找拍!!!??

上個星期日六咪去左IFC既時裝展, 係果個展覽之中有一部分係比一間叫做style sight既公司會搵人影相既, 正好佢搵左我去影相, 之後比左張卡片我, 叫我今日係佢地個網上download返自己張相..

呢個就係佢地影參觀者既攤位...

哈哈~我個人都覺得ok啦, 不過覺得自己唔應該著呢套衫...

今日係msn度on既人唔多, 可能係我去左打機, 好耐先至on, 唔係咁多人見到我吧!? 唔係我都會send張相比大家睇下, 當我send到比蕃薯睇時, 佢竟然講左句[有冇搞錯...我以為用dc仔影..@@立心同人影...閃燈直打都夠膽死=.=], 各位有冇人明白呢句既意思呢?? 我都唔太明, 可能係指支閃光燈直接打左我身上吧? 始終自己對攝影冇咩認識....

我都同佢講唔緊要啦, 只係snap shot, 影得差都冇所謂吧!? 佢就話呢d唔係叫snap shot, 原來snap shot係台灣叫做找拍, 我鬼知係咩黎, 又唔解釋=.="....於是我係網上搵左部分呢類既相:

原來呢d就係snap shot, 我估係比人感覺係漫不經意, 可以話憑感覺去影, 及表達心中既意思; 唔需要任何既攝影技巧, 只需講求個人感覺就可以...應該係咁吧!? 睇黎我又學多一樣野, 不過其實我都鍾意咁影, 尤其係最後果張我比較鍾意, 因佢可以表達毎個人最真及自然既一面. 不需用任何攝影技巧及後期加工(用photoshop執相), 後者影出黎既相係靚, 但就失去那個人最真實既一面, 不過也無可厚非既, 始終毎個人都愛靚麻...要真實定係人工既靚, 真係要衡量下啦...

返工終於一個月^^

琴日係fb既inbox內邀請朋友去整蛋糕, 估唔到大家反應都幾好及幾有興趣, 而且仲訂埋日期, 暫定為11日或24日啦, 當然最緊要就到大家啦, 仲有也希望菜菜可以搵到人幫佢睇住阿b先~至於整咩蛋糕呢~就由大家決定! 大家似乎比較like choco及cheese cake, 兩樣我都鍾意食, 至緊要口味岩哂大家就好啦^^

而家新呢間公司好早就會去糧, 今日已經收到阿head比我既支票啦, 好鬼開心啊~估唔到我係呢間公司已經做左一個月, 可能係公司唔係太多野做, 覺得呢個月好似特別漫長.....不過唔緊要啦, 而家最大得益暫時係懂得用peachtree及用peachtree入賬吧!?

我既第一張出哂全個月糧既支票啊!! 突然覺得張支票係識發光><

既然出左糧, 我又開始身痕去買衫啦~~似乎我都係買去街衫多, 好心自己就去買返工衫, 費時又冇衫返工啦=.="
終於買左呢季最興之一既穿洞九分褲啦~即係中間部分好似比人剪爛咁, 都要成五十元條, 真係唔係太抵, 但自己一直都好想買><

而且仲買左件連身tee, 全件其實都係星星黎, 個底部係暗星星, 再加黑色珠片既星星~

其實我都仲想買好多衫及鞋, 如及膝及短boot, 皮褸, leg warmer, 更多格仔恤, 釣紋連身裙....總之就要大量入定秋冬既衫~不過近排要儲返多d錢讀書及存錢入銀行呢...之前用哂黎讀書及炒股, 雖然股票都搵唔少, 但始終都係存入銀行比較穩陣....XD

心郁郁想整蛋糕~

琴日同蕃薯食左個咁靚既蛋糕之後, 自己覺得之後會好無聊, 咁耐仲未可以讀fashion既course, 於是搵d野做下, 所以突然有個整蛋糕既決定. 但係去邊度學好呢? 本來想搵返上次同姑姐買木康布甸材料間店舖, 點知好似搵唔到, 反而比我搵到另一間係旺角既店舖網址...

http://www.doublecake.com.hk/courses.html

有好多款蛋糕整, 唔知整邊個好呢?? 個個都鬼死咁靚><

其實我最想整呢個, 但係呢個擺明就係情人蛋糕啦, 我冇情人點送呢??

最深刻印象食拿破崙係聖安娜買果個士多啤梨及芒果拿破崙, 真係好鬼好味~所以我自此愛上拿破崙, 我估呢個蛋糕既味道應該唔會太差吧!?

鍾意choco既我都幾like 呢個蛋糕~

係蛋糕之中最愛既tiramisu!! 學整呢個都唔錯喎~

睇到毎個都好想整, 真係唔知整邊個好....突然見到佢話可以四至六個人包房一齊學, 突然諗到好耐冇見既朋友仔, 唔知佢地會唔會得閒同我顛呢?? 唔係咁講既, 當係聚舊, 大家一齊開心下都好~

係msn度見到酸梅, 佢話要睇下其他人去唔去先至決定, 於是我係fb個inbox度邀請朋友出席, 希望大家可以一齊去玩就好啦^^

補食生日蛋糕^3^

琴日係酒吧度先問過tracy星期日會唔會去蕃薯屋企食我買既魔鬼蛋糕, 原來佢地三個都唔知道有呢件事, 唔通也係個局!?...xd

好在自己都幾準時去到tm間美心拎蛋糕, 去到蕃薯屋企個鐵閘鎖左既??唔通冇人? 咁我咪食白果??於是我打電話比蕃薯又去左留言!? 自己越諗越驚, 於是再打電話比佢, 好在佢終於聽電話啦, 可以入到門>口<....

差唔多一個月冇見蕃薯媽啦, 見佢做化療開始有禿頭既現象, 於是問佢化療途中覺得痛唔痛, 好在都冇, 咁都好d~~

可能你地都覺得, 即使蕃薯唔係我男友, 佢之前又講左些過分既說話, 點解我仍然會關心佢媽媽, 係因為我以前爺爺都係cancer過身, 雖然自己冇親身感受(應該話唔想啦), 但我知道佢地係化療之中一定會好辛苦, 佢媽媽時刻同cancer博鬥, 一定要有堅強既意志及得到人既支持, 所以我咪特別關心佢, 希望佢可以一直同病魔戰鬥!! 同時也令我諗起蕃薯又要照顧佢媽媽, 公司又勁多野做及又要返學趕交功課既辛苦, 明知佢一直唔同我拍拖, 講了一些hurt我的說話, 但我唔知點解冇辦法扔下佢唔理, 可能係我以前同麻麻吵架後, 之後佢入院, 本來想係佢出院時請食包魚, 但永遠都冇機會....那人在生時不對關心, 愛護及疼愛自己既人好, 我唔想再令自己後悔, 不知不覺, 蕃薯及蕃薯媽已經成為我重要既人其中兩位, 所以除左屋企人及朋友外, 我想對佢地好, 自己唔想再後悔多一次....呢個就係我自己既人生及價值觀, 我估之後不會改變吧!?

本來我想叫埋edwin, tracy及teddy黎食架, 點知你話佢地住係白田, 唔會咁遠走黎食, 又話你媽媽都想食, 只有三個人食唔係太熱鬧呢....., 難道佢就係想只有我哋三個人食?? 等蕃薯飲醉後再休息一陣, 我地開始食蛋糕啦~

哈哈~終於都買到魔鬼蛋糕啦^^...拎住個盒果陣都覺得幾型架!! 可惜就手震左...

開左封啦~個蛋糕真係幾靚啊~衰蕃薯話佢係一卷整污糟左既廁紙!? 我要殺左佢啊, 個蛋糕仲未食架, 係度亂講=.="

等蕃薯媽放choco碎, 加埋個生日牌就食得啦~真係好鬼死靚仔啊^^

哇~蕃薯使唔使鍾意食到咁啊? 我同蕃薯媽夾埋只有一半, 另一半比佢食左?

之後問我有冇birthday kiss!? 當然冇啦, 先生..你都唔係我bf, 不過我都係咁二鍚下面啦, 點知你竟然整個咀過黎!!? 呢次我唔殺左你都唔得!! 好在最後我錫左你隻公仔加菲, 點知佢打加菲, 玩玩下又變左以前我地like既打架啦=.="....自己都係唔好太投入好d, 你都知最後有幾傷啦...

終於食飯啦~多謝你媽媽煮既米粉, 好好味啊~不過會唔會太大碗呢?? 你就係度話我龍龍唔夠食, 我而家已經細食左啦><

食完飯之後你竟然拎個電子琴及結他出黎邊彈邊唱? 係咪我地一齊睇亞洲星光大道睇人地表演睇上隱啊!? 不過估唔到你識, 勁! 同埋間中講下相機, 本來係我係冇興趣, 但影時裝展覽及catwalk時想影得更加靚, 於是就請教下佢, 佢就話會搵日去時裝展覽影囉, 不過唔知係咪啦...都係睇你地去拍關於攝影既紀錄片仲實際, 唔知我有冇份去及幾時去呢??

時裝展 x mooji食飯 x 蕃薯生日會

今日既節目實在太豐富啦!! 本來只係去時裝展及約左mooji食飯, 點知今朝早蕃薯突然問我會唔會去生日會!? 之前咪又話唔想人去, 驚人學壞既....之前一係就叫我去, 咁到底你想點架??到最後見好耐冇見過Tracy, Edwin, Teddy, Fred sir, Galan及Ryan啦~我又冇點返過ive, 就當係聚舊都好啦^^

首先係去左IFC既fashion moment先, 商場實在太大啦, 我好耐都搵唔到個展覽場地....不愧係國際知名既大商場, 大到真係搵個地方都咁難....

終於到左啦~差d唔知點黎啊!? 果然係個大鄉里=.="

問左管理員之後終於搵到啦~原來個會場只係咁細!?

由一名法國既插畫師為fashion moment 而畫既插圖之一~

由一名法國既插畫師為fashion moment 而畫既插圖之二~

milk既插畫~

場地內既玻璃櫃, 擺放著唔同既鞋及衫之類~

全部係玻璃櫃內既物品, 真係毎樣野都有, 但又唔覺得太亂, 反而覺得都幾靚下~

呢次時裝展覽既主題~係一個日本既時裝設計師asturo tayama, 2009既fall /winter(FW)以軍服及古老(vintage)為主

係會場旁邊, 有一連串由時裝攝影師影既相, 毎張都好有水準, 好靚~同我影果d, 哈哈....簡直係蚊比同牛比呢><

所有model展示2009FW所有既時裝, 其實仲有好幾張, 不過我只係影左D比較靚既....總之我就影哂佢啦><

呢個就係網上提及過既機動catwalk show!? 都幾得意喎~

當然唔少得係前面影張相啦~

全個model catwalk就係由呢d軌道做成架...xd

呢張冇落閃光燈影既其中一件衫~後來見到有d攝影師開左閃光燈影, 於是就學下佢地~

落左閃光燈影果然唔同d~衫既質地細紋都睇得好清楚, 偷偷地學師果然係好!! 呢件也係我全場至鐘意果件, 我指係灰色斗蓬(側面)~

灰色斗篷(正面)~

灰色斗篷(big close up)~

灰色斗篷(後面)~

2009FW collection其中一套以金色及間條為主既衫~

比較簡約既一件連身裙~

都幾後生既返工斯文look~其實我都幾like既~

我第二件鍾意既衫~就係白色呢件衫啦^^

簡約黑色連身褲~其實我都想試下著, 但我唔知夠唔夠高著!?

黑皮褸及長連身裙~呢個style令我諗起姑姐, 佢都好like咁著, 穩陣不失斯文~

皮褸既大close up, 其實今季皮褸也大行其道, 皮長褸, 甚至係背心褸也係must buy item, 但問題係香港可以著到嗎??

又係黑皮褸嗎!? 呢件好有女強人既感覺^^

天花板毎個盒子也係吸引我既其中一部分~

行完時裝展覽之後, 可以去搵mooji食飯啦~我打電話比佢冇人聽既....後來佢先至打黎, 話自己先去tm市中心行下先, 之後再搵位同我去板長食sushi^^~好想快d去呢~~最後都要六點先去到, 佢已經拎左飛, 仲去到接我, 多謝你^^

好肚餓啊~終於可以食! 呢兩件係mooji仔仔食過話好味既燒三文魚腩!

食剩左四件三文魚sushi!? 首先要多謝mooji, 佢唔食比我食~本來有十件既, 唔係mooji提我, 我會食埋冇影相囉=.="

其中一件至愛~係奶油薯餅啊!! 只係食兩件已經好漏><

mooji最愛既燒三文魚邊~

刁鑽既我唔願意剝蟹, 於是叫左蟹肉蒸蛋~味道都ok既, 有兩隻已剝既蟹腳食下既~

mooji叫既溫泉蛋~我聞到味道覺得怪怪地, 而且我唔多like食原隻蛋, 所以佢叫我試時我都冇試...

食完豐富晚餐後, mooji請我飲珍珠奶茶, 我又叫左香芋味呢~好好味!! 但係我太飽最後飲唔完, 真係好可惜啊, 因為我竟然飽到想嘔...於是我send 左sms比蕃薯, 話比佢知我唔去佢個生日party, 但佢竟然打電話比我, 話佢個party有十幾個人放佢飛機, 佢好傷心話自己想哭, 而我竟然相信及同情佢, 最後都係去酒吧度同佢慶祝生日....

終於去到tst, 我都唔識路, 佢係電話度教左我呢個路痴都仍然唔識, 直至好人看更教我行就識啦! 好在你最後都驚我唔識路最後落黎接我~

一入門口就要飲一杯酒!? 我從未飲過...第一啖好苦啊!! 好在tracy幫我飲, 多謝你~

生日乳豬!??我都係第一次見~好得意~

ryan及galen抵死係隻乳豬近影相=.="

蕃薯見到隻乳豬好驚訝...=.="

佢切乳豬時雞手鴨腳, 都係要搵人幫幫手=.="

都係等galen幫你啦...xd

同galen既情侶合照!? 講笑o者, 其實係佢突然攬住我, 我做下樣攬返佢, 又覺得幾好玩咪影左幾張~

點都要同teddy影返張先~我仍然好鬼核突=.="

當然唔少得我同tracy既合照啦~


BAR房其中一角~那時已經係四點幾, 好多人已經走得七七八八~

呢個係bar房外既景物, 點知就引起少少騷動...

其中一名waiter竟然要我同佢影張自拍...!? 影到我鬼死咁核突, 都係影佢自己多d=.="

之後呢位waiter問我做咩唔影佢=.="...於是只好同佢合照啦~

後來佢話想close d咁影, 呢次我真係蝕桌啦...不過見係玩下又冇咩所謂既, 呢張相都幾ok啦~

後來蕃薯及另一位女仔飲醉左, 個女仔交比蕃薯提及既三位正人君子fd(唔知係咪啦)送佢返屋企, 至於蕃薯呢, 佢都唔好得佢幾多, 仲擔心我拎齊野未, 都係顧店你自己先啦=.="...最後我, tracy, edwin及佢一齊答的士, 佢地三個人就去蕃薯屋企, 而我就返深井, 途中蕃薯醉到全程講英文, 而且出奇地好, 佢仲講[dear kumi, go to my home and sleep together], 其實我都想打佢, 甚至想殺左佢, 我不停打佢個頭, 好在阿聯話佢[下流], 仲打佢心口, 做得好耶^^~唔好再比佢亂講野!! 仲有我同蕃薯雖然坐埋一齊, 但阿聯叫我訓覺, 見到蕃薯靠近我d就即刻用兩隻手整開我地, 反而我覺得好鬼得意及好笑囉~