食

至於呢個呢~~係我同liz 叫, d烏冬就勁好食, 但全個麵的味道就....哈哈....

呢個就真係唔記得叫咩, 但味道麻麻, 都係第一個最好食!!

最後係呢個dessert, 係全部食品之中最正的一樣. 不過liz佢哋掛住傾差d唔記得左食, 真係全個融哂就死~~!!

最後我哋行左一陣街, 影左張相. 之後同liz, 寶妮講左我10月21日的畢業典禮時, 佢哋都應允我會黎, 好開心!!希望佢哋真係得閒黎~~

eva 想剪頭髮?

在msn 唔記得左傾d咩, eva 突然話想聽日去剪頭髮, 問我去邊度剪好. 我就提議佢去荃灣度剪, 除左間RED外, 因為我妹去過2-3次都覺得佢剪得唔係太好, 至多下次帶佢去試第二間! 講返eva先, 講開價錢時, 佢話荃灣比佢屋企附近仲平. 可惜我聽日有約, 唔可以親自去, eva, sorry呀~~(>_<)


我只好以我之前的剪髮經驗話比eva知, 扮住專家先. 以下係我比eva 的建議, 可能未必毎個人都適合, 但即管post住在度先 :首先係髮型方面, 好多人唔知道自己剪個咩髮型, 會全部交比髮型師決定, 我唔係話個髮型師唔好, 只係毎個人的審美眼光唔同, 個髮型師覺得美, 但自己卻覺得相反; 有時個髮型師都會剪得好美, 但以我所遇到的極少. 所以我一定會在剪髮之前會同個髮型師講清楚, 例如d陰, 前後頭髮點剪, 剪唔剪layer(層次)/碎.....總之一定講清楚, 之後再問佢意見, 然後先至去剪髮.


有d人會喜歡拿本雜誌個髮型好美, 就去叫果個髮型師剪. 呢個方式好過咩都冇準備叫個髮型師剪, 但要注意自己面型是否適合呢個髮型, 如果髮型

唔適合自己, 可能會適得其反. 至於染埋髮都要小心, 睇下隻色是否適合自己. 尤其注意燈光效果, 會同隻染料有所不同

呢d只係小女子的意見, 希望可以幫到各位. 想起仲有d型仔髮型師會在你剪髮時一停同你傾計, 最後仲比張咭片自己真係好開心......自己又痴線, 請大家見諒!!

終於知道返學消息

今日放工返屋企, 見到我張床上有個信封, 信封面印有[職業訓練局]的字樣. 其實呢封信係我媽今朝在電腦枱度見到, 話爸以為呢封信係我妹, 所以放左在果度. 之後佢幫我拆開封信, 但佢完全唔認識英文, 要我返屋企自己睇, 於是呢封信就在我張床度

拆開封信睇, 只見到二張紙, 一張係上課的人名表, 全班總共有五十一人, 共分了二組, 我就係第二組. 仲有只睇人名之下, 好似全班只有5-6個女仔到, 仲要已經計埋我果隻? 第時咪有好多男仔! 可能仲有一個可能會係bf...喂喂..自己想得太多吧? 不過無論如何, 做到好朋友的話就好啦~~

第二張紙係上課時間, 在下星期二的6:30 - 9:30, 換言之, 第時一定要早走, 仲要比個同事知我要返學!!!!!!oh no, 我就係唔想比佢知, 今次真係唔知都唔得, 最多唔好話佢知我讀個咩課程. 佢好似唔太like人哋讀書拿張沙紙返公司, 因為佢一張都冇, 所以我咪費時比佢知

仲有一件小事, 放工在街道上有一男一女向我sell 美容, 一個叫做[de carnet 燕窩美白保濕面部護理], 佢係美白, 補濕, 去眼圈, 全部服務都適合我, 而且原價六百幾, 特價只係百五, 貪美的我又上左當啦(可能都唔係, 佢話唔使做會員, 收額外附加費同唔會迫客人買野 or sell 野), 希望係真啦~~

另外, 果二個sales 都幾玩得, 一個叫christy, 一個叫johnny, 唔知d男仔係咪成日口花花, 成日都話我係美女, 一定記得我. 同埋之後有另一個男仔sales話我美女. 唉~!!人就係衰, 尤其係女人, 比人話美女, 就算在大話都好, 都會開心到飛起......自己唔好太得意忘形啦~~清醒下, 詩詩 kumi!!!!!!!!!!!!!!!

準備弟之婚禮

我爸媽開始忙住準備我弟在9月19之婚禮, 係人都知一定要準備喜帖, 派餅咭之類的東西, 我平時都好少見到, 所以呢次一見到都幾開心, 仲影左相添!

呢個係餅咭之信封 , 好喜歡佢個簡約設計, 但又可清楚指明係結婚:

喜帖, d字係我阿爸寫, 佢寫字真係好美, 至於我自己一d字就....都幾核突下,但又未至於唔見得人....

最後一張係回禮個利是封仔, 都幾美下. 本來係先派喜帖, 後派回禮, 但今次連埋喜帖一齊比, 唔使再比多一次 (影得唔係太好, 唔好介意)

至於第時穿咩衫去飲, 初步已經決定 : 我姑姐畢業典禮時穿果件吊帶白色連身裙, 如果買左新衫去飲的話, 少機會會穿到, 只會哂錢. 外套, 手袋同鞋可能要買, 睇黎要再死慳死抵先至得! 不過已慳返買一件衫的錢都好

空中巴士 A380 (II)

我自問自己唔係一個飛機迷, 但今次對呢架野真係好有興趣, 覺得佢又大, 飛得又快, 而且外形都幾好, 有少少迷上左佢呢~~以下係呢架機的機倉介紹, 睇完令我更加想去坐下:

登上A380，第一眼見到的是頭等艙，不過這裏只有12個座位，正確點來說是牀位。為了增加空間感，中間的座位頂部並無行李架。坐頭等的乘客，更可走到後面長方形的酒吧，享用小食或美酒。

經過酒吧便見經濟客位，雖說是經濟艙，但由於機身闊，故每個座位闊18.5吋，較現有的飛機座位闊3厘米，走廊空間亦足夠讓兩人同時通過。平時坐飛機，乘客一不小心便會撞到頭上的行李架，不過，A380的行李架離地高1.9米，「高人一等」亦不易碰頭。

機頭及機尾分別有一條樓梯到達上層，前面是64個商務客位，後面則有136個經濟客位。不過，這一層的經濟客位排列是2-4-2，座位闊度雖與下層一樣，但靠窗口的乘客旁邊有一個可放電腦、手提包的小櫃可供使用。事實上，飛機最多可載逾800人，廚房、自助小食亭等設施的數目及大小，都可由航空公司自行設計。

今日佢就要離開香港, 去南韓首爾, 再見啦! 空中巴士....

空中巴士 A380

今朝早係個特別日子, 因為全球最大的飛機在新機場起飛, 呢架就係士中巴士A380 - 是法國空中巴士公司的最新巨型客機，也是全球載客量最高的客機。A380為雙層四引擎客機，採最高密度座位安排時可承載850名乘客，在典型三艙等配置(頭等-商務-經濟艙)下也可承載555名乘客。而呢間架機在早上八點經過我哋屋企, 之後去到維港但飛低d比人睇.

可能我警覺性低, 要阿爸話我知先至見到, 架飛機算幾低飛過, 離遠可見到佢個好大好大的白色"肚腩"! 而且飛得勁快同靜, 好快就離開左我哋視線範圍內. 好在阿爸醒目, 一早拿住個相機影底左佢個倩影

因為架空中巴士好快飛得遠, 所以都影唔切, 好似只係影架普通飛機....

上網搵返黎的空中巴士近照, 真係勁想坐...!!不過新聞話有人豪花10萬美金買二張票, 我當時嚇呆左! 要那麼貴先坐得一次!? 我睇自己都係第時有錢先至同朋友又好, 屋企人又好坐返一次^^

阿蕉, 生日快樂~~

今日終於到啦, 約左veron, eva, 蕉, elaine, fanny, stella 同管運雨於6:00在九龍灣地鐵站的 megabox 出口等. 由於我要趕村巴去荃灣地鐵站, 所以在5:55去到, 哈~~好在冇遲到, 之後打電話比eva, 佢都好快落地鐵站搵我, 唔係我會悶死左

之後veron 都到, 因為佢今日要同屋企人去影樓影畢業相, 黎唔切落妝就黎左, veron化妝都幾美^^, 冇幾耐蕉都到左, 其他人仲未到, 就去德福商場個秦代兵馬佣前影相和參觀, 不過就要比d錢做慈善, 捐錢比山區兒童讀書

弊啦! 好似遮住個四隻馬! 我哋唔係做左果四隻馬掛? 不過都影得算ok

不過之後都補影返張全貌, 都真係幾宏偉, 真係好破舊, 好有歷史feel~~

呢個係兵馬佣"迷你"版, 單睇都好壯觀, 唔知真正見到會唔會嚇呆? 但有個問題, 點解後排d士兵冇左個身同頭?

在參觀完呢個展覽後 (其實好鬼細, 勁快行完), 就見到elaine,fanny & stella 在會場出面等, 再去老麥搵管運雨, 因為佢太肚餓食左d野先. 之後就由eva佢哋帶路坐shuttle bus 去九龍灣megabox

中間發生左一段小插曲, 唔係, 應該話係衰野 :有個男人發出怪聲, 用手指篤女仔pat 一下, 都唔知係咪非禮? 不幸地veron已比個死佬篤左一野, 之後轉移目標到我, 其實我已感覺到有人離我勁近, 隻手好似伸左過黎, 我咪即刻整開隻手. veron同管運雨怒望個死佬, 於是個死佬仲唔走開咩!! veron 讚我夠醒, 知道個男仔篤我, 但其實只係感覺到, 最後係我用袋定手整開佢? 惟一知道的係個死佬冇篤我

坐完shuttle bus後, 到左magabox, 我哋兵分三路去搵餐廳食飯, 最後決定食上海菜, 果間d食物都算幾好, 加上有自己一個間隔, 好似自成一角, 勁正. 食完野之後在同層兒童地方影左相

之後一行八人去影貼紙相, 但個相框太細, 結果好細張, 仲要搵機搵得那麼辛苦, 不過算啦, d貼紙相整體都幾好. 最後去食dessert間店舖食物好難食, 毎個人都話以後唔好去食~~食完dessert 之後各散東西

好在趕到差唔多最後一班小巴返屋企, 在晚上12:00. 難道我係灰姑娘嗎?

仲有至緊要呢句 : 阿蕉, 生日快樂! 祝你一年比一年更美, 同埋毎日開心! 同埋....sorry, 我趕唔切買生日禮物比你, 下年我會送份大禮比你