首先要同姑姐講句[生日快樂]先~祝佢一年比一年靚女, 至緊要係健康及毎天愉快^^
加上今日Halloween, 大家似乎好開心呢~我約左姑姐先行街, 之後我地去睇叫做[樸克王]既戲, 都幾好睇既~係出發之前, 當然先打扮一下自己先. 之後再同我老公(!?)阿jack自拍一下先^^
我好like呢張自然流露既感覺, 好似諗緊野....=.="
雖然有阿jack攬下, 但流露出悲哀既樣子....
好啦~出發去旺角啦! 果然係星期六, 真係勁多人, 而我也買左一件褸, 一條頸錬, 同埋一對窩釘boot, 點解我又買boot呢?? 因為我對流穌短boot終於爛左啦, 好傷心><
終於可以去睇戲, 套戲都幾好睇, 而且好多爛gag位, 都幾好笑~突然學識左玩poker!? 之後諗住去影相, 點知....街上竟然冇人扮鬼!? 而且店舖也冇裝飾, 人也冇刻意打扮, 完全冇halloween氣氛, 只係呢個派傳單既男仔先叫做有少少氣氛...
只係見到個男仔扮中國鬼好得意~起初佢以為我叫佢幫我影, 但其實我係想影佢, 佢竟然話[咁得意!?]
只有旺中先叫有野影下....係我至愛既兔仔, 卡哇伊><
好多兔仔啊~但太多人只係影左好少, 對唔住啊兔仔><
好在姑姐都好好人咁帶我去荃灣附近商場行, 終於見到有商場布置啦~但只係呢個角落..
好鍾意呢個公仔及件衫, 做得好靚~
地上好多南瓜啊~唔知點解我今年特別鍾意南瓜呢?? pumpkin....XD
Halloween布置的另一邊....單車上都有好多pumpkin><
都冇咩行就返屋企先~我都要拎埋我呢個阿jack去屋企樓下影相囉~之後就同姑姐及屋企人去食姑姐既生日飯....XD
終於食飯啦, 最後都係決定食小菜~全日都冇食過野, 好鬼餓><""...呢餐就由我請啦, 首先係什菜煲, 都OK好味~
炸白飯魚, 幾香口幾好味~~
當然唔少得深井既燒鵝啦~例牌已經夠食~
鼓椒炒聖子~其實聖子都幾好味既, 但我本身唔太like食貝殼類海鮮, 我都唔係食太多...
另一樣我鍾意食既送菜, 就係炸尤魚餅, 成日食埋d煎炸食物, 唔怪之得d皮膚咁差啦><
都幾好味既炆牛腩~都幾入味啊!!
食完飯之後爸爸當然去釣魚, 我妹返左屋企打機, 只剩下媽媽, 姑姐, 姪仔及我四個人係屋企樓下影相, 見到好多細路都有唔同既halloween打扮呢~唔知姪仔第時會扮咩呢??
先係碧堤附近影下相先~我既老公阿jack再次出場^^
好鍾意夜晚望住海呢種感覺.....覺得海不見底, 就等如人既內心一樣深不可測..
流露出淡淡的哀愁, 到底係咩原因呢???
碧堤走廊上既其中一張相~要小心d人行黎行去啊><
差d唔記得左影你啦~拎住個pumpkin好cute^^
坐係張椅子度同阿jack影下相先~
當然要同姪仔黎張合照先啦~要姪仔坐定定唔係件易事><
我個pose咁奇怪都有.....應該話係騎呢=.="
我個pose正常返d先, 點知發覺自己差d走光!? 只係呢個blog度show出黎好啦=.="
都係影返我姪仔好了~佢攬住阿jack影下相先~
喂喂!! 唔好只係望上面啦, 要望下鏡頭><
終於望鏡頭啦~媽媽及姑姐氹得佢好辛苦先望下><
坐係佢架私人座鴐度同埋阿jack影下相先~毎次都會有人望住佢架車, 今次也唔例外=.="
welcome to my world...
My model life since Nov 09~
My sweet life w/ bf joejoe since Dec 09^^
如果可以做細路仔都唔錯, 起碼可以少d煩惱...永遠可以無憂無慮生活落去, 不過似乎冇咩可能呢>< 今日爸爸拎黎佢既朋友送比姪仔既玩具, 好多都好可愛, 睇黎都幾多人錫佢~~只要見到d玩具, 突然覺得一切煩惱消失及再次開心起黎, 而且仲好有童真^^
好可愛既灰色企鵝公仔~好似我咁, 傻傻地...
多啦A夢既遙控公仔~其實我姪仔好like佢, 成日拎住佢既毛公仔攬住, 又有佢既坐架><...呢個公仔也唔例外嗎??
thomas既告種火車...其實自己本身唔太like呢隻公仔, 都唔知點解咁多細路like既=.="
呢隻係兔定鹿黎=.=".....如果姪仔細個都可以坐上去既...
大家覺得呢隻似咩就係咩啦=.="
呢個玩具一定要介紹啦~就係呢個自己吹波波機, 絕對過隱!!
透明膠管內有好多七彩繽紛既波波, 到底係點玩呢??
就係按制後, 令到空氣走入機內令波波彈起, 之後波波會碌入去膠管內, 見D波走黎走去, 好卡哇伊><
P.S. 最近菜菜因BB既事同佢既奶奶及老爺吵架, 但又冇人可傾訴, 佢一定會覺得好辛苦...咁日佢都搵左我傾, 希望佢心情可以好D吧!?
今日老闆和我及阿ben講起佢同一個律師打官司, 最後佢win左既故事...令我有更深既體會, 同埋足以令我反省...
話說公司之前請左個律師做事, 當個律師最後開單要求老闆娘找數時, 老闆娘因覺得佢服務其差(平時老闆娘好似冇要求, 但佢都竟然話差, 應該真係好差吧!?)而拒絕付款, 及要求不再用個律師, 於是個律師就開始變態, 除左用佢律師身份去告老闆娘外, 也同會計師講左好多老闆娘既壞話
最後都係要對簿公堂, 其實個律師本身都係大律師, 仲帶埋個徒弟仔去同老闆娘打官司, 點知都係輸左, 仲輸得好慘, 但佢仲唔服氣, 要再出信比老闆娘, 仲要去到高院...其實錢額唔係太大, 只係六萬幾元, 最多只係小額錢財度告, 何必要搞咁多事呢?? 仲有係其實老闆娘提出左比欠款既八五成, 但佢也冇提出接受與否就告人, 簡直就係痴線...
一聽到呢度, 突然諗起自己, 個律師就就我咁, 因為我之前對f既痴戀, 做出左好多痴線既事, 令到自己開始精神失常, 成日胡思亂想, 亂發佢脾氣及鬧佢, 怪不得佢話我係痴線, 就連昔日三位共同朋友都咁覺得, 原來第三者角度睇我, 連我都覺得自己痴線, 就好似個律師咁, 為左報仇不惜一切; 而我就以為為左f不惜一切去做任何事, 到最後呢? 令到佢離開我而去, 去同第二個女人一齊, 所以呢件事上佢唔係完全錯, 只係佢忍我太耐, 足足忍我一年, 呢年黎為佢帶黎痛苦, 不過也多謝佢一直忍氣吞聲黎就我^^
連我都覺得自己好恐怖...同佢係一齊似乎冇咩可能, 已經失去了自己既至愛, 惟有希望下次拍拖唔好再係咁, 不過我既真命天子究竟係邊? 我會唔會再有機會有男友呢? 可能注定我係冇既....只有一個人度過...
其實有機會再重新黎一次, 我一定會成熟對待呢段感情, 唔會再比我係手中溜走..
唔經唔覺係呢間公司做左兩個月, 今日又收到人工票囉, 好開心, 終於又有錢用~~但太快出糧有樣野唔好, 就係一向用錢既我會好快用完, 到月尾呢...哈哈, 自己真係知味道囉, 惟有盡量慳d用啦, 唔係自己點去移民及買姑婆屋比自己呢?? 而家儲定錢真係差唔多囉><
係呢度學既野唔太多, 但勝在人事暫時黎講唔會太複雜, 而且老闆, 同事及清潔阿姐都好好人, 尤其係清潔阿姐對我都幾好, 見我怕肚餓就係佢屋企拎左兩包餅比我食, 有時只有我一個人係公司時都同我傾計. 至於老闆娘佢地對我唔錯, 可能係佢地心目中仲係個細路女吧!? 雖然好多人咁認為..有好有唔好啦, 好既話係可以享盡所有人對自己好既福利, 就算做錯事都唔會比人鬧得咁勁吧? 壞既係唔識諗及胡亂發脾氣, 就好似我咁就冇左個心愛既人, 永遠都唔可以同佢係埋一齊, 不過我都相信呢d係天整定既, 唔係你就唔係你, 自己始終要學習放底....
點解當我提到離開佢, 唔信任佢之類, 佢就叫我[不如我地唔係傾呢個問題啦, 好嗎? 我已經好忙, 但又唔想唔應你?], 究竟你係咪比希望我, 定我再次胡思亂想呢?? 感情失意, 始終要時間才可以放底, 兩年既感情話長唔長, 話短唔短, 但始終發生過既事就係如此難忘, 同樣因為唔可以再係埋一齊而遺憾...
我地唔係因為性格不合而分開, 只係我自己胡思亂想, 亂發脾氣及細路仔令佢難以忍受, 最終比其他人有機可成
今朝同姑姐, 媽媽及姪仔出去食個美味早餐~我地全家都好鬼鍾意食果個早餐, 但我地唔係成日去幫襯既關係, 所以毎次去到都一定叫那款早餐既><
其中一份配料: 餐肉, 腸仔及多士, 好多牛油, 好味~
呢碗係我媽媽既火腿通粉~後來我先發現自己冇影到自己果碗米線, 激氣><
食左碗我同姑姐整既木康布甸, 因為佢太易整啦, 所以我地一得閒就整><
一層層好辛苦舖....少D心機都唔得><
睇黎我都係食野多, 可能係化悲憤為食量吧!? 食完就一於畫一張畫先~都係見到雜誌即興畫, 見我一直都冇畫過fashion illustration, 就畫下啦^^
最後都係畫左張以唔同色豹紋既衫做主題既畫~我向來影相都係麻麻...so 同真實好似差太遠, 好核突=.="
呢次暫時放棄畫fashion, 改畫其他類型既作品, 就係利用佢之前其中一張攝影作品做題材去畫, 我都唔知點解會用呢張, 係想用下之前買落既oil pastel, 大家可能好陌生係咩顏色筆, 其實係以前小朋友都會用既爉筆, 呢次既主題係爉筆及木顏色既結合~
呢張畫就係原相~我選呢張相係因為用爉筆唔可以油得太仔細, 所以選擇有樹及草地既相黎畫....
先用鉛筆畫好個稿先~唔係太難畫, 但上色就知味道啦....XD
大致上用木顏色去定毎一部分既顏色先~
再用爉筆去做光暗, 雖然好難掌握, 但做出黎既光暗位比木顏色更加明顯^^
終於畫好啦~感動!! 後面個背景果然好難畫, 自己都唔知畫左d咩出黎@@...但整體都算滿意, 一於拎去做portfolio其中一張作品先~
爉筆都幾好用既, 可以做出強烈既光暗效果!! 但我希望唔止係咁, 而係可以單用oil pastel去完成全張畫, 我要再比心機都得^^
原本個蛋糕係為佢而整, 但...而家都冇意思, 不過唔緊要, 只要屋企人可以食到就好^^
anthory 先約我去食飯, 佢會係一點四十五分楂車係我屋企樓下接我, 但佢因為要加班, 所以兩點幾先黎到, 不過都唔緊要啦, 短暫既食飯時間都唔錯^^
之後再搵姑姐行街買衫, 但似乎冇咩收獲....而差不多五點時, 嘉華已經黎到我地既集合地點旺中門口集合, 我哋計畫食味千拉麵, 但大家仲未黎所以先hold住, 我見bossini既擺設咁正, 於是想影張相, 但被店員阻止, 我地偷偷地影左相之後即閃啦~
太愛halloween啦~不惜一切偷偷地影~都值得既^^
本來嘉華一直打比寶妮, 但寶妮個電話一直冇人聽, 打去屋企又打唔通, 大家都擔心佢有事, 好在係最後關頭都打左電話黎, 全部人齊哂之後先去食野先啦~最後決定去左味千!!
寶妮叫既南瓜烏冬, 連一向唔食南瓜既我都覺得好好味...XD
也係寶妮叫既荢頭丸子之類吧!? 唔記得個名, 但都OK既...
蕃茄雞肉烏冬~清清地, 都幾好味^^
咖哩豬排飯~差D唔夠分呢>< 大食既我都覺得唔太飽, 好心我啦, 已經冇人要, 仲食咁多整肥自己做咩? 都係食少D當減肥啦^^....之後去整蛋糕既double cake, 佢係一座商業大廈入面, 仲有好多cafe, 排左好耐隊先入到去呢
終於黎到啦~原來間店舖都幾簡陋, 不過都幾整齊既~
大家都整蛋糕前先影張相, 首先係寶妮及醱梅~
我同阿liz一於一齊影返張先~
岸居居整餅碎...其實餅碎已經一早準備好, 我地只係量度牛油分量~
落左牛油啦~比心機撈好d先得!!
撈緊個餅底啊~~雖然個樣就...但撈起上黎真係好玩^^
再發好d牛油先~第一次用搞伴機, 覺得好緊張><
終於發好牛油啦, 混入去cream內先~
呢幕好鬼槁笑~話說阿sir整芒果時, 會切哂d芒果肉, 只剩下果核, 為食既我當然食啦, 仲有阿詩, liz及寶妮都食緊, 酸梅及嘉華偷影我地...我哋咪即刻令轉面><
返黎整蛋糕現場先~最初整好既餅干底終於雪好啦, 連埋頭先整好既牛油及cream, 開始整蛋糕一部分啦~
要舖左芒果底啦~就係我地岩岩食完芒果核既果肉不停地舖啦^^
終於舖好芒果邊啦, 但仲未完成架...使唔使咁開心???
大家終於完成啦~一於人同蛋糕影張大合照先啦^^
六個大蛋糕既close up, 好靚啊><
呢個就係我個cake啦~比我想像之中靚喎, 但唔知好唔好味呢??
我個蛋糕既topping, 黎個close up先~choco字都寫左好耐><
好辛苦舖既芒果底啊~好在舖得唔係太差=.="
整完蛋糕之後去左發記食dessert, 我都諗左好耐食咩野, 最後都決定係choco流沙冰><
一層層既沙冰實在太靚啦~一於又黎個close up先~
今晚玩得好開心呢, 作為失戀之後既第二日已經算唔錯啦, 如果可以毎日都咁開心就好~仲有多謝咁多位老友, 佢地見我去到發記時諗起第一次同佢食dessert, 所以唔開心, 不斷問我發生咩事, 真係再次多謝你地^^