話說我姑姐好鬼鍾意kuromi, 佢想係呢個星期日既畢業典禮帶住佢周圍同屋企人及朋友影相, 而我妹又應承左送隻kuromi畢業公仔比佢, 佢都不知幾開心, 係星期日已經買左啦~只係我同fantasy先生吵架, 我先冇理到佢, 結果今日先可以同佢影相, sorry呢....kuromi....
kuromi既正面呢~個頭係用漆皮做, 好得意啊~連拎畢業證書都邪過人....xd
後面好鬼搞野, 哈哈~不過姑姐話佢d波波好易甩落黎, 要小心d先~
至於我話哂都係我姑姐既姪女, 我點會咩表示都冇, 就係....curtin間大學既樹熊公仔, 唔好問我係點既樣, 至今我都未見過, 要係畢業典禮當日先至有得買, 第時一有呢隻公仔既樣就比大家睇下~呢隻公仔真係貴囉, 聽講要成五百幾元港幣!? 哈哈~不過見係姑姐畢業冇計啦, 其他人我未必會送啦, 我岩岩做返野, 邊有咁多錢@@
welcome to my world...
My beautiful life
My model life since Nov 09~
My sweet life w/ bf joejoe since Dec 09^^
My model life since Nov 09~
My sweet life w/ bf joejoe since Dec 09^^
由今日起, 我要刪除你的電話號碼, msn及fb, 最多只係剩下少少的相片及sms作為留念....我希望可以同你開開心心咁道別, 我決定以後不會再和你接觸, 斷絕和你所有的聯絡, 希望可以忘記你, 重新找個自己所愛, 我才會活得快樂.....()係我既諗法...
話說係佢最近係msn度不再和我傾計, 悲傷的故事由呢度開始...
k: 你係唔得閒, 或者唔想同我傾計就出聲, 如果你唔出聲我唔想阻住你, 好過我成日好似自己同自己講野....其實我鍾意你覺得好傻....
f: 不如你放棄吧啦, 我真係好忙!!
k: 相信呢種感覺會慢慢消失, 都係留返比真正like你既女仔....係你叫架, 我覺得like你好累!!...我都有like既人, 我一定會放棄!
f: 有個鍾意既人咪好囉:) (你玩野咩? 拜你所賜, 鍾意人係黑暗及痛苦, 仲要我痛苦多次??)
k: 本來我想用gf既身份(雖然唔係) 送禮物比你, 但都唔使啦!
k: 你一直唔鐘意我咪出聲, 上次講話咩bf既話就比我影性感相, 你唔like我就唔好玩我, 也唔好戲弄我既感情, 而家仲話咩有鍾意既人咪好囉, 我覺得你係度玩我囉!!
f: 如果你覺得我關心你係錯, 咁以後唔會有了....(你都係近呢幾個月, 你媽媽有cancer時, 先開始關心我少少!!!)
k: 如果係情人既關心, 我會好開心; 但朋友話係女友呢ｄ野, 始終唔太好
f: 咁得啦! 以後唔使旨意有了... (你估我好恨咩!?)
f: 同埋我真係好忙....唔好再增加我煩惱或者要我打咁多字同你講埋呢d野, 否則我越來越怕你....(你有咩煩惱啊? 我講幾句野你就話煩惱!?)
k: 我都係越來越怕你, 你竟然當我對你既愛情係玩玩下, 冇對我認真....我以為你係重情, 對感情認真既人, 我先會like你, 原來係我錯, sorry!
f: 其實我一直強調我一直唔想拍拖, 唔想有女朋友, 如果你覺得咁就唔應該對你好, ok, 咁以後就算吧! (如果我夠恨既話, 我都想唔再對你好, 呢句應該係我講既!!)
k: 即係你一直冇like我?
f: 我而家好怕你囉!
k: 你對我好只會令我誤會!
f: 你越來越serious, 我越來越怕你! 你三日唔埋, 兩日搵呢d野講, 好似精神分裂咁, 好得人驚! (唔知邊個係令我精神分裂呢? 仲同我講呢番說話?)
k: 其實我都想對你好, 我都唔想咁架!
f: 如果你好地地, 我同你傾計會好開心! 但你成日人地忙少少應你少d, 你又唔知講咩一大堆野, 嚇死人咩....見到你都唔想應你啦, 你明唔明, 你做既野好令人反感....我真係忙到嘔, 我唔想睇你一大堆字及回你囉....(吓!? 咁你咪唔好回我, block我囉....)
k: 知你就黎生日, 我想當你bf咁, 送個銀色心心, 入面裝左粉紅rose比你, 然後擺你既相機save卡, 我都係想你開心一下, 睇黎我冇機會送....
f: 你做呢d野我係會開心, 但你平時久不久唔知做咩令我好怕囉...係啦, 你都係唔好花時間及心機(好! 其實我已經冇咩動力想送野比你啦, 仲多謝你對我講呢番說話添!!)
k: 你想我點做?
f: 我想你唔好再講埋d傻野, 真係有d討厭...(咁邊d先係唔傻呢? 咁你話如果我係你女友果d野, 唔通唔傻咩?)
k: 嗯, 我唔會再講傻野, 我真係好想送禮物比你, 搵哂資料, 原來我咁做都係傻既....
f: 你而家仲係度講埋呢d野?
k: 我真係想送比你, 但你叫我[都係唔好浪費時間及心機]
k: 我希望你找到精彩的人生, 如果我唔打擾你, 你就會開開心心....]
F: 我既人生一向都咁精彩! 因為我有夢想, 我知邊D事應該放時間去做...
k: 我都曾經有夢想, 可惜我點努力及客觀環境唔容許我咁做...你已經好好彩, 要珍惜, 我知道一直以黎比你麻煩, 深感抱歉, 無論我點令你開心都係冇用, 之後唔會咁做, 再見啦!
我一直好傷心, 點解我一直付出既感情一點收獲都冇. 我之所以有你話既精神分裂, 都係拜你果d唔認真及唔愛我既情況下引致, 我越諗越覺得自己既努力係白費, 於是我非常之嬲, 係msn度指明話同佢冇關係, 話佢欺騙我感情, 而我已經傷心至極....
f: 唔該你尊重少少...邊個欺騙你感情? 我知你對我好, 我先關心下你, 一早講左唔想拍拖, 你而家先怪我?...真係唔發火都唔得, 你唔好咁過分得唔得....
k: 我不是在說你, 只是我過去暗戀的人...
f: kumi, 其實..... 其實我曾經鍾意過你, 但...唔知幾時, 已經冇了...問心果句我真係好想你可以找到搵個好bf...同埋講真, 我跟本唔好.... (仲想我搵到個好男友? 唔係又係似你果d啊? 好男人已經死哂啦, 你仲想推我去另一個深淵?)
k: 什麼? 我都不認識你, 做咩同我講呢d?
f: 夠了, 唔好再傻....
k: kumi是誰? 我不認識她....
f: 你唔好再迫我發嬲, 你乖乖地啦...以後好好留意你身邊既男仔吧!...大把比我更好既人...(對唔住, 如果我身邊有男仔, 我都唔使痴住你啦!!貪你咩好? 又唔係好靚仔, 又唔係有錢及事業!!)
k: kumi是個可憐既女仔, 只知佢一直以來, 身邊沒有一個男仔出現, 佢只是痴痴等待一個男仔, 佢一直like你, 但你竟然對佢講冇感覺...
f: 接受現實吧! 有d事某年某月發生左...就無計...唔岩就係唔岩, 你明嗎?
k: 佢身邊有男性追求佢, 但佢一定要那人, 而那人竟然同佢講呢番說話...
f: 我唔想再拖你...請你唔好怪我講到咁絕...(你已經講到好絕啦!!)
k: 為什麼你唔立即同佢講, 佢可以即刻離開你, 都係你拖拖拉拉傷害左佢...
f: 老實講, 同你相處耐左, 我發覺你跟本唔適合我, 你覺得我冇表示過咩...所以你諗得太多了, 坦白講, 我試過比過幾次機會大家 (你唔like我比咩機會我? 你唔覺得好矛盾既咩??)
k: 她真可憐, 都從未同你拍拖, 也只係想比你影下相, 只要你一句什麼都不適合就了結左呢段感情, 一點也不公平!!
f: 但結果...我覺得都係唔得...咁我可能跟本一早唔應該因為你對我好而想試下比機會大家, 我應該一早咩都唔理..(你可以咩都唔理架! 我唔使你同情及施捨比我囉, 咁既話就唔係愛情!!)
k: 既然不適合也冇辦法, 你叫她怎樣同你見面?? 她對你好, 係因為她有愛, 她幻想過同你一齊結婚後既生活, 她真係好傻!!
f: 你太鐘意幻想啦, 所以我越來越怕, 你明白我點解比咁多次機會大家, 但都係放棄吧! 經過一年幾既呢d生活, 可能要幾年先會唔記得 (哈, 你講你定講我? 我覺得你一定會好快唔記得囉!!)
k: 不會, 我相信雙方冇再聯絡, 會好快忘記對方. 要記住受傷後既回憶係好痛苦. 除非係命中注定, 整定雙方點都要一齊, 否則會好快忘記!!
f: 咁好啦...希望係幾年後....可以以朋友既身份再見面....(仲見面? 再hurt多我一次啊!? 痴線啦你!!)
k: 你覺得你傷害我那麼深, 會想見你嗎? 再見你只會刺激她傷心既過去, 所以讓一切回到原點..
f: 如果你覺得只有你付出, 就太自私啦! 我唔想再同你講野, 我地就當冇識過....(你有付出過咩? 我真係一d都唔覺喎!!)
k: 佢一直有為你付出, 你說什麼不喜歡, 她為你改; 知你同你媽媽cancer之後會覺得好辛苦, 佢一直幫你, 你可以無動於沖嗎?
f: 感動過....試過比機會...但好快又被你既行為嚇怕左...(你邊忽感動過!?唔覺喎)
我已經唔想再同佢講野, 係呢年幾黎, 你真正付出既有幾多? 唔通係你做埋d情侶行為, 但又唔係情侶既事嗎? 最多只可以話係同我去渡假屋及煮飯比我食!! 我聽完佢咁講, 自己一定難過, 個心已死, 原來我一直鍾意左個自私既人, 拖左我咁耐叫我去搵過更好既男友, 你唔好玩啦, 先生, 你知出面咩世界嗎? 邊有好男人啊, 呢個只不過係唔想我再痴你既藉口, 講得懶係好聽, 我真係好想嘔!!
仲有一樣自私及令我嬲既係, 你明知已經唔再鐘意我, 做咩要拖我咁耐? 我寧願你即刻同我講冇感覺, 要我死左條心啦!! 仲要話咩見我對佢好, 感動過而比機會我, 好心你唔好扮哂好人啦, 你咪又係賤人一個!!
從今之後, 我唔想再見到呢個人, 也唔想再同佢講野. 如果有日係街度撞到佢, 我一定會扮唔識佢, 當自己見鬼就算!!恨既只恨自己太愚蠢, 盲目地去鍾意一個自私既人!! 係佢令我唔再真心鍾意一個人, 覺得咁樣好岸居, 好傻!! 我真係好憎你!!
由於我要返工, 所以冇時間做好份功課, 整體上黎講不太滿意, 因我有少少部分如頭紗, 飾物都未做好,又冇illustration, 真係唔係太開心, 不過冇辦法啦, 今日要交, 惟有盡量去做啦!! 早d返去學校做, 最後都叫做勉強完成吧!
全份fashion project~包括一個theme board, 同埋四份sketch!!
一套四件既婚紗做好左啦~最後個名用左"fairy x pink rose"
第一款既婚紗: 用粉紅仿真花/真花及葉為袖口及腰裝飾, 加左簿紗剪裁的精靈裙子~
第二款既婚紗: 用粉紅仿真花/真花及葉為領位, 整條短裙用羽毛, 出面都是以簿紗為主遮掩部分羽毛裙~後面用紗整一層層的效果~也係最多同學like既一件~
第三款既婚紗: 用粉紅仿真花/真花做領位, 再配以全羽毛的裙子~
第四款既婚紗: 用粉紅仿真花/真花做領位,中間部分當作花球, 內為打摺的短裙, 出面加上喱士及紗簿裙, 後面簿紗如新娘頭飾般簿紗朦朧地遮掩身體~
project個theme board~都算ok合格啦...
大家present完後有一個break, 我同betty係班房影相, 起初只係影我既作品, 後來加埋和阿sir及部分同學合照, 認真熱鬧, 大家六人一齊影相, 其後影相既同學大家都傾計認識下吧!
左起: Chuan, Christy, grace, 全班之中既好友betty及後面既阿sir, 估唔到佢都幾高喎~
當然唔少得影我及我份作品個theme board啦~~
我同靚仔阿sir既合照呢~好鬼死開心啦!! 加埋個theme board, 超正!!
betty及chuan~chuan件衫好靚, 係用個假既gucci剪開左做衫, 呢件衫有段故, 就係一個好名牌既少女佢用哂所有錢去買呢個gucci袋, 但冇錢買衫, 於是只好剪爛個袋去做衫~仲有我發覺左一件事,就係我冇同betty影合照><
betty既作品伊甸園~其實我唔太明佢既作品係講咩, 太有深度啦><...不過佢d水彩sketch油得好靚架!!
好啦, 之後睇下阿sir既作品啦~係阿sir係唔同時期畫既水彩畫, 我至like就係著黑色裙果張啦><
我同chuan都比較like個公仔條頸巾~
我至like果套啦~~尤其係條裙, 油顏色超靚><
阿sir係上堂畫既水彩畫~真係好靚, 而且油衫時係最高難度!
好like呢個公仔既上身上色, 真係透明一樣, 好利害!
大家傾完計後便放學, 開始要各散東西, 雖然約好左第日會出黎食飯傾計, 但最後唔知係咪真係會做到呢? 我當然希望會啦^^..至於冇得見靚仔阿sir有d可惜, 惟有用菜菜果招, 係畫圖上唔識就問佢~
又係返工囉, 呵呵~呢日我可以晏少少搭車, 唔使咁早去到公司, 仲可以訓晏多半個鐘!! 不過一晏就塞車, 去到公司已經好晏, 但我也堅持要買個包食, 點知比irene及甘太見到, 勁樣衰=.="
返到公司仍然係好得閒, 最多只係計下同事搭車費用, 收下fax, 做毎個月既monthly statement...真係得閒到暈!! 唔知我係咪真係咁賤, 去銀行, 出去交各項費用, 租約, 買野...都已經唔使你做, 你只係做下文件工作, 用excel及電腦入下賬, 咁就可以拎到同以前差唔多既人工, 你就輕鬆一下啦, 我仲搵野黎做, 真係痴線!!
雖然老闆係公司, 但我同irene仍然傾計, 再唔係係lunch訓下覺, 真係快活過神仙^o^
唔知點解突然諗起我姑姐佢上個星期整既藍莓cheese cake, 其實我係影底左, 不過唔記得左post上黎呢度><
姑姐整完個藍莓蛋糕返黎, 仲有個盒裝住, 個盒都幾靚架!!
個蛋糕都幾好味既, 不過sweet左少少, 整體上黎講唔錯^^
快d做埋份功課啦! 唔係聽日冇得交就知死!!
終於到左返工呢日, 我驚死遲到咁成六點幾起身, 好鬼眼訓啊....紅磡都係好鬼遠, 平時又少去, 所以依照網上所指既巴士站, 但始終都唔知係邊度, 所以都要搵下, 原來個巴士站係地鐵站附近, 好快就搵到囉~而且仲可以拎份報紙睇下...XD
可能係太早既關係, 又冇咩點塞車, 一個鐘既時間都唔使到左紅磡, 搵到返工既工廠大廈後, 仲有差唔多成個鐘!? 我真係唔知去邊度好囉=.="....惟有周圍行下, 睇下有咩工廠大廈及餐廳之類啦, 呢度既食物價錢正常好多, 起碼係二十幾元個飯盒, 同荔枝角簡直完全唔同, 我也順道食個二元既波羅包, 又真係幾好食喎^^
呢間公司九點半先返工, 係十分鐘之前先至有人開門, 出面又冇冷氣, 熱死我囉....入到去只見到四個人, 包括同我一齊入黎既女會計irene, 主要教我入賬; 同埋男同事阿ben, 佢係負責採購部之類吧?; 仲有一男一女既老闆娘, 叫做甘生甘太, 佢地感覺比人好nice, 尤其係甘太成日都笑~
呢個就係我個位啦~有本藍色細簿仔係比我記底我係公司要做既野架!! irene就坐係我對面~
我個位既另一邊呢~係附近就係要用既會計文件, 但我冇影到=.="
irene教左我成三個鐘關於公司既會計入賬, 網上報關等等...我都一一用紙寫底, 而且太得閒到用頭先本藍色notesbook寫底毎個step, 好快終於到左食飯時間, 呢日我冇帶飯, 於是我哋三位同事叫外賣, 好在我問下佢地有邊間餐廳好食先知道樓下既餐廳食物唔太得, 唔係我就真係走左落去買...見到有個飯好正, 叫做[頭抽瑞士去骨雞飯], 但只限十五個!? 我同阿ben都想食, 快d去叫先得~
頭抽瑞士去骨雞飯~其實呢個飯有少少貴, 都要成二十八元, 但個樣都唔錯, 而且都幾好食. 當然仲要多謝阿ben請我食^^
阿ben一直冇收我錢, 佢話請新同事食飯, 於是也唔收irene果份錢, 可以食免費午餐, 好野!! 之後irene講起佢係新同事時, 阿ben冇同佢講野, 但ben又同我講好多野喎...xd
食完飯之後唔係太多野做, 只係不停睇返今朝所學既野及文件, 仲有成個鐘先放工, 於是同irene傾計, 先知道佢都係讀hku space既advanced diploma, 而且仲係我師姐!!!終於放工啦, 要搵巴士站返屋企, 睇黎巴士站唔太遠, 不過車程就好遠啦, 要成個鐘, 好在我拎左報紙, 係車上睇先唔太悶, 但諗起毎天都要搭咁耐車真係有d驚...但總括黎講係開心及輕鬆既^^
時間過得真快, 聽日要返工啦! 就好似幼稚園, 小學或中學般, 有種放完暑假既感覺.....不過又有d唔同既係, 返學可以再見朋友仔, 同佢地一齊唱k及睇漫畫, 而返新工就冇左呢種感覺, 即將遇到未知既事及認識新既唔知咩人, 有少少不安, 希望果度既老闆又好, 同事又好, 同埋工種又好啦~果間公司好似做得好舒服咁, 如果真係就好呢~
回想起呢兩個月所發生既事, 覺得好似過得好漫長, 過左好耐咁, 有接蕃薯媽出院, 同蕃薯及佢媽媽食飯, 同蕃薯吵架, 上fashion堂, 自己過生日(及同菜菜), 見菜菜bb, 聚舊, 搵工....真係經歷左好多, 有開心, 有唔開心, 辛苦到冇錢使既日子, 覺得好似經歷左好多, 自己有冇得著呢? 都有既~
1) 連續兩個月冇錢使, 只係比家用屋企人, 自己連件衫都冇好好咁買, 差d仲要賣股票度日, 係呢個時刻, 先知道錢既重要性! 人真係唔好同錢鬥氣呢, 冇錢真係好辛苦><
2) 兩個月不停地send cv搵工, 全個七月真係冇得in, 全部都冇下文; 到了八月, 好d啦, 起碼有工見下, 但請請唔請自己又係另一回事, 不停地哂車錢, 時間, 而且仲要比人串我成績, 真係好苦! 所以當自己有份工時, 除非個boss或同事好難頂, 唔係點都要珍惜份工啊!!
3) 不過見工都有樣好處, 就係可以去自己好少去/ 未去過既地方, 邊聽住歌邊行, 累了就休息, 食野, 都真係幾自由及寫意, 如果我有錢既話, 過呢d生活都唔錯, 係我一直嚮往既生活~
4) 因為蕃薯影婚紗相既事同蕃薯吵架, 覺得自己真係好唔成熟, 好幼稚, 佢只係工作性質, 又或者係因朋友委託先至幫手, 點解仲要嬲佢, 講唔好聽既說話激佢.....希望自己係感情上變得成熟, 可以企係蕃薯既角度諗下佢, 也用少少既佛家思想, 令到自己平靜, 同埋至緊要唔好胡思亂想, 同蕃薯一直開心落去啦^^
5) 蕃薯發脾氣話block左我, 我真係好驚再見唔到佢, 仲為驚見唔到佢而唔開心, 睇黎都係幾like佢呢...真係死得!!
6) 放假期間同我個姪仔及陽陽玩, 覺得bb好可愛, 不過只係玩好啦, 我真係唔敢生. 不過我連男友都冇, 放心, 呢樣野唔會係我身上發生~
聽日就要返工囉, 都係快d休息, 快d訓啦!! 要成六點幾起身, 之後仲要搵巴士站搭巴士返工, 真正的苦難開始囉=.="
今日又係咁多事發生, 有時覺得一日只有二十四小時跟本唔夠, 唔知上天有冇考慮要延長毎天既時間呢? 不過對打工仔黎講, 就千萬唔好了!!
*****見工*****
其實我而家已經有份工啦, 係呢個星期四返, 但因為呢間公司個阿head李小姐好好人咁, 即刻同我講2nd in既時間及日子, 所以都係決定去in吧! 但個心情好明顯有d唔同, 之前就因為見工都未必請我, 有d擔心見工情況唔好, 但而家不用太擔心, 可能係已經有左個後盾. 不過無論有冇工都好, 只要盡力去見工就得, 其餘唔使諗太多!!
上個星期四黎, 明明係個婚紗展, 但而家已經唔同哂, 係個青年文化展. 好在係上星期有為各套婚紗留倩影, 也令我明白到要把握機會的道理~好啦, 而家比大家睇下少少既文化氣息啦, 包括一個毛筆字展覽及其他物品~
小學生既毛筆書法~久違了的九宮格...我記得呢個係我最討厭做既功課之一...
中一至中五既作品~好似我果陣都冇佢地寫d字咁靚.....
公開組既冠軍~果然係唔同d!!
公開組既亞軍~d字都幾端正, 唔錯喎~
公開組既季軍~d字都幾得意(用黎形容d字)喎~
睇完書法比賽各個組別(小學, 中一至中五, 中七及公開組)既作品後, 去到商場既上層, 見到有好多小學生畫既畫, 之後貼左係枱及椅子上, 都幾得意架^^
本身d枱及椅子都幾七彩繽紛, 再加埋d畫, 覺得好sharp啊!!
呢個係八角形既枱子~
半月形既椅子~
*****半完成的theme board*****
見完工之後, 都冇咩特別野發生, 最多都係叫我等消息果隻, 不過我都習慣左~之後就去買我做theme board既材料, 好在要買既材料唔太多, 也唔太貴, 係途中見到一個心型既銀色盒, 唔知點解突然諗到好想送比蕃薯先生~
只係兩束假既rose, 一張黑色既硬卡紙, 一張雪點紗網, 一張紅既硬卡紙(細), 同埋兩張深淺綠色既紙~
個theme board既初形~其中一個粉紅rose會擺係角落頭, 之後整不同顏色既樹葉, 真係逐特樹葉慢慢整及剪架!! 仲有個主題名既紅色板及rose, 仲有d材料要聽日買, 整住先啦~至於d相唔係用呢d, 只係用黎度位用, 而係用下面呢幾張相~
就係呢六張相啦~究竟會擦出d咩火花呢??聽日一定要記得哂相先得, 唔係做唔到功課><
為左打破我同蕃薯既彊局, 我諗起今日見到個銀色盒及佢就黎生日, 於是我問佢, 送個銀色盒比你做生日禮物怪唔怪, 因我未送過生日禮物比男仔, 所以咪問下佢, 點知佢話唔奇怪, 而且仲好似好開心咁伸哂利話多謝我都黎唔切, 仲話自己差d唔記得左自己個生日, 睇黎佢真係好忙喎....
*****完成我的sketch*****
今日一於足不出戶, 起碼都要完成份sketch!! 今日畫左大半個早上, 終於完成了三幅婚紗既sketch, 計埋之前果一張, 阿sir要我哋畫既四件衫已經完成, 做左三分之一啦. 但我都仲未可以鬆一口氣, 仲有好多野未畫=.="
其實呢一套我個人都幾like, 除左袖口既半邊精靈翼之外, 仲有佢用羽毛做既短裙及簿紗做既一層層裙尾~
另一款婚紗, 全條裙用羽毛做, 感覺上比較輕d, 同樣都係用左粉紅rose~
最後一款婚紗, 同樣以簿紗為主, 也係帶出輕盈既感覺~
其實呢幾張sketch雖然叫畫好, 但大家唔知有冇發現, 點解佢地冇頭紗呢? 冇錯, 其實係未完全完成, 除左頭紗外, 綁係佢地腳上既精靈圈, 其他配件係不可欠缺既物品, 只係我仲未畫. 其實我想係完成個theme board之後先再加返上去~
*****同蕃薯吵架*****
另一邊存在住我同蕃薯既故事, 話說係我搵婚紗資料時, 我突然諗起蕃薯係呢個星期六同其他女仔影婚紗相, 自己覺得好心痛, 唔想佢影~
[你話pre-wedding一個人影會好怪, 我覺得要係真正既一對戀人影先至好睇, 如果只係為左影相, 始終感覺差d, d相只會變得徒具形式, 冇真正既內涵], 起初我覺得講呢幾句野表示我對結婚相既價值觀之外, 當然唔想佢地兩個影....
[我哋好pro架, 雖然唔係情人, 但都可以交到貨架...xd], 聽佢咁講, 都知道自己一定唔可以阻止佢, 而且見到佢又答得好開心, 於是我唔知點解就嬲起黎, 之後講話咩放長雙眼睇佢地影得有幾pro, 如果係我面前係示威, 表示我冇得影婚紗相既話, 你已經做得到之類, 真係唔知自己講咩, 蕃薯一句好無聊, 更把我既心情推至谷底, 佢也好嬲, 表示唔好傾, 之後大家越來越嬲, 我又話咩女既就發姣, 男既就貪人靚女, 佢嬲到話你真係好討厭, 我會封鎖你!! 之後再唔知係咪block左我, 我突然回首起來, 諗起唔想同佢斷絕關係, 我不停地哭, 哭著打電話比佢兩次, 但冇人聽, sms比佢同佢認錯, 佢先回返個sms比我話比佢靜下, 我只求佢唔好block我, 最多我唔再煩佢, 好在佢最後都冇block我, 但希望佢唔好聽我段電話錄音, 因我講左段自己都覺得有少少肉麻既說話....
佢on返之後, 我也say sorry, 但佢一句都冇回覆我, 只係講左句[我心情好差!!], 唔知我係咪又令佢心情差呢??
菜菜約左一d舊朋友去聚舊外, 順便可以見一下陽陽, 目的地呢....咁當然係比較近菜菜既樂富啦, 就佢帶bb黎麻....XD
大約三點約左係樂富地鐵站等, 原來不但約左菜菜, 而且仲約埋liz及嘉華^^而菜菜一早打左電話比我話佢會遲d先到, 不過冇所謂啦, 媽媽大哂~我哋三個以為佢會手推bb車黎, 仲係lift等, 點知原來佢抱住陽陽搭的士黎, 佢第一句話[搭的士唔使錢]. 吓!? 咁好? 原來係佢只有100元紙, 個司機竟然話冇得找, 也可能係見到菜菜抱住個bb, 費時要佢找吧!? 不過唔緊要啦, 只要你平安到黎聚舊就得^^
去到係吉之島附近既cafe, 見到我唔認識既兩位女仔, 好似叫shirley及carman吧!? 哈哈~好在都記得佢地個名~我哋一見到陽陽好開心, 大家都逗佢玩, 差點忘記了叫食物.....我唔記得帶相機, 好在菜菜借佢部相機比我影, 謝謝!
其中一個套餐, 叫做沙爹牛肉意粉, 少少spicy,都幾醒胃, 唔錯^^
嘉華叫既點心拚盆~個洋蔥圈及薯脆都幾好食, 不過排骨差少少, 淡而冇味=.="
我叫既什腸pizza, 好好食啊, 個pizza又脆, 仲有我至like既腸仔~而且我也負責切開一小塊比大家分享^^
唔知係咪cafe比較嘈呢? 陽陽訓左十五分鐘之後就醒左, 之後冇再訓啦....見佢都鍾意笑咁喎, 好鬼得意, 我同佢玩也覺得好開心, 我比自己手指佢捉住啊~後來寶妮趕過來見陽陽, 而且仲同佢玩~但佢又唔捉寶妮, 可能只係因為佢見過我一次o者. 我哋食完野之後, 到bb肚餓啦, 菜菜係袋裡拎支奶出黎, 陽陽都好[侯擒]咁飲, 飲到成日族親><放心啦, 支奶唔會走左去架~ 玩陽陽大約兩小時, 我哋都要返屋企囉, 大家先影返張合照先啦^^ 
唉啊~都話左唔想最前架啦!! 顯得我好肥及醜樣....XD
聚舊及見完BB後, 我要返屋企趕住做我份fashion功課啦, 仲有sketch, illustration及theme board都未做好, 今次真係好難囉!!><""
又係上fashion堂囉, 哈哈~本來要帶水彩, 但我比較窮困, 而且我哋屋企都冇人用, 所以係一盒水彩都冇, 似乎有d失敗呢.....阿sir即堂示範比我哋睇水彩技巧, 果然係專業級, 雖然佢話自己水彩唔係太叻, 但畫出黎真係好靚, 我冇影底果然係失敗呢....
水彩示範完後, 佢問有冇同學比返用木顏色筆上色既公仔, 即係之前話抄時裝雜誌畫果張, 我拿拿聲走出去比阿sir睇(使唔使咁急啊!?), 就係以下呢張~~
阿sir最後比我既評語係: 件衫可以表現到質地, 光暗位都ok, 只係頭髮唔夠黑及膚色太過黃啦, 不過都畫得幾好既~
哈哈~真係開心到暈左!! 估唔到比阿sir提點之後, 自己上色技巧進步左咁多~~於是我拎埋份project比佢睇, 因我要畫婚紗, 我要畫埋透明及喱士部分, 但我又唔識畫, 於是咪問埋阿sir點畫, 原來喱士只係用銀色筆輕力畫邊就可以, 至於透明布料就麻煩d, 要用水彩再係原稿上再上色, 可以學到好多上色技巧, 多謝你^^