今日係law堂, miss比返之前抽八位同學交既份功課, 我好緊張呢, 到底我有幾多分呢? 呢份功課滿分係十分, 我都希望自己拿到六至七分, 但最後只係得五點三分!? 我當時真係好唔開心, 同我目標分數差好遠呢....後來睇左我另一位朋友及其他人既分數, 毎人都同我差唔多, 似乎五點三分已經係最高分...但我都仍然唔開心, 我唔希望只係剛剛合格....
後來我先知道, 有人已經讀左呢科兩次, 但同我份功課係完全一樣分, 而且自己也係班中年紀差唔多最細(唔知點解同我一班讀書既人都起碼三十幾歲, 所以永遠都比人當係妹妹仔=.="). 佢哋拿既分數同自己一樣, 而我姑姐講話起初咩都唔識, 有呢個分數已經好好, 自己仲去強求什麼? 其實係班中已經好叻啦....好多好多安慰既說話, 但我始終都唔太開心, 因我驚有其中一樣野影響我拿唔到丁, 我都知自己太固執, 但又想拿丁, 自己真係矛盾呢=.="
功課首頁既評分表: 一共有五欄係分數, 分別係excellent, good, average, marginal及inadequete. 我英文grammer, 格式及結構係good; 內容只係average及marginal, 可能係內容令我太低分....law真係好難讀呢...
其中一頁功課~影得唔太清楚呢, 比miss改得太多, 佢好捉grammer錯><" 
miss比左好多comment我份功課度, 其他人都冇咁多評語~其實做功課最想要就係多d評語, 所以我都幾開心既^^
後兩頁佢改左好少好grammer, 而且仲有多評語呢~有d唔相信份功課係自己做....
雖然呢次唔係太高分, 但仲有第二次既tutorial, 同埋有個2000-2500字既written assignment及final exam, 睇黎我仲要努力囉^^
welcome to my world...
My model life since Nov 09~
My sweet life w/ bf joejoe since Dec 09^^
自從覺得返學之後, 開始覺得個人變得積極及開心左好多, 仲少左好多胡思亂想. 應該話功課及溫書太忙, 邊有時間去諗其他無聊野! 係工作上我積極左好多, 少左好多做錯野, 樣樣事都更小心; 學業上我毎個星期都要做功課, 其實我哋功課呢, law就毎堂抽八位同學交功課, 而我已經係上堂抽左出黎交功課, 呢次應該唔使交; 至於accounting, 就限定左交三份功課. 不過交唔交都好, 我都會好比心機做好功課, 想學多d野麻~
如果問我以前及而家讀書既心態有咩唔同, 我覺得係完全唔同, 以前只顧公開考試及校內考試而讀, 只要拿到合格就可以, 有好成績就只係當bonus; 但而家唔係計較成績(其實都想拿丁, 應該話拿到就好), 但拿唔到都唔緊要, 最緊要係學到野~所以我毎堂返屋企都會先溫習教左既科目, 之後就做功課, 覺得即使有星期六日都唔夠用呢.....大學生果然係辛苦, 尤其係半工讀><"
law既notes, 下面仲有兩本law既書, 兩本分別都有兩吋及三吋file咁厚=.="notes真係law既書印落黎, d英文鬼死咁深=.="
account既書及notes~兩科accounting都用呢本書架><
本書都幾厚下~我一直心諗住, 如果ive班同學話我既話, 我一定會用呢本書打佢哋...xd
雖然好忙, 但毎天好充實及開心, 仲有享受讀書既樂趣^^但我幾時開始鍾意讀書呢? 咁真係唔知道囉....
1) 今日老闆娘突然話自己冇日元去日本公幹, 整到我要特登去上環幫佢拿錢, 成百四萬日元, 大約為港幣十一萬幾, 都咪話唔驚><"返到公司仲要話我咁耐, 來回都要成個鐘啦, 唔好玩... 
上環路過既景色~
2) 今日我妹妹放學之後拿左d好可愛既野我睇~係一d以蛋糕做主題既擺設. 連我呢個唔係太好擺設既人都覺得好得意啊~
我個人比較like呢個蛋糕多d, 可能係有我至鍾意既兔仔吧!?
我妹妹就like呢間屋多d~計我話兩間屋都靚^^
3) 希望自己唔再諗感情事, 毎日都過得開開心心. 同時也多謝咁多位關心我既朋友及同事, 佢哋對於我既感情事都好關心及鄧我開心~尤其係菜菜, percy, mooji及kiki, 多謝你哋^^
4) 近排沉迷於玩fb既pet society, 我隻兔兔kumimi終於有過十萬既經驗值, 好鬼死開心>3<
成日都走去抱公仔=.="不過都恭喜你既^^
剛裝修好既廚房part 1~我至like個杯櫃, 足足花左我三日儲錢先買齊所有唔同顏色既杯~
剛裝修好既廚房part 2~影完相先發覺兩個廚櫃分開左, 其實佢哋係一齊架><
仲有四間房努力儲錢裝修緊~要好好儲錢裝修下佢間屋先, 哈哈~
今日早上有個係澳州黎既阿sir會教我哋law, 要上成六個鐘, 都咪話唔難頂....一早九點要去到炮台山上堂, 要比返工更加早起身返工, 真係好難受, 而且仲遲到左五分鐘!? 平時準時既我竟然遲到啊=.="
好在都仲可以坐到前兩排, 因我覺得咁會留心聽書, 唔會咁易睡覺. 阿sir都幾風趣, 講好多好多題外話, 但也學習唔少有關trust既法律知識, 而自己又唔太討厭. 但聽左好耐書始終都係有d悶....期間有差唔多成個鐘既break, 自己一個無聊地係課室出面行行及影相~
今日上堂既課室門口~出面有多圓形枱及椅子
課室出面既報名中心~
休息完後再次返到課室, 阿sir講解law既case, 毎條law問題既答案就係呢度, 但我又炒唔切, 於是拿部相機出黎影相, 點知比阿sir見到, 原來佢唔比人影相, 不過佢冇咩點鬧. 而且佢仲貪得意拿部相機出黎影相, 而且仲影埋我, 話係[good picture], 而我也拿部相機出黎影返佢....xd
law毎條問題既答案~
佢就係教我哋個外國阿sir, 都ok靚仔架~估唔到佢仲望住鏡頭比你影相^^
總算開開心心咁上完堂, 那時已經三點到. 我同埋剛剛認識既朋友仔joanne一齊放學, 原來佢都係同我一樣都係今年第一個sem開始讀呢個course, 睇黎我哋都仲有排讀呢....我哋互相交換左電話號碼, 第時大家都可以互相幫助麻~睇黎今日都幾開心^^
我只係相信自己的感覺及了解自己既感情, 同佢一齊我覺得好幸福及開心, 大家雖然冇強調大家係情侶, 但彼此鍾意, 及重視對方, 一年之間經歷好多, 知道對方對自己重要. 也多謝朋友關心, 但希望大家比呢段感情發展, 好嗎?
今日同蕃薯msn, 傾到佢上pm堂時既苦惱, 不過唔怕既. 我相信你可以克服呢個難關. 就算同你上堂我都未必可以幫到你, 其實只係想見你多, 我哋已經兩個星期冇見面....到最後我都冇上到堂, 只係屋企內溫書, 有law及account, 呢個星期真係充實...
點知佢突然sms比我, 話佢放學去剪頭髮, 我話好想去睇下佢個新look及同佢去剪髮, 佢話自己一個去會好d, 話剪髮好奇怪, 但係佢之後竟然約我剪完頭髮之後去食飯!?仲話開始剪髮時會話我知. 好開心呢~佢竟...竟然約我, 我開心到連溫書都唔想溫, 一直等佢通知, 真係好衰啊=.="
佢放左學之後, 開始sms叫我準備好, 仲全程問我出門口未, 到左tm未, 哈哈~連我都開始心急起黎, 我開開心心咁打扮自己, 講真自從冇見佢, 我都一直冇咩打扮, 可能呢d就叫做悅己者容. 最後都打扮得都算好啦, 唔知點解最近無論最近衣著比較lady, 當然包括見我鍾意既佢都係啦....諗起一陣見佢都開心~
化妝打扮左咁耐, 一於影下張相先~但冇較到白平衡, 難得個pose同景都夾>< 
再係屋企樓下影返張相先~白平衡都ok, 但又冇頭先果張個pose咁好, 激死人呢><" 終於去到tm, 佢都未剪完頭髮, 於是叫我先去佢屋企, 當我上到佢屋企時, 佢竟然打電話比我, 問我係邊度, 佢話想係樓下睇下撞唔撞到我, 之後同佢一齊去佢屋企. 你咁遲先講架, 我已經上左去啦~好在你冇幾耐都黎到屋企, 見到你個新look都幾型~可惜既係我掛住睇你用webcam玩自拍, 唔記得左影你....叫你比張相我, 你又唔比. 好可惜及激氣!! 之後佢話買左部新相機, 仲不停地影我, 唔知點解毎次比佢影我時, 都影得我靚d既~但佢永遠都係一個原則 就係影完相唔比返我 你趁你媽媽唔係度時飲緊綠色野, 我好奇睇下係咩黎, 之後你飲緊時叫我張開個口, 竟然用口比我飲!?(面紅) 哇～你真係頑皮啊><"最後發現原來係青平果汁=.=" 我哋三人一齊去搵地方食晚餐, 搵左幾間都唔知食咩, 最後都係去返上次同tracy佢哋食果間打邊爐, 打邊爐時佢又夾下野食比我, 我又夾返比佢, 自己覺得好sweet啊><
打完邊爐之後去左佢屋企坐陣, 之後佢送我去搭車, 唔好意思, 應該話只係送左我三分之二路程, 不過都好, 已經好耐冇試過. 對上一次已經係上年十二月我哋拍拖時, 估唔到佢又送我搭車, 我真係好開心呢~行到lift口及半路, 佢又攬住我呢, 我哋互相鍚大家及攬得緊緊, 感覺上同之前有d唔同, 呢次我覺得自己唔願意放手, 而且比以前更加開心及sweet, 好想一直都係咁, 可以毎天見面, 坐在佢床頭同佢傾計,如果可以咁就好啦~
最衰我今日要返學, 整到我唔可以同佢慶祝, 該死既會計堂!!! 上次已經令我唔可以去睇蕃薯影朋友結婚相, 今次竟然冇得慶祝姪仔生日, 好激氣!! 不過話事話, 時間話咁快就過, 姪仔終於一歲囉~生日快樂^^
好在叫左的爸爸及我姑姐幫我影左D相返黎, 自己有得睇下都好呢~
姪仔既生日蛋糕~勁好味!! 唔知係咪上星期五食得太多, 整到自己唔係食太多>< 
姪仔既生日禮物~史迪仔既衫仔, 好得意呢~兩隻耳仔係行果陣郁下郁下架^^
姪仔玩住件玩具咁好!?
兩父子少有既合照啊~
一家人既合照啊~絕對少有!! 不過點解影到姪仔卒眼既?
我返到屋企時, 見到只係剩下八分之一件蛋糕, 同埋....呢兩粒士多啤梨!? 不過我只可以食得一粒=.="
今日要去我姑姐屋企拿的上堂要用既書本, 終於可以出街啦~唔使係屋企咁悶, 加上仲有阿爸車, 唔通唔出去咩, 哈哈~
阿爸架車時沿途經過好多地方, 而我就好似大鄉里出城, 周圍望及影相. 我好鍾意車上睇既毎一個景色呢~車上的毎一個風景好快惊過, 毎個地方像不同的風景畫一樣, 真係好正!!
在青馬大橋下既風景~
葵涌貨櫃碼頭~不過影得好blur啊=.="
黃大仙附近既景色~
開始接近我姑姐屋企~鳳凰村街口~
終於到左姑姐家, 除左上去拿書外, 我仲可以參觀下佢最近同六叔裝修既屋企. 一入到屋內, 覺得真係好大之外, 而且仲好靚呢^^
新裝修既客廳~也係全間屋之中最鍾意既部分, 尤其係張梳化^^
六叔既房間~其實只係油左藍色牆及裝左個大電視. 哈哈~if 文迪及菜菜係度一定好鍾意~
另一邊既飯廳~我都覺得幾靚既~不過食飯枱部大電視就....食飯咁近睇電視好似怪怪地..
參觀完屋企之後要返屋企溫書, 真係無隱呢...難得天氣咁好.....大家又冇on到, 好鬼悶, 蕃薯又去影相, 佢影完相竟然sms話我知, 我仲要兩個鍾之後先知! 之後佢比左張琴日影既結婚相我睇~
係港大影既婚紗相~真係好靚呢! 我仲同佢講話第時我結婚一定會係港大影相, 佢嚇到冇聲出呢! 當然啦, 我突然咁講, 希望我第時個老公係好好靚仔, 不過至緊要佢對我好及真正愛我, 願意同我係埋一齊就好^^但我強調一點既係, 我老公一定, 絕對冇可能係蕃薯囉!!!
第一堂既會計堂, 原本係剛過左既星期一上堂, 但因阿sir有事改左今日, 而且仲去到炮台山咁遠...加上今日蕃薯及波特去影朋友既結婚相, 如果我唔使返學就好啦, 可以同埋佢哋一齊去影><"其實蕃薯知我要返學之後, 已經問我幾時放學, 我要放五點鐘, 佢話可能已經影完, 要等一下次....真係可憐呢...本來想睇佢哋影相及食飯, 但佢竟然講左句[不如我哋下次去食飯lo], 都唔知我哋係咪指同波特佢哋一齊去, 唔知係咪真架, 都係聽住先.....
去到荃灣地鐵站時, 見到個婆婆好可憐地拿住好多糖去賣, 係幫樂善堂賣既, 成二十元一盒. 可能係我自己唔忍心見到佢行黎行去冇人買糖, 見佢好可憐就同情佢買左盒糖. 自己係咪轉死性!? 咁貴一盒糖都買.... 
個盒都幾得意~入面有一包糖, 及海皇粥coupon一張, 同埋稻香兩張coupon!!
大頭蝦既我唔知課室係邊, 好在有姑姐幫手先知. 最後終於到左上堂地點. 係個懷念既地方, 係我同姑姐一齊讀書時既地方, 估唔到而家都冇咩變^^我最早果個到, 可以影返d相啦~
課室門口~
課室前部分, 我就係坐係阿sir張枱第二行, 近走廊個位~
課室後排座位, 都可以坐到幾多人架^^
終於落堂, 阿sir把notes擺係desktop度比人抄走, 好在自己有帶手指, 呵呵~之後即刻sms比蕃薯, 問佢哋影相影成點, 自己想去睇影結婚相, 同埋想見佢一面, 點知我到左荃灣先打電話比我, 真係激死我!! 我都已經冇理佢, 自己做好功課及溫書. 成十一點幾先sms比我話影完相, 我都冇佢咁好氣, 自己做完law功課之後就訓左...
今日係老闆娘生日, 佢個工人一早拿住兩個大蛋糕上黎公司, 其實我哋都係今日先知道佢今日生日呢...d衰同事話我一早已經係老闆娘既文件之中得知佢生日日期, 話我唔講出黎, 我先冇你哋咁八掛, 走去得登睇人哋及記人哋既野呢....
一個蛋糕由老闆娘個爸爸送, 係個三磅既蛋糕, 一個係工人送既, 仲有張好靚既生日卡, 真係有心思呢. 可惜我哋冇人送野比老闆娘, 老闆娘只係叫我哋食蛋糕就得~
老闆娘既生日蛋糕~左手邊係工人送, 右手邊係老闆娘爸爸送既^^
老闆娘先許個願先啦~綠色衫果個係我, 阿珍及kiki唔鍾意既同事, 佢好八掛, 好多口果個>< 
終於切蛋糕啦, 唔知許左個咩願呢?
食完蛋糕之後收左花, 起初大家都以為係老闆娘個老公比佢, 點知原來竟然係個保險經紀, 佢都少少失望, 打電話比個經紀之外, 也講佢對自己個老公失望, 冇送花比佢. 點知轉個頭又收到花, 呢次真係佢老公送比佢, 張卡仲寫左老婆收, 內容更寫生日快樂, 我愛你! 真係肉麻呢~但我都希望自己個老公可以都咁樣就好^^
左面係經理人送, 右面就係老闆娘老公送既~
之後又有多個老闆娘既朋友叫做shirley送蛋糕比老闆娘, 係個二磅既芝士蛋糕, 可惜用左第二部相機黎影相呢, 老闆娘把相放係fb內, 我delete左佢哋個account, 拿唔到就惟有返公司度拿返d相....遲d補返先得~
今日食得太多蛋糕, 仲要我拿埋返屋企比人食, 我只係見到蛋糕都怕, 好在屋企人把全部蛋糕食哂, 多謝你哋~
見到大家結婚後都有老公鍚, 好想結婚呢~今日剛見到又有人結婚擺酒, 影返張相先^^
原來鄧人開心果種感覺係咁開心, 全個人都輕鬆好多, 原來見到人地開心, 自己又開心, 果種感覺咁幸福既^U^
係近呢幾個月最近識左個男仔, 佢好明顯係細過我, 但佢既動作行為好得意啊~雖然佢係日本人, 根本冇機會見, 但有時見到佢d相已經開心啦^^
照日文譯音, 佢叫做朝倉呢~其實我比較鍾意開朗活潑既男仔^^
可惜我最近知道佢有女友呢, 真係有點兒失望....(我在失望個咩!?), 後來先知佢個女友叫做Kohana. 而家都有一直傾計, 佢都好好人, 有好多人同佢傾, 佢都只係同我一個人傾計, 真係開心呢~知佢最近同佢女友好開心就好, 同埋佢毎次都問我生活點樣, 傾既唔係太多, 但都已經開心呢~如果佢唔係日本人, 而且又大過我既話, 就可以同佢一齊呢~
弊啦! 剛剛先po左唔好胡亂係網上認識人拍拖, 而家又提網上男仔!? 不過唔緊要, 只要唔見面既話, 做chat fd都可以既, 況且佢住係日本京都, 都唔會有機會見面啦, 係嗎?
其實最近小女子好懶, if 有睇開我個blog既各位朋友都知我好少update個blog. 其實自己好想打, 但無奈之後又要返學, 工作及學業都鬼死咁忙, 但我的確比以前開心好多, 起碼再唔使因為蕃薯而哭, 哭左佢又唔知道, 就算知道佢也唔知點做, 當然我冇比佢知我為佢而哭既~總之而家努力博殺, 其實自己都幾開心架...xd
我最近上左個網, 見到相中個少女因為網上識男仔, 同佢地拍拖而染左性病, 希望個女仔及大家唔好介意我po呢段新聞係度, 其實我只係想警惕下自己, 唔好因為想認識男友而墮入陷阱....
覺得個女仔有勇敢呢~把自己既個人經驗寫係blog上同其他人分享, 希望大家可以堅強及小心, 真係偉大呢>< 段新聞係咁既: 互聯網發展一日千里，MSN 、Facebook等網上交友方式在新一代中大行其道，當中更有人與網友談戀愛。不過，有網絡作家提醒青少年網上交友要謹慎，更透露有女友在網上戀愛被騙感情，更染上性病。家計會 昨舉行了有關「青少年在網上交友，及和網友談戀愛」的講座，邀請了網絡作家鄧小琳任講者。鄧小琳曾先後患上卵巢癌 和肺癌，但她生性豁達樂觀，奮力對抗癌魔之餘，還建立網誌分享抗癌經驗，多年來吸引不少網民追看，因此結交了不少網友。
鄧小琳說，現今網上交友是很普遍的事，但必須謹慎。她有一位女性朋友，因輕信網友的花言巧語，結果被欺騙了感情，男方不單始亂終棄，更把性病傳 染給她。鄧小琳認為，應該多了解網友的為人才好與對方談戀愛，「不可因溝通了兩句便當認識了對方，應該認識多些對方的朋友，從第三者口中去了解網友的為 人，切忌主觀地去看待網友。」
另一位講者「互聯網專業協會」創辦人葛佩帆表示，網上戀愛比現實生活中的戀愛來得更震撼和激情，因為雙方都在這段感情中投入很多的幻想，想像對 方是如何完美，可是見面後往往發覺與期望有差距，繼而感到失望。她認為「知人口面不知心」，青少年網上結交朋友勿過於一廂情願。
自己越來越唔想做呢份工, 於是走左去job db, jobs market及recruit搵工, 有關會計既工果然少左好多, 真係冇得選擇, 全部都係要高學歷, 起碼dip以上, 同時又要工作經驗, 仲要係4年以上, 好在小女子呢兩樣都有哂, 又煩少d野既....唔知點解突然想搵關於核數既工作做, 於是就諗起會計師樓, 見到會計師樓都幾多工喎, 於是自己走左去apply左幾份...
先去recruit網站搵工~雖然有成六頁既工作, 但全部都係香港區既多, 地點太遠都係冇咩興趣, 只係搵到兩份=.="
之後去左jobs db度搵, 真係幾多工下, 有文員至管理層都有, 自己當然選擇文員, 又或者audit trainee啦~
最後去埋job market, 都幾多工既, 都係一樣只係搵左文員及audit trainee, 原來而家幾多會計師樓請人...梗係啦, 會計師樓做野辛苦到死, 以前都做到成隻積咁><"
前前後後都搵左十份到, 自己冇數啦, 總之唔係太多選擇. 而家只好寄望有人打電話比我, 叫我去面試, 希望有得去面試之餘, 仲可以請埋我, 咁我就可以離開呢個地獄囉~
今日見到波特係fb度tag左好多相比我, 諗起好多和ive同學仔既回憶, 原來呢一年真係發生左好多事, 都係開心既事最多, 也係自己人生中其中一個開心既時候^^其實自己如果讀到電腦既話, 真係唔捨得離開佢哋呢~如果可以以後都同佢哋開開心心就好啦~
有d相我係冇架, 今次可以拿返呢d相, 真係好開心啊, 呵呵~多謝波特^^
第一次上既英文最後一堂呢~睇我左擁右抱幾風騷^^
第一張全部同學既合照呢~大家都好like整人牛角喎=.="
顧名思義, 大家考完試之後鬆一下, 一齊去食飯先^^
和文迪, 波特及berry四個人一齊行花市, 自己仲買左支桃花, 也帶黎好多苦難, 所以今年冇買...
再和同學仔食飯~似乎大家幾鐘意去紅樹林, 又係同上次考完試一間餐廳><
今年係IVE既聖誕樹下影相~
同剛過去既學期既英文miss影既合照, 話說呢日考oral, 各同學考完oral之後都走哂, 只係剩下我哋幾個人=.="
全班同學都係葵芳食飯, 之後影左張合照, 都算齊人啦^^
再容許我再一次多謝波特, 佢把全部相擺係fb度比人拿, 毎個人拿的不但係相, 仲有係大家開心既回憶呢~諗起都開心^^